ആഇശ: ഭാഗം 7
Jul 12, 2020, 19:48 IST
നോവൽ
******
എഴുത്തുകാരൻ: Anush. A. Azeez
യുസുഫിന്റെ മരണം എനിക്ക് തന്നെ താങ്ങാൻ കഴിയുന്നതിന്റെ അപ്പുറം ആണ് .പ്രായമായ ഒരുമ്മ അടുത്ത് വന്ന് എന്നെ ചേർത്ത് പിടിച്ചു, മോൾക്ക് കുറച്ചു കഴിഞ്ഞകത്തോട്ട് കേറാം .വേറെയും മുതിർന്ന സ്ത്രീകൾ അടുത്തു വന്നു .
മോളിവിടിരിക്ക് എന്നും പറഞ്ഞ് അകത്തേക്ക് വെച്ച കാലുകൾ പതിയെ തിരികെ പടിയിറങ്ങി.
വീടിന്റെ സൈഡിൽ സ്ത്രീകൾ ഇരുന്ന ഭാഗത്ത് ഒരു കസേരയിൽ കൊണ്ടിരുത്തി .
എന്റെ ഏങ്ങലും കിതപ്പും കണ്ടിട്ടാവണം ആരൊക്കയോ എനിക്ക് വെള്ളം കൊണ്ടു തന്നു .
ആ വെള്ളത്തിൽ എന്റെ കണ്ണീർത്തുള്ളികളും വീണിരുന്നു .ബോഡി വീട്ടിനകത്തേക്ക് കൊണ്ടു പോകുന്നു .
