Dear Comrade 🥀: ഭാഗം 1

രചന: Zquadiee

താലി കഴുത്തിലേക്ക് വീണതും കലങ്ങിയ കണ്ണുകളോടെ അവൾ തല താഴ്ത്തി ഇരുന്നു...... അവന്റെ കണ്ണുകളിലെ തീക്ഷണതയെ നേരിടാനുള്ള കരുത്ത് അവൾക്കില്ലായിരുന്നു....... അഗ്നിസാക്ഷിയായി വലം വെച്ച് കഴിഞ്ഞപ്പോഴേക്കും അവളുടെ കടും കാപ്പി മിഴികൾ നിറഞ്ഞിരുന്നു...... അച്ഛനെ തേടി നടന്ന അവളുടെ കണ്ണുകൾ അയാൾക്കരികിൽ ചെന്ന് നിന്നു..... എന്നാൽ മകളുടെ അവസ്ഥ നോക്കി കാണുവാൻ മാത്രമേ നിസ്സഹായനായ അയാൾക്ക് സാധിച്ചുള്ളൂ..... കൂടി നിൽക്കുന്നവരുടെ മൂർച്ചയെറിയ വാക്കുകളെക്കാൾ അവളെ വേദനിപ്പിച്ചത് മൗനമായി നിൽക്കുന്ന അവനായിരുന്നു..... ഒരുപാട് ആഗ്രഹിച്ച നിമിഷങ്ങൾ ആണ് കടന്നു പോയത്..... എന്നാൽ അതിലേറെ വേദനയും അനുഭവിച്ചു കഴിഞ്ഞു...... അവന്റെ താലി സ്വന്തമായി..... ഭാര്യ എന്ന പദവിയും......

എന്നാൽ അവൻ മാത്രം ഇന്നും അകലത്തിൽ...... യാത്ര പറഞ്ഞു ഇറങ്ങാറായപ്പോൾ അച്ഛന്റെ നെഞ്ചിലേക്ക് ചേർന്ന് അടക്കി വെച്ച സങ്കടം ഇറക്കി വെച്ചതും അവളുടെ മാനസികാവസ്ഥ മനസ്സിലാക്കിയെന്ന പോൽ അയാളുടെ കൈകൾ ഒരു ആശ്വാസം പോലെ അവളെ തഴുകി..... കലങ്ങിയ മിഴികളോടെ അവൾ തലയുയർത്തി അവനെ നോക്കി..... അവളുടെ കണ്ണൊന്നു നിറഞ്ഞാൽ പിടഞ്ഞിരുന്ന ഹൃദയം അവളുടെ കണ്ണീരിനായി കൊതിക്കുന്നതായി തോന്നിയവൾക്ക്...... വീട്ടിലേക്കുള്ള യാത്രയിൽ അത്രയും അവളുടെ നോട്ടം അവനിലായിരുന്നു..... എന്നാൽ അറിയാതെ പോലും അവനിൽ നിന്നൊരു നോട്ടം അവളിലേക്ക് എത്തിയിരുന്നില്ല...... നിമിഷങ്ങൾക്കുള്ളിൽ തന്നെ അവർ ലക്ഷ്യസ്ഥാനത്‌ എത്തിച്ചേർന്നു....... * അമരാവതി * എന്ന് കൊത്തി വെച്ച മതിലിന് സമീപമുള്ള ഗേറ്റ് അവർക്കായി തുറന്നു വന്നു......

