🌸Filia🌸: ഭാഗം 1

രചന: ഏട്ടന്റെ കാന്താരി (അവനിയ)

പ്രിയമോട് എന്നെ ഓർത്തീടുക പ്രിയരേ..... ഇനി കാണില്ല പ്രിയരേ.... നമ്മൾ ഇൗ ലോകത്തിൽ... യാത്രയാകുന്നു ഞാൻ... സ്വർഗരാജ്യത്തിൽ... * അവിടമാകെ ഒഴുകി നടന്ന മരണ ഗാനം അവിടുള്ള പലരുടെയും കണ്ണുകൾ നിറച്ചു.... സന്തോഷം നിറഞ്ഞ ആ കുടുംബത്തെ കണ്ട് അസൂയപെട്ടിരുന്ന അയൽക്കാർ പോലും അവരുടെ മരണത്തിൽ കണ്ണുനീർ പൊഴിച്ചു.... തന്റെ ചിരകാല സ്വപ്നമായിരുന്ന വീടിന്റെ ഇറയത്ത് രണ്ട് ശവപ്പെട്ടിയിൽ ആയി അവർ കിടന്നു.... ആ വീടിന്റെ സൂര്യനും ചന്ദ്രനും ആയിരുന്ന അച്ഛനും അമ്മയും.... അതിനടുത്ത് ആയി രണ്ട് പെൺകുട്ടികൾ... മൂത്തയാൾ കരയാൻ പോലും മറന്നത് പോലെ നിർവികാരമായിരുന്നു എങ്കിൽ ഇളയവൾ ആർത്തലച്ച് കരയുകയായിരുന്നു....

കരഞ്ഞു തളരുന്ന തന്റെ അനിയത്തിയെ നിശബ്ദമായി നെറുകയിൽ തലോടി കൊണ്ട് അവള് ആശ്വസിപ്പിക്കുന്നു. തന്റെ മക്കളെ തനിച്ചാക്കി പോയെന്ന ഒരു ഭാവവും ആ പിതാവിൽ ഉണ്ടായിരുന്നില്ല. പുഞ്ചിരിയോടെ ആയിരുന്നു അയാളുടെ കിടപ്പ്. കാരണം അത്ര നാൾ കൊണ്ട് തന്റെ പ്രിയപ്പെട്ട മൂത്ത മകൾ ഒരു കുടുംബം ഒറ്റക്ക് നോക്കാൻ കെല്പുള്ളവൾ ആണെന്ന് ആ പിതാവ് തിരിച്ചറിഞ്ഞിരുന്നു.... അല്ല.... അതിന് അയാള് അവളെ പ്രാപ്തയാക്കിയിരുന്നു. വീടിനു പുറത്ത് പന്തൽ ഉയർന്നു. അവിടെ ജനസാഗരമായിരുന്നു. കാരണം അയാള് അത്രമേൽ പ്രിയപെട്ടവനായിരുന്നു. അവിടെ ഉള്ള ആളുകൾ തമ്മിൽ പലവിധ ചർച്ചകളും തുടർന്നു. ഇനിയുള്ള രണ്ട് പെൺകുട്ടികൾ തന്നെ ആയിരുന്നു അതിലെ പ്രധാന വിഷയം.

" എന്നാലും ദൈവം ഇത്ര ക്രൂരനാനോ!! എന്ത് നല്ല മനുഷ്യനായിരുന്നു അത്. എത്രയോ ദുഷ്ടന്മരെ ദൈവം പനപോലെ വളർത്തുന്നു. ഇനി ആ പിള്ളേർക്ക് ആരാണ് ഉള്ളത്. " ഒരു പ്രായമായ അമ്മച്ചി സംസാരത്തിന് തുടക്കം എന്നപോലെ പറഞ്ഞു. " അതേ പൂ പോലത്തെ രണ്ട് പെൺപിള്ളേർ അല്ലേ അമ്മച്ചിയെ. അതും തൊട്ടാൽ പൊട്ടുന്ന പ്രായവും. ഇനി അവർക്ക് ആരുണ്ട് ഒരു തുണയായി. " " ഒരു ആങ്ങള ചെക്കൻ കൂടി ഇല്ലെ ഡെയ്സി അവർക്ക് ? ഏറ്റവും മൂത്തത്. " " അതിനെ അയാള് പുറത്താക്കിയതാണ്. " " അത് എന്തേ ? " " ആ ചെക്കൻ കഞ്ചാവാറ്റെ ആണെന്ന് കേട്ടിട്ടുണ്ട്. മറ്റെ വടക്കെയിലെ മരിച്ചു പോയ റാണി ഇല്ലെ. അവക്കട മകളുമായി പ്രേമമാറ്റേ ആയിരുന്നു. അവളെയും വിളിച്ച് വീട്ടിൽ വന്നു. " " ഏത് മറ്റെ ഭർത്താവ് മിലിറ്ററിയിൽ ആയിരുന്ന റാണിയോ.... " " അതേ.... " " അവക്കട മോൾ എന്ന് പറയുമ്പോൾ നമ്മുടെ കാട്ട്‌ റോസി അല്ലേ.... "

