🔥അസുരാധിപതി 🔥 : ഭാഗം 21

എഴുത്തുകാരി: സ്മൃതി ബിജുകുമാർ

ദേവൂ ആണെങ്കിൽ ഇവൻ എന്തു ജീവി എന്നും ആലോചിച്ച് അവൻ പോയ വഴിയെ നോക്കി നിന്നു…. പിന്നെ അധികനേരം അവൾ അവിടെ നിൽക്കാതെ ആ വീടൊക്കെ ചുറ്റും നിരീക്ഷിക്കാൻ തുടങ്ങി.. അത്യാവശ്യം വലിപ്പമുള്ള ഒരു ഹാൾ ആയിരുന്നു അത്… അത്യപൂർവ്വ സൗകര്യങ്ങളെല്ലാം അവിടെ ഉണ്ടായിരുന്നു… ഹാളിനെ ഒത്തനടുവിൽ ഒരു ഊഞ്ഞാൽ ഉണ്ട്…. മരതടി കൊണ്ട് ഉണ്ടാക്കിയത് ആയിരുന്നു അത്…നല്ല വലുപ്പം ഉള്ള ഊഞ്ഞാൽ….. ഹാളിൽ എല്ലാം വളരെ വൃത്തി ഉണ്ടായിരുന്നു… ആ ഹാളിൽ നിന്ന് 4 വാതിലുകൾ ഉണ്ട്…താഴെ തന്നെ 3 റൂമും ഒരു അടുക്കളയും… അവൾ അവിടെ നിന്നും നേരെ പോയത് അടുക്കളയിലക്ക് ആണ്..ഒരു വലിയ അടുക്കള തന്നെ ആണ് അത്..

ഒരു 10 പേർക്ക് ഒക്കെ ഒരുമിച്ചു നിന്ന് പെരുമാറാൻ ഉള്ള സ്ഥലം ഒക്കെ ഉണ്ട്…അടുക്കളയിൽ നിന്നുള്ള വാതിലിൽ നിന്ന് പുറത്തേക്ക് നോക്കിയാൽ കാണുന്നത് വിശാലമായ പച്ചക്കറി തോട്ടം ആണ്……പലതരത്തിൽ ഉള്ള പച്ചക്കറികൾ എല്ലാം അവിടെ ഉണ്ടായിരുന്നു… “”അസുരൻ ആള് കൊള്ളാലോ “”ദേവൂ ആരോടെന്നില്ലാതെ പറഞ്ഞു…. ആ സമയം അവളുടെ ചുണ്ടിൽ ഒരു കുഞ്ഞ് പുഞ്ചിരി വിരിഞ്ഞു…. പിന്നീട് എന്തോ ഓർത്തത് പോലെ അവൾ സ്യൂട്ട്കേസ് എടുത്തു കൊണ്ട് മുകളിലേക്ക് സ്റ്റെപ് കയറി…. “”ഇത് എന്താ പതിനെട്ടൻ പടിയോ?””ദേവൂ ആത്മഗമിച്ചു… മുകളിൽ തന്നെ നാല് മുറികൾ ഉണ്ട്. അത്യാവശ്യാം വലിയ ഒരു ഹൾ പോലെ തന്നെയാണ് മുകളിലും… ദേവൂ അവിടെ നിന്നും ഒരു മുറിയിൽ കയറി….