കാറിൽ നിന്നിറങ്ങി മുന്നിലേക്ക് നോക്കിയവൾ ഒരു നിമിഷം അവിടെ തറഞ്ഞു നിന്നു...... വീട് എന്ന് പറയാൻ പറ്റില്ല...... ഒരു ചെറിയ പാലസ് പോലെയുണ്ട്...... നിലവിളക്ക് വാങ്ങി വലത് കാൽ വെച്ചവൾ അകത്തേക്ക് കയറി...... വിളക്ക് പൂജ മുറിയിൽ വെച്ച് പുറത്തേക്കിറങ്ങിയതും ആകൃതി അവൾക്കരികിലേക്ക് വന്നിരുന്നു..... " ചേച്ചി വായോ..... റൂമിലേക്ക് പോവാം..... ആകെ tired ആയിരിക്കുവല്ലേ...... " ( ആകൃതി ) മറുപടിയായി ഒന്ന് പുഞ്ചിരിക്കാൻ ശ്രമിച്ചവൾ ആകൃതി യുടെ കൂടെ നടന്നു..... " ചേച്ചി പോയി ഫ്രഷ് ആയി വാ..... ഞാൻ ഇവിടെ തന്നെ ഉണ്ടാവും..... ഡ്രെസ് ഒക്കെ കബോർഡിൽ ഉണ്ടാവും...... " ( ആകൃതി ) അവളുടെ അവസ്ഥ മനസ്സിലാക്കിയത് പോലെ കൂടുതലൊന്നും പറയാതെ ആകൃതി ഫോണുമായി ബാൽക്കണിൽ പോയിരുന്നു....... അവൾ ഫ്രഷ് ആയി വന്നപ്പോഴും ആകൃതി ഫോണിൽ തന്നെ ആയിരുന്നു...... അധികം വൈകാതെ തന്നെ അവർ രണ്ട് പേരും നല്ല പോലെ അടുത്തു...... അവൾക്ക് വലിയൊരു ആശ്വാസം ആയിരുന്നു ആകൃതി......

ആർക്ക് വേണ്ടിയും കാത്ത് നിൽക്കാതെ സമയം കടന്നു പോയി...... രാവിന്റെ വരവറിയിച്ചു കൊണ്ട് നക്ഷത്രങ്ങൾ ആകാശം കീഴടക്കിയതും ആദ്യരാത്രി ഒരു പേടിസ്വപ്നം പോലെ അവളിൽ പടർന്നു..... ഒരു ഗ്ലാസ് പാലുമായി ഉള്ളിൽ നിറഞ്ഞ ഭയത്തോടെ അവൾ റൂമിനകത്തേക്ക് കയറി...... അവൾ അകത്തേക്ക് കയറിയതും പുറത്ത് നിന്ന് അവളെ നോക്കി ഒന്നുമില്ല എന്ന രീതിയിൽ കണ്ണടച്ചു കാണിച്ചു ആകൃതിയും രാധികയും പോയി...... വിറക്കുന്ന കൈകളാൽ ഗ്ലാസ് എടുത്ത് അവൾ അവനരികിലേക്ക് നടന്നു...... അവളുടെ സാമീപ്യം അറിഞ്ഞെങ്കിലും അറിഞ്ഞതായി ഭാവിക്കാതെ നിന്നവൻ..... " സഖാ...... " പതിവായി വിളിക്കുന്നത് പോലെ വിളിക്കാൻ നിന്നതും പൊടുന്നനെ നിർത്തിയവൾ അവനെ നോക്കി...... നിമിഷങ്ങൾക്കുള്ളിൽ അവന്റെ കൈകൾ അവളുടെ കവിളിൽ അമർന്നിരുന്നു......

വേദനയിൽ പിടഞ്ഞു കൊണ്ടവൾ അവന്റെ കൈ വിടുവിക്കാൻ നോക്കിയെങ്കിലും പരാജയം ആയിരുന്നു ഫലം...... അല്ലെങ്കിലും എന്നും അവളുടെ സഖാവിന് മുന്നിൽ തോറ്റ് കൊടുക്കാറേ ഉള്ളൂ..... ഇന്നീ അവസ്ഥയിൽ നിൽക്കുന്നതും അങ്ങനെയൊരു പരാജയം കാരണം...... " സഖാവോ...... ഞാൻ കെട്ടിയ താലി നിന്റെ കഴുത്തിൽ ഉണ്ടെന്ന അധികാരത്തിൽ ആണെങ്കിൽ അതങ്ങ് മറന്നേക്ക് മിസ്സ്‌ അലങ്കൃത...... അവ്യുക്ത് വിഹാൻ എന്ന എന്നെ സഖാവ് എന്ന് വിളിക്കാനുള്ള അധികാരം എന്റെ തുമ്പി ക്ക് മാത്രമേ ഉള്ളൂ...... തുമ്പി ക്ക് മാത്രം...... " അത്രയും പറഞ്ഞവൻ കൈ വിട്ടതും ക്രമം തെറ്റിയ ഹൃദയമിടിപ്പോടെ അവൾ അവനെ നോക്കി...... അവന്റെ തുമ്പി ആണ് താൻ എന്ന് ഉറക്കെ വിളിച്ചു പറയാൻ തോന്നിയവൾക്ക്..... എന്നാൽ പൂർണതയില്ലാത്ത ഒരു സ്വപ്നം പോലെ അത് അവസാനിച്ചു...... 🥀

