💚 പ്രാണനായ് 💚 : ഭാഗം 13

എഴുത്തുകാരി: വാസുകി വസു

“വിച്ചൂട്ടാ…” ചുണ്ടുകൾ അടർത്തി മാറ്റി നരനെ നോക്കി..അവന്റെ കണ്ണുകളിൽ ജ്വലിക്കുന്ന തീവ്രമായ പ്രണയത്തിന്റെ നോവ് നീലിമയിലേക്ക് പടർന്നു. “എന്താടോ” “ഒന്നൂല്ലാ” മിഴികൾ താഴ്ത്തി നിന്നു…പറയാൻ വന്നത് മറന്നത് പോലെ.. “ലച്ചൂട്ടാ…” “ഹ്മ്മ്മ്.. ഹ്മ്മ്മ്…” പതിയെ മൂളി മുഖം കുനിച്ചു നിന്നു…വാടിയ താമരമൊട്ട് കൈക്കുമ്പിളിലെടുത്ത് മിഴികൾ അതിലേക്ക് താഴ്ത്തി..വിതുമ്പുന്ന കണ്ണുകളിൽ കൂടി നനവ് പടർന്ന് ഒഴുകി..ചുണ്ടുകളാൽ ഒപ്പിയെടുത്തു.. “എന്തിനാടാ കരയുന്നത്…” അത്രയും ഹൃദയ വേദനയാൽ ചോദിച്ചു.. “ഒന്നൂല്ലാ വിച്ചൂട്ടാ..വെറുതെ സന്തോഷത്താലാ ഡാ” സ്വരമിടറി..

വാക്കുകൾ തടസ്സപ്പെട്ടു.. “പറയെന്റെ പെണ്ണേ..” “നിക്ക് പേടിയാ വിച്ചൂട്ടാ‌‌..നിക്ക് പേടിയാ ഇപ്പോൾ”” പാതി മുറിഞ്ഞ വാക്കുകളിൽ ചിലമ്പിച്ച ശബ്ദം പുറത്തേക്ക് വന്നു..ഇരുകൈകളം വട്ടം ചുറ്റി നരനെ വരിഞ്ഞ് മുറുക്കി നെഞ്ചോട് പറ്റിച്ചേർന്നു. “അതിനും മാത്രം എന്തുണ്ടായി” നരനിൽ ആധി വളർന്നു… എന്ത് പറ്റി നീലിമക്ക് ഇതുവരെ ഇല്ലാത്തൊരു ഭാവം.. “നിക്ക് പേടിയാ വിച്ചൂട്ടാ..നീയെന്നെ ഇത്രയും പ്രണയിക്കുന്നൂന്ന് അറിഞ്ഞപ്പോൾ…നിന്റെ സ്നേഹം നഷ്ടപ്പെടുമോന്ന് ഭയമാണ്..വിച്ചൂട്ടാ” കരയരുതെന്ന് കരുതി.. വീണ്ടും വിങ്ങിപ്പൊട്ടി.. “നഷ്ടപ്പെടുത്താൻ വയ്യ വിച്ചൂട്ടാ..ഇപ്പോൾ ഞാൻ ഒരുപാട് സ്നേഹിച്ചു തുടങ്ങിയിരിക്കുന്നു ന്റെ വിച്ചൂട്ടനെ” മനസ്സ് നിറഞ്ഞു… ഒപ്പം ഹൃദയവും…

