❤️ എന്റെ രാജകുമാരൻ ❤️ ഭാഗം 15
Jul 12, 2020, 15:17 IST
നോവൽ
******
എഴുത്തുകാരി: അഫീന
എന്റെ പടച്ചോനെ എന്തൊക്കെയാ ഈ ചെക്കൻ പറയണേ. വെറുതെ അവര്ടെ മുമ്പിൽ നാണം കെടുത്താനായിട്ട്. അവിടന്ന് ഓടി താഴെ ഇറങ്ങി.
പെട്ടെന്നാ ആരെയോ തട്ടിയത്.
” ഷാനുക്ക ” ” എവിടെ നോക്കിയാ നടക്കണേ. താൻ ഈ നേരത്ത് എവിടെ പോവേ ”
അപ്പോഴാ എന്റെ പിറകെ അജുക്ക ഓടി വന്നത്. ഷാനുക്കനെ കണ്ട് അജുക്ക എന്റെ അടുത്ത് വന്ന് നിന്നു.
” ഇവനെന്താ ഇവിടെ. ഓ അപ്പൊ ഇതാണല്ലേ ഇവിടെ പരിപാടി. കണ്ണികണ്ടോരെ ഒക്കെ വീട്ടില് കേറ്റൽ. നിന്നെ ഒഴിവാക്കിയതിൽ എനിക്ക് സങ്കടം ഉണ്ടായിരുന്നു. ഇപ്പൊ അത് ഇല്ല. ഇങ്ങനെ ഒരുത്തിയെ നേരത്തേ തന്നെ ഉപേക്ഷിച്ചത് നന്നായി. എന്തായാലും ഇത് ന്റെ വീട്ടില് നടക്കില്ല. വേറെ എവിടെ എങ്കിലും പൊക്കോണം ”
