💚 പ്രാണനായ് 💚 : ഭാഗം 14

എഴുത്തുകാരി: വാസുകി വസു

ദീർഘമായ ചുംബനം… മൽസരിച്ച് അലിഞ്ഞില്ലാതാവാൻ കൊതിച്ചു…കിതപ്പിനൊടുവിൽ ചുണ്ടുകൾ വേർപ്പെടുത്തി മിഴികളിൽ നോക്കി..പ്രണയത്തിന്റെ വികാരങ്ങൾ ജ്വലിച്ചിറങ്ങി.കാന്തികമായ ആകർഷണത്തിൽ ഇമകൾ ചിമ്മാതെ നോക്കി നിന്നു.. നാണത്തിന്റെ അരുളിപ്പൂക്കൾ നീലിമയുടെ നേത്രങ്ങളിൽ വിരിഞ്ഞു. പ്രണയത്തിനെക്കാൾ നിർവചിക്കാൻ കഴിയാത്തൊരു വികാരം.. അഭിനിവേശം നീലിമയോട് തോന്നുന്നു..ജന്മന്ദാരങ്ങൾക്കുമപ്പുറം..വല്ലാത്തൊരു ആത്മബന്ധം ഉടലെടുക്കുന്നു..അവളുടെ സാമീപ്യത്തിൽ… “ലച്ചൂട്ടി…” വികാരതീവ്രമായ അനുരാഗത്തിന്റെ സ്വരം…വിളി കേൾക്കാതിരിക്കാൻ കഴിയില്ല..

മൂളൽ മാത്രമേ പുറത്തേക്ക് വന്നുള്ളൂ.. “ഹ്മ്മ്മ്…ഹ്മ്മ്മ്…” “ലവ്വ് യൂ… റിയലി ലവ് യൂ” കാതിലൂടെയൊഴുകി ഹൃദയത്തിൽ പതിച്ചു..അന്തരാത്മാവിലേക്ക് ആഴത്തിലിറങ്ങി.. “ഹ്മ്മ്..ഹ്മ്മ്” മൂളിക്കൊണ്ട് അവനെ പൊതിഞ്ഞ് പിടിച്ചു…ഒരുനിമിഷം പോലും പിരിഞ്ഞിരിക്കാൻ കഴിയില്ല..സഹിക്കാൻ പറ്റില്ലെന്നൊരു തോന്നൽ നീലിമയിൽ ഉടലെടുത്തു.. ഇപ്പോൾ തന്റെ ഹൃദയസ്പന്ദനം പോലും നരനായിട്ടാണ് മിടിക്കുന്നത്..ഓരോ അണുവിലും നിറഞ്ഞ് നിൽക്കുന്നത് അവന്റെ ചുടു നിശ്വാസമാണ്… പരസ്പരം പുണർന്ന് മതിവരാതെ നിന്നു…അകന്ന് മാറാൻ കഴിയുന്നില്ല.അത്രമേൽ ആർദ്രമായ് അവർ പ്രണയിച്ചു കൊണ്ടിരുന്നു….

6 ദിവസത്തെ താമസം കഴിഞ്ഞു വിട പറയുമ്പോൾ സുദേവിന്റെയും സീതയുടെയും കണ്ണുകൾ നിറഞ്ഞു..നരനും നീലിമയും അത്രമേൽ അവരെ സ്വാധീനിച്ചിരുന്നു.അതേ നനവ് നീലിമയിലും നരനിലും ഉണ്ടായിരുന്നു.. “കാണണമെന്ന് തോന്നുമ്പോൾ ഓടി വരാലോ…പിള്ളാരെ കരയിക്കാതെ ചേട്ടാ” നിറമിഴികളോടെ സ്നേഹത്തിന്റെ ഭാഷയിൽ ഭർത്താവിനെ ശാസിച്ചു… “ഇത് ആനന്ദ കണ്ണീരാടീ” സുദേവ് പറഞ്ഞപ്പോൾ എല്ലാവരും പുഞ്ചിരിച്ചു… മക്കൾ കയറിയ ബുളളറ്റ് അകന്ന് പോകുന്നതും നോക്കി നിന്നു.. നെടുവീർപ്പോടെ രണ്ടു പേരും അകത്തേക്ക് കയറി… മനസ്സ് ശൂന്യമായത് പോലെ..