" അതേ അമ്മച്ചിയെ.... അവളുടെ സ്വഭാവം കൊണ്ട് ചങ്ക്‌ പൊട്ടിയാണ് ആ തള്ള മരിച്ചത് " " ആ പെണ്ണിനെ ഏതോ ചെക്കന്റെ കൂടെ മുറിയിൽ നിന്ന് മറ്റെ കേസിന് പിടിച്ചിട്ടുള്ളതല്ലേ.... അത് തന്നെയാണോ ഇവൻ.... " " ഏയ് അത് വേ ഇത് റെ. അവൾക്ക് കൊറേ പേരായിട്ട്‌ ബന്ധം ഉണ്ട്. അവനും അതിനു സപ്പോർട്ടാണ്. കാശ് കിട്ടുമല്ലോ. അത് കൊണ്ടാണ് ജോഷി( മരിച്ച ആൾ ) അടിച്ച് പുറത്താകിയത്. " " എന്ത് നല്ല കുടുംബം ആണ് ഇത്. എല്ലായിടത്തും ഉണ്ടാകുമല്ലോ കുടുംബത്തിന് ചീത്തപ്പേര് ഉണ്ടാകാനുണ്ടായ ഒരെണ്ണം. " " ശെരിയാണ്. ആ പെൺമക്കൾ എന്ത് നല്ല പിള്ളേർ ആണെന്ന് അറിയോ. മൂത്തവൾ എപ്പോഴും അപ്പന്റെ കൈയിത്തൂങ്ങി ഉണ്ടാകും. ഇളയവൾ അമ്മയുടെയും. ആ പിള്ളേർ ഇതെങ്ങനെ സഹിക്കുമെന്തോ. " അവർ ചെറിയൊരു സങ്കടത്തോടെ പറഞ്ഞു കൊണ്ടിരുന്നു.

അപ്പോഴാണ് അവരുടെ തൊട്ടപ്പുറത്ത് ഒരാള് അടി കൊണ്ട് വീണത്. ഉടനെ അവർ പേടിച്ച് എഴുന്നേറ്റ് മാറി. " നീയാരാഡാ എന്നോട് ഇവിടെ വരാൻ പാടില്ല എന്ന് പറഞ്ഞു തടയാൻ. ഇത് എന്റെ വീടാണ്. ഇൗ അലക്സി ചെറിയാൻ ജോഷ്വായൂടെ വീട്. അകത്ത് ചത്ത് കിടക്കുന്നത് എന്റെ അപ്പനും അമ്മയും ആണ്. " അടി കൊണ്ട് കിടകുന്നവൻ അവനെ ചെറിയൊരു പേടിയോടെ നോക്കി. " അലക്സിച്ച ഞാൻ അങ്ങനെ അല്ല. " അയാള് കേണ്‌ കൊണ്ട് അവനോട് പറഞ്ഞു.... എന്നാല് അത് ചെവികൊള്ളാത്ത പോലെ അലക്സി അവനെ ചവിട്ടി കൊണ്ടിരുന്നു.... " ഇതാരാ ഡെയ്സി.... " " ഇതാണ് നേരത്തെ പറഞ്ഞ അയാളുടെ മകൻ അലക്സി.... പിന്നെ ആ വീണു കിടക്കുന്നവൻ ജോഷിയുടെ ഒരേയൊരു പെങ്ങളുടെ മകൻ.... " " ഡെയ്സി ആ ചെക്കൻ ചത്ത് പോവും ഇങ്ങനെ തല്ലിയാൽ.... " " അതിനും മടിക്കാത്ത ചെകുത്താൻ ആണവൻ....

