🔥അസുരാധിപതി 🔥 : ഭാഗം 7

എഴുത്തുകാരി: സ്മൃതി ബിജുകുമാർ

എന്തോ ഒരു ഉൾപ്രേരണ അവന്റെ മുഖം അവളുടെ മുഖത്തേക്ക് അടുത്തു…. അവൾ അവനെ അറപ്പോടും വെറുപ്പോടും കൂടി നോക്കി…. പക്ഷെ അവന്റെ കണ്ണുക്കൾ അവളുടെ ചുവന്നു തുടുത്തു നിൽക്കുന്ന ആ ചോര ചുണ്ടിലേക്ക് ആയിരുന്നു….. ദേവു നിന്ന നിൽപ്പിൽ സകലഈശ്വരമാരെയും വിളിച്ചു കൊണ്ടിരുന്നു…..അവളുടെ കണ്ണുനീർ ആ ഉണ്ടകണ്ണുകളിൽ നിന്നും കവിളിലൂടെ ഒലിച്ചിറങ്ങി ചുണ്ടുകളെ ചുംബിച്ചുകൊണ്ട് തറയിൽ ഇറ്റ് വീണു….. അവളുടെ ചുണ്ടിൽ കണ്ണീർകൊണ്ട് നനഞ്ഞത് കണ്ടതും വേദയുടെ ഹൃദയം ഒരുനിമിഷം നിലച്ചത് പോലെ അവന് തോന്നി… പെട്ടന്ന് അവൻ അവളെ ബെഡിൽ തള്ളിഇട്ടു…. അപ്പോഴാണ് ദേവുവിന് ആശ്വാസം ആയത് തന്നെ… അവൻ അവളുടെ കുപ്പിചില്ല് കൊണ്ട കൈയിൽ മുറുകെ പിടിച്ചത് കൊണ്ട് അവിടെ നിന്നും ചോര ഇറ്റ് വീഴാൻ തുടങ്ങിയിരുന്നു…. വേദ ഇടതു കൈ കൊണ്ട് നെറ്റി തടവി അവളിൽ നിന്നും തിരിഞ്ഞു നിൽക്കുകയാണ്. ദേവു ആണെങ്കിൽ വല്ലാത്ത ഒരു അവസ്ഥയിൽ ആണ്… “ഗെറ്റ് ഔട്ട്‌…..” അവൻ തിരിഞ്ഞ് നിന്ന് കൊണ്ട് അലറി…….. ദേവു പേടിച്ചു വിറച്ചു പോയി അവന്റെ അലർച്ചയിൽ…എന്തോ ചിന്തിച്ചു ദേവു അവിടെ നിന്നും വാതിൽ തുറന്ന് പുറത്തേക്ക് ഇറങ്ങി വാതിൽ അടച്ചു……

അപ്പോഴും അവളുടെ കണ്ണിൽ നിന്നും കണ്ണുനീർ വന്നു കൊണ്ടിരുന്നു…. ദേവു പോയതും വേദയുടെ കണ്ണുകൾ ചുവന്നു… “ആ………… ” മുടിയിൽ കൈ കോർത്തു വലിച്ചു അവൻ നിലത്തു മുട്ട് കുത്തി കണ്ണുകൾ ഇറുക്കി അടച്ചുകൊണ്ട് അലറി………അവന്റെ ഹൃദയം ദ്രുതഗതിയിൽ ഇടിച്ചു കൊണ്ടിരുന്നു…..