പ്രിയനുരാഗം – ഭാഗം 18 – NEW
Jul 29, 2020, 13:01 IST
നോവൽ
എഴുത്തുകാരി: ഐഷണി മഹാദേവ്
പ്രിയയുടെ ആ ഡയലോഗ് കേട്ട് എല്ലാവരും ചിരിച്ചു അവളുടെ കൂടെ നടന്നു . ഡിപ്പാർട്മെന്റ് വരാന്തയുടെ അടുത്ത് എത്തിയതും പ്രിയയും ശിവാനിയും ഒരു ഒഴിഞ്ഞ ക്ലാസ് റൂമിൽ കയറി . ഗൗതവും ഫ്രണ്ട്സും ആ വരാന്തയിൽ ക്ലാസ് റൂമിനു മുന്നിൽ നിന്നും കുറച്ചു മാറി നിന്നു .
കുറച്ചു നിമിഷങ്ങൾ കഴിഞ്ഞതും ജെനി തനിച്ചു ആ വരാന്തയിലൂടെ നടന്നു വന്നു . അത് കണ്ടു ഗൗതം പ്രിയയെ നോക്കിയതും പ്രിയ മനസിലായത് പോലെ കണ്ണ് ചിമ്മി കാണിച്ചു .
ഗൗതമിനെ വഴിയിൽ കണ്ടതും ജെനിയുടെ കണ്ണുകൾ വിടർന്നു . പ്രിയ അപ്പോഴക്കും അവളുടെ കൈ പിടിച്ചു വലിച്ചു ക്ലാസ് റൂമിനുള്ളിലേക്ക് കയറ്റി .
