🔥അസുരാധിപതി 🔥 : ഭാഗം 41

എഴുത്തുകാരി: സ്മൃതി ബിജുകുമാർ

സ്റ്റയറിന്റെ അടുത്ത് എത്തി താഴോട്ട് നോക്കിയതും അവിടത്തെ കാഴ്ച്ച കണ്ട് ദേവുവിന്റെ കണ്ണുകൾ നിറഞ്ഞു.. വേദ ആണെകിൽ പുഞ്ചിരി തൂകി അവളെ നോക്കി നിന്നു….. അവിടെ മുഴുവൻ ഫാമിലിയും കൂടി ഇവരെ കാത്തു നിൽക്കുകയായിരുന്നു…. യാഷിയുടെ കൈയിൽ 2 1 എന്ന നമ്പർ ബലൂണുകൾ ഉണ്ട്….. നീരുവിന്റെ കൈയിൽ പ്ലാസ്റ്റിക് പൂകൊണ്ടുള്ള സിമ്പിൽ ആയിട്ടുള്ള ഒരു കിരിടം ഉണ്ട്.അവിടെ ഉള്ളവർ എല്ലാരും അവളെ നോക്കി പുഞ്ചിരിച്ചു നിൽക്കുകയാണ്…. “”വാ…. “”അവൻ അവളുടെ കൈ പിടിച്ചു കൊണ്ട് സ്റ്റേയർ ഇറങ്ങി…… താഴെ എത്തിയതും വേദ അവളുടെ കൈകളെ സ്വാതന്ത്ര്യമാക്കി.. “”ഹാപ്പി 20th birthday devuseee…”” അതും പറഞ്ഞൂ കൊണ്ട് നീരു അവളുടെ കൈയിൽ ഉണ്ടായിരുന്ന ഒരു പൂകൊണ്ടുള്ള കിരിടം ദേവുവിന്റെ തലയിൽ വച്ചു…

അതിന് അവൾ നിറകണ്ണുകളോടെ അവരെ നോക്കി… “”വാ സദ്യ കഴിക്കാം… “”അത് പറഞ്ഞുകൊണ്ട് നീരു അവളെ ഡെയ്നിങ് ടേബിളിന്റെ അടുത്തേക്ക് കൊണ്ട് പോയി.. അവിടെ ഒരു സദ്യക്കുള്ള ഒരുക്കങ്ങൾ തന്നെയുണ്ടായിരുന്നു ടേബിളിൽ എല്ലാവർക്കുമുള്ള ഇല ഇട്ടിരുന്നു. കൂടാതെ പച്ചടി കിച്ചടി തോരൻ എന്ന് വേണ്ട സകല കറികളും നിരത്തി വെച്ചിട്ടുണ്ടായിരുന്നു.. ഇതൊന്നും കൂടാതെ പാലട യും പരിപ്പ് പായസവും വെച്ചിട്ടുണ്ട്.ഇതെല്ലാം കണ്ട് ദേവൂന്റെ കണ്ണിൽ നിന്നും കണ്ണുനീർ താഴേക്ക് പതിച്ചു.. “”ഇതിന്റെഒന്നും ആവശ്യം ഉണ്ടായിരുന്നില്ലല്ലോ”” അവൾ എല്ലാവരെയും നോക്കി കൊണ്ട് പറഞ്ഞു “”അങ്ങനെ പറഞ്ഞാൽ എങ്ങനെയ ദേവൂ.. ഈ വീട്ടിലെ ആദ്യത്തെ മരുമകളുടെ പിറന്നാൾ അല്ലേ…അതും ഈ വീട്ടിലേക്ക് വന്നിട്ടുള്ള ആദ്യത്തെ പിറന്നാൾ….