ബുളളറ്റിനു പിന്നിലിരുന്ന് കുറച്ചു കൂടി മുന്നിലേക്ക് ചേർന്നിരുന്നു..കൈകൾ അവന്റെ മാറിലൂടെയിട്ട് തോളിലേക്ക് ചാരി കിടന്നു..തലയെടുത്ത് ചുമലിൽ വെച്ചു.. പ്രാണനോടൊപ്പമുളള ഈ യാത്ര അവസാനിക്കാതിരുന്നെങ്കിൽ…നീലിമ ആത്മാർത്ഥമായി ആഗ്രഹിച്ചു ‌..കൊതിച്ചു..നരനെ പ്രണയിച്ചു മതിയാകുന്നില്ല…അത്രമേൽ ഇഷ്ടമാണ്.. വീട്ടിലെത്തിയപ്പോൾ നരന്റെ അച്ഛനും അമ്മയും നീലിമയുടെ വീട്ടിലെ വിശേഷങ്ങൾ തിരക്കി..സന്തോഷത്തോടെ എല്ലാം അവരുമായി പങ്കുവെച്ചു… പകൽ മാറി രാത്രി വളർന്നു തുടങ്ങി… ആഹാരം കഴിഞ്ഞ് വീടിനു വെളിയിൽ മുറ്റത്തായി കസേരയിട്ട് ഇരുന്നു..പൂർണ്ണചന്ദനോടും താരകങ്ങളോടും പ്രണയം പങ്കുവെച്ചിരുന്നു.

“വിച്ചൂട്ടാ ഉറങ്ങണ്ടേ സമയം ഒരുപാട് വൈകി” നീലിമ ഓർമ്മിപ്പിച്ചു… മറുപടി നൽകിയില്ല…പകരം നീലിമയെ പൊക്കിയെടുത്ത് മടിയിലിരുത്തി അണിവയറിലൂടെ കൈകൾ ചുറ്റി പിൻ കഴുത്തിൽ ചുംബിച്ചു.. നിർവൃതിയോടെ ലയിച്ചിരുന്നു.. “രാത്രിയും പകലും എല്ലാം നമ്മുടേതാണ് ലച്ചൂട്ടി…ആകാശത്ത് പുഞ്ചിരി തൂകി നിൽക്കുന്ന താരകങ്ങളെ കണ്ടില്ലേ…നമുക്ക് വേണ്ടിയാടോ എല്ലാം.. നമ്മുടെ പ്രണയത്തിനു വേണ്ടി.” “വിച്ചൂട്ടാ മഞ്ഞ് പൊഴിയണുണ്ട്…ജലദോഷം പിടിക്കും വാ…അടുത്ത ദിവസം രാത്രി ഇതുപോലെ വന്നിരിക്കാം” നീലിമ പതിയെ ചുമച്ചു…നരൻ നിറുകയിൽ തലോടി…. “വാ ലച്ചൂട്ടാ പോകാം” പ്രണയത്തെ കൈകളിൽ അവൻ കോരിയെടുത്ത് നെഞ്ചിലേക്ക് പൊതിഞ്ഞ് പിടിച്ചു…

