🔥അസുരാധിപതി 🔥 : ഭാഗം 51

എഴുത്തുകാരി: സ്മൃതി ബിജുകുമാർ

അതിന് അവൾ ഒന്നും ചിരിച്ചേ ഉള്ളു… അപ്പോഴാണ് ആരോ വാതിൽ തുറന്നു അകത്തു കയറിയത് . “”ദേവു…. “”അത് പറഞ്ഞു നീരു റൂമിലേക്ക് ഓടി വന്ന് ദേവുവിനെ കെട്ടിപ്പിടിച്ചു.ശരിക്കും പറഞ്ഞാൽ അവൾക്ക് ദേവുവിനെ കെട്ടിപ്പിടിക്കാൻ ഒന്നും കഴിയുന്നില്ലയിരുന്നു കാരണം ദേവുവിന്റെ വയറു തന്നെ.. “”ഇങ്ങനെ കിടന്നു ഓടാതെ പെണ്ണെ വയറ്റിൽ ഒരു കൊച്ച് ഉള്ളതാ “”അത് പറഞ്ഞു വേദ അവളെ ശാസിച്ചു., “ഞാനത് മറന്നു..”” അതും പറഞ്ഞ് അവൾ തലയിൽ കൈ വെച്ച് അവനെ നോക്കി ഒരു വളിച്ച ചിരി ചിരിച്ചു., “”നീയെന്താ ഇത്രയും നേരം വൈകിയത്?””ദേവ അവളെ തനിക്ക് അഭിമുഖമായി പിടിച്ചു നിർത്തി കൊണ്ട് ചോദിച്ചു. “” എന്തു പറയാനാ ഫ്ലൈറ്റ് കിട്ടിയില്ല..

ഇന്നലെ രാത്രിയിലെ ഫ്ലൈറ്റിന് ഇങ്ങോട്ട് ദൃതി പിടിച്ചു വന്നതാ… എന്റെ ദേവുന്റെ ചടങ്ങിന് എനിക്ക് വരാതിരിക്കാൻ പറ്റുമോ “”അവൾ ദേവുന്റെ താടിയിൽ പിടിച്ചു കൊഞ്ചിച്ചു കൊണ്ട് പറഞ്ഞു…… അതിന് ദേവു ഒന്ന് ചിരിച്ചു കൊടുത്തു… നീരു ഇപ്പോൾ മൂന്ന് മാസം ഗർഭിണിയാണ്..ഇന്നിവിടെ എന്താ നടക്കുന്നത് എന്ന് സംശയം ഇല്ലേ ഇന്ന് ദേവുവിന്റെ ഏഴാം മാസാചടങ്ങ് ആണ്ട്ടോ… അത് കൊണ്ട് ഫ്ളൈറ്റ് പിടിച്ചു പറന്നു വന്നതാണ് കക്ഷി…. ദേവുന്റെ ചടങ്ങിനെ അവൾക്ക് വരാതിരിക്കാൻ കഴിയില്ലല്ലോ അതുകൊണ്ട് രാവിലെ തന്നെ കക്ഷി ഇങ്ങെത്തി…ഇന്നലെ രാത്രി ദ്രുവിന്റെ വീട്ടിൽ എത്തിയതാണ് അവർ.. “”ഏട്ടാ…ഏട്ടന്റെ പുന്നാര ദേവയെ എന്റെ കയ്യിൽ ഏൽപ്പിച്ചിട്ട് എവിടേക്കാണ് എന്ന് വെച്ചാൽ പൊക്കോ… ഞങ്ങള് ദേവുവിനെ പോയി കുളിപ്പിക്കട്ടെ “”അതും പറഞ്ഞ് നീരു ദേവുവിന്റെ കൈയ്യും പിടിച്ച് റൂമിൽ നിന്റെ പുറത്തേക്ക് നടന്നു…

