🎀അനുപമ🎀: ഭാഗം 13

എഴുത്തുകാരി: പ്രാണ അഗ്നി

അമ്പലനടയിൽ മനമുരുകി പ്രാർത്ഥിക്കുകയാണ് അനു .ദൈവം തനിക്കു നൽകിയ ഭാഗ്യം ആണ് തന്റെ കുടുംബം .ഒരു കാരണം കൊണ്ടും അത് തന്നിൽ നിന്നും അകലരുത് എന്ന് അവൾ മനമുരുകി പ്രാർത്ഥിച്ചു . അവൾ അറിയാതെ തന്നെ അവളുടെ കണ്ണുകൾ നിറഞ്ഞ കവിളിൽ കുടി കണ്ണുനീർ ഒഴുകി ഇറങ്ങി . തോളിൽ ഒരു കരസ്പർശം അറിഞ്ഞാണ് അവൾ കണ്ണ് തുറന്നതു .തന്നെയും നോക്കി ചിരിച്ചുകൊണ്ട് നിക്കുന്ന രുദ്രനെ കണ്ടു അവളുടെ മുഖത്തും ചിരി പടർന്നു .

“എന്തിന്റെ പേരിൽ ആണെങ്കിലും ഇനി ഈ കണ്ണിൽ നിന്ന് കണ്ണുനീർ വീഴുവാൻ പാടില്ല .അത് ഇവിടെ നിക്കുന്ന ആർക്കും സഹിക്കില്ല “എന്നും പറഞ്ഞു അവൻ അവളുടെ കണ്ണുനീർ തുടച്ചു നിറുകയിൽ ഒരു ചുംബനം നൽകി . കയ്യിൽ ഇരുന്ന ഇലചീന്തിൽ നിന്നും ചന്ദനം അവളുടെ നെറ്റിയിൽ ചാർത്തി കുങ്കുമം അവളുടെ നിറുകയിലും തൊട്ടു കൊടുത്തു .കണ്ണടച്ച് നിന്ന് അവൾ അത് സ്വീകരിച്ചു . “ഏട്ടാ ഞാൻ ഒരു കാര്യം പറഞ്ഞാൽ സാധിച്ചു തരുമോ ….” “എന്താ അനുകുട്ടിയെ ഒരു മുഖവുര നീ പറയുന്നത് സാധിച്ചു തരാൻ അല്ലേ ഞാൻ ഇങ്ങനെ നെഞ്ച് വിരിച്ച് നിക്കുന്നത് .നീ ധൈര്യമായിട്ടു പറ ” “ഏട്ടാ ഈ നടയിൽ വെച്ച് എനിക്ക് ഒരു താലി കെട്ടി തരുമോ .

അനുപമ ആയിട്ടല്ലാ രുദ്രന്റെ ഭദ്ര ആയിട്ടു മാറുന്ന ഒരു ആലിലത്താലി . ഭദ്ര എന്ന എന്നെ പൂർണയാകുന്ന ഒരു താലി ” സന്തോഷം കൊണ്ട് കണ്ണ് നിറഞ്ഞ രുദ്ര അവളെ ഓടി പോയി കെട്ടി പിടിച്ചു തന്റെ ഹൃദയത്തോട് ചേർത്ത്. “ഇപ്പോൾ അല്ല അനു അതിനു സമയം ആയിട്ടില്ല .എല്ലാ അർത്ഥത്തിലും നീ ഭദ്ര അകുന്ന നിമിഷം നിന്റെ കഴുത്തിൽ ഈ രുദ്ര പ്രതാപ് വർമ്മയുടെ താലിയും ഉണ്ടാവും .” “അളിയോ ……”എന്ന് ഉള്ള വിളികേട്ടു അനുവും രുദ്ര പരസ്പരം ഞെട്ടി മാറി നിന്നു നോക്കിയപ്പോൾ തങ്ങളെയും നോക്കി നിക്കുന്ന ഹരിയേയും മനുവിനെയും ആണ് കാണുന്നത് .ഒരു വളിച്ച ചിരിയും പാസ്സാക്കി അവൻ അനുവിന്റെ കൈയും പിടിച്ചു അവിടെ നിന്നും നടന്നു നീങ്ങി .