അപ്പോൾ നമുക്ക് കുറച്ച് സ്പെഷ്യൽ ആക്കണ്ടേ അതിനാ ഇത്രയും വലിയ സദ്യ..കൂടാതെ സദ്യ കഴിച്ച കാലം മറന്നു…ഞാൻ ഇന്ന് പൊളിക്കും “” യാഷി ചിരിച്ചു കൊണ്ട് പറഞ്ഞു..അവന്റെ കൂടെ ബാക്കിയുള്ളവരും കൂടി.. “” ആ ഇനി ഇങ്ങനെ വർത്താനം പറഞ്ഞിരുന്നിട്ട് കാര്യമൊന്നുമില്ല..എല്ലാവരും വന്നിരുന്നു കഴിക്കാൻ നോക്ക് മോളെ… ഇരിക്ക് “”പൂർണിമ അതും പറഞ്ഞ്അവളെ ഒരു കസേരയിൽ ഇരുത്തി ആഹാരം വിളമ്പി കൊടുക്കാൻ തുടങ്ങി.. വേദ അവളുടെ അടുത്ത് ആണ് ഇരുന്നത് അവൻ മുഖത്തേക്ക് നോക്കിയതും അവൻ അവളെ നോക്കി കണ്ണിറുക്കി കാണിച്ചു… ഇന്നത്തെ ദിവസം വളരെ സ്പെഷ്യൽ ആണെന്ന് പോലും അവളോർത്തു.സൗഭാഗ്യങ്ങളെല്ലാം തന്നെ തേടി വന്നു എന്ന് അവൾക്ക് തോന്നി.. നല്ലൊരു കുടുംബത്തിനെ ആണല്ലോ എനിക്ക് കിട്ടിയിരിക്കുന്നത് എന്നോർത്ത് അവളുടെ മനസ്സിൽ ഒരായിരം പൂക്കൾ വിരിഞ്ഞത് പോലെ തോന്നി….

സാധാരണ അവളുടെ പിറനാളുകൾ അച്ഛന്റെയും അമ്മയുടെയും ദിയയുടേയും കൂടെ ആവുമായിരുന്നു…. ഇന്നവർ ഇല്ല എന്നത് അവൾക്ക് ഒരു വേദന ആയിരുന്നു…അവൾ പിന്നെ എല്ലാരെയും നോക്കി ചിരിച്ചു കൊണ്ട് ഫുഡ്‌ കഴിക്കാൻ തുടങ്ങി… ഭക്ഷണം കഴിച്ചു കൊണ്ടിരിക്കുന്നതിനിടയിലാണ് തനിക്കുനേരെ ഒരു കൈ നീണ്ട് വരുന്നത് ദേവൂ ശ്രദ്ധിച്ചത്…. ആ കൈവന്ന ഭാഗത്തേക്ക് നോക്കിയതും വേദ പുഞ്ചിരിച്ചു കൊണ്ട് അവൾക്ക് നേരെ ഒരു ഉരുള ചോറ് നീട്ടിയതാണ് അവൾ കണ്ടത്.. അതുകണ്ട് എല്ലാവരും അന്തം വിട്ടു അവരെ നോക്കുന്നുണ്ടെങ്കിൽ കൂടി ദേവൂവിന്റെ കണ്ണിൽ കണ്ണുനീർ തിളക്കമായിരുന്നു.. അവൾ സന്തോഷത്തോടുകൂടി അവന്റെ കയ്യിൽ നിന്നും ആ ഉരുള ചോറ് കഴിച്ചു…

“”നമ്മടെ ഏട്ടൻ വളരെയധികം മാറിപ്പോയിരിക്കുന്നു “” ആരും കാണാതെ യാഷി നീരുന്റെ ചെവിയിൽ പറഞ്ഞു…. “” ഒരുപാട്… “” അവൾ ഏതോ ലോകത്ത് എന്ന പോലെ പറഞ്ഞു… ആ സമയം എല്ലാവരുടെയും മനസ്സിൽ സന്തോഷം തിരതല്ലുകയായിരുന്നു..എല്ലാവരും ഒരുമിച്ചിരുന്ന് ഭക്ഷണം കഴിക്കുന്നത് തന്നെ ഇങ്ങനെ എന്തെങ്കിലും ആഘോഷങ്ങൾ വരുമ്പോൾ ആണെന്ന് മുത്തശ്ശനെ ഓർക്കാതെ ഇരുന്നില്ല.. ഭക്ഷണമെല്ലാം കഴിച്ചതിനു ശേഷം എല്ലാവരും അവരവരുടെ റൂമുകളിലേക്ക് ചേക്കേറി….. ദേവുവിന് പിന്നെ റൂമിലേക്ക് പോകാൻ തോന്നിയില്ല…അവൾ ബാൽക്കണിയിൽ ഇരിക്കുന്ന സമയത്താണ് നീരുവും ദിയയും അവളുടെ അടുത്തേക്ക് വന്നത്.. “”ദേവൂ നീ ഇവിടെ ഇരിക്കുന്നുണ്ടായിരുന്നുലെ””