പോകുന്ന വഴിക്ക് ദേവു തിരിഞ്ഞു നോക്കിയപ്പോൾ വേദ അവളെ തന്നെ നോക്കി നിൽക്കുകയായിരുന്നു..അവൾ നോക്കുന്നത് കണ്ടതും അവൻ ഞാനും വരട്ടെ എന്ന് കൈകൊണ്ട് ആംഗ്യം കാണിച്ച് അവളോട് ചോദിച്ചു. അതിനു മറുപടിയായി അവൾ ഒരു കൂർത്ത നോട്ടമാണ് അവന് നൽകിയത്.. അവനത് കണ്ട് ചിരിയടക്കാൻ പോലും കഴിഞ്ഞില്ല… അവൻ പുഞ്ചിരിച്ചു കൊണ്ട് ദേവുവിനെ നോക്കി നിന്നു.. ദേവുവിന് വേദനയെല്ലാം കുറവുണ്ട് അതുകൊണ്ടുതന്നെ സാധാരണ പോലെയൊക്കെ തന്നെയാണ് അവൾ എപ്പോൾ പെരുമാറുന്നത് കുഞ്ഞുവാവ അവളെ അധികമൊന്നും കഷ്ടപ്പെടുത്താതത് അവൾക്ക് ഇപ്പോൾ ഒരു ആശ്വാസം തന്നെയാണ് ഏഴാം മാസത്തിലെ ചടങ്ങ് ഏഴര മാസം കഴിഞ്ഞിട്ട് ആണ് നടത്തുന്നത് തന്നെ… അവളെ വീട്ടിലേക്ക് കൊണ്ടുപോകാൻ അവരുടെ ഭാഗത്തുനിന്ന് ആരും ഇല്ലാത്തതുകൊണ്ട് തന്നെ വേദയുടെ വീട്ടിലാണ് ചടങ്ങുകൾ എല്ലാം നടത്തുന്നത്….അത് അവളുടെ സന്തോഷം മുൻ നിർത്തി അമ്മമ്മർ തന്നെയാണ് ഇതെല്ലാം നടത്തുന്നത് തന്നെ..

ദേവുനെയും നീരു കൊണ്ട് നേരെ വന്നത് സ്വിമിംഗ് പൂളിലേക്ക് ആണ്… വീടിന് പുറത്ത് ഗാർഡനിൽ ഒരറ്റത്ത് ആണ് പൂൾ… അവിടെ മുഴുവൻ ഷീറ്റുകൊണ്ട് മറച്ച വെച്ചിരുന്നു… അകത്തു നടക്കുന്നത് ഒന്നും പുറത്ത് കാണാൻ പറ്റില്ല.. അത് പോലെ തിരിച്ചും… അതിനുള്ളിൽ ആണെകിൽ സ്ത്രീകൾ എല്ലാം ദേവുവിനെ വെയിറ്റ് ചെയ്തു കൊണ്ട് നിൽക്കുകയായിരുന്നു… അവൾ വന്നതും എല്ലാവരുടെയും മുഖത്ത് നിറഞ്ഞ പുഞ്ചിരി തന്നെയായിരുന്നു ഉണ്ടായിരുന്നത്.. ദേവു ഒരു സൈഡിലേക്ക് മാറിനിന്നുകൊണ്ട് ഉടുത്തിരുന്ന വസ്ത്രം മാറ്റി ഒരു കച്ചകെട്ടി കസേരയിൽ വന്നിരുന്നു,,, സുഭദ്രയും നീരുവും ദേവുവിന്റെ ദേഹം മുഴുവൻ മഞ്ഞൾ തേക്കുന്ന തിരക്കിൽ ആണ്…