എന്തിനെന്നില്ലാതെ അവന്റെ കണ്ണിൽ നിന്നും കണ്ണുനീർ പൊഴിഞ്ഞു……. വേദയുടെ റൂമിൽ നിന്നും ദേവു ഒരു ശില കണക്കെ ആണ് നടന്നു കൊണ്ടിരുന്നത്.. അപ്പോഴും നിലക്കാത്ത നീരുറവ പോലെ അവളുടെ കണ്ണുകൾ പെയ്തുകൊണ്ടിരുന്നു. കൈയിൽ നിന്നും രക്തവും പൊടിഞ്ഞു കൊണ്ടിരുന്നു…… ദേവു നേരെ പോയത് വാഷ്റൂമിലേക്ക് ആണ്… അവിടെ ആരും തന്നെ ഉണ്ടായിരുന്നില്ല എന്നത് അവൾക്ക് ഒരു തരത്തിൽ ആശ്വാസം ആയിരുന്നു…. അവൾ നേരെ കണ്ണാടിയുടെ അടുത്ത് പോയി നിന്നു. അഴിഞ്ഞുലഞ്ഞ മുടി… കണ്ണുനീരൽ പരന്ന കണ്മഷി… ഇപ്പോഴും ഇടതടവില്ലാതെ ഒഴുകുന്ന കണ്ണുനീർ.. വിറച്ച അദരം…. സ്ഥാനം തെറ്റി കിടക്കുന്ന സാരി.. ഇതെല്ലാം അവളെ കൂടുതൽ ധർമസങ്കടത്തിൽ ആക്കി….. പൈപ്പിന് താഴെ കൈ വച്ചതും അവളുടെ കൈയിലേക്ക് വെള്ളം വന്നു. അവൾ ഇരു കൈകൾ കൊണ്ടും വെള്ളം മുഖത്തേക്ക് ഒഴിച്ച് കൊണ്ടിരുന്നു..ആ വെള്ളത്തിന്റെ തണുപ്പിന് പോലും അവളുടെ ചുട്ടുപൊള്ളുന്ന കണ്ണുനീരിനെയോ അവളുടെ തിളച്ചു മറിയുന്ന മനസ്സിനെയോ തണുപ്പിക്കാനായില്ല…..

കൂടുതൽ ശക്തിയായി അവൾ വെള്ളം മുഖത്തേക്ക് തളിച്ച് കൊണ്ടിരുന്നു.. അവളുടെ വസ്ത്രം പോലും നനഞ്ഞു പോയിരുന്നു.. ഒരു ഭ്രാന്തിയെ പോലെ അവൾ മുഖം പൊത്തി കരഞ്ഞു… പിറകിലേക്ക് ആഞ്ഞു അവൾ ചുമരിൽ തട്ടി നിന്നു… പിന്നീട് ഒരു തൂവൽ കണക്കെ അവൾ താഴേക്ക് ഊർന്ന് വീണു… അപ്പോഴും അവളുടെ കണ്ണുനീർ ഷമിച്ചിട്ടില്ലായിരുന്നു… ഒരുപക്ഷെ വേദ അവളെ ചുംബിച്ചിരുന്നെങ്കിൽ അവൾക്കത് സഹിക്കാൻ പോലും കഴിയില്ലായിരുന്നു കാരണം അവളുടെ കഴുത്തിൽ തളിച്ചർത്തുന്നവന്റെ അല്ലാതെ മറ്റൊരു പുരുഷന്റെ സ്പർശനം പോലും അവളെ അലോസരപെടുത്തും. രാഹുലിന്റെ സ്പർശനം പോലും അവളെ ചിലപ്പോഴൊക്കെ ദേഷ്യം പിടിപ്പിക്കാറുണ്ട്.അത് എന്ത് കൊണ്ടാണെന്ന് അവൾക്ക് പോലും അറിയില്ല … അവൾ അങ്ങനെയാണ്….