താദാത്മ്യം : ഭാഗം 1
Aug 22, 2020, 14:52 IST
നോവൽ
എഴുത്തുകാരി: മാലിനി വാരിയർ
“മണി എട്ട് കഴിഞ്ഞു.മതി ഉറങ്ങിയത്.. നീ എഴുന്നേൽക്കുന്നുണ്ടോ..”
ശോഭ വാശിയോടെ ഫാനിന്റെ സ്വിച്ച് ഓഫാക്കി.
“അമ്മേ പ്ലീസ്.. ഫാൻ ഓണക്കിയെ..”
മിഥുന കിണുങ്ങിക്കൊണ്ട് കട്ടിലിന്മേൽ എഴുന്നേറ്റു ഇരുന്നു.. നെറ്റിയിലേക്ക് വീണുകിടക്കുന്ന മുടിയിഴകൾ മെല്ലെ ചെവിക്ക് പിന്നിലേക്ക് വകഞ്ഞു മാറ്റി.
“ദിസ്‌ ഈസ്‌ നോട്ട് ഫെയർ മ്മാ…”
അവൾ ചുണ്ടുകൾ വിടർത്തികൊണ്ട് കൊഞ്ചി.
“ഇപ്പൊ നീ എഴുന്നേറ്റ് വരുന്നുണ്ടോ?
വേഗം പോയി പല്ല് തേച്ചു വന്നാൽ കാപ്പി തരാം..അല്ലേൽ എന്റെ മോളിന്ന് പച്ചവെള്ളം കുടിക്കില്ല..”