അത് കഴിഞ്ഞതും പൂർണിമ തേങ്ങാപ്പാൽ എടുത്ത് അവളുടെ തലയിൽ കൂടി ഒഴിച്ചു…പിന്നീട് റോസ് ഇതളുകൾ ഇട്ട വെള്ളം അവളുടെ ദേഹത്ത് മുഴുവൻ അംബിക ആണ് ഒഴിച്ചത്.. പിന്നിട് അവൾ കുളിക്കാൻ പോകുന്ന നേരത്തെ അവിടെ ഉണ്ടായിരുന്നു സ്ത്രീകൾ എല്ലാം പുറത്തേക്ക് നടന്നു…. പൂർനിമയും സുഭദ്രയും ആണ് അവളെ കുളിപ്പിച്ചത്.. എല്ലാം കഴിഞ്ഞതും ദേവുവിന്റെ മുടിയെല്ലാം അവർ കുന്ദരിക്കം പുകച്ചു അതിന്റെ പുക കൊണ്ട് ഉണക്കി കൊടുത്തു.. അവൾക്ക് ഇതെല്ലാം ഒരു പുതിയ അനുഭവം തന്നെയായിരുന്നു… അവളുടെ കണ്ണുകൾ എല്ലാം പതിയെ നിറഞ്ഞു വന്നു… എല്ലാവരും കൂടി ദേവൂനെ ഒരു മാലാഖയെപ്പോലെ ഒരുക്കി നിർത്തിയിരുന്നു.. കൈയിലും കഴുത്തിലും നിറയെ ആഭരണങ്ങളും സീമന്തരേഖ ചുവപ്പിച്ച കുങ്കുമവും നെറ്റിയിലെ കുഞ്ഞി പൊട്ടും.

കാതിൽ വലിയ ജിമിക്കിയും കൈ നിറയെ വളകളുമായി അവൾ അണിഞ്ഞൊരുങ്ങി… ഒരു സെറ്റ് സാരി ആയിരുന്നു അവളുടെ വേഷം… ഗോൾഡൻ കരയുള്ള സെറ്റ് സാരി അവളുടെ ഭംഗി എടുത്തു കാണിച്ചിരുന്നു..അവളുടെ മുടിയെല്ലാം വിടർത്തിയിട്ട് അവരെല്ലാവരും കൂടി അവളുടെ മുടിയിൽ മുല്ലപ്പൂ കൊണ്ട് നിറച്ചു… ആ സമയം അതിന്റെ സുഗന്ധം അവിടെ മുഴുവൻ വ്യാപിച്ചിരുന്നു…. പിന്നീട് എല്ലാവരും കൂടി ദേവൂനെ ഒരു രാജകുമാരിയെപ്പോലെ ഹാളിലേക്ക് നടത്തിച്ചു..ഹാൾ നിറയെ ബലൂണുകൾ കൊണ്ട് നിറഞ്ഞിരിക്കുകയായിരുന്നു. അവൾക്ക് അവളുടെ സന്തോഷം അടക്കാൻ പോലും കഴിഞ്ഞില്ല നിറയെ ബലൂണുകളും., ധാരാളം അലങ്കാരവസ്തുക്കൾ കൊണ്ടും ആ ഹാൾ അത്രയും മനോഹരമാക്കി തീർത്തിരുന്നു.. ഇതെല്ലാം കൂടി കണ്ട് അവളുടെ കണ്ണുകൾ നിറഞ്ഞൊഴുകി..

അത് കണ്ടെന്ന പോലെ ദിയ അവളുടെ കണ്ണ് തുടച്ച് അവളുടെ ഷോൾഡറിൽ കൈ അമർത്തി അവൾക്ക് ഒരു പുഞ്ചിരി നൽകി.. അവൾക്ക് ഇരിക്കാനായി സജ്ജീകരിച്ചിരിക്കുന്ന മരത്തിന്റെ ഊഞ്ഞാലിൽ കൊണ്ട് അവരെല്ലാവരും കൂടി അവളെ ഇരുത്തി. അവളുടെ വീർത്ത വയറും പുഞ്ചിരിതൂകുന്ന മുഖവും കണ്ട് എല്ലാവരുടെയും മുഖത്ത് പുഞ്ചിരി തന്നെയാണ് ആ സമയം വിരിഞ്ഞത്…. പിന്നീട് അവരെല്ലാം കൂടി ദേവുവിനെ തീറ്റിച്ചു കൊല്ലുകയായിയുന്നു.. അവൾക്ക് എല്ലാം കഴിക്കാൻ പോലും പറ്റുന്നുണ്ടായില്ല… അവൾ ദയനീയമായി വേദയെ നോക്കി അവൻ ആണെകിൽ അവളെ നോക്കി വായ പൊത്തി ചിരിക്കുകയായിരുന്നു… കൂട്ടത്തിൽ നീറുവിനും കിട്ടുണ്ട് സ്വീറ്റ്സ് ഒക്കെ അവളും ഗർഭിണി ആണല്ലോ.. എല്ലാം കഴിഞ്ഞപ്പോ തന്നെ ദേവു ഒരു വഴികായി… പിന്നെ പാട്ട് ഡാൻസും ഒക്കെ ആയിരുന്നു…