അവൾ ആ റൂം മുഴുവൻ ഒന്നു കണ്ണോടിച്ചു…അത്യാവശ്യം വലുപ്പം ഉള്ള ഒരു വൃത്തിയുള്ള റൂം ആണ് അത്…ഒരു ഡബിൾ കോട്ട് ബെഡും ഒരു മേശയും കസേരയും ബുക്ക്‌ സ്റ്റാൻഡ് കാബോർഡ് ടീവീ തുടങ്ങിയ എല്ലാ സൗകര്യവും അവിടെ ഉണ്ടായിരുന്നു..ആ റൂമിന്റെ ഭിത്തി മുഴുവനും നിറയെ കൊച്ചു കുട്ടികളുടെ ഫോട്ടോകൾ ആയിരുന്നു… ദേവൂ അറിയാതെ തന്നെ അവളുടെ വയറ്റിൽ കൈ വച്ചു…. പിന്നെ എന്തോ ഓർത്തിട്ടെന്ന പോലെ ഞെട്ടികൊണ്ട് കൈ എടുത്ത് മാറ്റി… അവൾ വീണ്ടും ആ ഫോട്ടോകളിലേക്ക് നോക്കി നിന്നു… “”ദേവ……”” വേദ ദേവുവിനെ ഉച്ചത്തിൽ വിളിച്ചു.. ശരിക്കും അപ്പഴാണ് എന്തോ ആലോചിച്ചു നിൽക്കുന്നുണ്ടായിരുന്ന ദേവൂ ചിന്തകളിൽ നിന്നും ഉണർന്നത്…

വീണ്ടും അവന്റെ വിളി അവളെ തേടി എത്തിയപ്പോൾ അവൾ ആ റൂമിൽ നിന്നും പുറത്തേക്ക് ഇറങ്ങി . അടുത്തു കണ്ട റൂമിലേക്ക് കയറിയതും അവൾ എന്തിനെയോ പോയി തട്ടി… പെട്ടന്ന് വീഴാൻ പോയതും അവളെ ആരോ പിടിച്ചു .. താഴെനിന്നും വേദ നേരെ വന്നത് അവന്റെ റൂമിലെക്ക് ആണ്… മറ്റേ റൂമിനെ പോലെ തന്നെയുള്ള മുറി തന്നെ ആണ് ഇതും… പക്ഷെ ഈ റൂമിന്റെ ഒരു ഭാഗം മുഴുവൻ ഗ്ലാസ് ആണ്.. അത് കർട്ടൻ ഇട്ടുകൊണ്ട് മറച്ചിട്ടുണ്ട്… ഭിത്തിയിൽ മുഴുവൻ അവരുടെ കല്യാണ ഫോട്ടോ ആണ് ഫ്രെയിം ചെയ്തു വച്ചിരിക്കുന്നത്… അതിൽ ഒന്നും ഇരുവരുടെയും മുഖത്തു യാതൊരു വിധ സന്തോഷവും ഇല്ല…

ആ റൂമിനോട് ചേർന്ന് തന്നെ ഒരു ചെറിയ ഡ്രെസ്സിങ് റൂമും അറ്റാച്ച്ഡ് ബാത്റൂമും ഉണ്ടായിരുന്നു… വേദ കാബോർഡ് തുറന്നു. അതിൽ എല്ലാം അവന്റെ ഡ്രെസ്സ് തന്നെ ആയിരുന്നു… അതിൽ നിന്നും ഒരു ഷോർട്സും ട്ടി ഷർട്ടും എടുത്ത് അവൻ ഫ്രഷ് ആവാൻ കയറി…. ഫ്രഷ് ആയി വന്നിട്ടും ദേവൂനെ റൂമിലേക്ക് കാണാത്തത് കൊണ്ടാണ് അവൻ അവളെ വിളിച്ചത്…. പക്ഷെ അവളുടെ അനക്കം ഒന്നും കേൾക്കാതെ ആയതും അവൻ റൂമിനു പുറത്തേക്ക് ഇറങ്ങി.. അപ്പോഴാണ് റൂമിലേക്ക് ദേവൂ കടന്ന് വന്നത്…. പെട്ടന്ന് വേദ വീഴാൻ പോയെങ്കിലും അവൻ ബാലൻസ് ചെയ്തു നിന്ന് ദേവുവിന്റെ അരയിൽ കൂടി കയ്യിട്ടു തന്നോട് ചേർത്ത് നിർത്തി.. ഇരുവരുടെയും കണ്ണുകൾ പരസ്പരം ഇഴചേർന്നു….