“അളിയൻ ഒന്ന് നിന്നെ . തടിമാടൻ മാരായ രണ്ട് അങ്ങളാമാർ ഇവിടെ നീക്കുമ്പോള്‍ ആണോ ഞങ്ങളുടെ പെങ്ങളുടെ കൈയ്യും പിടിച്ചു പോകുന്നത് .” “അതേ അളിയന്മാരെ ഇതു എന്റെ സ്വന്തം പ്രോപ്പർട്ടി ആണ് .അത് കാർനോമാരായിട്ട് നേരുത്തെ തീർ എഴുതി തന്നതാണ് കേട്ടോ ….രണ്ടു അളിയന്മാർ വന്നിരിക്കുന്നു ” “എടാ മഹാപാപി കുറച്ച എങ്കിലും ഒരു ബഹുമാനം താടാ ഒന്നും ഇല്ലെങ്കിലും ഞങ്ങളുടെ പ്രാണനെ നിനക്ക് ഞങ്ങള്‍ തന്നതല്ലേ ” “അതുകൊണ്ട് അല്ലേ കുഞ്ഞളിയാ ഞാൻ നിങ്ങളെ കൈയ്യ് വെക്കാത്തത് ” രണ്ടു പേരും കൈകൂപ്പി രുദ്രന്റെ മുൻപിൽ നിന്നു .ഒരു പൊട്ടിച്ചിരിയോടെ രുദ്ര അനുവിനെ തന്നിലേക്ക് കൂടുതൽ ചേർത്ത് നിർത്തി അവളെയും കൊണ്ട് നടന്നു നീങ്ങി .

സന്തോഷത്തോടെ രണ്ടു ഏട്ടൻ മാറും അത് നോക്കി നിന്നു . അമ്പലത്തിൽ പോയി വന്ന ഫുഡ് ഒക്കെ കഴിച്ചു എല്ലാവരും ഉമ്മറത്ത് ഒത്തുകൂടി .ലക്ഷ്മിയുടെ മടിയിൽ തലവച്ചു കൊച്ചു വർത്തമാനം പറഞ്ഞു അനു കിടന്നു “മാറി കിടക്കടി എന്റെ ഭാര്യയുടെ മടിയിൽ നിന്ന് “എന്നും പറഞ്ഞു ഹരി അവളെ തള്ളി മാറ്റി അവിടെ കിടന്നു “താൻ പോടോ കള്ള പോലീസ് ഇതു എന്റെ ഏട്ടത്തിയാ “എന്നും പറഞ്ഞു ഹരിയെ തള്ളി മാറ്റാന്‍ നോക്കി .അനു എത്ര ശ്രമിച്ചിട്ടും ഹരിയെ ഒന്നു അനക്കുവാൻ പോലും അനുവിന് പറ്റിയില്ല .മുഖം കൂർപ്പിച്ചു കള്ള പിണക്കം കാണിച്ചിരിക്കുന്ന അനുവിനെ നോക്കി എല്ലാരും ചിരിച്ചു .

ഇതെല്ലാം കണ്ടു ചിരിച്ചുകൊണ്ട് രുദ്ര അനുവിന്റെ മടിയിലേക്കു ഓടി വന്നു കിടന്നു . “ഏട്ടന്റെ മോള് വിഷമിക്കണ്ടാട്ടോ ഞാൻ മടിയിൽ കിടന്നോളാം “എന്നും പറഞ്ഞു അവൻ അവളുടെ കൈ പിടിച്ചു തന്റെ തലയിൽ വച്ചു .അവൾ അവന്റെ തലമുടിയിൽ തരുകി ഇരുന്നു ഹരിയെ പുച്ഛിച്ചു കാണിച്ചു . “എടാ ധ്രുവ നമ്മൾ എന്താടാ രണ്ടാംകെട്ടിലെയോ നീയിങ്ങു വാടാ മോനെ ഏട്ടൻ നിന്റെ തലയിൽ തടവി തരാമെടാ .കല്യാണം കഴിക്കാത്ത നമ്മളെ പോലെയുള്ള സിംഗിസ് ഇവിടെ ഉണ്ടെന്ന് ആർക്കും ഒരു വിചാരവും ഇല്ലാ “മനു അത് പറഞ്ഞു ധ്രുവിനെ പിടിച്ചു മടിയിൽ കിടത്തി . അവരുടെ പ്രവർത്തി കണ്ടു അവിടെയുള്ളവർ ഒന്നടങ്കം പൊട്ടി ചിരിക്കാൻ തുടങ്ങി .അവരുടെ ചിരിയിലും കളിയിലും ആ തറവാടിന്റെ തേജസ്സ്‌ ഒന്നുംകൂടി കൂടിയതായി തോന്നി .

