🔥അസുരാധിപതി 🔥 : ഭാഗം 33

എഴുത്തുകാരി: സ്മൃതി ബിജുകുമാർ

അയാൾ അവളുടെ ആ പനിനീർ ഗന്ധത്തെ മൂക്കിലേക്ക് ആവാഹിച്ച് കൊണ്ടിരിക്കുകയാണ്… അവൾ ആണെങ്കിൽ അയാളിൽ നിന്നും വേർപെടാൻ ആയി ഒരു പാഴ്ശ്രമം നടത്തി കൊണ്ടിരുന്നു. അയ്യാൾ അവളെ തന്റെ നെഞ്ചിൽ നിന്നും മോചിതയാക്കാൻ അനുവദിച്ചില്ല…അവൻ അവളുടെ മുടിയിഴകൾ എല്ലാം മണത്തുകൊണ്ടിരുന്നു…. അവളുടെ കാർകൂന്തലിൽ നിന്ന് വരുന്ന കാച്ചിയ എണ്ണയുടെ മണം അവനെ മത്തുപിടിച്ചുകൊണ്ടിരുന്നു…. അവൾ അവനിൽ നിന്ന് വിട്ട്മാറാൻ ശ്രെമിച്ചുകൊണ്ടേ ഇരുന്നു… അവസാനം അവനു മുന്നിൽ തനിക്ക് പിടിച്ചുനിൽക്കാൻ പറ്റില്ല എന്ന് തോന്നിയതും അവൾ ഒന്ന് അടങ്ങി… അവളുടെ ശ്വാസ ഗതി ഉയർന്നും താഴ്ന്നുകൊണ്ടും ഇരുന്നു..

ഹൃദയം ശരവേഗത്തിൽ ഇടിക്കുന്നു….. അവളുടെ എതിർപ്പുകൾ അവസാനിച്ചതും അവൻ അവളിലെ പിടി ഒന്ന് അഴച്ചുകൊണ്ട് വന്നു… അവന്റെ കൈ അഴഞ്ഞു വന്നതും അവൾ അവന്റെ നേരെ തിരിഞ്ഞു… “”എന്താടാ കണ്ണൊക്കെ നിറഞ്ഞു ഇരിക്കുന്നെ….. “”അവൻ അവളുടെ മുഖം പിടിച്ചു ഉയർത്തികൊണ്ട് ചോദിച്ചു.. “”യാഷി…… “”എന്ന് പറഞ്ഞു അവൾ അവന്റെ നെഞ്ചിൽ മുഖം പൂഴ്ത്തി.. “”എന്ത് പറ്റി മോളെ നീ പേടിച്ചു പോയോ..?”” “”മ്മുംഹും…… “”ഇല്ല എന്നവൾ തലയട്ടി….. “”പിന്നെ എന്ത് പറ്റിയെടാ……”” അവൻ ദയനീമായി പറഞ്ഞു… “”നമ്മൾ ചെയുന്നത് തെറ്റല്ലേ…….. യാഷി…”” “”എന്ത് തെറ്റ്…..? നീയെന്താ പറയുന്നേ…?”” അവൻ സംശയത്തോടെ ചോദിച്ചു.. “”എനിക്കിപ്പോ ആരും ഇല്ല യാഷി…. ഞാൻ ഒറ്റക്ക അച്ഛനും പോയി അമ്മയും പോയി നിനക്ക് ഞാൻ ചേരില്ല……. “”അതും പറഞ്ഞു അവൾ പൊട്ടി കരഞ്ഞു.. “”ദേ പെണ്ണെ ആവശ്യം ഇല്ലാത്തത് പറയരുത്….