കൈകൾ കഴുത്തിലൂടെ പിണച്ചു നരന്റെ മിഴികളിൽ നോക്കി നീലിമ കിടന്നു…കൂടുതലൊട്ടി… അകത്ത് മുറിയിൽ കയറി മെല്ലെ കിടക്കയിലേക്ക് കിടത്തി.. ചുറ്റിയിരുന്ന കൈകളാൽ വലിച്ചു തന്നിലേക്ക് അവനെയിട്ടു…നരന്റെ ഭാരം സുഖമൊള്ളൊരു കുളിരായി.കണ്ണിൽ കണ്ണിൽ നോക്കി… ചുണ്ടുകളെ അവന്റെ അധരങ്ങൾ സ്വന്തമാക്കിയ തും ഇമകൾ ചിമ്മിയടച്ചു…ലഹരി പിടിപ്പിക്കുന്ന ചുംബനം.. മൽസരിച്ച് തുടങ്ങി ഇരുവരും..നീലിമയിൽ നിന്ന് വമിക്കുന്ന സ്ത്രീ സുഗന്ധം നരനെ കൂടുതൽ മത്ത് പിടിപ്പിച്ചു..മുടിയിഴകൾ നാസികയോട് ചേർത്ത് പിൻ കഴുത്തിൽ ചുംബിച്ചു… വലിഞ്ഞൊന്നു മുറുകി…പരസ്പരം ഒന്നായി….

ഇരുശരീരവും‌‌ മനസ്സും… തളർച്ചക്കൊടുവിൽ അവളുടെ മാറിടത്തിലേക്ക് മുഖം പൂഴ്ത്തി വെച്ചു…അവന്റെ മുടിയിഴകളിൽ അവൾ വിരലോടിച്ചു… നിമിഷങ്ങൾ കടന്നു പോയി… ഒരേ പുതപ്പിൻ കീഴിൽ പരസ്പരം പുണർന്ന് അങ്ങനെ കിടന്ന് മയങ്ങി…ആനന്ദ നിർവൃതിയോടെ… നരൻ ഉറക്കം ഉണരും മുമ്പേ നീലിമ എഴുന്നേറ്റു കുളിച്ചു….മജന്ദാ കളറിൽ പ്രിന്റ് ചെയ്ത സാരിയിൽ കൂടുതൽ സുന്ദരിയായിരുന്നു… നരൻ ഉറക്കം ഉണർന്ന് ചായ കുടി കഴിഞ്ഞു … “ഇന്നുമുതൽ ഓഫീസിൽ പോകണം” നീലിമയുടെ മുഖം പെട്ടന്ന് മാറി പെയ്യാനൊരുങ്ങിയ കാർമേഘമായി മാറി…ചുണ്ടുകൾ വിങ്ങിപ്പൊട്ടി കണ്ണുകൾ നനഞ്ഞു.താങ്ങാൻ കഴിയുന്നതിനും ആയിരുന്നത്..

“വിച്ചൂട്ടാ എന്നെയും കൂടി കൊണ്ട് പോടാ…നിക്ക് വയ്യ നീയില്ലാതിരിക്കാൻ..കഴിയില്ലെടാ പ്ലീസ്” വിഷമമുണ്ട് പ്രണയത്തെ പിരിഞ്ഞിരിക്കുന്നതിൽ…പോകാതിരിക്കാൻ കഴിയില്ല..തന്റെ അസാന്നിദ്ധ്യം ഓഫീസിൽ വലിയ നഷ്ടമാവും സംഭവിക്കുക… “നിക്ക് വയ്യെടാ…ഞാനും വരും..എനിക്ക് നിന്റെ കൂടെ കാണണം” മാറിലേക്ക് നനഞ്ഞൊഴുകിയ കണ്ണുനീരിന്റെ ചൂട് അവനെ പൊള്ളിച്ചു…അറിയാം സ്നേഹക്കൂടുതലിന്റെ ആണെന്ന്.. “നിനക്ക് ബോറാകും ലച്ചൂട്ടി” പറഞ്ഞൊഴിയാൻ ശ്രമിച്ചു… നീലിമ സമ്മതിച്ചില്ല.. “മോളേക്കൂടി കൊണ്ട് പോടാ” അമ്മ പറഞ്ഞതും നീലിമ കൂടുതൽ സാന്തോഷത്തിൽ നരന്റെ കൂടെ ഒരുങ്ങി ഇറങ്ങി..പ്രിയപ്പെട്ടവനോട് ചിലവഴിക്കാൻ കഴിയുന്നോരു നിമിഷവും വിട്ടു കളയില്ല.