ഇതുവരെ ഇല്ലാതെ ഒരു ഉണർവ്വ് എല്ലാവര്ക്കും അനുഭവ പെട്ടു . രാത്രി ഭക്ഷണ ശേഷം പ്രതാപ് എല്ലാവരേയും തന്റെ റൂമിലേക്ക് വിളിച്ചു . “അനു മോളെ നീ തിങ്കളാഴ്‌ച മുതൽ ഓഫീസിൽ വന്നു തുടങ്ങണം .അനുവായിട്ടല്ലാ ഭദ്ര രുദ്ര പ്രതാപ് വര്‍മ്മ ആയിട്ടു .വർമ്മ ഇന്ട്രസ്റ്റിറീസിന്റെ എം.ഡി ആയിട്ടു .ഞങ്ങളുടെ എല്ലാം ബോസ്സായിട്ടു ” “എന്താ അച്ഛാ ഈ പറയുന്നത് ഒന്നും അറിയാതെ ഞാൻ വന്നിട്ടു എന്ത് ചെയ്യാനാണ് .ഏട്ടനും അച്ഛന്മാരും കുടി അത് ഒക്കെ നോക്കിയാൽ മതി .” ‘അങ്ങനെ അല്ല മോളെ നീ അവിടെ ജോയിൻ ചെയ്തേ മതിയാവൂ .നമ്മുടെ അച്ഛനോട് നമ്മൾക്ക് ചെയ്യാൻ പറ്റുന്നത് അത് മാത്രമേയുള്ളു .

നിന്റെ ഒപ്പം ഞങ്ങൾ എല്ലാവരും ഉണ്ട് .നീ ഞങ്ങളോടൊപ്പം നിന്നാൽ മാത്രം മതി ” “ഹരിയേട്ടാ ഞാൻ …” “ഒന്നും പറയണ്ട ഏട്ടന്റെ മോളെ ഈ ലോകം അറിയണം ദേവ് വർമ്മയുടെ രാജകുമാരി ജീവനോടെ ഉണ്ടെന്ന് .വർമ്മ ഇൻ ട്രസ്റ്റീസിന്റ അവകാശി ഭദ്ര രുദ്ര പ്രതാപ് വർമ്മ ആണെന്ന് .”അവളുടെ തോളിലൂടെ കൈ ചേർത്ത് ഉറച്ച ഒരു വാക്കോടെ മനു പറഞ്ഞു നിർത്തി . അവൾ ഒരു സംശയത്തോടെ രുദ്രനെ നോക്കി .അവൻ കണ്ണടച്ച് അവൾക്കു തന്റെ സമ്മദം അറിയിച്ചു . “ശെരി അച്ഛാ ഞാൻ വരാം “എന്നും പറഞ്ഞു അവൾ അവിടെനിന്നും നടന്നു നീങ്ങി . അവൾ പോകുന്നതും നോക്കി എല്ലാവരും അവിടെ നിന്നു .

അവളുടെ മനസിന്റെ വീർപ്പുമുട്ടൽ എല്ലാം അവർ തിരിച്ചു അറിയുന്നുണ്ടായിരുന്നു. “രുദ്ര നീ അവളുടെ ഒപ്പം ചെല്ല് അവൾക്കു ഇപ്പോൾ നിന്റെ പ്രസൻസാണ് ആവിശ്യം “ഹരി രുദ്രനെ നോക്കി പറഞ്ഞു രുദ്ര ഒന്ന് മൂളി അവളുടെ പുറമെ നടന്നു .അനു നടന്നു ഗാർഡനിൽ ഉള്ള തടി ബഞ്ചിൽ പോയി ഇരുന്നു . “എന്താടോ വല്യ ആലോചനയിൽ ആണല്ലോ .എന്ത് പറ്റി എന്റെ താൻസി റാണിക്ക് ” “ഏട്ടാ …..എനിക്ക് ഇതു ഒക്കെ ചെയ്യാൻ പറ്റുമോ ” “അനുപമ എന്ന അനുവിന് ചെയ്യാൻ പറ്റില്ല .പക്ഷെ ഭദ്ര എന്ന രുദ്രന്റെ ജീവനായ ഭാര്യക്ക് ഇതൊക്കെ സിംപിൾ ആണ് .രുദ്ര തൊട്ടാവാടി എന്ന് തള്ളി കളഞ്ഞ പെണ്ണ് .

