🔥അസുരാധിപതി 🔥 : ഭാഗം 2

എഴുത്തുകാരി: സ്മൃതി ബിജുകുമാർ

അവളെ കണ്ടതുമുതൽ ഉള്ള കാര്യങ്ങൾ അവന്റെ മനസ്സിൽ മിന്നി മറഞ്ഞു.. ” അമ്മ ഞാൻ ദേ ഇറങ്ങുകയാ …” ” എന്തെങ്കിലും കഴിച്ചിട്ട് പോ ദേവു…” ” വേണ്ട ഞാൻ കഴിച്ചോള്ളാം… “എന്നും പറഞ്ഞുദേവു വീടിന് പുറത്തേക്കിറങ്ങി… ” എന്റെ കൃഷ്ണാ ഇനിയേതു കാലത്ത് അവിടെ എത്താൻ ആണോ ആവോ..” പെട്ടെന്നാണ് ദേവുന്റെ സൈഡിൽ കൂടി ഒരു കാർ ചീറിപ്പാഞ്ഞ് പോയത് ആ കാറിന്റെ വേഗത കൊണ്ട് തന്നെ ദേവു സൈഡിലേക്ക് മാറിയതും ഒരു കല്ല് തട്ടി അവൾ വീണു… ആ വീഴ്ചയിൽ ദേവുവിന്റെ വലതുകൈയിൽ നിന്നുംതൊലി പോയിട്ടുണ്ട്… അവൾ എങ്ങനെയൊക്കെയോ എഴുന്നേറ്റു നിന്നു അപ്പോഴേക്കും ആ കാർ അവിടെ നിന്നും ചീറിപ്പാഞ്ഞു പോയിരുന്നു…

പിന്നെ ദേവു എങ്ങനെയൊക്കെയോ ആണ് ഹോട്ടലിലെത്തിയത്. നേരം വൈകിയതു കൊണ്ട് തന്നെ മാനേജറുടെ കയ്യിൽ നിന്നും നല്ല വഴക്ക് കിട്ടിയിരുന്നു അവൾക്ക്…. “അല്ല ദേവു നിന്റെ കൈക്ക് എന്താ പറ്റിയത്?”നന്ദു ആശയുടെ ചോദിച്ചു.. ” ഒന്നും പറയണ്ട ടീ ഏതോ ഒരുത്തൻ കഞ്ചാവ് വലിച്ച് വന്ന് വണ്ടി ഓടിച്ചിട്ട് മനുഷ്യന്റെ നെഞ്ചത്തേക്ക് കേറ്റാതിരുന്നത് ഭാഗ്യം എന്നാ ഒരു സ്പീഡ് ആയിരുന്നു ഭാഗ്യത്തിന് ഒന്നും പറ്റിയില്ല അല്ലെങ്കിൽ ഞാൻ ഇപ്പൊ പരലോകത്ത് എത്തിയേനെ…”എന്നും പറഞ്ഞ് അവൾ സംഭവങ്ങൾ എല്ലാം അവൾക്ക് വിവരിച്ചു കൊടുത്തു. “ഭാഗ്യം ഉണ്ട് നിനക്ക് ദേവു ഇത്രയേ പറ്റിയുള്ളൂ ഞാൻ ഫസ്റ്റൈഡ് ചെയ്തു തരാമെന്നും “പറഞ്ഞ് നന്ദു ആവളെ കൊണ്ടുപോയി കയ്യിലെ മുറിവ് എല്ലാം കെട്ടി…

അവർ ബിൽ സെക്ഷനിലേക്ക് നടക്കുന്ന സമയത്താണ് ദേവൂനെ ആരോ വന്ന് തട്ടുന്നത്…. അവൾ അയാളോട് സോറി പറയാനായി നിന്നുതും അയാളുടെ കരങ്ങൾ അവളുടെ കവിളിൽ പതിച്ചു… ഒരു നിമിഷം എന്താണ് നടന്നതെന്ന് അവൾക്ക് മനസ്സിലായില്ല. അവൾ അയാളുടെ മുഖത്തേക്ക് നോക്കിയതും കണ്ടു. കണ്ണുകൾ എല്ലാം ചുവന്ന് അവളെ ചുട്ടെരിക്കാൻ ഉള്ള കോപത്തിൽ നിൽക്കുന്ന ആ ചെറുപ്പക്കാരനെ… “എവിടെ നോക്കിയാ ഡി നടക്കുന്നത് “അവൾക്കുനേരെ ആ ക്രൂശിച്ചു… “അല്ല ഞാൻ എവിടെയെങ്കിലും നോക്കി നടന്നോട്ടെ തന്റെ മുഖത്ത് കണ്ണില്ലേ എന്നെ വന്ന് ഇങ്ങോട്ട് ഇടിച്ചിടാ എന്നിട്ട് എന്നെ തല്ലുന്നോ?” എന്നും പറഞ്ഞു അവൾ അയാൾക്ക് നേരെ തട്ടിക്കയറി…