അവളുടെ അടുത്തിരുന്നു കൊണ്ട് ചോദിച്ചു. “”മ്മ് “” “”നീ എന്ത് ആലോചിക്കുകയായിരുന്നു…”” “”എടാ എന്തോ ഇന്നത്തെ ദിവസം വളരെ സ്പെഷ്യൽ ആയതു പോലെ തോന്നുന്നു..”” “”അതായിരുന്നുന്നോ..? ഇന്നത്തെ ദിവസത്തിന്റെ സ്പെഷാലിറ്റി ഇവിടെയൊന്നും തീരുന്നില്ല എന്റെ പൊന്നു മോളേ ഇനിയും വരാൻ കിടക്കുവല്ലേ….”” നീരു സന്തോഷം കൊണ്ട് പറഞ്ഞു “” ഇനി എന്താ..?”” “”എടാ അത് ഉണ്ടല്ലോ ഇന്നൊരു പാർട്ടി ഉണ്ട്.. നിങ്ങളുടെ കല്യാണം കഴിഞ്ഞിട്ട് പാർട്ടി ഒന്നും ഇല്ലായിരുന്നല്ലോ..കൂടാതെ ഇന്ന് നിന്റെ കല്യാണം കഴിഞ്ഞുള്ള ആദ്യത്തെ ബർത്ത് ഡേ കൂടി അല്ലേ…പിന്നെ വേറെ എന്തോ വിശേഷം കൂടി ഉണ്ട് അതെന്താണെന്ന് എന്നോട് പറഞ്ഞിട്ടില്ല നിനക്കറിയോ ദിയെ ..”” “”എനിക്കറിയില്ല നീരുവേച്ചി…

ഞാനൊന്നുമറിഞ്ഞില്ല.. പാർട്ടിയുടെ കാര്യം ചേച്ചി പറയുമ്പോൾ ആണ് ഞാൻ അറിയുന്നത് തന്നെ..”” “”എന്റെ ബർത്ത്ഡേക്ക് ഇത്രയും വലിയ പാർട്ടിയുടെ ആവശ്യം ഒന്നും ഇല്ലായിരുന്നല്ലോ അത് പിന്നെ എന്തിനാ..””ദേവൂ ഇടയിൽ കയറി പറഞ്ഞു… “” എന്തിനാണെന്ന് ചോദിച്ചാൽ നീ ഈ വീട്ടിലെ ആദ്യത്തെ മരുമകളാണ് ദേവു… അപ്പോൾ നിന്റെ ബർത്ത് ഡേ ആഘോഷിച്ചില്ലെങ്കിൽ പിന്നെ വേറെ ആരുടെ ആണ് ആഘോഷിക്കാൻ..?നീ ഈ വീട്ടിൽ ഉള്ള എല്ലാവർക്കും സ്പെഷ്യൽ അല്ലേ മോളേ”” അവളെ കെട്ടിപ്പിടിച്ചു കൊണ്ട് നീരു പറഞ്ഞു…പിന്നെ എന്തൊക്കെയോ സംസാരിച്ചു നേരം പോയത് അവർ അറിഞ്ഞില്ല… ദേവൂ കുറേനേരം അവരോട് സംസാരിച്ചിരുന്നു. വൈകുന്നേരമായപ്പോൾ ആണ് അവൾ റൂമിലേക്ക് പോയത്…അവിടെ വേദ കിടന്നുറങ്ങുകയായിരുന്നു…