ഓരോ ദിവസം എന്നെ അത്ഭുദ പെടുത്തി ഒരു അമ്മയായി ഒരു കൂട്ടുകാരിയായി ഒരു കുറുമ്പി ആയി എന്റെ ഹൃദയത്തിലേക്ക് ഇടിച്ചു കയറി എന്റെ പ്രാണനായവൾ അവൾക്കു ഇതു എല്ലാം പറ്റും .ഞാൻ ഇല്ലേടാ നിന്റെ ഒപ്പം .പിന്നെ എന്തിനാ പേടിക്കുന്നത് .നിന്റെ അച്ഛൻ ജീവൻ കൊടുത്തു നിലനിർത്തിയത് ആണ് ഇതു എല്ലാം .അത് കണ്ടില്ലെന്നു വെക്കല്ല് നീ ” ” അപ്പോൾ ഏട്ടാ എന്റെ കോളേജ് ” ” കോളേജില്‍ പോവണ്ടാന്ന് ആരും പറഞ്ഞില്ലോ കുട്ടിഡോക്ടറേ. പണ്ട് പാര്‍ട്ടയ്മായി ചെയ്ത ജോലി ഇപ്പോള്‍ സ്വന്തം ഓഫീസില്‍ ചെയ്യുന്നു. That’s all ” ” എല്ലാരും ഇത്രയും പറയുന്ന സ്ഥിതിക്ക് ഒരു കൈ നോക്കാം എല്ലേ തല്ലിപ്പൊളി”.

” എഡി കാന്താരി വേണ്ടട്ടോ….” അവൾ അവന്റെ തോളിൽ തലചായ്ച്ചു അവൻ പറയുന്നത് എല്ലാം കേട്ടിരുന്നു . താൻ ഈ ലോകത്തിൽ ഏറ്റവും വല്യ സുരക്ഷാ വലയത്തിലാണ് ഇപ്പോൾ ഉള്ളത് എന്ന് അവൾക്കു നല്ല ബോദ്ധ്യം ഉണ്ടായിരുന്നു. ഒരാപത്തിനും അവളെ വിട്ടുകൊടുക്കില്ലാ എന്ന ഉറച്ച തീരുമാനത്തോടെ അവൻ അവളെ തന്നിലേക്ക് ചേർത്തു നിർത്തി. അങ്ങനെ നാളെ മുതൽ അനു ഓഫീസിൽ പോയി തുടങ്ങുകയാണ് അവൾ അറിയാത്ത അവളുടെ ശത്രുവിനെ നേരിടാൻ .തനിക്കു ചുറ്റും തന്റെ വേണ്ടപ്പെട്ടവർ ചേർത്തുവെച്ച രക്ഷാകവചവുമായി . ഇന്നാണ് ഓഫീസിൽ അനു ജോയിൻ ചെയ്യുന്ന ദിവസം .ഏട്ടന്മാർ എല്ലാം രാവിലെ തന്നെ റെഡി ആയി അനുവിന്റെ വരവിനായി വെയിറ്റ് ചെയ്തു നീക്കുകയാണ് . ”

