Mr. കടുവ : ഭാഗം 20
Aug 4, 2020, 11:21 IST
എഴുത്തുകാരി: കീർത്തി
രാവിലെ ഫോൺ ബെല്ലടിക്കുന്ന ശബ്ദം കേട്ടാണ് ചന്ദ്രു ഉറക്കമുണർന്നത്. സമയം നോക്കിയപ്പോൾ നാലര കഴിഞ്ഞിരിക്കുന്നു. ഫോണെടുക്കാൻ പോയതും അത് കട്ടായി. ഉടനെ തന്നെ വീണ്ടും ശബ്‌ദിച്ചു. ഇത്തവണ ചന്ദ്രു എടുത്തു നോക്കി.
“ഹലോ ” ന്ന് പറഞ്ഞത് മാത്രമേ അവന് ഓര്മയുള്ളൂ. വല്ലാത്തൊരു എക്സ്പ്രഷനോട് കൂടി അവനാ ഫോൺ ചെവിയിൽ നിന്നും വിട്ടുപിടിച്ചു. കുറച്ചു നേരം കഴിഞ്ഞു സംശയിച്ചു സംശയിച്ചു വീണ്ടും അത് ചെവിയിലേക്ക് വെച്ചു. മറുവശത്ത് നിന്നുള്ള ആ മഹത്‌വചനങ്ങളുടെ ഒഴുക്ക് നിലച്ചിരുന്നു.
“ഹരി… സോറി ടാ. ഉറങ്ങിപ്പോയി. ”
“പോടാ പുല്ലേ. രാവിലെ നാലു മണിക്ക് സ്കൂളിൽ എത്തിയില്ലെങ്കിൽ ഞങ്ങളുടെ എവിടെയോ തോട്ട വെച്ച് പൊട്ടിക്കും ന്ന് പറഞ്ഞിട്ട് പോയവൻ…. ഉറങ്ങിപ്പോയി പോലും. ”