" അറിഞ്ഞു കൊണ്ട് വിളിച്ചതൊന്നുമല്ല..... അറിയാതെ വന്നതാ..... അല്ലേൽ തന്നെ ആ പേര് വിളിക്കാൻ എന്ത് യോഗ്യതയാ ഇയാൾക്ക് ഉള്ളെ..... " " ഡീീ...... " ( അവ്യുക്ത് ) " എന്റെ ദേഹത്തു എങ്ങാനും തൊട്ടാൽ ഉണ്ടല്ലോ..... തനിക്ക് എന്റെ സ്വഭാവം ശെരിക്ക് അറിയാലോ...... " " നേരത്തെ എന്തായിരുന്നു..... കരയുന്നു അത് ഇത്...... ഇപ്പൊ തനി സ്വഭാവം പുറത്ത് വന്നല്ലോ...... " ( അവ്യുക്ത് ) " അതിന് തനിക്കെന്താ എനിക്ക് കരയാൻ തോന്നുമ്പോൾ ഞാൻ കരയും ചിരിക്കാൻ തോന്നുമ്പോൾ ചിരിക്കും സ്വഭാവം മാറ്റാൻ തോന്നിയാൽ മറ്റും.... ഇതൊക്കെ ചോദിക്കാൻ താനേതാ..... " മറുപടി ഒന്നും പറയാതെ അവളെ കടുപ്പിച്ചു ഒന്ന് നോക്കിയവൻ ലൈറ്റ് ഓഫ് ചെയ്ത് ബെഡിലേക്ക് കിടന്നു..... അവൾ മെല്ലെ അവൻ കാണാതെ ഫോൺ എടുത്ത് ആകൃതി ക്ക് * plan success * എന്ന് മെസ്സേജ് ചെയ്തു...... അവൾക്ക് മുന്നിൽ കഴിഞ്ഞു പോയ കാര്യങ്ങൾ ഒരു നിമിഷത്തേക്ക് മിന്നി മറഞ്ഞു...... Few Minutes Ago "

ഈ ഫസ്റ്റ് നൈറ്റ്‌ നെ അങ്ങനെ പേടിക്കേണ്ട ആവശ്യം ഒന്നുമില്ല..... " ( ആകൃതി ) " ഫസ്റ്റ് നൈറ്റ്‌ നെ അല്ല..... നിന്റെ ഏട്ടനെയാ എനിക്ക് പേടി..... " " അതും പേടിക്കേണ്ട...... ഐഡിയ ഉണ്ട്..... " ( ആകൃതി ) " എന്ത് ഐഡിയ " " ഏട്ടന്റെ മുന്നിൽ കരഞ്ഞു കൊണ്ട് നിൽക്കരുത്..... ബോൾഡ് ആയി സംസാരിക്കണം..... " ( ആകൃതി ) " എന്നിട്ട് വേണം അതിന് കൂടി കിട്ടാൻ...... " " ഇല്ലന്നെ..... എന്റെ ഒരു calculation വെച്ച് നോക്കുവാണേൽ ഏട്ടൻ പ്രതികരിക്കില്ല..... ഇനി അഥവാ കിട്ടുവാണേൽ...... " ( ആകൃതി ) " കിട്ടുവാണേൽ " " വിധിയെ തടുക്കാൻ ആർക്കും ആവില്ല ചേച്ചി..... " ( ആകൃതി ) " ഏഹ്..... " " പേടിക്കേണ്ട..... ബി കൂൾ...... എല്ലാം നമ്മളെ പ്ലാൻ പോലെ നടക്കും..... " ( ആകൃതി ) " ശ്രമിച്ചു നോക്കാം ല്ലേ...... " "യെസ്....." ( ആകൃതി ) ____To Be Continued____