രുദ്ര അനു എന്തിയെ .ഇതുവെര അവൾ റെഡി ആയില്ലേ ” “ഇപ്പോൾ വരും ഏട്ടാ.അച്ഛനും കൊച്ചച്ഛനും എവിടെ ” “അവർ നേരുത്തെ പോയി ഓഫീസിലേയ്ക്കു .അവിടെ ബോഡ് മീറ്റിംഗ് എല്ലാം അറേഞ്ച് ചെയ്യാൻ ഉണ്ട് ” “ഉം” ഗൗരവം നിറഞ്ഞ അന്തരീക്ഷത്തിനു വിരാമം ഇട്ടുകൊണ്ട് അനു അങ്ങോട്ടേക്ക് എത്തി .എല്ലാവരും വായും തുറന്ന് അനുവിനെ തന്നെ നോക്കി നിന്നു . വൈറ്റ് ഷർട്ടും ഗ്രേ സ്ലിംഫിറ്റ് പാന്റ്സ് ഗ്രേ കൊട്ട് കയ്യിൽ ഹാങ്ങ് ചെയ്തു പിടിച്ചിരിക്കുന്നു ബ്ലാക്ക് ഹീൽ ലെതർ ഷൂസ് ഹെയർ മെസ്സി ബൺ കെട്ടിവെച്ചിരിക്കുന്നു .ലൈറ്റ് മേക്കപ്പ് പിങ്ക് കളർ ലിപ്സ്റ്റിക്ക് . സീരിയസ് ആയിട്ടുള്ള മുഖഭാവത്തിൽ വരുന്ന അനുവിനെ അത്ഭുത്തതോടെ എല്ലാവരും നോക്കി നിന്നു . ഇന്നലെ വരെ കുട്ടികളിയുമായി കളിച്ചു ചിരിച്ചു നടന്ന അവളിൽ വന്ന മാറ്റം വീക്ഷിക്കുകയായിരുന്നു അവർ ഓരോരുത്തരും . “പോകാം രുദ്രേട്ടാ .

ലേറ്റ് ആവണ്ടാ “പക്വവമായ ശബ്ദത്തിൽ തന്നെ അവൾ അവരെ എല്ലാം നോക്കി പറഞ്ഞു അച്ഛന്റയും അമ്മയുടേയും ഫോട്ടോയ്ക്കു മുൻപിൽ പോയി കൈ കൂപ്പി കണ്ണടച്ചു നിന്നു പ്രാർത്ഥിച്ചു . രുദ്രന്റെ ഒപ്പമാണ് അവൾ ഓഫീസിലേക്ക് പുറപ്പെട്ടത് .ഹരിയും മനുവും ധ്രുവും മുനുവിനൊപ്പം അവന്റെ കാറിലും . യാത്രയിൽ ഉടനീളം മിണ്ടാതെ ഗൗരവത്തോടെ ഇരിക്കുന്ന അനുവിനെ രുദ്ര മിറാറിലൂടെ നോക്കി കണ്ടു .അവൾ പറയാതെ തന്നെ അവളുടെ ടെൻഷൻ അവനു മനസിലാവുന്നുണ്ടാരുന്നു .അവളുടെ കൈ തന്റെ കൈയിൽ ചേർത്ത് വെച്ച് അവൾക്കൊപ്പം താനുണ്ടെന്ന് പറയാതെ പറഞ്ഞു .ഒരു ചെറു പുഞ്ചിരിയോടെ കണ്ണടച്ചു കാണിച്ചു അവൾ അത് സ്വീകരിച്ചു .

പത്തുനിലയിലായുള്ള ആഡംബരം വിളിച്ചോതുന്ന വലിയ ബിൽഡിങ്ങിന്റെ ഫ്രോന്റിൽ രുദ്രന്റെ പോർഷേ വന്നു നിന്നു .തൊട്ടു പുറകിലായി മനുവിന്റെ ഓഡിയും .ബ്ലാക്ക് ഗ്രെയും ബ്ലൂവും കളറിലെ സൂട്ടും ഇട്ടു കൂളിംഗ് ഗ്ലാസും വെച്ച് സൂപ്പർ മോഡല്‍സിനെ പോലെ ഇറങ്ങി വരുന്ന അവരിലായി എല്ലാവരുടെയും കണ്ണുകള്‍. അവർ ഇറങ്ങി നേരെ രുദ്രന്റെ കാറിന്റെ അടുത്തേക്ക് നടന്നു . “ഭദ്രാ …..”രുദ്ര ആദ്യമായി അവളെ അങ്ങനെ വിളിക്കുന്നത് കേട്ട് അതിശയത്തോടെ അവനെ തന്നെ നോക്കി ഇരുന്നു . “ഈ നിമിഷം മുതൽ നീ ഭദ്രയാണ് ദേവ് വർമയുടെ മകൾ .ഒന്നിനേയും ഭയപെടാത്ത നിന്റെ തല്ലിപൊളിയായ രുദ്രന്റെ ഭാര്യ ഭദ്ര രുദ്ര പ്രതാപ് വർമ്മ .