എന്തോ അവനെ കണ്ടപ്പോൾ അവളുടെ മനസ്സിൽ വാത്സല്യമാണ് തോന്നിയത്. അവൾ അവന്റെ നെറുകയിൽ അമർത്തി ചുംബിച്ചു.. അവൾ എഴുന്നേറ്റു പോകാൻ നിന്നതും അവൻ അവളുടെ കയ്യിൽ പിടിച്ച് വലിച്ച് അവന്റെ നെഞ്ചിലെകിട്ടു…. “” ആഹാ അപ്പോ ഉറങ്ങിയില്ലായിരുന്നോ? എന്നെ പറ്റിച്ചു അല്ലേ… “” അവൾ കൊറുവോടെ പറഞ്ഞു.. “”ഉറങ്ങായിരുന്നു എന്റെ പെണ്ണേ….നെറ്റിയിൽ ഒരു ഉമ്മ വെച്ച ഒപോലെ തോന്നിയപ്പോൾ പെട്ടെന്ന് എണീറ്റത് ആണ്… അപ്പൊ ദേ നീ എഴുന്നേറ്റു പോകാൻ നിൽക്കുന്നു.. അപ്പോ മനസ്സിലായി നിന്റെ പണിയാണ് ഇതെന്ന്.. പിന്നെ നിന്നെ വെറുതെ വിട്ടാൽ ശരിയാവില്ല എന്ന് തോന്നി അതാ പിടിച്ചു വച്ചത് “”അവൻ നിഷ്കളങ്കമായി പറഞ്ഞു… “”എന്റെ പൊന്നു കെട്ടിയോനെ… നിങ്ങൾ കലിപ്പനായ അസുരനിൽ നിന്നും എത്ര പെട്ടെന്നാ റൊമാന്റിക് ഹീറോ ആയി മാറിയത്..

നിങ്ങളുടെ മാറ്റം എനിക്ക് വിശ്വസിക്കാൻ പോലും കഴിയുന്നില്ല…ഇപ്പൊ തന്നെ എന്തൊരു ക്യൂട്ട് ആണ് നിങ്ങളെ കാണാം”” അവൾ അവന്റെ കവിളിൽ പിടിച്ചുവലിച്ചു പറഞ്ഞു.. “”ആഹാ നീ പറയുന്നത് ഞാൻ ഒരു റൊമാന്റിക് ഹീറോയായി മാറി എന്നല്ലേ….പക്ഷേ ദേവാ ഇതൊന്നും എന്റെ romanceന്റെ അടുത്ത് പോലും എത്തില്ല …. എന്തായാലും നീ പറഞ്ഞത് സ്ഥിതിക്ക് എന്റെ റൊമാൻസ് ഞാൻ കാണിച്ചു തരട്ടെ “”അതും പറഞ്ഞു അവൻ മീശപിരിച്ചു.. “” അയ്യോ എന്റെ കെട്ടിയോനെ… എനിക്ക് നിങ്ങളുടെ ഇപ്പോഴത്തെ റൊമാൻസ് പോലും സഹിക്കുന്നില്ല… ഇനിയും ഇങ്ങൾ റൊമാന്റിക് ആയാൽ എന്നെ കുഴിയിലെക്ക് എടുക്കണ്ടി വരും എനിക്ക് ഇതു തന്നെ ധാരാളം… “”അവൾ അതും പറഞ്ഞു അവന് നേരെ കൈകൂപ്പി.. “”അങ്ങനെ പറഞ്ഞാൽ എങ്ങനെയാ… എന്റെ റൊമാൻസ് എന്റെ ഭാര്യ തന്നെ വേണ്ട എന്ന് പറയുന്നു.. ഞാൻ നിന്നോട് അല്ലെ ഇങ്ങനെയൊക്കെ…..””

