🔥അസുരാധിപതി 🔥 : ഭാഗം 9

എഴുത്തുകാരി: സ്മൃതി ബിജുകുമാർ

വാതിൽ തുറക്കുമ്പോൾ എന്തെന്നില്ലാതെ ദേവുവിന്റെ ഹൃദയം പിടക്കുന്നുണ്ടായിരുന്നു….. ദേവു വിറയ്ക്കുന്ന കയ്യോടെ ആ വാതിൽ തുറന്നു… പക്ഷേ അവൾ പേടിച്ചത് ഒന്നും മുറിയിൽ ഉണ്ടായിരുന്നില്ല എന്നത് അവൾക്ക് വളരെ വലിയ ഒരു ആശ്വാസമായിരുന്നു… അവള് റൂം മുഴുവൻ ഒന്ന് കണ്ണോടിച്ചു… അമേരിക്ക നിന്നും വേദ നേരെ വന്നത് ഹോട്ടലിലേക്ക് ആണ്.. അവന് ഒരു സമാധാന, അന്തരീക്ഷം നൽകുന്നത് ഇവിടെ ആയതുകൊണ്ട് തന്നെയാണ് അവൻ ഇങ്ങോട്ട് വന്നത്.. പിന്നെ ഇങ്ങോട്ട് അവനെ എന്തൊക്കെയോ ആകർഷിക്കുന്നത് പോലെ അവന് തോന്നിയിട്ടുമുണ്ട് പക്ഷേ അത് എന്താണെന്ന് മാത്രം അവന് ഒരു ഐഡിയയും ഇല്ല…

ഹോട്ടലിൽ എത്തിയപ്പോൾ തന്നെ രാത്രി 12 മണി കഴിഞ്ഞിരുന്നു… പിന്നെ ഫ്രഷ് ആവാൻ പോലും നിൽക്കാതെ അവൻ ബെഡിലേക്ക് വീണു.. സൂര്യപ്രകാശം കണ്ണിലേക്ക് അടിച്ചപ്പോൾ ആണ് വേദ ഉറക്കത്തിൽ നിന്നും ഉണർന്നത്… അവൻ വളരെ ക്ഷീണിതനായിരുന്നു എന്നത് അവന്റെ മുഖഭാവം വിളിച്ചോതുന്നുണ്ടായിരുന്നു…. ഇന്നലെ കുളിക്കാതെ തന്നെ കിടന്നതു കൊണ്ട് അവൻ നേരെ പോയത് ബാത്റൂമിലേക്ക് ആണ്.. തണുത്തവെള്ളം ദേഹത്തുകൂടി വീണപ്പോൾ എന്തോ ഒരു ഉന്മേഷം കൈവരുന്നത് പോലെ അവനു തോന്നി… ആ തണുത്ത വെള്ളം അവന്റെ മനസ്സിനെയും തണുപ്പിക്കുന്നത് പോലെ ഒരു ഫീൽ… കുറച്ചുനേരം ഷവറിനു താഴെ രണ്ടുകൈയും ഭിത്തിയിൽ ചേർത്തു അവൻ നിന്നു…

പിന്നെ വേഗം ഫ്രഷായി അവിടെനിന്നും ഇറങ്ങി… ഒരു ബ്ലൂ കളർ ജീൻസും ബ്രൗൺ കളർ ടീ ഷർട്ടും ആയിരുന്നു അവൻ ഇട്ടിരുന്നത്… വെള്ളത്തുള്ളികൾ മുടിയിൽ അങ്ങിങ്ങായി പറ്റിപ്പിടിച്ചിരുന്നു.. കുറച്ചു നേരം ഫോണിൽ കളിച്ചുകൊണ്ടിരുന്നപ്പോൾ വെയിറ്റർ വന്ന് അവന് ഫുഡ് കൊണ്ടു വന്നു കൊടുത്തു… ന്യൂഡിൽസ് ആയതുകൊണ്ട് തന്നെ അവൻ അത് ചൂടാറുന്നതിനു മുൻപേ കഴിച്ചു തീർത്തു. വേദ റൂമിൽ നിന്നും പോയത് ഗാർഡനിലേക്ക് ആണ്… വളരെ വിശാലമായ ഒരു പൂന്തോട്ടം ആയിരുന്നു അത്… ശരിക്കും പറഞ്ഞാൽ ഒരു പീസ് ഫുൾ അറ്റ്മോസ്ഫിയർ… അവിടെയുണ്ടായിരുന്ന ചെടികളെല്ലാം സൂര്യന്റെ സാന്നിധ്യത്തിൽ വെട്ടി തിളങ്ങുന്നുണ്ടായിരുന്നു…