വേദ ദേവുവിന്റെ കടുംനീല കണ്ണിലേക്കു ആഴ്‌ന്നിറങ്ങി…..ദേവൂവും അവന്റെ ആ കാപ്പിക്കണ്ണുകളിൽ കുരുങ്ങി പോയിരുന്നു….ഒരിക്കലും ഒരു മോചനം ഇരുവരും ആഗ്രഹിക്കാത്തത് പോലെ…. ഇരുവരുടെയും ഹൃദയം ഉച്ചത്തിൽ ഇടിച്ചു കൊണ്ടിരുന്നു…. വേദയുടെ കൈകൊണ്ട് അവളെ അവൻ ഒന്നും കൂടി അവനിലേക്ക് അടുപ്പിച്ചതും അവൾ ഒന്നു പൊള്ളിപിടഞ്ഞു കൊണ്ട് അവനെ തള്ളിമാറ്റാൻ ശ്രെമിച്ചു… എല്ലാവരെയും എതിർക്കുന്ന ദേവുവിന് പക്ഷെ അവന്റെ കൈ കരുതിന് മുന്നിൽ അടിയറവ് പറയേണ്ടി വരുന്നു എന്നത് അവളെ ചിന്തക്കുലയാക്കി… “”പ്ലീസ്….. “” അവൾ സൗമ്യം ആയി അവനോട് പറഞ്ഞു.. അവളുടെ ചുടു നിശ്വാസം അവന്റെ മുഖത്തു തട്ടിയതും അവൻ ഞെട്ടികൊണ്ട് അവളെ അവന്റെകയിൽ നിന്നും മോചിത ആക്കി…

അവനു എന്താണ് പറ്റിയത് എന്ന് അവനു പോലും അറിയില്ലായിരുന്നു…. “”എന്തിനാ വിളിച്ചത് ….. “” ദേവൂ തലതാഴ്ത്തി കൊണ്ട് ചോദിച്ചു.. “”കാണാതായപ്പോ വിളിച്ചത് ആണ്… നീ എവിടായിരുന്നു “”അവൻ ഗൗരവത്തിൽ ചോദിച്ചു.. “”ഞാൻ ആ മുറിയിൽ ഉണ്ടായിരുന്നു….”” “”മ്മ് നീ നിന്റെ സാധനം ഒക്കെ ഈ മുറിയിലേക്ക് കൊണ്ട് വാ… ഇതാണ് എന്റെ മുറി… “‘ “ഞാൻ ആ മുറിയിൽ കിടന്നോളം…””അവൾ അവന്റെ മുഖത്തു നോക്കി പറഞ്ഞു. “”നീ എന്റെ ഭാര്യ ആണ് എന്റെഭാര്യ താമസിക്കേണ്ടത് എന്റെ കൂടെ ആണ്.. അതല്ലത്തെ ലോഡ്ജിലെ പോലെ 2 മുറികളിൽ അല്ല. ഇവിടെ ഞാൻ പറയുന്നത് ആണ് നിയമം… “” “”ഈ ഒരു താലിയുടെ അവകാശം മാത്രമേ ഉള്ളു… വേറെ ഒന്നും ഇല്ല ഞാനുംനിങ്ങളും തമ്മിൽ…””ദേവൂ അവനെ പുച്ഛിച്ചു.. “എന്താ വേറെ ബന്ധം വേണോ നിനക്ക്..

