💔 മൊഴിയിടറാതെ 💔 : ഭാഗം 33

എഴുത്തുകാരി: തമസാ

ഗീതുവിനെ നോക്കി ഒരു നിമിഷം ടെൻഷൻ അടിച്ചു നിന്ന് പോയി ദീപൻ….. എല്ലാം കാണിച്ചു കൂട്ടുമ്പോഴും ഭയമാണ് ഗീതു പിടിക്കപ്പെടുമോ എന്ന്…. വരാൻ കൈകൊണ്ടു കാണിച്ചു വിളിച്ചു ദീപൻ, ഗീതുവിനെ മടിച്ചു നിന്ന അവളെ തോളോട് ചേർത്ത് പിടിച്ചു ദീപൻ…. “” പേടി കേറി തുടങ്ങിയിരിക്കുന്നു നിന്റെ കണ്ണിൽ….. എനിക്ക് തൂക്കികയർ കിട്ടിക്കോട്ടെ….. എങ്കിലും നീയാണ് ഇവരെ കൊന്നതെന്ന് പറയരുത്…. നാവ് പിഴയ്ക്കരുത്….. അറിയാലോ അനുഭവം കൊണ്ട്….. ദേ നിന്നേ ഈ ചേർത്തു പിടിച്ചിരിക്കുന്ന എന്റെ കൈകൾ പോലും ശുദ്ധമല്ല….അപ്പോൾ ഞാനും നീയും ജയിലിൽ ആയാൽ നമ്മുടെ നന്ദൂട്ടിയുടെ അവസ്ഥ നീ ആലോചിച്ചു നോക്കിക്കേ….

അത് വേണോ….? പറയ്….. “”” മിണ്ടാതിരുന്ന അവളെ പിന്നെയും തട്ടിവിളിച്ചവൻ ചോദിച്ചു… “”” വേ….. ണ്ട…..”””” അവളുടെ ശബ്ദം വിറച്ചു…. “”” ഞാനും ആഗ്രഹിക്കുന്നില്ല ഗീതൂ…. അതുകൊണ്ടാ ഞാൻ…. വാ വന്നു നിൽക്ക് ഇവിടെ…….. “”” അവളെ വലിച്ചു മുറിച്ചിട്ടേക്കുന്ന ഇറച്ചിക്കൂട്ടത്തിന്റെ അടുത്ത് നിർത്തുവാൻ അവൻ ശ്രമിച്ചു……. “”‘ എനിക്ക് പേടിയായിട്ടാ ദീപാ….””” അവനെ നോക്കി വിറയ്ക്കുന്ന കൈകളോടെ അവൾ പിറകോട്ടു വലിഞ്ഞു …. “”‘കണ്ണടയ്ക്ക് “”” അവനെയും കുഞ്ഞിനേയും നോക്കി അവൾ കണ്ണടച്ചതും അവൻ അവളെ ആ ഇറച്ചിക്കൂട്ടങ്ങൾക്ക് നടുവിലേക്ക് എടുത്തു നിർത്തി …… “”

ഈ മണ്ണിൽ നിന്നെക്കാൾ ധൈര്യമുള്ള ഒരു പെണ്ണിനേയും ഞാൻ കണ്ടിട്ടില്ല ഗീതൂ…….. “”” അവളെ എടുത്തുയർത്തിയ നിമിഷം മുതൽ അവളുടെ ചെവിയിൽ അവൻ പറഞ്ഞുകൊണ്ടിരുന്നു…… “”” കുഞ്ഞോളേ ഉപദ്രവിച്ചിട്ടല്ലേ നീ അവരെ കൊന്നത്….. അത് തെറ്റല്ല…….. നിന്റെ ജീവിതം നശിപ്പിച്ചവരെ അല്ലേ നീ കൊന്നത്…. അത് തെറ്റല്ല….. “” ഇറച്ചിക്കഷണങ്ങളിൽ നിന്നും അവളുടെ നൈറ്റിയുടെ അടിഭാഗത്തേക്ക് ചോര പരന്നു…… നിലത്തു മുട്ടിയ അടി വശത്ത് മാത്രം…. “”” എങ്കിൽ ദീപനെ ഞാൻ കൊല്ലട്ടെ…..