“നിക്ക് പിരിഞ്ഞിരിക്കാൻ വയ്യ വിച്ചൂട്ടാ” അറിയാം നെഞ്ചിൻ കൂട്ടിലെ പ്രണയം…തനിക്കായാണത് മിടിക്കുന്നതെന്നും അറിയാം… “വിച്ചൂട്ടാ.. എന്നോട് ദേഷ്യമുണ്ടോ” ബുളളറ്റിൽ കയറാൻ നേരം നീലിമ ചോദിച്ചു.. മുഖം കുനിച്ചു. “എന്തിനാണ് ലച്ചൂട്ടി…തനിക്ക് എന്നോടുളള സ്നേഹക്കൂടതൽ കൊണ്ടല്ലേ” മൂടിക്കെട്ടിയിരുന്ന മുഖം കൂടുതൽ തെളിഞ്ഞു…സന്തോഷത്താൽ കണ്ണുകൾ തിളങ്ങി.. “നിന്റെ സാന്നിദ്ധ്യമില്ലായ്മയിൽ നിന്റെ പ്രണയം വല്ലാതെ മിസ് ചെയ്യും വിച്ചൂട്ടാ…നിക്ക് സഹിക്കില്ല” “സാരല്യാ… ഞാൻ കൂടെയില്ലേ പിന്നെന്താ” ചേർത്ത് നിർത്തി നെറ്റിയിലൊരുമ്മ…കണ്ണിലും കവിളിലും…ചൊടികളാണ് അടുത്ത ലക്ഷ്യം.. മനസ്സിലായതും ചുണ്ടിൽ വിരൽ അമർത്തി ഓർമ്മിപ്പിച്ചു.. “വിച്ചൂട്ടാ…

നമ്മൾ റൂമിനു വെളിയിലാ” നരനു പരിസര ബോധം വന്ന് അകന്ന് മാറി… ചുറ്റും വീക്ഷിച്ചു ആരെങ്കിലും ശ്രദ്ധിക്കുന്നുണ്ടോന്ന്..മുഖത്തെ ചമ്മൽ മറച്ചു പിടിച്ചു.. നിലിമക്ക് മുമ്പിൽ.. “അതിനെന്താ.. നീയെന്റെ കെട്ടിയോളല്ലേ” പുഞ്ചിരിയോടെ ബുളളറ്റ് സ്റ്റാർട്ട് ചെയ്തു.. നീലിമ പറ്റിച്ചേർന്ന് അവന്റെ വയറ്റിലൂടെ കൈകൾ ചുറ്റിപ്പിടിച്ച് ഇരുന്നു… നരൻ ഓർക്കുകയായിരുന്നു.നീലിമയുടെ സാന്നിദ്ധ്യത്തിൽ സ്വയം മറന്ന് പോകുന്നു..തന്നെ ആകർഷിക്കാൻ കാന്തികമായ ശക്തിയവളിലുണ്ട്..ചിലപ്പോൾ തന്റെ ശക്തമായ പ്രണയമാകാം… ഓഫീസിൽ എല്ലാവർക്കും മുമ്പിൽ നീലിമയെ പരിചയപ്പെടുത്തി… ചിലരൊക്കെ അസൂയയോടെ നോക്കുന്നു…

കൂടുതലൊട്ടി ചേർന്ന് നടന്നു..വിരൽത്തുമ്പ് കൈകളിൽ കോർത്തു പിടിച്ചു.. നരന് തിരക്കോട് തിരക്കായിരുന്നു…ഒരുപാട് പെൻഡിംഗ് വർക്കുകകൾ‌‌.കമ്പ്യൂട്ടറിനു മുന്നിലായിരുന്നു കൂടുതൽ സമയം ചിലവഴിച്ചത്.. ബോറൊന്നും തോന്നിയില്ല…അവന്റെ സാന്നിധ്യം മാത്രം മതിയായിരുന്നു അവൾക്ക് ആശ്വാസമേകാൻ…ക്ഷമയോടെ എല്ലാം നോക്കി മനസ്സിലാക്കി നരന്റെ തിരക്കുകൾ… ഉച്ചക്ക് ഫുഡ് കഴിക്കാൻ വീട്ടിലേക്ക് പോകാനായി ഇറങ്ങി… അപ്പോഴാണ് സുന്ദരിയായൊരു പെൺകുട്ടി ഓടി വന്നത്.. “ഹായ്… നരൻ…” “ഹായ് നിഹാര…” ഷേക്ക് ഹാൻഡ് നൽകി ഹഗ് ചെയ്തു…. നീലിമ നിന്നിരുകി…മുഖം കോപത്താൽ ചുവന്നു തുടുത്തു…