“”ഓഹോ മതി മതി റൊമാൻസ് ചർച്ച.. അല്ല ഇനി ഇന്ന് ഒരു പാർട്ടി ഉണ്ട് എന്ന് നീരു പറഞ്ഞല്ലോ?”” അവൾ വിഷയം വേഗം ചേഞ്ച് ആക്കി അല്ലെങ്കിൽ അവൻ ഇപ്പോഴുംഈ സംസാരം നിർത്തി ഇല്ല എന്ന് അവൾക്ക് അറിയാമായിരുന്നു…. “”ഹു ആ കാര്യം ഞാനങ്ങ് മറന്നുപോയി ഏഴുമണിക്കാണ് ഫംഗ്ഷൻ ഞാൻ കബോർഡിൽ ഒരു ഡ്രസ്സ് വച്ചിട്ടുണ്ട് അത് ഇട്ട മതി ട്ടോ.. അല്ല ഇപ്പോ എത്ര മണിയായി..”” “” ഇപ്പോ 6 കഴിഞ്ഞല്ലോ..”” “”അയ്യോ അത്ര ആയോ..എന്ന ഞാൻ പോയി കുളിച്ചിട്ട് വരാം നീ ഇവിടെ ഇരിക്ക് “”അതും പറഞ്ഞ് വേദ വേഗം ബാത്ത്ടവ്വലുമെടുത്ത് ഫ്രഷ് ആവാൻ കയറി… വേദ ഫ്രഷ് ആയി വരുന്നത് വരെ ദേവു ബെഡ്ഡിൽ തന്നെ ഇരിക്കുകയായിരുന്നു… അവൻ വന്നതും അവൾ ഒരു ചുരിദാറും എടുത്ത് ബാത്റൂമിലേക്ക് കയറി കുളിച്ച്… ഫ്രഷ് ആയി പുറത്തേക്ക് ഇറങ്ങിയപ്പോ അവിടെ ഒന്നും വേദയെ കണ്ടില്ല.

അപ്പോഴാണ് ഡ്രസ്സ്‌ കാബോർഡിൽ ഉള്ളത് അവൾക്ക് ഓർമ വന്നത് അതുകൊണ്ട് തന്നെ അവൾഅത് തുറന്ന്… കബോർഡിൽ ഏറ്റവും മുകളിൽ ആയി ഇരിക്കുന്ന കവറിലേക്ക് അവളുടെ കണ്ണുകൾ പോയി.. അവൾ വേഗം അത് എടുത്ത് കബോർഡ് അടച്ചു….. അത് തുറന്ന് നോക്കിയതും അവളുടെ കണ്ണുകൾ തിളങ്ങി..ഒരു റെഡ് കളർ ഫുൾ കൈ ഗൗൺ ആയിരുന്നു അത്.. അവൾ ആ ഗൗൺ കവറിൽ നിന്നും പുറത്തേക്ക് എടുത്തു തന്നോട് ചേർത്തുപിടിച്ചുകൊണ്ട് കണ്ണാടിയിൽ നോക്കി. ഇത് ധരിച്ചുകൊണ്ട് എങ്ങനെ നടക്കും?എന്ന് അവൾ ഓർത്തു..കാരണം അതിന് നല്ല ഭാരം ഉണ്ടായിരുന്നു കൂടാതെ അതിന്റെ അഗ്രഭാഗം തറയിൽ നല്ലോണം മുട്ടുന്നുണ്ടായിരുന്നു വേദയുടെ സമ്മാനം ആയതുകൊണ്ട് തന്നെ അവൾ അത് എങ്ങിനെയൊക്കെയോ ഇട്ടു….

അതിനു മേച്ച് ആയ ഡയമണ്ടിന്റെ മാലയും കമ്മലും ഇട്ടുകൊണ്ട് അവൾ റെഡിയായി.മുടി മുഴുവൻ അഴിച്ചിടുക ആണ് അവൾ ചെയ്തത്. കണ്ണിൽ കുറച്ച് കൺമഷിയും നിറുകിൽ ഒരു നുള്ള് സിന്ദൂരവും ഇട്ട് കൊണ്ട് അവൾ റൂമിന് പുറത്തേക്കിറങ്ങി..അവിടെ ഒന്നും വേദയെ കാണാൻ ഇല്ലായിരുന്നു…. അപ്പോഴാണ് അവൾ ശ്രദ്ധിച്ചത് വീട്ടിൽ ഒരു മനുഷ്യകുഞ്ഞ് പോലും ഇല്ല… വീട്ടിലുള്ളവരെല്ലാം എങ്ങോട്ട് പോയി എന്ന് ചിന്തിച്ചു ഇരിക്കുന്ന സമയത്താണ് വേദ ഹാളിലേക്ക് വന്നത്.. “” നീ റെഡിയായോ ദേവ എന്നാ വാ നമുക്ക് പോകാം “”എന്നു പറഞ്ഞു അവൻ പുറത്തേക്കിറങ്ങി.. “”അല്ല ഇവിടെ ഉള്ളവരൊക്കെ എങ്ങോട്ട് പോയി?””അവൾ സംശയത്തോടെ അവനോട് ചോദിച്ചു “”അവരെല്ലാം ഓഡിറ്റോറിയത്തിലേക്ക് പോയി.. പിന്നെ നീ റെഡി ആവുന്നത്കൊണ്ട നിന്നെ വിളിക്കാതിരുന്നത്..