ഈയൊരു വാക്കുകൾക്കായി എത്രയോ കൊതിച്ചു… ഇപ്പോൾ ഒരുപാട് സന്തോഷം തോന്നുന്നു.. നീലിമയെ പൊക്കിയെടുത്ത് വട്ടം കറക്കി..സന്തോഷത്താൽ…കഴുത്തിലൂടെ കൈകൾ പിണച്ചു അവൾ അവന്റെ നെഞ്ചിലേക്ക് മുഖം പൂഴ്ത്തിവെച്ചു. പതിയെ കിടക്കയിലേക്ക് കിടത്തി.. ആ മിഴികളിൽ നയനങ്ങൾ ഉറപ്പിച്ചു.. അധരങ്ങൾ അടുത്തേക്ക് വന്ന നിമിഷം നാണത്താൽ മുഖം പൊത്തി..കുനിഞ്ഞ് നെറ്റിയിലൊരു ചുംബനം. അത്രമേൽ പ്രണയത്തോടെ …അത്രമേൽ ആർദ്രമായി… “ഞാൻ ഫ്രഷായിട്ട് വരാം നീലി…” “ശരി ട്ടൊ..ഞാൻ കഴിക്കാൻ എടുത്ത് വെയ്ക്കാം” എഴുന്നേറ്റു അവന്റെ കഴുത്തിലൂടെ കയ്യിട്ട് നെറ്റി മുട്ടിച്ച് നാസിക തമ്മിലുരസി..ചുണ്ടിലൊരു ചുംബനം കൂടി പതിഞ്ഞു..നാണത്തോടെ അകന്ന് മാറി.

“വഷളൻ…” ചിരിയോടെ പറഞ്ഞു… അവനത് ആസ്വദിച്ചിട്ട് ബാത്ത് റൂമിലേക്ക് കയറി…പോകാനായി പിന്തിരിഞ്ഞതും ബാത്ത് റൂമിൽ നിന്നൊരു അലർച്ച കേട്ടു. “ലച്ചൂട്ടി…” നെഞ്ചിലൊരു മിന്നൽ കടന്നു പോയി…തെല്ലൊന്ന് ഏങ്ങിപ്പോയി…ശ്വാസം വിലങ്ങി‌..പൊടുന്നനെ ഓടിച്ചെന്നു.. “വിച്ചൂട്ടാ…” ശക്തമായൊരു തേങ്ങലായി മാറാൻ അധിക സമയം വേണ്ടി വന്നില്ല.. “എന്തുപറ്റി വിച്ചൂട്ടാ” ആധിയോടെ‌‌‌…വർദ്ധിച്ച നെഞ്ചിടിപ്പോടെ അകത്തേക്ക് ഓടിക്കയറി.. പുറം തിരിഞ്ഞു നിന്നിരുന്ന നരൻ പെട്ടന്ന് തിരിഞ്ഞു..നീലിമയുടെ കയ്യിൽ പിടിച്ചു വലിച്ചു നെഞ്ചിലേക്കിട്ടു..മഴത്തുള്ളികളായി പതിക്കുന്ന ഷവറിൻ കീഴിൽ നിന്നു ചാറ്റൽ മഴയായി ജലകണങ്ങൾ ഊർന്നിറങ്ങി അവരെ നനയിച്ചു..

കുതറി മാറാൻ ശ്രമിച്ച നീലിമയെ കൂടുതൽ വരിഞ്ഞ് മുറുക്കി ചുണ്ടുകളിൽ അമർത്തി ചുംബിച്ചു… ചൊടികൾ അവന്റെ അധരങ്ങൾ നുണഞ്ഞ് തുടങ്ങിയതും എതിർപ്പിനു ശക്തി കുറഞ്ഞു. അവളും കുറുകി നിന്നു..ശ്വാസം മുട്ടിക്കുന്ന ചുംബനമേറ്റ് പിടഞ്ഞ് തുടങ്ങി. എന്തിനാണ് ഇവിടേക്ക് വന്നതെന്ന് പോലും ഒരുനിമിഷം മറന്നുപോയി.. ശരീരം തളർന്ന് തുടങ്ങി. ദീർഘമായ ചുംബനം… അതിന്റെ ലഹരി വിട്ടൊഴിഞ്ഞ് നരൻ ചുണ്ടുകൾ സ്വതന്ത്രമാക്കി…പ്രണയാർദ്രമായി നോക്കി..നീലിമയുടെ കണ്ണുകൾ അവനിൽ തറഞ്ഞു..പതിയെ മുഷ്ടി ചുരുട്ടി നെഞ്ചിലൊരിടി കൊടുത്തു..