നീ എന്റെയാ….. ഈ യാഷിക്ന്റെ പെണ്ണാ നീ എന്റെ മാത്രം… അതിപ്പോ നിനക്ക് ആരും ഇല്ല എന്ന് പറഞ്ഞാൽ നീ എന്റേന്ന് വാങ്ങിക്കും കേട്ടോ.. നിനക്ക് ആരും ഇല്ലങ്കിലും ഞാൻ ഉണ്ട് നിനക്ക്…… “”അവൻ അവളെ ചേർത്ത് പിടിച്ചു… “”പക്ഷെ ഞാൻ ഒരു അനാഥ അല്ലെ…..”” “”ഇനി ആ വാക്ക് പറഞ്ഞാൽ നീ എന്റെ സ്വഭാവം അറിയും ദിയുട്ടി…..””അവൻ അവളെ ശക്കാരിച്ചു അവൾ അവന്റെ മുഖത്തേക്ക് നോക്കി തന്നെ നിന്നു.. പെട്ടന്ന് അവൻ അവളുടെ മുഖം കൈകുമ്പിളിൽ എടുത്തുകൊണ്ട് അവളുടെ നെറ്റിത്തടത്തിൽ അവന്റെ ചുണ്ടുകൾ പതിപ്പിച്ചു…. അവൾ അത് തന്റെ ഇരുകണ്ണുകളും അടച്ചുകൊണ്ട് സ്വീകരിച്ചു…. “”ഡാ…..””ചുംബനത്തിൽ മതിമറന്നു നിന്ന അവരെ ആരോ ഉറക്കെ വിളിച്ചു.. അവർ ഞെട്ടി അടർന്നു മാറി കുറ്റവാളികളെ പോലെ വാതിലിന്റെ ഭാഗത്തേക്ക്‌ നോക്കി… അവിടെ അവരെ കത്തുന്ന നോട്ടവും നോക്കി യദാവ് നിൽക്കുന്നുണ്ടായിരുന്നു… “”എന്താടാ ഇപ്പോ ഞാൻ കണ്ടേ..?”” യദു യാഷിയുടെ അടുത്തുവന്നു കൊണ്ട് അവന്റെ കോളറയിൽ പിടിച്ചു ചോദിച്ചു.. !”നീ എന്താ കണ്ടത്….?

അത്തന്നെ ആണ് ഇവിടെ നടന്നെ…”” “ഏഹ്…?…. ആഹ്…. നീ എന്തിനാ ഇവളെ കിസ്സ് അടിച്ചേ…? നിനക്ക് ആരാ അതിന് അധികാരം തന്നത്..?”” യദു കത്തി കേറുവാണ്.. “”ഡാ വല്യ ചേട്ടൻ കളിക്കാൻ നിക്കല്ലേ ദേ ഇവൾ എന്റെ പെണ്ണാ ഞാൻ വേണേൽ ഇവളെ ഇനിയും കിസ്സ് അടിക്കും……. “” “”നിന്റെ പെണ്ണോ..? “”യദു കിളിപോയി ചോദിച്ചു.. “”ആഹ് എന്റെ പെണ്ണ്…. എന്ന് നീ കേട്ടിട്ടില്ലേ….? ഈ ദിയ ബാലകൃഷ്ണൻ ഈ യാഷിക് വർമ്മയുടെ പെണ്ണ് ആണ് അതിനൊരു മാറ്റവും ഇല്ല…”” “”എന്ന് മുതൽ…… “”വന്നപ്പോൾ ഉള്ള ആവേശം ഒന്നും ഇപ്പോ കാണാനില്ല… “”ഒരു 3 വർഷം ആയി…….”” “”മൂന്നു വർഷമോ…? “”യദു ഞെട്ടി ചോദിച്ചു… “”ആ….. മൂന്ന് വർഷം എന്ന് കേട്ടിട്ടില്ലേ…”” “!എടാ സമദ്രോഹി എന്നോട് ഒരു വാക്ക് പറഞ്ഞൂടായിരുന്നോ നിനക്ക്…..ഞാൻ നിന്റെ ചേട്ടൻ അല്ലേടാ….

ഞാൻ ഇവിടെ സിംഗിൾ പാസ്സങ്കെ പാടി നടക്കുമ്പോൾ നിനക്ക് എങ്ങനെ തോന്നി ഇവളോടൊപ്പം ഡ്യൂയറ്റ് അടിക്കാൻ…. “”യദു മൂക്ക് പിഴിഞ്ഞ്കൊണ്ട് ബെഡിൽ ഇരുന്നു…. ഇവനിത് എന്ത്‌ തേങ്ങയ കാണിക്കുന്നേ എന്ന് നോക്കി ഇരിക്കുകയാണ് ദിയ..അവളും വിചാരിച്ചു കാണും ഒരു ഡോക്ടറാണോ ഇങ്ങനെ കിടന്നു ചളി അടിക്കുന്നെ എന്ന് …(നിങ്ങളും വിചാരിച്ചോ? ) “”എന്റെ പൊന്നു ചേട്ടാ നിങ്ങൾക്ക് എന്താ പ്രശ്നം അത് പറ ഇങ്ങനെ കിടന്നു കരയാതെ …”” “”ഞാൻ കരയും…അതിനു നിനക്ക് എന്താടാ ഞാനിവിടെ കെട്ടുപ്രായം കഴിഞ്ഞിട്ടും കെട്ടാതെ നിൽക്കുമ്പോളാ അവന്റെ അണ്ടർഗ്രൗണ്ട് കൂടെയുള്ള ലൈൻ വലി …”” “” ഓ അതാണോ കാര്യം.. എങ്കിൽ നിങ്ങൾ പോയി പ്രേമിക്കാൻ നോക്ക് മനുഷ്യ…എന്തിനാ എന്റെ ജീവിതം കുളം തോണ്ടാൻ നിക്കുന്നത്..””

