🌸Filia🌸: ഭാഗം 10

രചന: ഏട്ടന്റെ കാന്താരി (അവനിയ)

Adam ലിയയെയും ടീനയെയും വീട്ടിൽ ആക്കി തിരിച്ച് പോയി.... വന്നപാടെ അവർ കുളിച്ച് കിടന്നു... കിടക്കുമ്പോൾ ലിയയുടെ മനസ്സിൽ പലതും ഉണ്ടായിരുന്നു.... ഒരു ജോലി കണ്ടെത്തണം... അതാണ് ആദ്യത്തെ ആവശ്യം.... പക്ഷേ ഒരു ജോലിക്ക് പോയാൽ തന്റെ പഠനം.... തന്റെ സ്വപ്നം.... പറ്റില്ല.... വീടിന് വേണ്ടി അനിയത്തിക്ക് വേണ്ടി സ്വപ്നം ഇല്ലാതാകുന്ന ഒരു ക്ലീഷെ നായികയാകാൻ എനിക് താൽപര്യം ഇല്ല.... കണ്ടെത്തണം... മറ്റെന്തെങ്കിലും വരുമാനം കണ്ടെത്തിയേ മതിയാകൂ... ഓരോന്നൊക്കെ ഓർത്ത് അവള് ഉറങ്ങി.... 🌙🌙🌙☀️☀️☀️ പിറ്റേന്ന് രാവിലെ തന്നെ ടീന അടുക്കളയിൽ കയറിയിരുന്നു.... ചായയുമായി ചെന്നു വിളിച്ചപ്പോളാണ് ലിയ എണീറ്റത്.... അവൾക്ക് വല്ലാത്ത ക്ഷീണം ഉണ്ടായിരുന്നു.... പക്ഷേ എന്തൊക്കെയോ ഉള്ളിൽ തീരുമാനിച്ച് കൊണ്ടാണ് അവള് എഴുന്നേറ്റത്... " ഇച്ചേച്ചി.... " " എന്താ ടീന... " " സ്കൂളിൽ ഫീസ് അടക്കേണ്ട സമയം ആയിട്ടുണ്ട്... +1 എക്സാം കഴിഞ്ഞല്ലെ ഉള്ളൂ... അപ്പോ +2വിന് വേണ്ടി... " " മനസിലായി... എത്രയാണ്.... " " അത് ഒരു ആറായിരം രൂപ അടുക്കെ വരും.... പിന്നെ ടെക്സ്റ്റ് ബുക്ക് അങ്ങനെ ഒക്കെ ഉണ്ട്... " " ഇപ്പൊ ഇത്രേം പൈസ ഒപ്പിക്കാൻ എനിക് വഴിയില്ല.... " " അങ്ങനെ പറഞ്ഞ എങ്ങനെയാ ഇച്ചേച്ചി പൈസ കൊടുത്തില്ലെങ്കിൽ.... "