നമുക്ക് വേഗം പോവാൻ നോക്കാം സമയം ആകാറായി “”അതും പറഞ്ഞു അവൻ അവളുടെ കൈയ്യും പിടിച്ചു കൊണ്ട് അവളെ കാറിൽ കൊണ്ടിരുത്തി.. ഓഡിറ്റോറിയം എത്തുന്നതുവരെ വേദയോട് ദേവ എന്തൊക്കെയോ ചോദിക്കുന്നുണ്ടെങ്കിൽ കൂടി അവൻ ഒരു പുഞ്ചിരിയിൽ അതിനെല്ലാം മറുപടി കൊടുത്തു.പിന്നെ അവൾക്ക് ദേഷ്യം വരാൻ തുടങ്ങി അവളും ഒന്നും മിണ്ടാതെ പുറത്തെ കാഴ്ചകൾ കണ്ടിരുന്നു….. ഓഡിറ്റോറിയത്തിൽ എത്തിയതും ദേഷ്യത്തോടെ ദേവ വാതിൽ തുറന്ന് പുറത്തേക്ക് ഇറങ്ങാൻ നീന്നതും വേദ അവളുടെ കയ്യിൽ കയറി പിടിച്ചു.അവൾ എന്താ എന്ന് പുരികം പൊക്കി ചോദിച്ചതും അവൻ അവളെ നോക്കി കണ്ണിറുക്കി കാണിച്ചു കൊണ്ട് പുറത്തേക്കിറങ്ങി അവൾ ഇരിക്കുന്ന ഭാഗത്തേക്ക് വന്ന് ഡോർ തുറന്ന് കൊടുത്തു.

അവൾ സംശയ ഭാവത്തിൽ അവനെ നോക്കി.. അവൻ തന്റെ വലതു കൈ അവൾക്ക് നേരെ നീട്ടി അവളോട് ഇറങ്ങാൻ പറഞ്ഞു.. ദേവു പിന്നെ ഒരു ചെറുപുഞ്ചിരി അവന് നൽകിക്കൊണ്ട് അവളുടെ കൈ അവന്റെ കയ്യിന് മുകളിൽ വച്ച് കാറിനു പുറത്തേക്കിറങ്ങി… വലിയ ഒരു ഓഡിറ്റോറിയം ആയിരുന്നു അത്… വളരെ ഭംഗിയായി അവിടമാകെ അലങ്കരിച്ചിരുന്നുണ്ടായി..കൂടുതെ വലിയ ഒരു പാർട്ടിക്ക് ഉള്ള ആളുകളും അവിടെ ഉണ്ടായി… അവർ ഹാളിലേക്ക് നടന്നു വരുന്നത് കണ്ടതും ചുറ്റും ഉള്ളവരെല്ലാം കയ്യടിക്കാൻ തുടങ്ങി അവൻ ദേവൂനെ കൊണ്ട് സ്റ്റേജ്ലേക്ക് ആണ് കയറിയത്… സ്റ്റേജ് മുഴുവൻ റെഡ് and വൈറ്റ് കോംപനിക്ഷൻ ആയിരുന്നു… റെഡ് കളരിലുള്ള റോസ പൂക്കൾ കൊണ്ട് വളരെ ഭംഗിയായി അവിടം ഒരുക്കിയിരുന്നു….