“അവൻ പുരികം പൊന്തിച്ചു ചോദിച്ചു.. അവന്റെ ആ ചോദ്യത്തിൽ ദേവൂ ഒന്നും ഞെട്ടി.. “”ഡയലോഗ് അടിക്കാൻ മാത്രേ നിനക്ക് അറിയൂ…. പിന്നെ ഉച്ചക്ക് ഒന്നും കഴിച്ചില്ല നല്ല വിശപ്പ് ഉണ്ട് താഴെ വന്നാൽ എന്തേലും കഴിക്കാം..”” എന്നും പറഞ്ഞു അവൻ താഴേക്ക് ഇറങ്ങി പോയി. അവൻ പോയതും റിസ്ക് എടുക്കണ്ട എന്ന് വിചാരിച്ചു കൊണ്ട് ദേവൂ അവളുടെ സാധനങ്ങൾ എല്ലാം വേദയുടെ റൂമിൽ കൊണ്ട് വച്ചു..എല്ലാം അടുക്കി ഒതുക്കി വച്ചു കൊണ്ട് അവൾ നേരെ താഴേക്ക് പോയി.. താഴെ അവളെയും കാത്ത് കൊണ്ട് വേദ ഊണ് മേശയുടെ അടുത്ത് ഇരിക്കുന്നുണ്ടായിരുന്നു.. അവൾ വരുന്നത് കണ്ടതും അവൻ ബൗളിൽ നിന്ന് ചപ്പാത്തി എടുത്തു കൊണ്ട് കഴിക്കാൻ തുടങ്ങി.. “”ഇത് എവിടെ നിന്ന…?””

“” അത് ഇവിടത്തെ കാര്യസ്ഥനെകൊണ്ട് വാങ്ങിപ്പിച്ചു..”” “”മ്മ്… “”ഒന്നും മൂളി കൊണ്ട് ദേവൂ രണ്ടു ചപ്പാത്തിയും ചിക്കൻ കറിയും. എടുത്തു കൊണ്ട് കഴിക്കാൻ തുടങ്ങി.. ഫുഡ്‌ എല്ലാം കഴിച്ചുകഴിഞ്ഞു ദേവൂ അവിടെ മുഴുവൻ നീരീക്ഷിച്ചു….. വേദ മുകളികയറി പോയി ഒരു റൂമിൽ ഇരിക്കുകയാണ്… അവൻ എവിടെ ആണെന്ന് ദേവൂ അന്നേക്ഷിക്കാനും പോയില്ല…. ദേവൂ കുറെ നേരം പൂത്തോട്ടത്തിൽ ഒക്കെ പോയി ഇരുന്നു…. അവിടെ ആരും ഇല്ലാത്തത് അവൾക്ക് ശരിക്കും ബോർ അടിപ്പിക്കുന്നുണ്ടായിരുന്നു… പിന്നെ കുറെ നേരം വീട്ടിലേക്ക് ഒക്കെ വിളിച്ചു…. വേദയുടെ വീട്ടിലേക്ക് വിളിച്ചപ്പോൾ എല്ലാ വർക്കും അവൾ പോയതിൽ സങ്കടം ഉണ്ടെന്ന് അവൾക്ക് മനസിലായി….

എല്ലാവരോടും സംസാരിച്ചപ്പോൾ അവൾക്ക് വല്ലാത്ത ഒരു ഉന്മേഷംവന്നത് പോലെ തോന്നി… രാത്രിയിലേക്ക് ഉള്ള ഭക്ഷണം ദേവൂ തന്നെ ആണ് ഉണ്ടാക്കിയത്.. ദോശയും ചമ്മന്തിയും ആണ് അവൾ ഉണ്ടാക്കിയത്… അപ്പോഴും വേദ ആമുറിയിൽ തന്നെ ആയിരുന്നു… ഭക്ഷണം എല്ലാം ഡെയിനിങ് ടേബിളിൽ എടുത്തു വച്ചുകൊണ്ട് ദേവൂ അവനെ വിളിക്കാൻ പോയി… അവൾ വാതിൽ കുറെ നേരം തട്ടിയിട്ട് ആണ് അവൻ വാതിൽ തുറന്നത്. അവൻ ആ റൂമിന് പുറത്തക്കിറങ്ങിയതും കൈയിൽ ഉണ്ടായിരുന്ന കീ കൊണ്ട് ആ റൂം പൂട്ടി.. ദേവുവിന് ഒരു സംശയം വന്നെങ്കിൽ കൂടി അവൾ അതിനെ കുറിച്ചുഒന്നും തന്നെ ചോദിക്കാൻ പോയില്ല… അത്താഴം കഴിക്കുമ്പോഴും അവൻ ഭക്ഷണത്തെ കുറിച്ച് ഒന്നും പറയാത്തത് ദേവുവിന് എന്തോ ഒരു വിഷമത്തിന് ഇടയാക്കി…