അപ്പോഴേക്കും അവളുടെ ബഹളംകേട്ട് മാനേജർ അവിടെ എത്തിയിരുന്നു.. ദേവുനെ തട്ടി അയാളെ കണ്ടതും മാനേജറുടെ കണ്ണുകളിൽ ഭയം ഇരട്ടിച്ചു അയാൾ നന്ദുനോട് ദേവുവിനെ അവിടെ നിന്നും കൊണ്ട് പോകാൻ പറഞ്ഞു.. “സോറി സാർ പുതിയ കുട്ടിയാണ് അറിയില്ല ഇവിടുത്തെ കാര്യങ്ങൾ ഒന്നും സാർ ക്ഷമിക്കണം “മെന്നുംപറഞ്ഞു മാനേജർ അയാൾക്ക് നേരെ കൈകൂപ്പി അപ്പോഴേക്കും ദേവുവിനെ നന്ദു എങ്ങനെയൊക്കെയോ അവിടെനിന്നും കൊണ്ടുപോയിരുന്നു… “ഇട്സ് ഓക്കേ… പിന്നെ ഇതിന്റെ പേരിൽ ഇനി അവളെ ഇവിടെ നിന്നും പറഞ്ഞുവിടാൻ ഒന്നും നിൽക്കണ്ട….

അവൾ ഇവിടെ തന്നെ വേണം എന്റെ കൺമുന്നിൽ… “എന്നും പറഞ്ഞ് അവനെ താഴെ കിടക്കുന്ന ഫോൺ എടുത്ത് പൂളിന്റെ സൈഡിലേക്ക് പോയി… പെട്ടെന്നാണ് അവന്റെ പിറകിൽ കൂടി ആരോ കൈയിട്ട് അവനോടു ചേർന്നു നിന്നത്… അവൻ തിരിഞ്ഞു നോക്കിയതു० കണ്ടു ഒരു കുട്ടി ട്രൗസറും വയറു വരെ കാണുന്ന കുഞ്ഞി ടോപ്പും ഇട്ട് അവനെ നോക്കി ചിരിക്കുന്ന ദിയയെ… ” ദിയ നീ എപ്പോ എത്തി? “ആശയോടെ ചോദിച്ചു… “ഹേയ് വേദ നിനക്കെന്താ ഞാൻ വന്നിട്ട് ഒരു സന്തോഷം ഇല്ലാത്തത്…?” ” ആരു പറഞ്ഞു സന്തോഷം ഇല്ലാന്ന് നീ എനിക്ക് വേണ്ടി ആണ് വന്നത്എന്ന് എനിക്ക് അറിയാലോ “എന്നും പറഞ്ഞ് അവൻ അവളെ അരയിലൂടെ കയ്യിട്ടുഅവനോടു ചേർത്തു…

പിന്നീട് അവരുടെ അധരങ്ങൾ തമ്മിലുള്ള ദൂരം കുറഞ്ഞു കുറഞ്ഞു വന്നു. അവസാനം ദിയയുടെ അധരങ്ങൾ അവൻ വാശിയോട് നുണഞ്ഞു കൊണ്ടിരുന്നു…. ഇത് കണ്ടു കൊണ്ടാണ് ദേവു അങ്ങോട്ട് വന്നത്.ഒരു നിമിഷം അവളുടെ കണ്ണുകൾ പുറത്തേക്ക് ഉന്തി വന്നു… അവളുടെ കയ്യില് ഉണ്ടായിരുന്ന കൂൾ ഡ്രിങ് വലിയ ഒരു ശബ്ദത്തോടെ താഴേക്ക് പതിച്ചു ആ ശബ്ദം കേട്ടിട്ടാണ് വേദ ദിയയിൽ നിന്നും അകന്നു മാറിയത് അവൻ രോഷത്തോടെ ദേവുനെ നോക്കി…. പക്ഷേ അവളുടെ മുഖത്ത് അപ്പോഴും അമ്പരപ്പ് മാത്രമായിരുന്നു…. അവൾ അവിടെനിന്നും വേഗം ഓടി പോയി.അവിടെ കണ്ട കാഴ്ച അവൾക്ക് അത്രയും ഷോക്ക് നൽകുന്നതായിരുന്നു… അവളെ പറഞ്ഞിട്ടും കാര്യമില്ല ആദ്യം ആയിട്ടാണ് കുട്ടി ഇതൊക്കെ കാണുന്നത്…