ദേഷ്യം മാറാതെ അവന്റെ മാറിൽ ദന്തനിരകൾ ആഴ്ത്തി നോവിച്ചു..എന്നിട്ടും വേദനിക്കാതെ അവളെ നോക്കി..ആർദ്രമായ്… കണ്ണുകൾ നിറഞ്ഞു തുളിമ്പി..പതിയെ കരകവിഞ്ഞ് ഒഴുകി…അതു കണ്ടപ്പോൾ നെഞ്ഞ് പൊള്ളി.. “എന്തിനാ… എന്തിനാ വിച്ചൂട്ടാ ഇങ്ങനെയൊക്കെ.. നിക്ക് പേടിയാന്ന് പറഞ്ഞില്ലേടാ… എന്നിട്ടും …എന്നിട്ടും നീയെന്തിനാ എന്നെ നോവിക്കുന്നത്” കരയിൽ പിടിച്ചിട്ട മൽസ്യത്തെ പോലെ പിടഞ്ഞു..ശ്വാസമെടുക്കാൻ കഴിയാതെ…വിങ്ങി വിങ്ങിപ്പൊട്ടി.. നീലിമയെ ഒന്ന് പറ്റിക്കണമെന്നേ കരുതിയുള്ളൂ…അപ്പോഴേക്ക് പെണ്ണ് സീരിയസായി..അവന് സങ്കടം വന്നു.. “സോറി..മോളെ..വെറുതെ ഒന്ന് പറ്റിക്കണമെന്നേ കരുതിയുള്ളൂ…അപ്പോഴേക്കും പെണ്ണ് പെയ്ത് തുടങ്ങിയല്ലോ”

അവൾക്ക് മുന്നിൽ നിറ കണ്ണുകളോടെ നിന്ന നരനെ കണ്ടപ്പോൾ നീലമക്ക് സങ്കടമേറി.. “ന്റെ ചെറുക്കൻ വിഷമിക്കാൻ പറഞ്ഞതല്ലെടാ‌..നിക്ക് പേടിയാ വിച്ചൂട്ടാ” മാറിലേക്ക് ചാഞ്ഞ് ആലിംഗനം ചെയ്തു… നരൻ കുസൃതിയോടെ ഷവർ ഓൺ ചെയ്തു.. വെള്ളം ചീറ്റിയൊഴുകി വീണ്ടും അവർക്ക് മേൽ വീണു.. “ഇനി ഒന്നിച്ചു കുളിച്ചു കയറാം ചുണ്ടിലൊരു വഷള ചിരി പ്രകടമായി.. ” പോടാ…” കുറുമ്പോട് പറഞ്ഞു തിരിഞ്ഞവളെ പൊക്കിയെടുത്ത് വട്ടം കറക്കി അഭിമുഖമായി ചേർത്ത് നിർത്തി ഗാഢമായി ആലിംഗനം ചെയ്തു.. ചൊടികളിൽ അമർത്തി ചുംബിച്ചു… അവന്റെ കൈകൾ വയറിൽ കുസൃതി കാണിച്ചു ഇഴഞ്ഞ് തുടങ്ങിയതും പുളഞ്ഞ് തുടങ്ങി.. “ഏട്ടാ ഡാ വേണ്ടാ‌..” ലക്ഷ്യം മനസ്സിലായതും ചുണ്ടുകൾ വേർപ്പെടുത്തി വിലക്കി..

