രുദ്രഭാവം : ഭാഗം 40 – അവസാനിച്ചു
Jul 20, 2020, 23:47 IST
നോവൽ
എഴുത്തുകാരി: തമസാ
ആകാശത്തു നിഴൽ പോലെ കറുത്ത മേഘങ്ങൾ ഇടം പിടിച്ചു കൊണ്ടിരുന്നു…. ഭൂമിയുടെ മീതെ തണുപ്പ് കൊണ്ടൊരു പൊന്നാട വിരിച്ചു കൊണ്ട് മഴ നൂലുകൾ പെയ്തിറങ്ങി…
തന്റെ കിടാങ്ങളുടെ ജീവന്റെ നിലനിൽപിനാണെന്ന് അറിഞ്ഞിട്ടെന്നപോൽ ഭൂമി ആ മഴയെ തന്നിലെ ഓരോ അണുവിലേയ്ക്കും വരവേറ്റു……….
ആ മഴ, തന്റെ നനവ് താമരയിലയിൽ പറ്റിപ്പിടിച്ചിരുത്താൻ നോക്കിയിട്ടും പറ്റാതെ മൂന്ന് തുള്ളികളെ മാത്രം താമര ഇലയുടെ കുമ്പിളിൽ അവശേഷിപ്പിച്ചു കൊണ്ട് ഭൂമിയിലൂടെ ഒഴുകി ഒഴുകി മറഞ്ഞു…..
അവ യഥാക്രമം ഇറ്റിറ്റു മണ്ണിൽ വീണു….
മതി വരാതെ പെയ്ത മഴയിലെ ഉറവ പൊട്ടിയ കുളിരിൽ പുതു ജീവനുകൾ നാമ്പിട്ടു…