പക്ഷെ വേദയുടെ കണ്ണുകളിൽ അവൾ ഒരു നിമിഷം അവളെ തന്നെ മറന്ന് പോയിരുന്നു…… അകത്തളത്തിൽ നിന്നും പൂമുകത്തേക്ക് ഇറങ്ങാൻ നിൽക്കുക ആയിരുന്നു നാരായണൻ ഭട്ടത്തിരിപ്പാട്… ഏകദേശം ഒരു 65 വയസ്സ് ഉള്ള ഒരുവൃദ്ധൻ ആയിരുന്നു അദ്ദേഹം.ചെറുതായി വയറു ചാടിയിട്ടുണ്ട്. നെറ്റിയിൽ ഭസ്മകുറി… ദേഹത്തു പൂണൂൽ ഉണ്ട്. ഒരു വെള്ള മുണ്ട് മാത്രം ആണ് വേഷം.. കൂടാതെ ഒരു തോർത്ത് തോളിൽ ഇട്ടിട്ടുണ്ട്…

“ഇതാര കൃഷ്ണനോ എന്താ കൃഷ്ണ വിശേഷം?”പൂമുകത്തേക്ക് ഇറങ്ങിയ നാരായണൻ ഭട്ടതിരിപാട് ബാലകൃഷ്ണനോട്‌ ചോദിച്ചു.. “അത് തിരുമേനി മോൾടെ ജാതകം നോക്കാൻ ആണ്. കൂടാതെ കല്യാണ ഡേറ്റും നോക്കണം..”അയാൾ പൂമുകത്തേക്ക് കയറി പറഞ്ഞു. “ആഹ് ദേവൂന്റെ ജാതകം അന്ന്നിച്ചയത്തിന് നമ്മൾ നോക്കിയല്ലേ ഉള്ളു.. ഇനിയും എന്താ? ” അകത്തേക്ക് നടക്കുന്നതിന് ഇടക്കി ഭട്ടത്തിരി അയാളോട് ആരഞ്ഞു.. “ഒന്ന് കൂടി നോക്കുവോ എനിക്ക് എന്തോ പേടി പോലെ…. ” “എന്തിനാ കൃഷ്ണ ഇങ്ങനെ പേടിക്കുന്നത്… അവൾ മിടുക്കി അല്ലെ…സാക്ഷാൽ സീത ദേവിയുടെ അവതാരം അല്ലെ ദേവിക… കൂടാതെ അവൾക്ക് അവളുടെ ശ്രീരാമനെയും കിട്ടിയില്ലേ….. പിന്നെ എന്താ പ്രശ്നം “എന്നും പറഞ്ഞു അയാൾ സാമിമുറിയിലേക്ക് കയറി കൂടെ ബാലകൃഷ്ണനും… “അതാണ് ഏക ആശ്വാസം പക്ഷെ എന്തോ അനർത്ഥം സംഭവിക്കും എന്ന് മനസ് പറയുന്നു ” ” മ്മ്….”ബട്ടതിരി തന്റെ ആശങ്ക പുറത്ത് കാട്ടാത്തെ ഒന്ന് മൂളി..”ജാതകം തരു…. ” അയ്യാൾ അത് പറയലും കൃഷ്ണൻ ദേവുവിന്റെ ജാതകം കൈയിൽ കൊടുത്തു.. ബട്ടതിരി ജാതകം ഒന്ന് നോക്കി കാവടിപലക എടുത്തു.. എന്തൊക്കെയോ ചെയ്തു..അയാളുടെ മുഖക്ക് പല തരാം ഭാവങ്ങൾ വന്നും പോയികൊണ്ടും ഇരുന്നു… കൃഷ്ണൻ അക്ഷമനായി അയാളുടെ കൂടെയും… “കൃഷ്ണ…… ദേവുവിന് ഈ മാസം 28ന് മുന്നേ വിവാഹം നടക്കണം… ഇല്ലെങ്കിൽ അവളുടെ കുടുംബജീവിതം തുടർന്ന് പോകണം എന്നില്ല….