യദുവും യാഷിയും അന്നമ്മയും ദിയയും കൂടി ഡാൻസ് കളിച്ചു തകർത്തു… രാത്രി ആയിരുന്നു എല്ലാം കഴിഞ്ഞപ്പോൾ…. എല്ലാരും നല്ലോണം ക്ഷീണിച്ചു പോയി… ഇന്നിപ്പോൾ ഗസ്റ്റുകൾ എല്ലാം ഉള്ളതുകൊണ്ട് തന്നെ നാളെയാണ് യാഷിയുടെയും ദിയയുടെയും യദുവിന്റെയും മരിയയുടെയും എൻഗേജ്മെന്റ് നടത്താൻ തീരുമാനിച്ചിരിക്കുന്നത്.എല്ലാവരും അതിന്റെ സന്തോഷത്തിൽ ആണെങ്കിൽ യദു ഇതുവരെ മരിയയോട് ഒന്ന് സംസാരിച്ചിട്ട് പോലുമില്ല..അവൾക്ക് അതിൽ നല്ല വിഷമം ഉണ്ട്… യാഷിയുടെയും ദിയയുടേയും അവസ്ഥയാണെങ്കിൽ പിന്നെ പറയുകയെ വേണ്ട 24 മണിക്കൂറും രണ്ടും എവിടെയെങ്കിലും പോയിരുന്നു കുറുകലാണ് പണി …

“”നിനക്ക് ഇവിടെ വരാൻ സമയമായി എന്ന് എനിക്കറിയാം ഡിവേന്ദ്രഷിക… നീ വരുംഇവിടെ…. നിന്റെ കുഞ്ഞിനെയും nee ജീവനോളം പ്രണയിക്കുന്ന നിന്റെ പാതിയേയും കൊല്ലും ഞാൻ …. നിന്നെ ഒറ്റയടിക്ക് കൊല്ലാൻ അല്ല നിന്നെ ഇഞ്ചിഞ്ചായി കൊല്ലും ഞാൻ ഇഞ്ചിഞ്ചായി….. 3000 വർഷങ്ങളായി ഞാൻ ജീവിക്കുന്നു ഞാൻ… എന്നെ എതിർത്തവരെ ഒന്നും ഞാൻ വെറുതെ വിട്ടിട്ടില്ല നശിപ്പിക്കും നിന്റെ സാമ്രാജ്യത്തെ ഞാൻ ….മരണ വേദനയെക്കാൾ വലുത് അനുഭവിപ്പിക്കും ഞാൻ നിന്നെ…. ഇത് ആഘോരാധിപതിയുടെ പ്രതീജ്ഞ ആണ്…”” ആഘോരി അട്ടഹാസിച്ചുകൊണ്ട് കൈയിൽ ഉണ്ടായിരുന്ന രക്തത്തെ മുന്നിൽ ഉള്ള പ്രതിമയിലേക്ക് വലിച്ചെറിഞ്ഞു… ഇതെ സമയം അവിടെയുണ്ടായിരുന്ന ഒരു കുപ്പിയിൽ നിന്ന് ആരോ ഉറക്കെ കരയുന്നുണ്ടായിരുന്നു……..”തുടരും

അസുരാധിപതി : ഭാഗം 50