ഇവരെ എല്ലാം ഇങ്ങോട്ട് വീണ്ടും ആനയിച്ചു കൊണ്ട് വന്നതിന്? “”” അവൻ്റെ കഴുത്തിൽ പെട്ടെന്ന് കൈ മുറുക്കി അവൾ ചോദിച്ചു….. “””” ഗീതൂ ഞാൻ നിന്നേ ഒരു വട്ടം മാത്രമേ…….. “”” ദീപൻ സംസാരിച്ചു പൂർത്തിയാക്കും മുൻപേ അവൾ പറഞ്ഞു തുടങ്ങി…. “”” എന്റെ ശരീരത്തിൽ ആര്…. എപ്പോൾ…. എത്ര തവണ തൊട്ടു എന്നതിൽ അല്ല……. അനുവാദമില്ലാതെ ഒരാളെ തൊടുന്നത് ഒരു വട്ടം ആയാലും പത്തു വട്ടം ആയാലും തെറ്റ് തന്നെ ആണ്….. “”” കടപ്പല്ലുകൾ അവളുടെ കവിളിന്റെ മറവിൽ ഇരുന്നു ഞെരിഞ്ഞു………..

അവനിൽ നിന്ന് കയ്യെടുത്ത് അവൾ തറയിലേക്ക് നോക്കി…… ചോര മാത്രം…….. എന്റെ ഉള്ളിലെ കരി തീപ്പിടിച്ചതാണിത്…… ഞാൻ തീർത്ത, തീച്ചൂള…. “”” നൈറ്റി ഒന്ന് കൈകൊണ്ടു തിരുമ്മി ഉടച്ചേരെ….. ഉണങ്ങി എടുത്തത് പോലെ തന്നെ ഇരുന്നാൽ…….!!! കൈകൊണ്ട് പിഴിയുന്ന പോലെ തുണി ഉടച്ചാൽ മതി……. “” അവളെ അഭിമുഖീകരിക്കാതെ അവൻ പറഞ്ഞു….. “” നേരം വെളുക്കട്ടെ…… എന്നിട്ട് പോലീസിനെ അറിയിക്കാം……. ഇടയ്ക്ക് എന്റെ ബോധം മറഞ്ഞു പോയാലും നിനിൽ വന്നു കഴിഞ്ഞു മാത്രേ പോലീസിനെ വിളിക്കാവൂ…. പിന്നെ ഞാൻ പറഞ്ഞത് പോലെ തന്നെ പറയണം…..””” അവളെ വിട്ട് തറയിലേക്ക് പടിഞ്ഞിരിക്കുമ്പോഴും അവൻ്റെ കണ്ണുകൾ കട്ടിലിൽ കിടക്കുന്ന നന്ദൂട്ടിയിൽ ആയിരുന്നു… “” മോളേ എന്റെ മടിയിലേക്ക് കിടത്തി താ ഗീതൂ….

ഇനി എത്ര നാൾ കഴിഞ്ഞാലാ ഒന്ന് എടുക്കാൻ പറ്റുക…….?”” അവളെ നോക്കി കണ്ണുനിറച്ചു ദീപൻ പറഞ്ഞിട്ടും അവൾ അതൊന്നും ശ്രദ്ധിക്കുന്നുണ്ടായിരുന്നില്ല…… “”” എന്റെ ഗീതൂ ഉള്ള ചോര മൊത്തം കളഞ്ഞിട്ടിപ്പോൾ തല വേച്ചിട്ട് മേല… അതുകൊണ്ടാണ്….. അല്ലേൽ ആ കട്ടിലിൽ പോയി എടുത്തേനേ ഞാൻ എന്റെ കൊച്ചിനെ…….. “”” അവളോട് ദേഷ്യപ്പെട്ടു പറയുന്നതിനിടയിൽ ആണ് അവൻ DNA റിസൾട്ടിനെ കുറിച്ച് ഓർത്തത്….. ഉടലിൽ ഷർട്ട് ഉണ്ടെന്ന ഓർമയിൽ പോക്കറ്റിലേക്ക് കൈ പോയപ്പോൾ ആണ് ഷർട് ഊരി നനച്ചതൊക്കെ ഓർത്തത് …. വേഗം ഷർട്ട് എടുത്തു പോക്കറ്റിലേക്ക് നോക്കി…..