" ഞാൻ എവിടുന്നെങ്കിലും ഒപ്പിക്കാം.... പിന്നെ ഒരു ജോലി നോക്കണം.... " " അപ്പോ ചേച്ചി ഇനി പഠികുന്നില്ലെ... " " എന്റെ ലക്ഷ്യം മറച്ച് വെച്ച് കൊണ്ട് എന്തായാലും ജോലി ചെയ്യാൻ ഉദ്ദേശിക്കുന്നില്ല.... ഞാൻ പറഞ്ഞത് മറ്റൊന്നാണ്.... " " എന്താ കാര്യം " " വഴിയെ പറയാം... എനിക് ഒന്ന് പുറത്ത് പോകണം... " " മ്മ്‌.... " അതും പറഞ്ഞു അവള് തന്റെ കൈയിലുള്ള അമ്മയുടെ സ്വർണവുമായി ബാങ്കിലേക്ക് പുറപെട്ടു.... 🍁🍁🍁🍁🍁 തിരികെ വീട്ടിലേക്ക് വരുമ്പോൾ തന്റെ മനസിലുള്ള പല കാര്യങ്ങളും നടന്നതിന്റെ സന്തോഷത്തിൽ ആയിരുന്നു ലിയ... അപ്പോഴാണ് അവിടെയൊരു കാർ കിടക്കുന്നത് കണ്ടത്.... അകത്തേയ്ക്ക് ചെന്നപ്പോൾ സെലീന അമ്മച്ചിയും മകനുമാണ് വന്നിരിക്കുന്നത്... " മോൾ എവിടെ പോയിരുന്നു.... " " വെറുതെ ഇരിക്കാൻ ആകില്ലല്ലോ എന്തെങ്കിലും വരുമാനം ഒപ്പിക്കണ്ടെ... " " മ്മ്‌.... കേസിന്റെ കാര്യങ്ങള് ഒക്കെ തീർന്നല്ലോ അല്ലേ.... " " മ്മ്‌ കഴിഞ്ഞു.... " അവള് അതും പറഞ്ഞു സെലീനക്ക് അധികം മുഖം കൊടുക്കാതെ അകത്തേയ്ക്ക് കയറി.... ഇപ്പൊ പണ്ടത്തെ പോലെയല്ല സെലീന അമ്മച്ചിക്ക് സ്നേഹമാണ്... പക്ഷേ എന്തോ തനിക്കത് ഉൾകൊള്ളാൻ ആകുന്നില്ല.... ചെറുപ്പത്തിൽ നമ്മുടെ ഉള്ളിൽ വീണ കരട് അത്ര പെട്ടെന്ന് മായുന്ന ഒന്നല്ലല്ലോ....

മുറിയിൽ ചെന്നപ്പോൾ തന്റെ ബുക്കും പിടിച്ച് കൊണ്ട് ഇരിപ്പുണ്ട് നമ്മുടെ അന്തപ്പൻ.... " അവിടെ എന്താ അന്തപ്പ പണി.... " " അന്തപ്പൻ നിന്റെ തന്ത.... " പെട്ടെന്ന് എന്തോ ഓർത്തപോലെ അവൻ മുഖം ഉയർത്തി നോക്കി.... അവനെ നോക്കി ഉള്ളിൽ സങ്കടത്തോടെ നില്കുന്ന ലിയയെ കണ്ടപ്പോഴാണ് അവൻ പറഞ്ഞത് ഓർത്തത്.... അവൻ ഉടനെ സ്വന്തം തലയിൽ കൊട്ടി.... " സോറി മോളെ.... തന്തയല്ല നിന്റെ കെട്ടിയോന്റെ മൂന്നാമത്തെ മകൾ.... " " പോടാ ചേട്ടൻ തെണ്ടി.... " അതും പറഞ്ഞു ലിയ അവന്റെ പുറത്ത് അടച്ചിരുന്നു.... " ഉയ്യോ.... എടീ പതുക്കെ.... " ഇതാണ് Antony എന്ന സെലീന അമ്മച്ചിയുടെ ഇളയ മകൻ... എന്റെ സഹോദരങ്ങൾ പോലും എന്നെ ഒറ്റപ്പെടുത്തിയപ്പോൾ ഇവൻ കൂടെ നിന്നിട്ടുണ്ട്.... പക്ഷേ എല്ലാവരുടെയും മുന്നിൽ വെച്ച് നിൽക്കില്ല... ചെക്കന് പണ്ട് പേടിയുടെ ചെറിയൊരു ആസക്തി ഉണ്ടായിരുന്നു... ഇപ്പോഴാണ് ധൈര്യശാലി ആയത്.... ഞാൻ അവനെ അന്തപ്പൻ എന്നാണ് വിളിക്കുന്നത്.... ഞാൻ മാത്രേ അങ്ങനെ വിളികുകയുള്ളു... " എടീ എന്റെ നിർഭാഗ്യവാനായ അളിയൻ എന്ത് പറയുന്നു.... ജീവനോടെ ഉണ്ടോ... " " നീ എന്റെ കൈയിൽ നിന്ന് അടി വാങ്ങി കൂട്ടുമേ അന്തപ്പ.... " " വേണ്ട ഇന്നത്തെ കോട്ട കഴിഞ്ഞു... ഇനി ഒന്നൂടെ താങ്ങില്ല കുഞ്ഞേ... "