അവരുടെ മുന്നിൽ ഉള്ള ടേബിളിൽ ആയിരുന്നു കേക്ക് ഉണ്ടായിരുന്നത്… വേദ ഒരു മൈക്ക് എടുത്തു കൊണ്ട് സംസാരിക്കാൻ തുടങ്ങി.. “”So മൈ ഡിയർ ഫ്രണ്ട്സ് ഇന്ന് നമ്മൾ ഇവിടെ ഒത്തുകൂടി ഇരിക്കുന്നതിന്റെ കാരണം എന്താണെന്ന് വെച്ചാൽ എന്റെ സ്വീറ്റ് വൈഫ്‌ ദേവിക ഹരിവേദനാഥ് വർമയുടെ ബര്ത്ഡേ ആണിന്ന്….”” “”ഞങ്ങളുടെ കല്യാണം കഴിഞ്ഞിട്ടുള്ള അവളുടെ ആദ്യ ബര്ത്ഡേ… So എനിക്ക് വളരെ സ്പെഷ്യൽ ആയിട്ടുള്ള ദിവസം തന്നെയാണ് …. പിന്നെ ദേവയെക്കുറിച്ച് ചുരുക്കി പറയുകയാണെങ്കിൽ എന്നിലെ അസുരനെ അടക്കി നിർത്താൻ ദൈവം ഭൂമിയിലേക്ക് പറഞ്ഞയച്ച ദേവത ആണെന്ന് തന്നെ പറയാം”” അതും പറഞ്ഞു അവൻ ചിരിച്ചു അപ്പോൾ അവിടെ ഉണ്ടായിരുന്നവർ എല്ലാം പൊട്ടിച്ചിരിക്കാൻ തുടങ്ങിയിരുന്നു… “” ഞാൻ അധികം കാര്യങ്ങളൊന്നും പറയുന്നില്ല..

അതിന് കാരണം തന്നെ ദേവയെ കുറിച്ച് ഞാൻ പറയാൻ നിന്നാൽ ഇന്നത്തെ ദിവസം ഒന്നും തീരില്ല അത് തന്നെയാണ്..പക്ഷേ ഒന്ന് പറയാതിരിക്കാൻ പറ്റില്ല എന്റെ ലൈഫിൽ ഞാൻ ഇപ്പോൾ ഏറ്റവും കൂടുതൽ സ്നേഹിക്കുന്നതും ഇനി സ്നേഹിക്കാൻ പോവുന്നതും എന്റെ ഭാര്യയെ തന്നെ ആയിരിക്കും… കാരണം ഇവൾ എനിക്ക് എന്നും സ്പെഷ്യലാണ്..എന്റെ മനസ് കീഴടക്കിയ ആദ്യത്തെ പെണ്ണ്… ഓ. സോറി അപ്പൊ നമുക്ക് ഇന്നത്തെ ഡേ ആഘോഷിക്കാം “” എന്ന് പറഞ്ഞ് അവൻ ടേബിളിൽ ഇരിക്കുന്നുണ്ടായിരുന്നു കത്തിയെടുത്ത് ദേവുവിന്റെ കയ്യിൽ കൊടുത്തു…. ഒരു റെഡ് വെൽവെറ്റ് കേക്ക് തന്നെ ആയിരുന്നു അത്..അതിൽ ദേവും വേദയും ഒരുമിച്ച് നിൽക്കുന്ന ഒരു പിക്ക് ആണ് പ്രിന്റ് ചെയ്തിരിക്കുന്നത്….

അതിൽ വളരെ ഭംഗിയായി”” Happy birthday devendrashika” എഴുതിയിട്ടുണ്ട്..അവൾക്ക് ആ പേര് കണ്ടതും എന്തോ ഒരു വികാരം അവളെ വന്നു മൂടുന്നത് പോലെ തോന്നി.. അവൾ ഇതെല്ലാം വീക്ഷിച്ചു കൊണ്ടിരുന്ന സമയത്താണ് വേദ അവളുടെ കയ്യിൽ പിടിച്ചു പിടിച്ചുകൊണ്ട് അവളുടെ കണ്ണിൽ നോക്കിയത്… അവന്റെ കണ്ണിലേക്കു നോക്കുമ്പോൾ അവൾ മതി മറന്നു പോകുന്നതുപോലെ അവൾക്ക് തോന്നി.. അവൾ അവന്റെ കണ്ണിൽ തന്നെ ലയിച്ചു നിൽക്കുന്ന സമയത്താണ് അവൻ പതിയെ അവളുടെ കാതിൽ “കേക്ക് കട്ട് “ചെയ്യാം എന്ന് പറഞ്ഞത്.അപ്പോഴാണ് അവൾ ബോധത്തിലേക്ക് തിരിച്ചുവന്നതെന്ന് വേണമെങ്കിൽ പറയാം അവൾ ചിരിച്ചു കൊണ്ട് കേക്ക് കട്ട് ചെയ്യാൻ തുടങ്ങി…