വേദ അവിടെയുള്ള ഒരോ പൂക്കളിനു മുകളിലും കൈതൊട്ടു നടന്നു… അവന്റെ മനസ്സ് ആരെയോ കാണാൻ പിടയ്ക്കുന്നത് പോലെ അവനു തോന്നി.. പക്ഷേ തന്റെ ഹൃദയം ആർക്കുവേണ്ടിയാണ് ഇടതടവില്ലാതെ ഇടിക്കുന്നത് എന്ന് അവന് അറിയുന്നുണ്ടായിരുന്നില്ല …. അവൻ അവിടെ എല്ലാം ചുറ്റിത്തിരിയുന്ന സമയത്താണ് മുമ്പിൽ കാണുന്ന ഒരു വലിയ ഗ്ലാസ് ഫ്രയിമിനുള്ളിൽ കൂടെ ആരു നോട് സംസാരിച്ച റിസപ്ഷനിൽ തന്റെ ജോലി ചെയ്യുന്ന ദേവുവിനെ അവൻ കണ്ടത്… അവളെ കണ്ടതും അവന്റെ കണ്ണുകൾ തിളങ്ങി… അവന്റെ കണ്ണുകൾ അവളുടെ മുഖത്താകമാനം ഓടി നടന്നു… ചിരിക്കുമ്പോൾ മാത്രം കാണുന്ന അവളുടെ കുഞ്ഞു നുണക്കുഴിഅവനിൽ കൗതുകമാണ് ഉണർത്തിയത്..

കാരണം അവൾ ചിരിക്കുന്നത് അവൻ ആദ്യമായിട്ടാണ് കാണുന്നത് തന്നെ… എന്തോ അവളുടെ ചിരി അവന്റെ ഹൃദയത്തിൽ വന്ന് പതിച്ചതു പോലെ…. അവൻ നടക്കുന്നുണ്ടെങ്കിൽ കൂടി കണ്ണു മുഴുവൻ അവളുടെ മുഖത്ത് ആയിരുന്നു… പ്രതീക്ഷിക്കാതെ അവന്റെ കാൽ ഒരു കല്ലിൽ തട്ടി… നിമിഷനേരം കൊണ്ട് അവൻ താഴെ വീണിരുന്നു… പക്ഷേ എങ്ങനെയൊക്കെയോ അവൻ എഴുന്നേറ്റു.. പക്ഷേ ദേഹത്തു മുഴുവൻ മണ്ണും ചെളിയും ആയിരുന്നു അതുകൊണ്ട് തന്നെ അവൻ ദേവുവിനെ ഒന്നു നോക്കി വേഗം റൂമിലേക്ക് നടന്നു… റൂമിലേക്ക് നടക്കുന്ന വഴിക്കും അവന്റെ മനസ്സിൽ ദേവു മാത്രമായിരുന്നു… അവളുടെ കളിചിരികൾ തനിക്ക് മാത്രമായി കിട്ടിയിരുന്നെങ്കിൽ എന്ന് അവൻ ഒരു നിമിഷം ചിന്തിച്ചു പോയി… അവൻ എന്തൊക്കെയോ ചിന്തിച്ചു നടക്കുന്ന സമയത്താണ് എങ്ങോട്ടോ പോകുന്ന റിതികയെ അവൻ കണ്ടത്..