ആ പെൺകുട്ടികൾ ഇനി ഏറ്റവും സഹിക്കേണ്ടത് ഇവനെയും കെട്ടിയോളെയും ആയിരിക്കും " " പാവം കുട്ടികൾ.... " അമ്മച്ചി പറഞ്ഞു നിറുത്തി.... ഇതേ സമയം ജോഷിയുടെ പെങ്ങൾ അയാളുടെ മക്കൾക്ക് അരികിൽ എത്തി.... " മോളെ ലിയ.... " ജോഷ്വയുടെ സഹോദരി അയാളുടെ മൂത്ത മകളെ വിളിച്ചു... " എന്താ അമ്മായി.... " " മോളെ ഒരു ചെറിയ പ്രശ്നം ഉണ്ട്.... ഒന്ന് പുറത്തേയ്ക്ക് വരോ.... " " എന്താ കാര്യം.... " " അത് അവിടെ അലക്സി.... " ആ പേര് കേൾക്കെ അവൾക്ക് വല്ലാതെ ദേഷ്യം വന്നു.... " വാ.... " അതും പറഞ്ഞു അവള് അനിയത്തി ടീനയെ അവിടെ ഇരുത്തി കൊണ്ട് പുറത്തേയ്ക്ക് വന്നു.... അവിടെ കണ്ട കാഴ്ച അവളെ വല്ലാതെ ചൊടിപ്പിച്ചു.... " മോളെ അവൻ കള്ളും കുടിച്ച് വന്നിരിക്കുകയാണ്... ജോഷി ഉണ്ടായിരുന്നപ്പോൾ അവനാണ്.... " " പപ്പ ഇല്ലാതെ ആയിട്ടില്ല....

"അവരുടെ സംസാരം മുഴുവൻ ആകാൻ അനുവദിക്കാതെ അവള് പറഞ്ഞു.... എന്നിട്ട് അലക്‌സിയുടെ അടുത്തേയ്ക്ക് നടന്നു.... " അലക്സിച്ച.... " അവളുടെ ശബ്ദം കേട്ട് തല്ലി കൊണ്ടിരുന്നിരുന്ന അവൻ പെട്ടെന്ന് അത് നിറുത്തി..... എന്നിട്ട് അവള് അവനോട് ഇച്ചിരി കൂടി ചേർന്ന് നിന്ന് പതിഞ്ഞ ശബ്ദത്തിൽ സംസാരിച്ചു.... " ഇതൊരു മരണ വീടാണ്.... മര്യാധിക്കു ആണെങ്കിൽ കണ്ടിട്ട് പോകാം.... അതല്ലെങ്കിൽ തല്ലി ഇറക്കും ഞാൻ.... " പതിഞ്ഞത് ആണെങ്കിലും ദൃഢമായ ശബ്ദമായിരുന്നു അവളുടേത്.... അവള് പറയുന്നത് കേട്ട് അവന് ജോഷി പറയും പോലെ തോന്നി.... പെട്ടെന്ന് സ്വബോധം വീണ്ട്‌ എടുത്തത് പോലെ അവൻ പറഞ്ഞു.... " എന്റെ കൂടെ വീടാണ് ഇത്.... " " എന്റെ അപ്പൻ തല്ലി ഇറക്കിയത് ആണ് നിങ്ങളെ.... ആ നിങ്ങളെ ഇവിടെ കേറ്റിയത് തന്നെ തെറ്റാണ്.... പക്ഷേ എന്റെ അമ്മ ഒരിക്കലെങ്കിലും നിങ്ങളെ ഒന്ന് അവസാനമായി കാണാൻ ആഗ്രഹിച്ചിട്ടുണ്ടാകും....