അവിടെ ആകമാനം കൈയ്യടികൾ ഉയർന്നുകേട്ടു.ഒരു പീസ്കേക്ക് അവൾ വേദയുടെ വായയിൽ വച്ചു കൊടുത്തു അവൻ തിരിച്ചും കേക്ക് അവൾക്ക് നൽകി കൊണ്ട് അവളുടെ നെറ്റിയിൽ പതിയെ ഒരു ചുടുചുംബനം നല്കി.. ആ സമയം അവളുടെ കവികളിൽ ചുവപ്പുരാശി വന്നിരുന്നു,,,,, പിന്നെ എല്ലാവരും ഫുഡ് കഴിക്കാനുള്ള തിരക്കിലായിരുന്നു…. വേദ അവന്റെ കൂടെയുള്ള ബിസിനസ്സുകാർക്ക് എല്ലാം ദേവൂനെ പരിചയപ്പെടുത്തിക്കൊടുത്തു….. ഒരു കൊച്ചുകുഞ്ഞിനെ പോലെയാണ് വേദ ദേവയെ സംരക്ഷിക്കുന്നത് എന്ന് അവൾക്ക് തോന്നി പോയി ..അവൻ ഒരിക്കലും അവളുടെ കയ്യിലെ പിടി അയച്ചിരുന്നില്ല…. അതിൽ അവൾക്ക് വല്ലാത്തൊരു സുരക്ഷിതത്വബോധം ആണ് തോന്നിയത്…

പെട്ടെന്ന് ആണ് മുത്തശ്ശൻ സ്റ്റേജിലേക്ക് കയറി.,, “”ലേഡീസ് ആൻഡ് gentleman ഇന്ന് ഞങ്ങളുടെ ദേവൂ മോൾടെ പിറന്നാൾ മാത്രമല്ല കേട്ടോ..വളരെ പ്രധാനപ്പെട്ട ഒരു കാര്യം കൂടി എനിക്ക് പറയാനുണ്ട്…..”” മുത്തശ്ശൻ പറഞ്ഞു തുടങ്ങിയതും എല്ലാവരുടെയും കണ്ണുകൾ മുത്തശ്ശന്റെ നേരെയായി കുടുംബത്തിലുള്ള എല്ലാവരുടെയും മുഖത്ത് ആ സമയം പുഞ്ചിരിയായിരുന്നു. പക്ഷേ ദേവൂന് ഒന്നും മനസ്സിലാവുന്നുണ്ടയിരുന്നില്ല…. പെട്ടെന്ന് മുത്തശ്ശൻ ഒരു ചെറുപ്പക്കാരനെ സ്റ്റേജിലേക്ക് കൈകൊണ്ട് മാടിവിളിച്ചു.. മുത്തശ്ശൻ അയാളെ വിളിക്കേണ്ട താമസം അയാൾ ഓടി സ്റ്റേജിൽ കയറി. ഏകദേശം ഒരു 24 വയസ്സ് പ്രായം തോന്നിക്കുന്ന ഒരു വെളുത്തു മെലിഞ്ഞ ചെറുപ്പക്കാരനായിരുന്നു അദ്ദേഹം…

മെലിഞ്ഞ എന്നൊന്നും പറയാൻ പറ്റില്ല അത്യാവശ്യം ആരോഗ്യം ഒക്കെ ഉണ്ട് ഫിറ്റ് ബോഡി ആണെന്ന് പറയാം…കുഞ്ഞിക്കണ്ണുകൾ ആയിരുന്നു അദ്ദേഹത്തിന്..ചിരിക്കുമ്പോൾ മാത്രം പുറത്ത് വരുന്ന നുണക്കുഴി അയാൾക്ക് കൂടുതൽ ഭംഗി ഏകി …,, ഇത് ആരാണെന്ന് അറിയാനുള്ള ആകാംക്ഷയിൽ ആയിരുന്നു അവിടെ കൂടിയിരുന്ന എല്ലാവരും പെട്ടെന്ന് മുത്തശ്ശൻ പറഞ്ഞു തുടങ്ങി……”തുടരും

അസുരാധിപതി : ഭാഗം 40