“”എനിക്ക് പ്രേമിക്കാൻ ഏതെങ്കിലും പെണ്ണ് സെറ്റ് ആവണ്ടേ….ആ എനിക്കും വരും ഒരു കാലം.. “”അതും പറഞ്ഞു യദു കണ്ണുതുടച്ചു.. “”ഇങ്ങനെ ഒരു മനുഷ്യൻ..””യാഷി തലയിൽ കൈ വെച്ചു പോയി… .. “”അതൊക്കെ പോട്ടെ അല്ല നീയും നീയും ആയിട്ട് എങ്ങനെയാ ബന്ധം അവൾ ഇവിടെ വന്നിട്ട് ആകെ കുറച്ചു ദിവസമല്ലേ ആയുള്ളൂ.. മുമ്പ് എങ്ങനെയാണ് നിനക്ക് അവളെ പരിചയമുണ്ടായിരുന്നത്…അതും മൂന്നുവർഷം എന്ന് ഒക്കെ എന്ന് പറയുമ്പോൾ…..?”” “”കഥ വേണോ…? “”യാഷി പുരികമുയർത്തി ചോദിച്ചു.. “”നിനക്ക് വിരോധമില്ലെങ്കിൽ പറഞ്ഞു ത്താ… അങ്ങനെയെങ്കിലും എനിക്ക് വല്ല ഇൻസ്പിരേഷൻ ആയാലോ…”” “” മ്മ്…..എന്ത് ആയാലും വന്നതല്ലേ പറഞ്ഞു തരാം നീ ആരോടും പറയണ്ട.”” “”ഞാൻ ആരോടും പറയുന്നില്ല..””

“”അങ്ങനെയെങ്കിലും ഒക്കെ ഞങ്ങളുടെ പ്രണയം ആരംഭിക്കുന്നത് ഒരു നാല് വർഷത്തിനു മുമ്പ് ആണ്…”! “”അതെപ്പോ നേരത്തെ മൂന്നുവർഷം എന്നല്ലേ പറഞ്ഞേ?””യദു കിളിപോയി ചോദിച്ചു.. “”ഞാൻ പറയുന്നത് അങ്ങ് കേട്ടാ മതി…””യാഷി കലിപ്പായി.. “”ഞാനൊന്നും പറയുന്നില്ല നീ നിന്റെ കാര്യം പറ..”” യദു ചുണ്ടിൽ വിരൽ വെച്ചിരുന്നു.. “”അപ്പോ എവിടെയാ പറഞ്ഞു നിർത്തിയത് നാലുവർഷം…അന്ന് ഇവൾ ഒമ്പതാം ക്ലാസ്സിൽ പഠിക്കുകയായിരുന്നു ഞാനാണെങ്കിൽ അന്ന് എൻജിനീയറിങ്ങിനു കയറിയതേയുള്ളൂ… ഇവൾ പഠിക്കുന്ന സ്കൂളിന്റെ അടുത്ത് തന്നെയായിരുന്നു എന്റെ കോളേജും… ഇവളെ ആദ്യമായി കണ്ടപ്പോൾ ജസ്റ്റ് ഒരു ഇഷ്ട്ടം മാത്രമേ ഉണ്ടായിരുന്നുള്ളു .

