രുദ്രഭാവം : ഭാഗം 30
Jul 11, 2020, 09:37 IST
നോവൽ
എഴുത്തുകാരി: തമസാ
പൂ കെട്ടൽ ഒക്കെ കഴിഞ്ഞ രുദ്രൻ അത് കുട്ടയിൽ തന്നെ മടക്കി വെച്ചു….. മൂരി നിവർത്തി എഴുന്നേറ്റു….രുദ്രനെ നോക്കിക്കൊണ്ട് തന്നെ ഭാവ പതിയെ മുറ്റത്തേക്കിറങ്ങി… രാവിലെ മുതൽ ഓരോ പണി ചെയ്യുന്നത് നല്ല ക്ഷീണം ആയിരുന്നു.. ….
മുറ്റത്തെ കിണറ്റിൽ നിന്ന് നല്ല തണുത്ത വെള്ളം മുഖത്തേക്കൊഴിച്ച് കൈയും കാലും കഴുകി നേര്യതിന്റെ തുമ്പിൽ തുടച്ചു മുറിയിലേക്ക് ചെന്നപ്പോൾ രുദ്രൻ കിടന്നിരുന്നു…..
എല്ലാവർക്കും ക്ഷീണം ആണല്ലോ എന്നോർത്ത്കൊണ്ട് വാതിൽ അടച്ചിട്ട് അവളും കൂടെ കയറി കിടന്നു….
രുദ്രൻ അവൾക്ക് കിടക്കാനായി അരികിൽ സ്ഥലം നീക്കിവെച്ചിരുന്നു…. അവൻറെ കൈ മടക്കിൽ കിടന്ന് ഭാവയും രുദ്രനും മേൽക്കൂരയുടെ കഴുക്കോലുകൾ എണ്ണി….
