അഖിലൻ : ഭാഗം 24
Sep 1, 2020, 10:00 IST
നോവൽ
എഴുത്തുകാരി: ഭദ്ര ആലില
ശാരി കതകിൽ തട്ടി വിളിക്കുന്നുണ്ട്. പക്ഷേ എഴുന്നേൽക്കാൻ വയ്യ. എന്റെ മുന്നിൽ അപ്പോൾ സാർ ഉണ്ടായിരുന്നില്ല പകരം ചുറ്റും തുള്ളികളായി തെറിച്ച എന്റെ രക്തം ആയിരുന്നു. മങ്ങിയ കാഴ്ചയിൽ കതക് പൊളിഞ്ഞു വീഴുന്നത് ഞാൻ കണ്ടു.
കണ്ണ് തുറന്നപ്പോൾ ഹോസ്പിറ്റലിൽ ആണെന്നു മനസിലായി. പല വിധ മരുന്നുകളുടെ ഗന്ധംത്തിനു ഒപ്പം ആരുടെയോ തേങ്ങി കരച്ചിൽ. എന്റെ കട്ടിലിൽ തല ചായ്ച്ചു കിടക്കുകയാണ് ശാരി.
ശാരിമോളെ…
കരഞ്ഞു കലങ്ങിയ കണ്ണുകൾ.. പാറി പറന്ന മുടി.അവൾ ഉറങ്ങിയിട്ടുണ്ടാകില്ല ഇന്നലെ.
ഹോസ്പിറ്റലിൽ വരുമ്പോൾ എങ്കിലും കുളിച്ചിട്ടു വന്നൂടെ നിനക്ക്.
