പ്രണയം : ഭാഗം 7
എഴുത്തുകാരി: അതുല്യ കെ.എസ്‌
“ആരാ ഗീതു അത് ?” “അത്……… അത്……. അത് എന്റെ ഫ്രണ്ട് ആണ്.” “നിങ്ങളുടെ സംസാരം കേട്ടിട്ട് നിങ്ങൾ ഫ്രണ്ട്‌സ് ആണെന്ന് തോന്നുന്നില്ലല്ലോ.. ?” “അതൊക്കെ പിന്നെ പറയാം……. നമുക്ക് ഇപ്പൊ പോകാം.. പിന്നെ ഇപ്പോൾ ഇവിടെ നടന്ന കാര്യങ്ങൾ ഒന്നും ആരോടും പറയരുത്.. ” ” മ്മ് …………..ശരി…” നന്ദൻ മറുപടി നൽകി . അവർ ശരവേഗത്തിൽ തറവാട്ടിൽ തിരിച്ച് എത്തി. “നിങ്ങൾ ഇത്ര വേഗം തിരിച്ച് വന്നോ..?” ചെറിയമ്മ ആയിരുന്നു അത്.. “”ഗീതുവിനു വേഗം തിരിച്ച്എത്തണം എന്ന് പറഞ്ഞു അത് കൊണ്ട് വേഗം പോന്നു…” “അത് ചിലപ്പോൾ വീട്ടിൽ പോകുന്ന കാര്യം ഓർത്തിട്ടാവും.മോളോട് പറയാൻ മറന്നു.. ഇന്ന് എല്ലാരും തറവാട്ടിൽ തന്നെ ഒത്തു കൂടാം എന്ന് വിചാരിച്ചു.. ഇവർ തിരിച്ചുവരുമ്പോൾ അല്ലേ …ഇങ്ങനെയൊക്കെ ഒത്തു കൂടാനുള്ള ഒരു അവസരം കിട്ടുക.” “സത്യമാണോ പറയുന്നത് … അപ്പൊ ,ആരും ഇന്ന് പോവില്ലല്ലേ …!” നന്ദൻ സന്തോഷം കൊണ്ട് തുള്ളിച്ചാടി.
“മം.. മം.. ചെറിയമ്മയ്ക്ക് ഒന്നും മനസ്സിലാവുന്നില്ല എന്നാണോ നീ വിചാരിച്ചിരിക്കുന്നത്…നിന്റെ പോക്ക് എങ്ങോട്ടാണെന്ന് എനിക്ക് മനസ്സിലാവുന്നുണ്ട് കേട്ടോ …” ചെറിയമ്മയുടെ മുഖത്തു നന്ദന്റെ കള്ളത്തരം മനസിലാക്കിയ പോലെ ഒരു ഭാവം ആയിരുന്നു . “ഒന്നുമില്ല ചെറിയമ്മ ചുമ്മാ വെറുതെ.. ……….” “നിന്റെ അച്ഛനോട് ഞാൻ സംസാരിക്കണോ ?” ” ഇല്ല ചെറിയമ്മേ … ഒന്നും ഇല്ലന്നെ………..” “മം……. മം.. നടക്കട്ടെ… ” ഗീതുവിനു ഒന്നും തന്നെ മനസിലായില്ല.. “അല്ല.. എന്തൊക്കെയാ ഈ പറയുന്നത്.. എനിക്ക് ഒന്നും മനസിലായില്ലല്ലോ.. ” “ഏയ് ഒന്നും ഇല്ല ഗീതു……. ചെറിയമ്മ വെറുതെ.. ” നന്ദൻ ഇത്രയും പറഞ്ഞു മുറിയിലേക്ക് പോയി.. അവൾ കയ്യിൽ ഇരുന്ന ഫോൺ എടുത്ത് അനന്തുവിന്റെ നമ്പർ ഡയൽ ചെയ്തു.. “അവനെ വിളിക്കണോ വേണ്ടയോ… ” അവൾക് ഒരു തീരുമാനം എടുക്കാൻ കഴിഞ്ഞില്ല അവൻ ഫോൺ എടുത്താലോ എന്ന പ്രതീക്ഷയിൽ അവൾ അവനെ വിളിച്ചു.