“ഓ…പിന്നേ…” വീണ്ടും അധരങ്ങൾ അമർന്നതും തള്ളി മാറ്റിയട്ട് നീലിമ പുറത്തേക്ക് ഓടിക്കളഞ്ഞു.. “,വഷളൻ…വൃത്തി കെട്ടവൻ” മുഖം കോക്രിച്ച് കൊഞ്ഞണം കുത്തി കാണിച്ചു.. നരൻ ചിരിയോടെ ആസ്വദിച്ചു നോക്കി നിന്നു.. “പിന്നെ കയ്യിൽ കിട്ടും…അന്നേരം കണ്ടോളാം” “ഒന്ന് പോയേടാ ചെക്കാ..” പ്രത്യേക താളത്തിൽ.. പോസിൽ ചിരിച്ചിട്ട് മുടികൾ തോർത്തി നനഞ്ഞ ഡ്രസ് മാറ്റി സാരി എടുത്ത് ധരിച്ച് നീലിമ കിച്ചണിലേക്ക് ചെന്നു…അച്ഛൻ ഹാളിൽ ടിവി ന്യൂസ് കണ്ടിരിക്കുന്നു.. അമ്മ കിച്ചണിൽ പാചകത്തിലാണ്.. “മോൻ എഴുന്നേറ്റോ ..വിശക്കുന്നുണ്ടാകും..ചെന്ന് കൊണ്ട് കൊടുക്ക് മോളേ”

“ഹൊ..ഞാൻ ഇപ്പോൾ ഈ വീട്ടിലെ ആരുമല്ലാതായി.ഹും ഒരു മരുമോൻ സ്നേഹം” നീലിമ കുറുമ്പു കാട്ടി… “വല്യ വീട്ടിലെ കുഞ്ഞല്ലേ മോളേ” “വല്യ വീട്ടിലെ കുഞ്ഞിനെന്താ കൊമ്പുണ്ടോ..ഹും” “നീയെന്തിനാടീ കുറുമ്പി ശുണ്ഠി എടുക്കുന്നത്.നിന്റെ കെട്ടിയോനല്ലേ അത്” നീലിമ ചിരിച്ചു..മനസ്സ് നിറഞ്ഞ്. അച്ഛനും അമ്മക്കും വിച്ചൂട്ടൻ നല്ലൊരു മരുമകനാണ്.ഓർത്തപ്പോൾ അഭിമാനം തോന്നി. കിച്ചണിൽ നിന്ന് അമ്മ ഉണ്ടാക്കിയ ദോശയും ചട്നിയും എടുത്ത് മുറിയിലേക്ക് ചെന്നു..നരൻ കുളി കഴിഞ്ഞു ഇറങ്ങിയിരുന്നു. “ഇതെന്തിനാ ഇങ്ങോട്ട് കൊണ്ട് വന്നത്..ഒന്നിച്ചു ഇരുന്ന് കഴിക്കായിരുന്നില്ലേ” “ഇന്ന് ഒരുനേരം ഇവിടെ ഇരുന്ന് കഴിച്ചൂന്ന് കരുതി ആകാശം ഇടിഞ്ഞ് വീഴില്യാ” ചുണ്ടുകൾ കോക്രിച്ചു..

മുഖം വീർപ്പിച്ചു.. “പെണ്ണിന് ശുണ്ഠി വരുമ്പോൾ കാണെന്തെന്ത് ചേലാ…കെട്ടിപ്പിടിച്ചു ഉമ്മ വെയ്ക്കാൻ തോന്നും” “പോടാ കളളത്തെമ്മാടി…നാണം ഇല്ലല്ലോ ഇങ്ങനെ പറയാൻ” “ഞാനെന്തിനാടീ നാണിക്കുന്നത്..നീയെന്റെ ഭാര്യയല്ലേ…എന്റെ പ്രാണൻ” വലിച്ചു നെഞ്ചിലേക്കിട്ടു…നീലിമ കുറുകി നിന്നു.കൂടുതൽ പറ്റിച്ചേർന്ന് ഒട്ടിയങ്ങനെ നിന്നു.. വിട്ടുമാറാൻ. തോന്നണില്ല..പ്രാണനോട് ചേർന്ന് നിൽക്കാൻ മനസങ്ങനെ തുടിക്കുന്നു..അവനോട് അലിഞ്ഞ് ചേരാനായി..ആ പനിച്ചൂടിൽ ഉരുകിയൊലിക്കാൻ.. “ലച്ചൂട്ടി..” “ഹ്മ്മ്മ്..ഹ്മ്മ്മ്..” “മൂളൽ മാത്രമേയുള്ളോ” “ഹ്മ്മ്മ്..ഹ്മ്മ്മ്..നീ വിളിക്കുമ്പോൾ..അടുത്ത് നിന്റെ സാമീപ്യമുളളപ്പോൾ എനിക്ക് വാക്കുകൾ കിട്ടുന്നില്ല..വിച്ചൂട്ടാ.”