പിന്നെ ഞാനത് വിട്ടു പക്ഷേ വീണ്ടും വീണ്ടും ഇവളെ കാണുന്തോറും എന്തോ….. ഹൃദയത്തിൽ കിടന്ന് ആരൊക്കെ മേളം അടിക്കുന്ന പോലെ ആയിരുന്നു.. പിന്നെ അധികം പിടിച്ചുനിൽക്കാൻ ഒന്നും പോയില്ല ഒരു രണ്ടു മൂന്നു മാസം കഴിഞ്ഞപ്പോൾ അവളോട് പോയി ഇഷ്ടമാണെന്ന് പറഞ്ഞു.. ഇവൾ ആണെങ്കിൽ അമ്പിനും വില്ലിനും അടുക്കുന്നില്ല… അവസാനം ഒരു ഒരുവർഷത്തോളം പുറകെ നടന്നിട്ട് ആണ് ഈ കുരുപ്പ് ഒന്ന് സമ്മതിച്ചത്…പിന്നെ ഞങ്ങളുടെ പ്രണയമായിരുന്നു…..””അതും പറഞ്ഞു യാഷി അവന്റെ പ്രണയകഥ ചുരുക്കി യദുവിന്റെ മുൻപിൽ അവതരിപ്പിച്ചു.. യദു ആണെങ്കിൽ ഇതെല്ലാം കേട്ട് താടിക്ക് കൈയും കൊടുത്തിരുന്നു.. “” എടാ നീ തട്ടി പോയോ.?”” യാഷി അവനെ തട്ടിക്കൊണ്ടു ചോദിച്ചു.. “”പോടാ അതൊന്നുമല്ല… നിനക്കവിടെ ബിടെക്കിന് കയറുമ്പോഴേക്കും ലൈൻ സെറ്റായി ഞാനിവിടെ പഠിപ്പും കഴിഞ്ഞ് ഡോക്ടർ ആയിട്ട് രണ്ടു വർഷം കഴിഞ്ഞു..

എന്നിട്ട് എനിക്ക് ഇതുവരെ ഒരു പെണ്ണും സെറ്റ് ആയില്ലല്ലോ എന്ന് ആലോചിക്കുമ്പോൾ ഒരു സങ്കടം..”” “” ആ കാര്യം നീ പറയരുത് നിന്റെ പിന്നാലെ ഹോസ്പിറ്റലിൽ എത്രപേരാണ് നടക്കുന്നത് എന്നിട്ട് അവന് ആരെയും വേണ്ട.. “” “”അത് എങ്ങനെ ശരിയാവും നിനക്ക് ഇവളെ മനസ്സിനെ പിടിച്ചതുപോലെ എനിക്ക് പിടിച്ച ആരെങ്കിലും കിട്ടണ്ടേ ആരെങ്കിലുമൊക്കെ കിട്ടുമായിരിക്കും ..”” “”വരട്ടെ ഞാൻ പ്രാർത്ഥിക്കാം..”” യാഷി അവനെ കളിയാക്കി ചിരിച്ചു “”പോ മോനേ…. നീ പ്രാത്ഥിക്കാ ഒന്നും വേണ്ട എനിക്ക് ഉള്ള ആൾ ലാൻഡ് ആയിക്കോളും… അതൊക്കെ വിട് നീ ഇവിടെ കിടന്നു അധികം റൊമാന്റ്റിക് ആവണ്ട… എനിക്ക് പകരം ദേവുവോ ആ രാക്ഷസനോ ആണ് വരുന്നതെങ്കിൽ നിന്റെ പപ്പും പൂടയും പോലും കാണില്ല..””അതും പറഞ്ഞു അവനെ കളിയാക്കിക്കൊണ്ട് യദു റൂമിന് പുറത്തേക്കിറങ്ങി… . യാഷി ആണെങ്കിൽ അവൻ പറഞ്ഞതിനെ കുറിച്ച് ഗഗനം ആയിട്ടുള്ള ചിന്തയിലാണ്…