അവളെ അത്ഭുതപ്പെടുത്തിക്കൊണ്ട് അവൻ ഫോൺ എടുക്കുകയാണ് ചെയ്തത്. “ഗീതു, എന്തൊക്കെയുണ്ട് വിശേഷം ? സസ്പെൻഷനിൽ സന്തോഷത്തോടെ ഇരിക്കുന്നോ..? ഇനി കോളേജിലേക്ക് വരുമ്പോൾ എന്തൊക്കെ പണി തരണം എന്ന് ആലോചിക്കുകയാവും.. ?” “അനന്തു ഞാൻ.. നിന്നോട് പേഴ്സണലായിട്ട് സംസാരിക്കാൻ ആണ് വിളിച്ചത് അല്ലാതെ പഴയ കാര്യങ്ങൾ പറഞ്ഞ് ബുദ്ധിമുട്ടിക്കാൻ അല്ല.. ” “എന്തോന്ന് പറയാൻ ആടി …നിനക്ക്…. ഇപ്പോൾ. പുതിയൊരു കാമുകനുമായി നാട് ചുറ്റുന്ന കാര്യം ഒക്കെ ഞാനറിഞ്ഞു. ” “അനന്തു നീ ഒന്ന് മനസ്സിലാക്കണം, ഞാൻ ഒരു തെറ്റും ചെയ്തിട്ടില്ല.. അഞ്ജലിയെ വിശ്വസിക്കരുത്.. അവൾ നിന്നെ ചതിക്കുകയാണ്.” ” ആരാണ് എന്നെ ചതിച്ചത് എന്ന് എനിക്ക് നന്നായിട്ടറിയാം.. അവൾ എന്നെ ഒരുപാട് സ്നേഹിക്കുന്നുണ്ട്.. നിന്നെ സ്നേഹിച്ച സമയത്ത് എനിക്ക് അവളെ സ്നേഹിച്ചാൽ മതിയിരുന്നു ..
ഇതേ പോലൊരു സാധനത്തിനെ ആണല്ലോ ഞാൻ ഇത്രയും കാലം മനസ്സിൽ കൊണ്ടുനടന്നത് ” “ആ കാര്യം ഒന്നും നീ പറയണ്ട……………എന്നെ മനസ്സിൽ കൊണ്ടുനടന്നിരുന്നുവെങ്കിൽ നീ ഇങ്ങനെയൊന്നും കാണിക്കുകയില്ലായിരുന്നു . ഒരു ബന്ധത്തിൽ ആദ്യം വേണ്ടത് വിശ്വാസമാണ്.ഇനി നിന്നോട് അത് പറഞ്ഞിട്ടും കാര്യമില്ല. പക്ഷേ എന്റെ സൈഡ് ക്ലിയർ ആകുക എന്നത് എന്റെ ഉത്തരവാദിത്വമാണ് . സത്യം പറഞ്ഞാൽ എനിക്ക് അറിയില്ല അഞ്ജലി എന്തിനാണ് ഇങ്ങനെ ചെയ്യുന്നതെന്ന്… അറിഞ്ഞിരുന്നെങ്കിൽ ഒരു പക്ഷേ ഇതെല്ലാം നിന്റെ മുന്നിൽ പൊളിച്ചിടാൻ എനിക്ക് സാധിക്കുമായിരുന്നു.നിനക്ക് എന്നെ വിശ്വസിക്കാം വിശ്വസിക്കാതിരിക്കാം അതൊക്കെ നിന്റെ ഇഷ്ട്ടം.. പക്ഷേ ഒന്ന് എനിക്ക് പറയാനുണ്ട്.. സത്യങ്ങളെല്ലാം ഒരിക്കൽ വെളിച്ചത് വരും…
അപ്പോ നീ എന്റെ പുറകെ വരരുത്… എനിക്ക് നിന്നെ കാണണ്ട .. ഇതോടെ തീർന്നു ഞാനും നീയും ആയിട്ടുള്ള ബന്ധം.. ” ” ഗീതുവിന്‌ എവിടെ നിന്നോ കുറച്ച് ധൈര്യം കിട്ടിയത് പോലെ തോന്നി.. അതെ ഞാൻ ബോൾഡ് ആവുകയാണ്. അവളുടെ മനസ്സ് അവളോട് മന്ത്രിച്ചു.. അനന്തു ഒന്നും മിണ്ടാതെ അവൾ പറയുന്നത് കേട്ടുകൊണ്ടിരുന്നു.. “പിന്നെ എന്റെ പുതിയ കാമുകനെ കുറിച്ചുള്ള കാര്യം നീ അറിഞ്ഞത് അഞ്ജലി വഴി ആണെന് എനിക്ക് നന്നായിട്ടറിയാം.. അതിന്റെ കാമുകൻ ഒന്നും അല്ല.. എന്റെ സ്വന്തം ഏട്ടനാണ്.. .എന്റെ അമ്മയുടെ വയറ്റിൽ പിറന്നില്ലന്നെ ഉള്ളൂ.. അങ്ങനെയൊരു ഏട്ടന് കുറിച്ച് ഇങ്ങനെ ഉള്ള വാക്കുകൾ പറഞ്ഞു ഉണ്ടാക്കാൻ അവൾക്ക് കഴിയുമെങ്കിൽ അവളുടെ മനസ്സ് എന്താണെന്ന് ഞാൻ പറയേണ്ട കാര്യമില്ല… ഏതൊരു ബുദ്ധിയുള്ള മനുഷ്യനും മനസ്സിലാക്കാവുന്നതേയുള്ളൂ..