“ഹും..അതെന്തേ” “നിക്ക് അറിയില്ല വിച്ചൂട്ടാ…നീയെന്റെ പ്രണയമാണ്..ആത്മാവാണ്.ജീവശ്വാസമാണ്.ശ്വസിക്കുന്ന ഓരോ അണുവിലും നിന്റെ നിശ്വാസമാണ്..പ്രണയത്തിന് ഇങ്ങനെയും ഒരു ഭാവമുണ്ടെന്ന് നീയാണെന്നെ പഠിപ്പിച്ചത്..വിവാഹം കഴിഞ്ഞുള്ള അനുരാഗമാണ് ശാശ്വതമായുളളതെന്ന്” നരൻ കൂടുതൽ അറിയുകയായിരുന്നു തന്റെ ജീവന്റെ ജീവനെ…ഓരോ അണുവിലും അവളുടെ ശ്വാസമാണ്..പ്രണയമാണ്..വിവാഹത്തിന് മുമ്പ് ലഭിക്കാതിരുന്ന പ്രണയമത്രയും തനിക്ക് അനുഭവിക്കാൻ കഴിയാഞ്ഞത് മുഴുവനായും അവൾ തന്നിലേക്ക് ഒഴുക്കുകയാണ്… പരസ്പരം പുണർന്ന് ഒരേ ആത്മാക്കളായി അങ്ങനെ നിന്നു…

പ്രണയിച്ചു കൊതി തീരാതെ.. “വയറ് കത്തണുണ്ട് ലച്ചൂട്ടാ” വയറിൽ മെല്ലെ കൈകൾ വെച്ചു നരൻ പറഞ്ഞു.. “സോറി വിച്ചൂട്ടാ ഞാൻ മറന്നു” നരനു കഴിക്കാനുളളത് നീലിമ എടുത്ത് വെച്ചു.. “ലച്ചൂട്ടി കഴിക്കണില്ലേ” “ഞാൻ പിന്നെ കഴിച്ചോളാം..വിച്ചൂട്ടൻ കഴിക്ക്” “അത് ശരിയാകില്ല” നരൻ നീലിമയെ കൂടെ ചേർത്തിരുത്തി…ദോശ മുറിച്ചു അതിൽ നിന്നൊരു കക്ഷണം എടുത്ത് ചട്നിയിൽ മുക്കി നീലിമക്ക് നേരെ നീട്ടി..കണ്ണു നിറഞ്ഞു… “കഴിക്കെടീ പെണ്ണേ കൊഞ്ചാതെ” സ്നേഹപൂർണ്ണമായ ശാസന…വായ് തുറന്ന് ദോശയും ചടനിയെക്കാളും ഉപരിയായി നല്ല സ്വാദ് നാവിൽ അനുഭവപ്പെട്ടു…സ്നേഹത്തിന്റെ കരുതലിന്റെ… “എനിക്കില്ലേ…” ചോദിച്ച് തീർന്നില്ല..അതിനു മുമ്പേ ദോശ ചട്നിയിൽ മുക്കി പ്രിയതമന്റെ നാവിൽ വെച്ചു കൊടുത്തു…

