പ്രിയനുരാഗം – ഭാഗം 15
Jul 26, 2020, 15:43 IST
നോവൽ
എഴുത്തുകാരി: ഐഷണി മഹാദേവ്
“മോള് പോയിട്ടുണ്ടോ എന്നിട്ട് ഇതുവരെ പറഞ്ഞില്ലല്ലോ ?!” സാവിത്രി ആശ്ചര്യത്തോടെ ചോദിച്ചു .
” ഞാൻ ബാംഗ്ലൂരിൽ നിന്ന് കോഴിക്കോട്ടേക്ക് വരുന്നതിനു മുമ്പ് ചുമ്മാ ഒന്ന് കറങ്ങാൻ ഇറങ്ങിയതാ അപ്പോൾ പാലക്കാട് ഒന്ന് പോവാം എന്ന് തോന്നി .
അച്ഛനും അമ്മയും പറഞ്ഞു കേട്ട അറിവേ ഉള്ളു അവിടെ .
വേറെ എങ്ങോട്ടും പോയില്ല ആ അമ്പലത്തിൽ മാത്രം പോയി തൊഴുതു വന്നു .
അവിടെ ആർക്കും എന്നെ അറിയില്ലല്ലോ അത് കൊണ്ട് തറവാട് ഒന്നും അന്വേഷിച്ചു ഞാൻ പോയില്ല .അമ്മക്ക് വല്യ ആഗ്രഹം ആയിരുന്നു ഒരിക്കൽ കൂടി അവിടെ പോവണം എന്ന് .