അടിയുടെ ഇടയിൽ നഷ്ടപ്പെട്ടു പോകാതിരിക്കാൻ വേണ്ടി പലതവണ മടക്കിയിരുന്നു അവൻ ആ റിപ്പോർട്….  പക്ഷേ പോക്കറ്റിൽ ഇല്ല….. എന്നാലും അത് എവിടെ പോയി? ഷർട് കുടഞ്ഞു നോക്കി….. ഇല്ല….. അത് എവിടെയോ നഷ്ടപ്പെട്ടു പോയിരിക്കുന്നു….. വയ്യെന്ന് തോന്നിയിട്ടും ഭിത്തിയിൽ പിടിച്ചു പിടിച്ചവൻ എഴുന്നേറ്റു….. “”” ഗീതൂ എന്റെ പോക്കറ്റിൽ ഒരു സാധനം ഉണ്ടായിരുന്നു ….. അത്…. കാണാനില്ല …… “”” ആ മുറിയുടെ എല്ലാ കോണുകളിലും നോക്കിക്കൊണ്ട് അവൻ പറഞ്ഞു……. അത് കണ്ടെത്തിയെ പറ്റുള്ളൂ…. പോലീസ് സെർച്ചിൽ അതെങ്ങാനും കണ്ടാൽ എല്ലാം വെറുതെ ആകും….

പുറത്തേക്ക് ഇടുപ്പിൽ മുറിഞ്ഞ കൈ അമർത്തി, ഒരു കൈ കൊണ്ട് ഭിത്തിയിൽ പിടിച്ചവൻ ഇറങ്ങി…..ആയുധം കുഴിച്ചിട്ട ഇടത്തെങ്ങാനും ചാടി പോയതാണോ എന്ന് സംശയിച്ചങ്ങോട്ട് എങ്ങനെ പോകുമെന്ന് ശങ്കിച്ചു നിന്നിട്ട് പെട്ടെന്ന് ഓർത്തപോലെ അവൻ കുളിമുറിയിലേക്ക് നടന്നു…… സ്വിച്ച് കണ്ട് പിടിച്ചു ലൈറ്റ് ഇട്ടു നോക്കുമ്പോൾ രണ്ട് വെള്ളം നിറച്ചു വെയ്ക്കുന്ന വലിയ പെയിന്റ് ബക്കറ്റുകളുടെ നടുവിൽ വീണു കിടക്കുന്നുണ്ടായിരുന്നു അവൻ പോക്കറ്റിൽ കരുതിയ നിധി… കുറേ നേരം വെള്ളത്തിൽ നനഞ്ഞു കിടന്നത് കൊണ്ട് അത് കുതിർന്നിരിക്കുകയായിരുന്നു…….

നിരാശയോടെ അവൻ അത് കയ്യിലെടുത്തു മുറിയിലേക്ക് നടന്നു…… “”” ഗീതൂ…. ഇത് ഞാൻ നാളുകളായി നിന്റെ മുന്നിൽ വന്നു നിന്ന് വായിക്കണം എന്ന് കരുതിയ എന്റെ സ്വപ്നമാണ്… പക്ഷേ അത് വായിച്ചറിയാൻ…. നിന്റെ മുൻപിൽ നിന്ന് എന്റെ കുഞ്ഞാണ് കുഞ്ഞോളെന്ന് വിളിച്ചു പറയുവാൻ എനിക്ക് യോഗമില്ലെന്ന് തോന്നുന്നു…. അതാവും തുറന്നു നോക്കിയാൽ കീറിപ്പോകുന്ന പരുവത്തിൽ ആയിപ്പോയത്…””” കൈ നിവർത്തി കൈക്കുള്ളിൽ ഇരിക്കുന്ന മടക്കി വെച്ച റിപ്പോർട്ട്‌ അവൻ കാണിച്ചു കൊടുത്തു….. “”” എന്നോട് ഉള്ള വാശിയുടെ പേരിൽ ഇത് വലിച്ചെറിയരുത്….. സൂക്ഷിച്ചു വെയ്ക്കണം…..