അത് കൊണ്ട് മാത്രമാണ് നിങ്ങള് ഇങ്ങനെ നില്കുന്നത്.... ഇൗ നിൽകുന്നവന്മാർക്ക്‌ ഒക്കെ നിങ്ങളെ പേടി ആയിരിക്കും പക്ഷേ എനിക് അത് ഇല്ല... നിങ്ങൾക്ക് അറിയാമല്ലോ ഇൗ 🌸ഫിലിയയേ🌸... വെറുതെ എന്നെ കൊണ്ട് ചെയികരുത്.... നല്ലതാണെങ്കിൽ ഒരു നല്ല മകനായി അഭിനയിച്ച് കൊണ്ട് ഇവിടെ നിൽക്കാം.... " " ഡീ നീ എന്നെ... " " ശ് പതിയെ ഞാൻ പറഞ്ഞു ഇതൊരു മരണ വീട് ആണെന്ന്.... പിന്നെ തല്ലി ഇറക്കും എന്ന് പറഞ്ഞ ഇറക്കി ഇരിക്കും... ഒരപ്പന്റെ മക്കൾ ആണെങ്കിലും എന്റെ അപ്പന്റെ നേർക്ക് കൈയുയർത്തിയ നിങ്ങളെ ഞാൻ ബഹുമാനിക്കും എന്ന് കരുതുന്നുണ്ടോ.... " അതും പറഞ്ഞു ഒരു പുച്ഛത്തോടെ അവള് അകത്തേയ്ക്ക് പോയി.... ചുറ്റും കൂടി നിൽകുന്നവരിൽ കുറച്ച് പേരെങ്കിലും ഇത് കണ്ടല്ലോ എന്നോർത്ത് അയാൾക്ക് വല്ലാതെ ദേഷ്യം വന്നു.... പക്ഷേ സംയമനം പാലിച്ച് കൊണ്ട് അത് അയാള് കൈകളിൽ ഞെരിച്ച് അമർത്തി.... "

ഇത് ജോഷിയുടെ മൂത്ത മകൾ അല്ലേ... " അമ്മച്ചി സംശയത്തോടെ ചോദിച്ചു.... " അതേ അമ്മച്ചി അതാണ് ജോഷിയുടെ മൂത്ത മകൾ🌸 Filia Sarah Joshua 🌸 എല്ലാവരുടെയും ലിയ ഡിഗ്രീ രണ്ടാം വർഷ വിദ്യാർത്ഥി.... ഇവൾക്ക് ഒരു അനിയത്തി കൂടി ഉണ്ട് 🌸Valentina Joshua 🌸 അവള് ഇപ്പൊ +1 ഇല്‍‌ പഠിക്കുന്നു....ഞങ്ങളുടെ ടീന മോള് " " വെറും 19 വയസ്സുള്ള ഒരു പെൺകുട്ടി ആണോ ആ സംസാരിച്ചിട്ട്‌ പോയത്.... സംസാരം ഒക്കെ വളരെ പക്വം ആയപോലെ.... ആരെയും ഭയം ഇല്ലാത്തത് പോലെ.... " " അവള് ജോഷിയുടെ മകൾ അല്ലേ അമ്മച്ചി....

ജോഷിയുടെ ആ തന്റേടവും ചുറുചുറുക്കും ധൈര്യവും ഒക്കെ അപ്പാടെ ഇവൾക്ക് കിട്ടിയിട്ടുണ്ട്.... ജോഷി അവളെ അങ്ങനെയാണ് വളർത്തിയിരിക്കുന്നത്.... എന്തിനെയും ധൈര്യത്തോടെ നേരിടാൻ അവൾക്ക് അറിയാം.... പക്ഷേ ടീന മോൾ നേർ വിപരീതമാണ്.... ആ Jessica യുടെ സ്വഭാവം... അവളുടെ അമ്മയുടെ അതേ പകർപ്പ്... " "അപ്പോ നമ്മൾ നേരത്തെ വ്യാകുലപെട്ടത്തിൽ ഒരു അർത്ഥവും ഇല്ല ഡെയ്സി... അവർക്ക് തുണയായി ആരും വേണ്ട.... ആ ഇളയ കൊച്ചിന് തുണയായും താങ്ങായും തണലായും അവള് ഉണ്ടാകും.... ജോഷിയുടെ പ്രിയ പുത്രി 🌸 Filia Sarah Joshua 🌸 ( തുടരും )