എന്തോ ഒരു ഉൾപ്രേരണയിൽ അവളെ വിളിച്ചു ദേവുവിനോട് റൂമിലേക്ക് വരാൻ പറഞ്ഞു.. പക്ഷേ അത് എന്തിനാണെന്ന് പോലും അവന് അറിയുന്നുണ്ടായിരുന്നില്ല… റൂമിൽ പോയി വേദ ഫ്രഷ് ആവാൻ കയറി… കയ്യിലുണ്ടായിരുന്ന മണ്ണ് എല്ലാം അവൻ കഴുകിവൃത്തിയാക്കി കൊണ്ടിരുന്നു… ഇട്ടിരുന്ന ഡ്രസ്സ് എല്ലാം വാഷ് ചെയ്യാൻ ഇട്ട് അവൻ റൂമിനു പുറത്തേക്കിറങ്ങി… റൂമിന് പുറത്തിറങ്ങിയ അവൻ ഒരു നിമിഷം ഞെട്ടിപ്പോയി… അവന്റെ കണ്ണിൽ ആദ്യം പതിഞ്ഞത് ദേവു ആയിരുന്നു…അവളെ കണ്ടതും അവന്റെ ഹൃദയം വേഗത്തിൽ ഇടിച്ചു കൊണ്ടിരുന്നു.. അവൻ അറിയാതെ തന്നെ അവളുടെ നേർക്ക് നടന്നു.. അപ്പോഴേക്കും ദേവു തിരിഞ്ഞു…

റൂം മുഴുവൻ കണ്ണോടിച്ചു കൊണ്ടിരിക്കുമ്പോഴാണ് ദേവൂ തന്റെ പിറകിൽ ആരുടെയോ കാലൊച്ച കേട്ടത്… ഒരു നിമിഷം തന്റെ ഹൃദയം നിൽക്കുന്നത് പോലെ അവൾക്ക് തോന്നി… അവൾ ഞെട്ടി ധ തരിച്ച് പിറകിലേക്ക് തിരിഞ്ഞുനോക്കി… ഒരു ബാത്ത് ട്ടവൽ മാത്രമായിരുന്നു വേദയുടെ വേഷം… നനഞ്ഞ മുടി മുന്നിലേക്ക് കിടക്കുന്നുണ്ടായിരുന്നു…. അവനെ കണ്ടതും അവൾ പേടിച്ച് വിറക്കാൻ തുടങ്ങി.ചെന്നിയിലൂടെ എല്ലാം വിയർപ്പുകണങ്ങൾ ഒഴുകുന്നുണ്ടായിരുന്നു….. വേദ അടുത്തേക്ക് വരുംതോറും ദേവു പിറകിലേക്ക് നടന്നു കൊണ്ടിരുന്നു…. അവളുടെ ഹൃദയം ഇപ്പോൾ പുറത്തുവരും എന്നുള്ള രീതിയിൽ പിടച്ചു കൊണ്ടിരിക്കുകയാണ്…. വേദ ആണെങ്കിൽ ഒന്നും തന്നെ ശ്രദ്ധിക്കാതെ അവളിലേക്ക് അടുക്കാൻ വെമ്പൽ കൊണ്ടു…