കണ്ണുകളിൽ രക്തച്ചുവപ്പ് പടർന്നു.. പെയ്യാനായി അവളൊരുങ്ങി.. “നിഹാര ഇതെന്റെ വൈഫ്..നീലിമ…” “ലച്ചൂട്ടാ..ഇതെന്റെ ബെസ്റ്റ് ഫ്രണ്ട് നിഹാര‌‌..സ്റ്റേറ്റ്സിലാണ്” ഇരുവരെയും പരസ്പരം പരിചയപ്പെടുത്തി… ഷേക്ക് ഹാൻഡ് നൽകാൻ നിഹാര കൈകൾ നീട്ടിയെങ്കിലും വെറുപ്പിൽ മുഖം തിരിച്ച് നീലിമ..സ്ത്രീസഹജമായ കുശുമ്പ്… നിഹാരയുടെ മുഖം വിളറി…അത് മറച്ചു പിടിച്ചു യാത്ര പറഞ്ഞു പിരിഞ്ഞു…. വീടിനു മുമ്പിൽ ബുള്ളറ്റ് നിൽക്കും മുമ്പേ നീലിമ ചാടിയിറങ്ങി..അകത്തേക്കൊരോട്ടം‌‌..കാര്യം മനസ്സിലാകാതെ നരൻ അമ്പരന്നു… “യൂ…ചീറ്റ്…” മുറിയിലേക്ക് വന്ന നരനു നേരെ ചീറി… “എന്ത് പറ്റി ലച്ചൂട്ടാ” “ഓ…ഒന്നും അറിയൂല്ലല്ലേ…എനിക്ക് മുമ്പിൽ വല്ലവളുമാരുമായി ഹഗ് ചെയ്തില്ലേ” വിതുമ്പി പൊട്ടി….

ആർത്തലച്ചു കരഞ്ഞു… “എടീ പെണ്ണേ…അതെന്റെ ഫ്രണ്ടാ” “ഏത് ഫ്രണ്ട് ആയാലും കെട്ടിപ്പിടിച്ചും തൊട്ടുമൊന്നും വേണ്ടാ…നിക്ക് ഇഷ്ടമല്ല..നീ എന്റെയാ വിച്ചൂട്ടാ…എന്റെ മാത്രം പ്രണയം. ‌മറ്റൊരാൾ സ്പർശിക്കുന്നത് നിക്ക് ഇഷ്ടം അല്ല…” പൊട്ടിക്കരഞ്ഞു കൊണ്ട് അവന്റെ നെഞ്ചിലേക്ക് വീണു….മാറിലൂടെ കണ്ണുനീർ ഒലിച്ചിറങ്ങി നനച്ചു… “നീ എന്റെയാ വിച്ചൂട്ടാ ‌.എന്റെ മാത്രം പ്രണയം ‌..നിക്ക് സഹിക്കില്ലെടാ” കെട്ടിപ്പിടിച്ചു കിടന്നു കരയുന്ന നീലിമയെ പതിയെ ആശ്വസിപ്പിക്കാൻ ശ്രമിച്ചു… ഈശ്വരാ ഇങ്ങനെ ആണെങ്കിൽ ഇനിയും മുന്നോട്ടുള്ള ദിനങ്ങൾ എങ്ങനെ ആയിരിക്കും… അറിയാതെ നരൻ നെഞ്ചിൽ കൈവെച്ചു…….തുടരും….

പ്രാണനായ് : ഭാഗം 13