ഫുഡ്‌ കഴിച്ചു കഴിഞ്ഞ് വേദ നേരെ റൂമിലേക്ക് പോയി… ദേവൂ ആണെങ്കിൽ അവൻ ഒന്നും സംസാരിക്കതത് കൊണ്ട് എന്തോ പോലെ ഇരിക്കുകയാണ്.. പിന്നെ ദേഷ്യത്തിൽ പ്ലേറ്റ്ല്ലാം കഴുകി വച്ച് അവന്റെ പിന്നാലെ പോയി.. റൂമിൽ എത്തിയപ്പോ കണ്ടത് അവൻ പോത്ത് പോലെ മൂടി പുതച്ചു കിടക്കുന്നത് ആണ്… പിന്നെ അവനെ നോക്കി കൊണ്ട് നില്കാതെ അവളും ലൈറ്റ് ഓഫ്‌ ചെയ്തു കൊണ്ട് അവന്റെ കൂടെ ബെഡിൽ കിടന്നു…. ഒരു അഗ്നിപർവതം പൊട്ടി തെറിച്ചു… അതിൽ നിന്നും ലാവ ഒഴുകി ഒരു രാജ്യത്തെ തന്നെ ചാമ്പലാക്കി… ഒരു പിഞ്ചു കുഞ്ഞു തന്റെ അമ്മയുടെ അടുത്തേക്ക് ഓടി പോയി കൊണ്ടിരുന്നു.. പക്ഷെ അവളുടെ കാലുകൾക്ക് വേഗത ഇല്ലാത്തത് പോലെ… അവളുടെ കാലുകൾ തീയിൽ പൊള്ളി കൊണ്ട് ഇരുന്നു…

പെട്ടന്ന് ഒരു മഴ അവിടെ പെയ്തു…. ആ മഴയിൽ അവളുടെ കാൽ ചുവട്ടിലെ അഗ്നി എല്ലാം കേട്ടു പോയി… പെട്ടന്ന് എന്തോ ഒരു ശക്തി അവളെ മുകളിലേക്ക് ആവാഹിച്ചു… അവൾ കരഞ്ഞുകൊണ്ടിരുന്നു… അവളുടെ ചെറിയ തൊണ്ട പൊട്ടുന്നത് പോലെ അവൾ അലറികരഞ്ഞു.. പക്ഷെ അവളെ രക്ഷിക്കാൻ ആരും ഉണ്ടായില്ല… അവളുടെ ബോധം ക്ഷണനേരം കൊണ്ട് പോയി…. അപ്പോഴും അവളെ ആ ശക്തി മുകളിലക്ക് ആവാഹിച്ചു കൊണ്ടിരുന്നു…… മേഘങ്ങൾക്ക് ഇടയിലൂടെ ആ പിഞ്ചു ശരീരം എങ്ങോട്ടെന്നില്ലാതെ സഞ്ചരിച്ചു…….”തുടരും…. നോവൽ വായിക്കുന്ന ഞങ്ങളുടെ പ്രിയവായനക്കാർ എഴുത്തുകാരികളെ പ്രോത്സാഹിപ്പിക്കുന്നതിന്റെ ഭാഗമായി ഈ പോസ്റ്റ് ലൈക്ക് ചെയ്യണമെന്ന് അപേക്ഷിക്കുന്നു. എഴുത്തുകാരികളെ പ്രോത്സാഹിപ്പിക്കുന്നതിലൂടെ നല്ല നല്ല നോവലുകൾ എഴുതാൻ അവർക്ക് പ്രചോദനമാകും. 

അസുരാധിപതി : ഭാഗം 20