മഴപോലെ : ഭാഗം 4
Jul 30, 2020, 08:40 IST
നോവൽ
****
എഴുത്തുകാരി: ശ്രീകുട്ടി
അവൻ നേരെ പോയത് വീട്ടിലേക്കായിരുന്നു. ” മംഗലത്ത് ”
എന്ന് സ്വർണലിപികളിൽ ബോർഡ് വച്ച വലിയ ഗേറ്റിന് മുന്നിലെത്തി അവൻ ഹോണടിച്ചു. പെട്ടന്ന് ഗേറ്റ് തുറക്കപ്പെട്ടു. ഗേറ്റ് കടന്ന് ബൈക്ക് അകത്തേക്ക് പാഞ്ഞു.
വലിയ മുറ്റം നിറയെ പലതരം ചെടികളും നിറയെ സ്വർണമത്സ്യങ്ങളുള്ള വലിയ കുളവുമെല്ലാം മംഗലത്ത് എന്ന ആ വലിയ വീടിന് കൂടുതൽ ഭംഗി നൽകിയിരുന്നു.
ബൈക്ക് പോർച്ചിൽ വച്ച് സിദ്ധാർഥ് അകത്തേക്ക് നടന്നു.
” കണ്ണൻ വന്നോ ലക്ഷ്മി? ”