സൂര്യതേജസ്സ് : ഭാഗം 11
Aug 2, 2020, 15:28 IST
നോവൽ
******
എഴുത്തുകാരി: ബിജി
ഹൃദയത്തിൽ ആഴത്തിൽ കത്തി കയറുന്നതു പോലെ സൂര്യൻ ഒന്നുലഞ്ഞു പിന്നെയും പിന്നെയും ഹൃദയത്തിലേക്ക് തുളച്ചുകയറുന്നു രക്‌തം കിനിയുന്നു കൊട്ടിയടച്ച വാതിലിനു നേരെ ഒന്നു നോക്കി അതി തീവ്രവേദനയോടെ വല്ലാതൊന്നു ചിരിച്ചു അപ്പോഴും ആ കണ്ണുകൾ നനഞ്ഞിരുന്നു….
കല്യാണി……. നീ……നിന്റെ ഹൃദയത്തിന്റെ വാതിലാണ് എന്റെ മുന്നിൽ കൊട്ടിയടച്ചതല്ലേ……
തെറ്റുകൾ എല്ലാം ഞാൻ ഏറ്റുവാങ്ങുന്നു….. ഇതെന്റെ വിധി…..
സൂര്യൻ സ്നേഹിച്ചവരൊക്കെ ശിക്ഷിച്ചിട്ടേയുള്ളു. നീയായിട്ടെന്തിന് കുറയ്ക്കണം ആ വാതിലിൽ നോക്കി എന്തൊക്കെയോ മനസ്സിനെ പറഞ്ഞു പഠിപ്പിച്ചു കൊണ്ടിരുന്നു. ആത്മനിന്ദയോടെ വ്രണിതനായവൻ പുറത്തേക്ക് നടന്നു.