പിന്നെ ഞാൻ പറഞ്ഞല്ലോ അവൾ സീതദേവിയുടെ അവതാരം ആണ്. പരീക്ഷണങ്ങൾ ഉണ്ടാകും ധാരാളം.. പക്ഷെ അവൾ പൊരുതി തന്നെ ജീവിക്കും…” “അല്ല ഈ മാസം 28 എന്ന് പറയുമ്പോൾ വെറും രണ്ട് ആഴ്ച അല്ലെ ഉള്ളു…. പക്ഷെ എന്റെ പേടി എന്താണെന്ന് എനിക്ക് മനസിലാവുന്നില്ല… ” പക്ഷെ എനിക്ക് മനസിലായി കൃഷ്ണ…. ഈ വിവാഹം നടക്കുമോ എന്നാല്ലെ തന്റെ സംശയം.. താൻ പേടിക്കണ്ട തന്റെ മകൾ സുരക്ഷിമായ കൈകളിൽ തന്നെ ആണ് എത്തുക…” ” മ്മ് എന്നാൽ ഞാൻ ഇറങ്ങുകയാണ്… “എന്നും പറഞ്ഞു കൃഷ്ണൻ അവിടെ നിന്നും പോയി… അപ്പോഴും ഭട്ടതിരി കൃഷ്ണൻ പോയ വഴിയിലേക്ക് നോക്കിക്കൊണ്ടു നിൽക്കുകയായിരുന്നു….. അപ്പോഴാണ് അയാളുടെ ഭാര്യ പാർവതി അങ്ങോട്ട് വന്നത്..വെളുത്ത മുഖം ഐശ്വരം തുളുമ്പുന്ന ഒരു വൃദ്ധ ആയിരുന്നു അവർ. ഒരു സെറ്റ് സാരി ആണ് വേഷം.. “എന്തുപറ്റി മുഖത്തെ നല്ല സങ്കടം തോന്നുന്നുണ്ടല്ലോ…?” “എങ്ങനെ ഇല്ലാതെ ഇരിക്കും പാറു… അത്തരം കാര്യങ്ങൾ ഒക്കെ അല്ലേ നടക്കുന്നത്..” “എന്തുപറ്റി എന്താ പറ്റിയതെന്നു പറയൂ..?” “ഞാൻ തന്നോട് പറഞ്ഞിട്ടില്ലേ നമ്മുടെ ദേവു സാക്ഷാൽ സീതാദേവിയുടെ പോലെ ആണെന്ന് ..” “ആ പറഞ്ഞിട്ടുള്ളു എന്ത് ഐശ്വര്യ ആണല്ലേ നമ്മുടെ ദേവുവിന്.അങ്ങ് പറഞ്ഞിട്ടുണ്ടായിരുന്നു ശ്രീരാമചന്ദ്രനെ പോലെ ഉള്ള ആൾ തന്നെയാണ് അവളെ കെട്ടാൻ വരുന്നതെന്ന് ഇപ്പോൾ എന്തുപറ്റി..?” “പാറു… സീതയ്ക്ക് വേണ്ടി ജനിച്ചവനാണ് ശ്രീരാമൻ..

പക്ഷേ സീതയെ രാവണനും മോഹിച്ചിരുന്ന ല്ലോ…?” “അങ്ങ് എന്താണ് പറയുന്നത് എനിക്കൊന്നും മനസ്സിലാവുന്നില്ല..?” “സീതയും രാമനും പുനർ ജനിച്ചെങ്കിൽ ഉറപ്പായും രാവണനും പുനർജനിച്ചിരിക്കും… അതുതന്നെയാണ് സംഭവിച്ചിരിക്കുന്നത്… കാരണം സീതയെ അവനും ഭ്രാന്തമായി പ്രണയിച്ചിരുന്നല്ലോ വാശിക്ക് ആണെങ്കിൽ കൂടി … “എനിക്കൊന്നും മനസ്സിലാവുന്നില്ല ഒന്ന് തെളിച്ചു പറയൂ…?” “അതായത്. ദേവുവിനായി ജന്മം എടുത്തവനാണ് രാഹുൽ…പക്ഷേ രാവണനും അവൾക്കായി ജന്മം എടുത്തിട്ടുണ്ട്…” “അതിനർത്ഥം…?” “എനിക്കറിയില്ല പാറു ഇനി എന്താണ് സംഭവിക്കുക എന്ന്… പക്ഷേ ആ കുട്ടിയുടെ അവസ്ഥ കഷ്ടമായിരിക്കും അത് മാത്രം അറിയാം… “എന്നും