എന്റെ എന്ന് പറയാൻ എനിക്ക് കുഞ്ഞോൾ മാത്രേ ഉള്ളൂ ഗീതൂ….. നിനക്കറിയാലോ ഞാൻ അവൾക്ക് വേണ്ടി മാത്രാ ഇപ്പോൾ ജീവിക്കുന്നതെന്ന്…..എന്തായാലും ഇത് നല്ലപോലെ ഉണങ്ങാതെ തുറന്നു നോക്കിയാൽ ഒന്നിനും കൊള്ളാതെ പോവും…. അതുകൊണ്ട് ഞാൻ ഇത് അലമാരയുടെ താഴെ വെയ്ക്കുവാ… എടുത്തു കളയരുത്…… തിരിച്ചു വരും ഞാൻ…… ഇതിന് വേണ്ടി മാത്രം…… “”” കുഴഞ്ഞ പോലെ നടന്ന് അവൻ അലമാരയുടെ കീഴിൽ എന്തൊക്കെയോ പുസ്തകൾക്കപ്പുറം കൈകൊണ്ട് സ്ഥലം ഉണ്ടാക്കി ആ രേഖ സുരക്ഷിതമാക്കി വെച്ചു……

ഒരു കൈകൊണ്ടു തന്നെ മോളേ വാരിയെടുത്ത് നെഞ്ചിലേക്ക് ഇട്ടുകൊണ്ട് അവൻ വീണ്ടും തറയിലേക്ക് പോയി ഇരുന്നു….. “”” അച്ഛേടെ കുഞ്ഞോളേ…….. “” മുറിവുള്ള കയ്യുടെ ഷോൾഡറിലേക്ക് കുഞ്ഞിന്റെ തല ചായ്ച്ചു വെച്ചു മറുകൈകൊണ്ട് കുഞ്ഞിന്റെ ചുരുണ്ട മുടിയിലൂടെ അവൻ വിരലോടിച്ചു… “”” അച്ഛേടെ കുഞ്ഞിനെ അച്ഛേടെ മാത്രം മോളാണെന്ന് അമ്മേടെ മുന്നിൽ തെളിയിച്ചിട്ട് വാരിയെടുക്കണം എന്നൊക്കെ കരുതിയിരുന്നതാ മോളേ….. അച്ഛയ്ക്ക് യോഗമില്ല…. അതുകൊണ്ടല്ലേ ഇങ്ങനെ സംഭവിച്ചത്….. പക്ഷേ മോള് വേഷമിക്കണ്ടാട്ടോ…….

അച്ഛന്റെ പൊന്ന് സ്കൂളിൽ പോകാറാകുമ്പോഴേക്കും അച്ഛ ഓടി വരും…. എന്നിട്ട് മോളേ കെട്ടിപ്പിടിച്ചുമ്മ വെക്കും…. എല്ലാരോടും പറയും നന്ദൂട്ടി അച്ഛേടെ മാത്രം ചോരയാന്ന്….. ഇനി അച്ഛേടെ മുത്തിനെ പിഴച്ചുണ്ടായതെന്ന് പറയരുതെന്ന് പറയും…… “””” കുഞ്ഞിന്റെ കണ്ണിനു മേലെ കൂടി കൈവിരലുകൾ ഓടിച്ചപ്പോൾ അവൾ കൺ തുറന്നു…. “”” അച്ഛേടെ കള്ളിപ്പെണ്ണ്, പൂച്ചമയക്കം ആയിരുന്നോടീ……. “””” മോളേ കൊഞ്ചിക്കുമ്പോൾ അവൻ്റെ കണ്ണുകൾ നിറഞ്ഞൊഴുകി,… മോളുടെ കവിളിലേക്കും വീണു…. “”” ഇനി കുഞ്ഞോളേ എന്നാ അച്ഛയ്ക്ക് കാണാൻ പറ്റുക? “” മോളേ പിന്നെയും തലോടിക്കൊണ്ടിരുന്നു ദീപൻ …..

ഇനി പുറത്തേക്ക് വരാൻ കഴിയുമോ എന്ന് പോലും അറിയില്ല…..പക്ഷേ മോഹമാണ്…… ഈ കറുത്ത കണ്മണികളെ ജന്മാവസാനം വരെ കണ്ടുകൊണ്ടിരിക്കണം എന്ന് മാത്രേ ഉള്ളൂ ഇപ്പോൾ ചങ്കിൽ….. തൂക്കു കയർ കിട്ടുമോ എന്ന് ഓർത്ത് ചങ്ക് ഇടയ്ക്ക് പിടയ്ക്കുന്നതും അതുകൊണ്ടാണ്….. മോളെയും നെഞ്ചിലിരുത്തി അവൻ കുറേ നേരം അവിടെ ഇരുന്നു…..കണ്ട് കൊതി തീരുന്നില്ല……എത്ര ദൂരയാണേലും എന്താ….. ഈ മുഖം കാണും മുൻപേ കൊഞ്ചിച്ചു തുടങ്ങിയതല്ലേ….. പിന്നെ…. കണ്ടില്ലേലും ഉള്ളിൽ നിറഞ്ഞു നിൽക്കാതിരിക്കുവോ….. പക്ഷേ എടുക്കാൻ പറ്റില്ല്ലല്ലോ …. നെഞ്ചിൽ കിടത്താൻ പറ്റില്ലല്ലോ….