“” ദേവ…… “”ബെഡിൽ എന്തൊക്കെയോ ആലോചിച്ചിരിക്കുന്നുണ്ടായിരുന്ന ദേവയുടെ ഷോൾഡറിൽ കൈവെച്ചു കൊണ്ട് വേദ വിളിച്ചു.. “” ആഹ്….എന്താ…””അവൾ ഞെട്ടിക്കൊണ്ട് ചോദിച്ചു.. “”നീ എന്താ ഇങ്ങനെ ഇരിക്കുന്നത് വേഗം പോയി കുളിച്ചു റെഡി ആയി വായോ നമുക്ക് ഒരു സ്ഥലം വരെ പോകാം..”” “””ഞാൻ എങ്ങോട്ടും ഇല്ല..”!അതും പറഞ്ഞ് അവൾ വേദക്ക് നേരെ കത്തുന്ന നോട്ടവും നോക്കി അവിടെ തന്നെ ഇരുന്നു.. “”അങ്ങനെ പറഞ്ഞാൽ എങ്ങനെയാ കുറച്ച് നാളായി ഞാൻ ശ്രദ്ധിക്കുന്നു… ഒന്നിനും ഒരു ശ്രദ്ധയില്ല നിനക്ക് ആകെക്കൂടി ഒരു തരം അവസ്ഥ.. നിന്നെ ഇങ്ങനെ കാണുമ്പോൾ എനിക്ക് സഹിക്കുന്നില്ല മോളെ…. നിന്റെ സങ്കടങ്ങളെല്ലാംഎങ്ങനെയാ നിനക്ക് ഉള്ളിലൊതുക്കി കളയാൻ പറ്റുന്നത്..”” അവൻ അവളുടെ മുഖം കൈകുമ്പിളിൽ എടുത്ത് കൊണ്ട് ചോദിച്ചു…

“”എനിക്ക് എന്തു പറ്റിയാലും നിങ്ങൾക്കെന്താ എനിക്കല്ലേ ഇപ്പോ ആരുമില്ലാത്തത് സ്വന്തം അച്ഛനും അമ്മയും ആരാണെന്ന് പോലും അറിയില്ല…. വളർത്തച്ഛൻ വളർത്തമ്മയും മരിച്ചു.. സ്വന്തം ഭർത്താവിനു പോലും എന്നെ വേണ്ട….””അതും പറഞ്ഞ് അവൾ പൊട്ടിക്കരഞ്ഞു… അവളുടെ ആ വാക്കുകൾ അവന്റെ നെഞ്ചിലാണ് തറച്ചത്… അവൾ ഒരിക്കലും അനാഥ അല്ല എന്ന് ഈ ലോകത്തോട് വിളിച്ചു പറയണം എന്നവന് ഉണ്ടായിരുന്നെങ്കിൽ കൂടി എന്തൊക്കെയോ അവനെ തടയുന്നു …. പിന്നെ അവൻ അവളോട് ഒന്നും പറയാൻ പോയില്ല നേരെ ബാൽകണിയിൽ പോയി… എന്താ പെണ്ണേ നീ ഇങ്ങനെ….നിന്റെ ഈ അവസ്ഥ നിന്നെക്കാൾ ഏറെ എന്നെ വേദനിപ്പിക്കുന്നുണ്ട് എന്ന് നിനക്ക് എന്താ മനസ്സിലാകാത്തത്…

ഞാൻ ഒരിക്കലും എന്റെ പെണ്ണിനെ ഉപേക്ഷിക്കില്ല… അതിനി ഈ ലോകം മുഴുവൻ എതിർത്താൽ കൂടി….. നിന്നിലെ പൈശാചിക ഭാവത്തെ ഞാനെന്റെതാക്കി മാറ്റും ദേവ … നിന്നിലെ ക്രൂരതകൾ എല്ലാം കണ്ടില്ലെന്ന് നടിക്കാനെ എനിക്ക് പറ്റൂ ദേവാ കാരണം നീ എന്റെ പെണ്ണാണ്… എന്നിലെ അസുരനെ അടക്കാൻ നിന്നിലെ ദേവിക്ക് കഴിയുമെങ്കിൽ നിന്റെ ഉള്ളിലെ രാക്ഷസിയെ അടക്കാൻ എന്നിലെ പ്രണയത്തിന് കഴിയും ദേവാ…എനിക്ക് അതിൽ ഉറച്ച വിശ്വാസമുണ്ട്……. അവൻ ഇങ്ങനെ എല്ലാം മനസ്സിൽ വിചാരിച്ച് ആകാശത്തിലേക്ക് നോക്കി നിന്നു…ആ സമയം മഴത്തുള്ളികൾ ഭൂമിയെ ചുംബിക്കാനായി ആകാശത്തുനിന്നും പുറപ്പെട്ടിരുന്നു……..”തുടരും

അസുരാധിപതി : ഭാഗം 32