പെട്ടെന്നാണ് ദേവൂ ചുമരിൽ തട്ടി നിന്നത്…ഒരു നിമിഷം ഈ ഭൂമി പിളർന്നു താഴേക്ക് പോയാൽ മതി എന്ന് പോലും അവൾ ചിന്തിച്ചു… അവിടെ ആ ചുമര് ഉണ്ടാക്കിയവനെ അവൾ മനസ്സുകൊണ്ട് ഒരു പതിനായിരം വട്ടമെങ്കിലും പ്രാകിയിട്ടുണ്ടാകും എന്ന് തീർച്ചയാണ്… വേദ ആണെങ്കിൽ നടത്തം നിർത്തുന്നില്ല അവൾ തൊണ്ടയിൽ ഉമിനീർ ഇറക്കി കൊണ്ടിരുന്നു..അവളുടെ മനസ്സിൽ അന്നത്തെ കാര്യങ്ങളെല്ലാം ഒരു സിനിമ കണക്കെ വന്നുകൊണ്ടിരുന്നു… വേദ തന്റെ അടുത്തെത്തി എന്ന് അവൾ നിമിഷനേരംകൊണ്ട് മനസ്സിലാക്കി….വേദയുടെ കണ്ണുകൾ അവളുടെ മുഖത്ത് മാത്രമായിരുന്നു അവനിൽ പല വികാരങ്ങളും ഉടലെടുക്കാൻ തുടങ്ങിയിരുന്നു ആ സമയം… അവന്റെ മുഖം അവളിലേക്ക് അടുത്തു കൊണ്ടിരുന്നു അവൾ ഒരു പേടിയോടെ ഇരുകണ്ണുകളും ഇറുക്കിയടച്ചു…. അവന്റെ ചുടുനിശ്വാസം കഴുത്തിൽ തട്ടിയത് അവളൊരു പേടിയോടെ അറിഞ്ഞു….

ആരു ദേവൂ എവിടെയാണ്? റിസപ്ഷനിൽ എത്തിയ രാഹുൽ ആരുവിനോട് ചോദിച്ചു… “അത് രാഹുൽ ചേട്ടാ അവൾ റൂം നമ്പർ 318 ലേക്ക് പോയിരിക്കുകയാ?” ” എന്താടാ എന്തെങ്കിലും ജോലി ഉണ്ടോ?” ” അറിയില്ല മുതലാളി അങ്ങോട്ട് വിളിച്ചതാണ് എന്ന പറഞ്ഞത്..” “മ്മ് ” അതിന് അവൻ ഒരു താല്പര്യം ഇല്ലാതെ മൂളി … “അല്ലാ ചേട്ടൻ എന്താ ഇവിടെ?” ” ഞാൻ ദേവൂനെ അന്വേഷിച്ചു വന്നതാണ് ടോ രണ്ടുദിവസം അവളോട് സംസാരിക്കാൻ പോലും സമയം കിട്ടുന്നുണ്ടായിരുന്നില്ലല്ലോ അവൾ പരാതിയിൽ ആയിരിക്കും അപ്പോ അതൊന്നു തീർത്തു കൊടുക്കണ്ടേ…?” ” അങ്ങനെ എന്നാ വെയിറ്റ് ചെയിട്ടോ അവൾ വരും..” ” ഇല്ലടാ കുറച്ചു തിരക്കുണ്ട് അവളെ കണ്ടിട്ടു പോകാം എന്ന് വിചാരിച്ചു..

ആ റൂമിലേക്ക് പോയാൽ എന്തെങ്കിലും കുഴപ്പമുണ്ടാകുമോ?” “അറിയില്ല പക്ഷേ റൂമിൽ ആരുമില്ല എന്ന് തോന്നുന്നു എന്തായാലും ചേട്ടൻ പോയി ഒന്ന് നോക്ക്… ഞാനിവിടെ കുറച്ച് തിരക്കിൽ അല്ലെങ്കിൽ ഞാൻ തന്നെ പോയി നോക്കിയേനെ..” ” അതിന്റെ ആവശ്യം ഒന്നും ഇല്ലെടോ ഞാൻ പൊയ്ക്കോളാം “എന്നും പറഞ്ഞ് അവൻ അവിടെ നിന്നും വേദിയുടെ റൂമിലേക്ക് നടന്നു…. ഇതേ സമയം ആരുവിന്റെ ചുണ്ടിലൊരു വരണ്ട ചിരി വിരിഞ്ഞു…. സർവ്വാഭരണ ഭൂഷിതയായി ഇരു സൈഡിലും നിരന്നു നിൽക്കുന്ന താലങ്ങൾക്കിടയിലൂടെ നടക്കുകയാണ് ദേവു… അവളെ കണ്ടാൽ ഇപ്പോൾ ഒരു ദേവതയുടെ പോലെ തന്നെയുണ്ട്.. ഐശ്വര്യം തുളുമ്പുന്ന മുഖം..