അവനത് കഴിക്കുന്നത് നോക്കിയിരുന്നു… “നിക്ക് ഇനീം വേണം വിച്ചൂട്ടാ..” കൊതിയോടെ പറഞ്ഞു…. അവൾക്ക് കൊടുത്ത ദോശ കഴിക്കുന്നത് നോക്കി അവനും ഇരുന്നു…മൽസരിച്ച് ഇരുവരും പരസ്പരം പങ്കുവെച്ചു കഴിച്ചു…ആത്മ സംതൃപ്തിയോടെ.. “ഞാനേ ഇതിങ്ങോട്ട് കൊണ്ടു വന്നത് ന്റെ വിച്ചൂട്ടന്റെ കയ്യിൽ നിന്ന് വാങ്ങി കഴിക്കാനാ” കാതിൽ അടക്കം പറഞ്ഞു.. കുണുങ്ങി ചിരിച്ചു.. “എനിക്ക് മനസ്സിലായെടീ കുറുമ്പത്തി” “ഹൊ…വലിയ ജ്ഞാനി” നീലിമ കളിയാക്കി….അടിക്കാനായി തമാശയിൽ കൈ വീശിയതും പാത്രവുമായി നീലിമ ഓടിക്കളഞ്ഞു..നരനും പിന്നാലെ ചെന്നു… “വിച്ചൂട്ടാ വേണ്ടാ ട്ടൊ…” തനിക്ക് നേരെ നടന്നു വരുന്ന നരനെ വിലക്കി പുറകോട്ട് കാലെടുത്ത് വെച്ചു…

കിച്ചണിന്റെ ഭിത്തിയിൽ തട്ടിയപ്പോൾ അവൾ നിന്നു… “എന്താടീ ഓടാത്തത്” “അയ്യോ അമ്മ” നീലിമ പെട്ടെന്ന് പറഞ്ഞതും നരൻ തിരിഞ്ഞ് നോക്കി…നീലി ഒറ്റയോട്ടം..അതിനു മുമ്പേ അരയിൽ കൈ ചുറ്റി പൊക്കിയെടുത്ത് തനിക്ക് അഭിമുഖമായി തിരിച്ച് നിർത്തി.. “ഡാ വിച്ചൂട്ടാ..വേണ്ടെടാ…അമ്മ വരും” തനിക്ക് നേരെ അടുത്ത് വരുന്ന അവന്റെ ചുണ്ടിൽ വിരൽ അമർത്തി… “അതിനെന്താ വരട്ടെ…” കുസൃതിയോടെ പറഞ്ഞു നീലിമയുടെ ചൊടിയിൽ മുത്തി…പതിയെ ചുണ്ടുകൾ അവൻ സ്വന്തമാക്കി.. പിടച്ചിലുകൾ പതിയെ നിശബ്ദമായി… ചുംബനത്തിൽ അലിഞ്ഞ് മുറുക്കി പുണർന്ന് അവന്റെ പ്രണയത്തിൽ…പ്രിയതമന്റെ പനിച്ചൂടിൽ ലയിച്ചു നിന്നു…

അത്മനിർവൃതിയോടെ… “വിച്ചൂട്ടാ നീയെന്റെ പ്രണയമാണ്..എന്റെ മാത്രം പ്രണയം” ഇടക്ക് ചുണ്ടുകൾ വേർപ്പെട്ടപ്പോൾ ഭ്രാന്തമായി പുലമ്പി…ഒന്നുകൂടി അമർത്തി ചുംബിച്ചു… ദീർഘമായ ചുംബനം… ശ്വാസം മുട്ടി പിടഞ്ഞിട്ടും അവന്റെ കഴുത്തിൽ പിടിച്ചു മുറുക്കി കൂടുതൽ പിടഞ്ഞ് തീരാൻ ശക്തമായി ആഗ്രഹിച്ചു… എന്തിനോ വേണ്ടി കിച്ചണിൽ വന്ന സീത പെട്ടെന്ന് മുന്നിലെ രംഗം കണ്ടു നാണിച്ചു ഇറങ്ങിപ്പോയി….അപ്പോഴും നരനും നീലിമയും അവരുടെ മാത്രം ലോകത്തായിരുന്നു…….തുടരും….

പ്രാണനായ് : ഭാഗം 12