പറഞ്ഞ് അയാൾ ഒരു ദീർഘനിശ്വാസം എടുത്തു…  ഒരു ക്ലൈന്റ്റിനു റൂം കാണിക്കാൻ പോയതായിരുന്നു ആരു.. താഴെ എത്തിയപ്പോൾ ദേവുവിനെ കാണാത്തത് കൊണ്ട് അവൾ വിചാരിച്ചു അവൾ ഏതെങ്കിലും ജോലിയിൽ ആയിരിക്കുമെന്ന്. പക്ഷെ കൊറേ നേരം ആയിട്ട് അവളെ കാണാത്തത് കൊണ്ട് ദേവുവിനെ തിരക്കി ആരു അവിടെ മുഴുവൻ തപ്പി നടന്നു അവസാനം ബാത്‌റൂമിൽ ഉണ്ടാകും എന്ന് വിചാരിച്ചു വാഷ്റൂമിൽ പോയതാണ് ആരു.. പക്ഷെ അവിടത്തെ കാഴ്ച്ച അവളെ തളർത്തി. ചുമരിന്നോട് ചാരി ഇരുന്നുകൊണ്ട് എങ്ങലടിച്ചു കൊണ്ട് കരയുകയാണ് ദേവു. അവൾ ദേവുവിന്റ അടുത്തേക്ക് ഓടി ചെന്ന് അവളുടെ അടുത്ത് മുട്ട് കുത്തി ഇരുന്നു.. “ദേവു… എന്താടാ മോളെ പറ്റിയെ…. നീ എന്തിനാ ഇങ്ങനെ കരയുന്നത്.?”എന്നും പറഞ്ഞു അവൾ ദേവുവിന്റെ മുഖം പിടിച്ചു ഉയർത്തി…

അപ്പോഴക്കും അവൾ ആരുവിന്റെ നെഞ്ചിലേക്ക് ചാഞ്ഞു…. ആരു അവളെ ഒരു കൊച്ചു കുഞ്ഞിനെപോലെ തന്റെ മാറോടു അവളെ ചേർത്ത് കിടത്തി… അവളുടെ എങ്ങളാടികൾ ഒരു വിധം കുറഞ്ഞതും ദേവുവിനെ ആരു അടർത്തി മാറ്റി അവളുടെ കണ്ണുകൾ എല്ലാം തുടച്ചു കൊടുത്തു.. വെറും മണിക്കൂറുകൾ കൊണ്ട് അവൾ ആകെ ക്ഷീണിച്ചിരുന്നു…. ആരു ഒന്നും തന്നെ അവളോട് ചോദിക്കാൻ പോയില്ല. ഇനി അവളെ അത് ചോദിച്ചു വിഷമിപ്പിക്കാൻ അവൾ ഒരുക്കമല്ലയിരുന്നു… അവൾ ദേവുവിനെ പതിയെ എഴുന്നേൽപ്പിച്ചു.എന്നിട്ട് ദേവുവിന്റെ മുഖം എല്ലാം കഴുക്കി കൊടുത്തു. മുടി എല്ലാം ഒതുക്കി വച്ച് ആരു അവളുടെ സാരി തുമ്പ് കൊണ്ട് ദേവുവിന്റെ മുഖം എല്ലാം തുടച്ചു കൊടുത്തു…. അവൾ ഏകദേശം ഒക്കെ ആണെന്ന് കണ്ടതും അവൾ ദേവുവിനെ കൊണ്ട് റസ്റ്റ്‌ റൂമിൽ കൊണ്ട് പോയി…. ദേവുവിന് പിന്നെ അവിടെ നിൽക്കാൻ തോന്നിയില്ല അവൾ ബാഗും എടുത്തു വീട്ടിലേക്ക് നടന്നു… ബസിൽ ഇരിക്കുമ്പോഴും അവൾ മറ്റേതോ ലോകത്ത് ആയിരുന്നു.. കണ്ടക്ടർ വിളിച്ചപ്പോൾ ആണ് അവൾ സ്വപ്നലോകത്തു നിന്ന് ഉണർന്നത്… വീട്ടിൽ എത്തിയതും അവൾ അകത്തു കയറി ബെഡിൽ ഒരേ കിടപ്പായിരുന്നു…. അമ്മ വന്നപ്പോൾ വാതിൽ തുറന്ന് കിടക്കുന്നത് കണ്ടപ്പോൾ അവൾക്ക് നല്ല വഴക്ക് കേട്ടു പക്ഷെ അവൾ അതൊന്നും ചെവി കൊണ്ടില്ല….പതിയെ അവൾ നിദ്രയെ പുൽകി….