അറ്റ്ലീസ്റ്റ് ഫ്രണ്ട് ആയിട്ട് പോലും നിന്നെയും അഞ്ജലിയെയും എനിക്ക് ഇനി കാണാൻ കഴിയില്ല.. നീ അഞ്ജലിയെ കെട്ടും എന്നല്ലേ പറഞ്ഞത്…. പോയി കെട്ട് …നിന്റെ കല്യാണത്തിന് ഞാൻ സദ്യ ഉണ്ണാൻ വരാം .. പക്ഷേ ഒരു കാര്യം എനിക്കറിയാം അഞ്ജലി തെറ്റിദ്ധരിപ്പിച്ചതുകൊണ്ട് മാത്രമാണ് നീ ഇങ്ങനെയൊക്കെ എന്നോട് സംസാരിക്കുന്നത്….. അല്ലായിരുന്നുവെങ്കിൽ നീ എന്നെ സ്നേഹിക്കുമായിരുന്നു ഉറപ്പാണ് അത്.. ” ” വെച്ചിട്ട് പോടീ…………………………###### ” ” വെക്കാൻ തന്നെയാണ് പോകുന്നത് ….ഒരു കാര്യം കൂടി അറിഞ്ഞോ … ഇന്നലെവരെ കണ്ട ഗീതുവിനെ അല്ല നീ ഇനി കാണാൻ പോകുന്നത്.. ” ഇത്രയും പറഞ്ഞു അവൾ ഫോൺ കട്ട് ചെയ്തു.. ഇത്തവണ അവളുടെ കണ്ണിൽ നിന്ന് ഒരു തുള്ളി കണ്ണീർ പോലും വന്നില്ല .പകരം എവിടുന്നോ കിട്ടിയ ഒരുപാട് ധൈര്യം മാത്രമാണുണ്ടായത്..
അവളുടെ മുഖത്തു സന്തോഷം അലതല്ലി.. “അവൻ എന്നെ വേണ്ടെങ്കിൽ അവനെ എനിക്ക് ഇന്നലെ വേണ്ട.. ഇനി അവനു വേണ്ടി ഒരു തുള്ളി കണ്ണീർ പോലും എന്റെ കണ്ണിൽ നിന്ന് വരില്ല..” അവൾ മനസ്സിൽ ഉറപ്പിച്ചു. “അല്ല …ആരോടാ …ഇത്ര നേരമായി തട്ടിക്കേറിയത് ?” “ഏയ് …. ആരുമില്ല… ചേട്ടാ.. ഇപ്പോൾ ഞാൻ വളരെയധികം ഹാപ്പിയാണ്..” ” അങ്ങനെ വേണം കുട്ടി.. എപ്പോഴും ബോൾഡ് ആയിരിക്കണം.. ഇപ്പോഴാ നീ എന്റെ സുന്ദരി കുട്ടിയായത് …” “ഞാൻ ഇനി എപ്പോഴും ഹാപ്പി ആയിരിക്കും. ഒരു പരീക്ഷയിലും ഞാൻ തോൽക്കില്ല.. തോൽപ്പിക്കാൻ ഞാൻ അനുവദിക്കില്ല.. ..ഇപ്പൊ വരാം കേട്ടോ… അമ്മയെ ഒന്ന് കാണണം …അമ്മയ്ക്ക് സന്തോഷം ആകട്ടെ.. ഞാൻ സങ്കടപ്പെട്ടു നടന്നതുകൊണ്ട് അമ്മ വിഷമത്തിലായിരുന്നു.. ” അവൾ അമ്മയെ തിരഞ്ഞു പുറത്തേക്ക് പോയി.