ധൈര്യാമായിട്ടു വലതുകാൽ വെച്ച് ഇറങ്ങു എന്റെ താൻസി റാണി “എന്നും പറഞ്ഞു അവളുടെ നിറുകയിൽ ഒരു ഉമ്മയും കൊടുത്തു അവൻ ഇറങ്ങി . ഒരു ദീർഖ ശ്വാസം എടുത്തു ഭദ്രയും കാറിൽ നിന്നും ഇറങ്ങി .അവിടെമാകെ ഒന്ന് വീക്ഷിച്ചു . അങ്ങനെ ഒരു അഡ്ഡാർ ലുക്കിൽ അഞ്ചെണ്ണവും ഓഫീസിൽ ബിൽഡിങ്ങിലേക്കു നടന്നു . നാലു ബോസ്സുകൾക്കു ഒപ്പം സ്റ്റൈലിഷ് ആയി വരുന്ന പെൺകുട്ടിയെ കണ്ടു അവിടെ ഉള്ളവർ എല്ലാം കണ്ണിമ വെട്ടാതെ നോക്കി നിന്നു .അവളുടെ ആ വരവുതന്നെ അവിടെ മുഴുവന്‍ ഭംഗി നൽകി . പക്ഷെ അവരുടെ മുഖത്തു നിറഞ്ഞു നിന്ന ഗൗരവം എല്ലാവരിലും ഒരു ഭയം നിറച്ചു .

ഇതേ സമയം കോൺഫറൻസ് റൂമിൽ പ്രതാപും ശേഖരനും മറ്റു ബോർഡ് മെംബറും അവരുടെ വരവിനായി കാത്തിരുന്നു . അപ്പോളേക്കും ഡോറും തുറന്നു ആൺപ്രജകൾക്കൊപ്പം അവരുടെ രാജകുമാരിയും അങ്ങോട്ടേക്ക് എത്തി .അവരുടെ വരവ് കണ്ടു പ്രായബേദമന്യേ എല്ലാവരും എഴുന്നേറ്റു നിന്നു . വിശാലമായ വല്യ ഒരു റൂം ഇന്റീരിയർ മനോഹരമായി ചെയ്തിരിക്കുന്നു നടുക്ക് വല്യ ഒരു ടേബിൾ അതിനു ചുറ്റും റോളിങ് ചെയേഴസ് . ടേബിളിന്റെ നടുക്ക് വല്യ റോസിന്റെ ബൊക്കെ അറേഞ്ച് ചെയ്തു വെച്ചിരിക്കുന്നു .റൂമിന്റെ ഒരു വോൾ ഫുൾ ഗ്ലാസ് ആണ് ടൗണിന്റെ മുഴുവൻ വ്യൂവും അതിൽ കുടി കാണുവാൻ സാധിക്കും അതുതന്നെ ആണ് ആ റൂമിനു കൂടുതൽ ഭംഗി നൽകുന്നത് .

പ്രതാപ് ഭദ്രയുടെ കൈയ്യും പിടിച്ചു അവളെ ടേബിളിന്റെ നടുക്ക് ഉള്ള ചെയറിൽ കൊണ്ടിരുത്തി .അവളുടെ ഇടതുവശത്തു രുദ്ര ധ്രുവും വലതു വശത്തു ഹരിയും മനുവും ഇരുപ്പു ഉറപ്പിച്ചു . അവിടെ ഉള്ള മറ്റു ബോർഡ് മെംബേർസ് സംശയത്തോടെതന്നെ അവളെ തന്നെ നോക്കി ഇരിന്നു . ശക്തമായി ഡോർ തുറക്കുന്ന ശബ്ദത്തോടെ അവിടേക്കു രണ്ടു പേര് കടന്നു വന്നു എല്ലാവരുടേയും ശ്രദ്ധ അങ്ങോട്ടേക്ക് തിരിഞ്ഞു . ദേഷ്യത്തോടെ കത്തുന്ന കണ്ണുകളോടെ നോക്കി നിക്കുന്ന അവരെ എല്ലാവരും ഭയത്തോടെ നോക്കി .ഒരു കൂസലും ഇല്ലാതെ പുച്ഛത്തോടെ മാമ്പള്ളിയിലെ തംബ്രാക്കൻമാർ അവിടെ തന്നെ ഇരുന്നു . “എന്താ പ്രതാപേ …മകന്റെ ഭാര്യയെ ആരോടും ചോദിക്കാതെ വർമ്മ ഇന്ടസ്റ്റീഡീസിന്റെ എം.ഡി കസേരയിൽ കോണ്ട് സ്ഥാപിച്ചോ .