പിന്നീടങ്ങോട്ട് വേദ വന്നിരുന്നത് ഓരോ ദിവസവും ഓരോ പെൺകുട്ടികൾ ആയിട്ടാണ് പക്ഷേ ഇതെല്ലാം കറക്റ്റ് ആയി ദേവു കാണുന്നുണ്ടായിരുന്നു… ഇതെല്ലാം അവൾക്ക് അവനോടുള്ള പകക്ക് കാരണമായി കാരണം ഇത്രയും വൃത്തികെട്ട ഒരു പുരുഷനെ അവൾ ജീവിതത്തിൽ ആദ്യമായിട്ടായിരുന്നു കാണുന്ന ഉണ്ടായിരുന്നത്…. ഒരു ദിവസം ദേവു ആരുമറിയാതെ വേദ മറ്റു പെൺകുട്ടികളെയും കൊണ്ട് വരുന്നത് എല്ലാം ഫോട്ടോ എടുത്തു വച്ചു പോലീസ് സ്റ്റേഷനിൽ പോയി… “സാർ ഞാൻ ഒരു complaint തരാൻ ആണ് വന്നത്..” “ഓക്കേ താൻ ഇരിക്കൂ “എന്നും പറഞ്ഞ് കോൺസ്റ്റബിൾ അവിടെ നിന്നും പോയി.

ദേവു അവിടെ കണ്ട ഒരു കസേരയിൽ വന്നിരുന്നു. അപ്പോഴേക്കും കോൺസ്റ്റബിൾ si യുടെ റൂമിൽ നിന്നും പുറത്തേക്ക് വന്ന് ദേവുവിനെ അങ്ങോട്ട് കൊണ്ടുപോയി.. ” എന്താണ് കാര്യം? “Si ഗൗരവത്തോടെ ചോദിച്ചു ” അത് സാർ ഞാൻ ഒരു കംപ്ലീറ്റ് തരാൻ വന്നതാണ്..” ” മ്മ് കാര്യം പറയും..! ” അത് സാർ ഞാൻ നന്ദ ഹോട്ടലിലെ ഒരു സ്റ്റാഫ് ആണ്. അവിടെ ഒരാൾ ഇൻമോറൽ ട്രാഫിക് നടത്തുന്നത് എന്റെ ശ്രദ്ധയിൽപ്പെട്ടു ഒരു ഇന്ത്യൻ പൗരൻ എന്ന നിലയിലാണ് അത് കംപ്പേറ്റ് ചെയ്യുന്നു “എന്നും പറഞ്ഞ് ദേവു അവിടെ നടന്ന കാര്യങ്ങൾ എല്ലാം അയാൾക്ക് പറഞ്ഞു കൊടുത്തു…

ഒരു നിമിഷം അയാൾ ഞെട്ടിപ്പോയി കാരണം വേദ ക്കെതിരെ ഒരു പെൺകുട്ടി കംപ്ലൈന്റ് കൊടുക്കുന്നത് അയാളെ അതിശയിപ്പിച്ചു …. ” താൻ ശരിക്കുംആലോചിച്ചു പറയുന്നത് തന്നെയാണോ?താൻ ഒന്നു പുറത്തേക്ക് ഇരിക്ക് ഞാൻ വിളിക്കാം… ” അയാൾ അത് പറഞ്ഞതും ദേവു എസ്ഐയുടെ റൂമിൽ നിന്നും ഇറങ്ങി പുറത്തുവന്നിരുന്നു… ദേവു കുറെ നേരമായി അവിടെ കാത്തിരിക്കാൻ തുടങ്ങിയിട്ട് പക്ഷേ അവളെ ഇതുവരെ അകത്തേക്ക് വിളിച്ചില്ല എന്നത് അവളിൽ ദേഷ്യം നിറച്ചു പെട്ടന്നാണ് മുറ്റത്ത് ഒരു കാർ വന്നു നിൽക്കുന്ന ശബ്ദം കേട്ടത്…… തുടരും…

അസുരാധിപതി : ഭാഗം 1