കണ്ണുകൾ വാലിട്ടെഴുതി കറുപ്പ് ചിരിക്കുന്നു… ഒരു റെഡ് കളർ പട്ടുസാരി ആണ് അവൾ ഉടുത്തിരിക്കുന്നത്… ആ സാരിയിൽ അവൾ സുന്ദരി ആയതുപോലെ ഏവർക്കും തോന്നി…കഴുത്തിൽ അത്യാവശ്യം വേണ്ടുന്ന ആഭരണങ്ങൾ മാത്രമാണ് അവൾ ധരിച്ചിരിക്കുന്നത്… കാതിൽ ഒരു മീഡിയയും വലുപ്പം ജിമിക്കി… ഇരുകൈകളിലും സ്വർണ്ണവളകൾ ചുവപ്പ് കുപ്പിവളകൾ കിടയിൽ ആയി ഇട്ടിരിക്കുന്നു..,, മുടി നല്ല ഭംഗിയായി മെടഞ്ഞിട്ടിട്ടുണ്ട്….മുടി മുഴുവൻ മുല്ലപ്പൂക്കൾ കൊണ്ട് കവർ ചെയ്തു വച്ചിരിക്കുന്നു…. മുഖത്ത് വെറും മിതമായ മേക്കപ്പ് മാത്രമാണ് ചെയ്തിരിക്കുന്നത്… പക്ഷേ എങ്ങനെ പോയാലും അവൾക്ക് ഒരു പ്രത്യേക ഐശ്വര്യം തന്നെയായിരുന്നു..

മണ്ഡപത്തിൽ ഉള്ള ഓരോരുത്തരും അവളുടെ സൗന്ദര്യത്തിൽ മതിമറന്നു നിന്നുപോയി… ദേവൂവിനെ അവളുടെ അച്ഛൻ കൈ പിടിച്ച് മണ്ഡപത്തിൽ ഇരുത്തി… അവൾ തലതാഴ്ത്തി തന്നെയാണ് ഇരിക്കുന്നുണ്ടായിരുന്നത്… എന്തോ ഒരുതരം ഭയം അവളെ വേട്ട ആടി കൊണ്ടേയിരുന്നു.. പൂജാകർമ്മങ്ങൾ എല്ലാം കഴിഞ്ഞു അവൻ തന്റെ പേര് കൊത്തിയ ആലിലത്താലി അവളുടെ കഴുത്തിൽ ചാർത്തി… പൂജാരി നീട്ടിയ ഒരു തരി കുങ്കുമം അവളുടെ നെറുകയിൽ ചാർത്തി അവൻ അവളെ സുമംഗലി ആക്കി മാറ്റി… എന്തു കൊണ്ടോ അവൻ കുങ്കുമം ചാർത്തുന്ന സമയം അവളുടെ കണ്ണിൽ നിന്നും ഒരിറ്റു കണ്ണുനീർ ഭൂമിയെ ചുംബിച്ചു………”തുടരും…. നോവൽ വായിക്കുന്ന ഞങ്ങളുടെ പ്രിയവായനക്കാർ എഴുത്തുകാരികളെ പ്രോത്സാഹിപ്പിക്കുന്നതിന്റെ ഭാഗമായി ഈ പോസ്റ്റ് ലൈക്ക് ചെയ്യണമെന്ന് അപേക്ഷിക്കുന്നു. എഴുത്തുകാരികളെ പ്രോത്സാഹിപ്പിക്കുന്നതിലൂടെ നല്ല നല്ല നോവലുകൾ എഴുതാൻ അവർക്ക് പ്രചോദനമാകും. 

അസുരാധിപതി : ഭാഗം 8