എന്താ മാമ്പള്ളിയിൽ ആൺകുട്ടികൾ ഇല്ലാതെ ആയോ ……ഇല്ലെങ്കിൽ പറഞ്ഞാൽ മതി സിദാർഥ് മേനോന് നട്ടെല്ല് ഉള്ള ആൺ മക്കൾ ഉണ്ട് കേട്ടോ .ഇല്ലേ മോനെ വിശ്വാ …..”ഒരു അട്ടഹാസത്തോടെ സിദാർഥ് വർമ്മ തന്റെ മകൻ വിശ്വനാഥ് മേനോനെ നോക്കി പറഞ്ഞു . പ്രതാപ് ഒരു പുച്ഛിച്ച ചിരിയോടെ അത് തള്ളി കളഞ്ഞു .മുഷ്ടി ചുരുട്ടി ചുവന്ന കണ്ണുകളോടെ എല്ലാത്തിനേയും ദഹിപ്പിക്കാൻ ഉള്ള ഭാവത്തോടെ ഇരിക്കുന്ന രുദ്രനെ ഹരി സമാധാനിപ്പിക്കാൻ എന്നോണം കണ്ണുകളടച്ചു .അവന്റെ കയ്യിൽ ഇരുന്ന പേനാ ഓടിച്ചാണ് രുദ്ര അവന്റെ ദേശ്യം നിയന്ത്രിച്ചത് . പെട്ടെന്നു തന്നെ അവന്റെ ശ്രദ്ധ ഭദ്രയിലേക്കു മാറി എല്ലാം കണ്ടു പേടിച്ചിരിക്കുകയാണ് എന്ന് അവളുടെ മുഖഭാവം വിളിച്ചോതി .

ആരും കാണാതെ രുദ്ര അവളുടെ കൈ അവന്റെ കൈക്കുള്ളിൽ ആക്കി ചെറിയ ഒരു ചിരി സമ്മാനിച്ചു .പേടിച്ചു ഹരിയെ നോക്കിയപ്പോൾ അവൻ അവളെ കണ്ണടച്ച് ഒന്നും ഇല്ലെന്നു കാണിച്ചു . “എന്റെ മകന്റെ ഭാര്യക്ക് വർമ്മ ഇൻഡസ്റ്റ്യിയുടെ തലപ്പത്തിരിക്കുവാൻ എല്ലാവരുടേയും സമ്മതം വേണമായിരുക്കും പക്ഷെ .വർമ്മ ഇന്ടസ്റ്റീടിന്റെ എൺപതു ശതമാനം ഷെയർ ഹോൾഡർ ആയ ഭദ്ര രുദ്ര പ്രതാപ് വർമ്മക്കു എം.ഡി കസേരയിൽ ഇരിക്കാൻ ആരുടേയും സമ്മതം ആവിശ്യം ഇല്ലല്ലോ സിദ്ധാർഥ് മേനോനെ “പ്രതാപ് പുച്ഛത്തിൽ സിദ്ധാർഥിനെ നോക്കി പറഞ്ഞു “വാട്ട് “അത് ഒരു അലർച്ചയോടെ അവിടെ മുർഴുവും പ്രകമ്പനം കൊണ്ട് …………….. തുടരും….. എങ്ങനെ ഉണ്ട് എന്റെ അനുപമ കൊള്ളാമോ

അനുപമ: ഭാഗം 12

ഇതുവരെയുള്ള ഭാഗങ്ങളും വായിക്കാൻ ഇവിടെ ക്ലിക്ക് ചെയ്യുക…