ഉമ്മ കൊടുക്കാൻ പറ്റില്ലല്ലോ….. നാവ് കൊണ്ട് അവൾക്കായ് ഒരു മൂളിപ്പാട്ട് പോലും പാടിക്കൊടുക്കാൻ പറ്റില്ലല്ലോ….. ഗീതു ഒരു തേങ്ങൽ കേട്ട് നോക്കുമ്പോൾ കുഞ്ഞിനെ മാറിൽ ചേർത്തു പിടിച്ചു വിങ്ങിപ്പൊട്ടുന്നുണ്ട് ദീപൻ…… “”” ഞാൻ മരിക്കും മുൻപേ എന്റെ മോൾക്ക് ഒരച്ഛനെ കൊണ്ട് കൊടുത്തേക്കരുതേ ഗീതൂ…… സഹിക്കാൻ വയ്യെനിക്ക്….. അല്ല ഓർക്കാൻ കൂടി വയ്യ എന്റെ കുട്ടി മറ്റൊരാളുടെ ആകുന്നത്……. അത് നിനിൽ ആയാലും മറ്റാരായാലും….””” അവൾ ഒന്നിനും മറുപടി പറയാൻ പോയില്ല….. അവൾ ചിന്തകളിൽ ആയിരുന്നു …… അവൻ്റെ എങ്ങലിനും വിങ്ങലിനും അപ്പുറം ഇനിയുള്ള ജീവിതം എങ്ങനെ ആകും എന്നോർത്ത് ഭയം ആയിരുന്നു അവൾക്ക്…..

മറ്റൊരു ചിന്തയും അവൾക്ക് ഉണ്ടായിരുന്നില്ല….. മണിക്കൂറുകൾ കടന്ന് പോയി ….. നിനിൽ തിരികെ വന്നു….. അവനെ കൊണ്ട് തന്നെ സ്റ്റേഷനിൽ വിളിച്ചു പറയിപ്പിച്ചു…….. പോലീസ് ജീപ്പ് വന്നു മുറ്റത്തു നിന്നു…… അപ്പോഴേക്കും ചോര പുരണ്ട ഷർട്ടാക്കി മാറ്റി അതിനെ ധരിച്ചു കഴിഞ്ഞിരുന്നു ദീപൻ…… അവിടം തൊട്ട് പോലീസ് അന്വേഷണം ആയിരുന്നു….. എല്ലാ കുറ്റങ്ങളും സ്വയം ഏറ്റത് കൊണ്ട് എല്ലാം നിസ്സാരമായിരുന്നു… കുറ്റങ്ങളെല്ലാം ഏറ്റെടുത്തു കീഴടങ്ങി എന്ന മേന്മയും പിടിച്ചു വാങ്ങി, ഗീതുവിനെയും കുഞ്ഞിനേയും നിനിലിന്റെ കൈകളിൽ ഏൽപ്പിച്ചു ദീപൻ ജയിലിലേക്ക് യാത്രയായി…….സ്വയ രക്ഷയ്ക്ക് വേണ്ടി ഉള്ള കൊലപാതകം. അമ്മയെയും കുഞ്ഞിനേയും രക്ഷിക്കുന്നതിനിടയിൽ പറ്റിയ കൈ അബദ്ധം. മനുഷ്യാവകാശ സംരക്ഷകർ അവന് വേണ്ടി വാദിച്ചു….. ഒടുവിൽ അഞ്ചു വർഷത്തെ തടവ് മാത്രമായി ഒതുങ്ങി അവൻ സ്വീകരിച്ച ശിക്ഷ….. സ്വർണത്തൂവലുകൾ പതിപ്പിച്ച സിംഹാസനത്തിൽ , ആ പാപിയെ ശുദ്ധൻ എന്ന് വിശേഷിപ്പിച്ചുകൊണ്ട് സ്ഥാനാരോഹണം നടത്തി….തുടരും….. © തമസാ ലക്ഷ്മി ….

മൊഴിയിടറാതെ : ഭാഗം 32