“ദേവു….. മോളെ…… “കൃഷ്ണൻ അവളെ തലയിൽതലോടി വിളിച്ചതും അവൾ ഒന്ന് മുരണ്ടു കൊണ്ട് കണ്ണ് തുറന്നു.. “എന്താ അച്ഛന്റെ കുട്ടിക്ക് പറ്റിയത്…? ഈ ഉറക്കം പതിവില്ലാത്തതാണല്ലോ?” “ഒന്നുല്ല്യ അച്ഛേ…. ഒരു തലവേദന അപ്പോ ഒന്ന് കിടന്നത് ആണ് മയങ്ങി പോയി… ” “ഇപ്പൊ എങ്ങനെ ഉണ്ട് മോളെ?” “കുറവുണ്ട് അച്ഛേ ” “മ്മ്…. അച്ഛൻ മോളോട് ഒരു കാര്യം പറയാം… ” അവൾ ആകാംഷയോടെ അയാളെ നോക്കി.. “മോൾടെ കല്യാണം ഉടനെ നടത്താന അച്ഛന്റെ തീരുമാനം….” “ഇത്രപെട്ടന്നോ?” അവൾ ഞെട്ടി ചോദിച്ചു.. “മ്മ്…. ഈ 28ന്.. ഞാൻ രാഹുലിനെ വിളിച്ചു അവനു സമ്മതം ആണ്…. ” “എന്നാലും അച്ഛേ…. ഇത്രപെട്ടന്നോ?” “മോൾ ഒന്ന് സമ്മതിക്കട… മോൾക്ക് നല്ല സമയ അല്ല ഈ വിവാഹം നടക്കണം അച്ഛന്റെ ആഗ്രഹമാണ്..” “മ്മ് എനിക്ക് സമ്മതം ആണ് അച്ഛേ “അവൾ ഒരു വരണ്ട പുഞ്ചിരി അയാൾക്ക് സമ്മാനിച്ചു.. “അത് കേട്ടാൽ മതി ” “അല്ല അച്ഛേ സ്ത്രീ ധനം ഒക്കെ….”അവൾ നിന്ന് പരുങ്ങി… “അത് അച്ഛൻ ഒരു വഴി കണ്ടിട്ടുണ്ട് മോൾ അത് ഓർത്തു വിഷമിക്കണ്ടാട്ടോ “എന്നും പറഞ്ഞ് അവൾ അവളുടെ തലയിൽ തലോടി പുറത്തേക്ക് ഇറങ്ങി…. ഫോൺ ബെൽ അടിക്കുന്ന ശബ്ദം കേട്ട് ആണ് വേദ ബാത്റൂമിൽ നിന്നും ഇറങ്ങിയത്.. അവൻ അത് എടുക്കാൻ പോയപ്പോഴേക്കും അത് കട്ടായി… പിന്നെ അവൻ അതിന് ശ്രെദ്ധ കൊടുക്കാതെ തന്നെ കോബോർഡിൽ നിന്ന് ഒരു ടി ഷർട്ട് എടുത്തു ഇട്ട് കണ്ണാടിയിൽ മുടി ചീക്കി… അപ്പോഴേക്കും വീണ്ടും ഫോൺ ബെൽ അടിച്ചു.. അവൾ അത് ആരാണെന്ന് പോലും നോക്കാതെ അറ്റന്റ് ചെയ്തു… “ഹലോ…….”….. തുടരും…

അസുരാധിപതി : ഭാഗം 6