" എന്ന നിനക്ക് കൊള്ളാം... " " അല്ലെങ്കിൽ " " നീ കൊള്ളും.... " " ലിയ അവർ നിന്നെ ഒരുപാട് ഉപദ്രവിചോ.... " " മ്മ്‌.... " " എന്നാലും ആരായിരിക്കും ഇങ്ങനെ ഒരു പണി തന്നത്.... " " വേറെയാരാണ് എന്റെ പുന്നാര ആങ്ങളയും അപ്പന്റെ ചേട്ടന്മാരും കൂടി.... " " എന്നാലും അവർക്ക് എന്താടി നിന്നോട് ഇത്രക്ക് ദേഷ്യം " " ആവോ.... " " എടീ ചിലപ്പോൾ നിന്നെ ജോഷിപപ്പക്ക്‌ കളഞ്ഞു കിട്ടിയത് ആയിരിക്കും ഡീ.... " " പോടാ പട്ടി.... " " ഞാൻ കൃദ്ധാർഥനായി.... " അതിനു ലിയ ഒന്ന് ചിരിച്ചു.... " പിന്നെ ഇനി എന്താ പ്ലാൻ... " " പ്ലാൻ ഒന്നുമില്ല.... വരുമാനം കണ്ടെത്താൻ ഒരു മാർഗം വേണം.... " " എടീ അത് നീ ടെൻഷൻ ആകണ്ട.... ഞാൻ ജോലിക്ക് പോകുന്നുണ്ടല്ലോ.... " " എന്റെ പൊന്നോ എനിക് വേണ്ടെ... എന്നിട്ട് വേണം നിന്റെ ചേച്ചി എന്ന് പറയുന്ന മൂദ്ദേവി പണ്ടത്തെ പോലെ നമ്മൾ തമ്മിൽ അവിഹിതം ആണെന്ന് പറയാൻ.... എനിക് വയ്യ.... ഞാൻ പണി എടുത്തോളാം.... " " ലിയ നീ serious ആയി പറഞ്ഞതാണോ... " " I am damn serious man " " മ്മ്‌ അവള് പറയുന്നത് നീ ഓർക്കണ്ട.... അതൊരു വട്ട്‌ കേസാണ്.... നീ പണി എടുക്കാൻ പോയാൽ പിന്നെ നിന്റെ പഠനം.... അതോ അതൊക്കെ ഉപേക്ഷിക്കാൻ ആണോ പ്ലാൻ... ഞാൻ സമ്മതിക്കില്ല.... " " ആര് പറഞ്ഞു ഉപേക്ഷിച്ചെന്ന്....

2nd year അല്ലേ... ഇനിയും ഉണ്ട് മൂന്ന് വർഷങ്ങൾ.... " " ലിയ നീ നന്നായി പഠിക്കുന്ന കുട്ടിയാണ്.... ആർക്ക് വേണ്ടിയും നീ നിന്റെ ഡ്രീം ഉപേക്ഷിക്കരുത്.... ഇൗ കുടുംബത്തിൽ മറ്റാരേക്കാളും നന്നായി പഠിക്കുന്ന ഒരുത്തിയാണ് നീ... " " ഞാൻ ആകാശത്ത് എത്തി... " " പോടി ഞാൻ കളിയാക്കിയ അല്ല.... " " മനസ്സിലായി ചേട്ടാ.... എനിക് അറിയാം.... എന്റെ സ്വപ്നം ഉപേക്ഷിച്ച് ഒരിക്കലും ഒന്നിന് വേണ്ടിയും ഞാൻ നിൽക്കില്ല.... ഞാൻ മറ്റൊന്നാണ് മനസ്സിൽ കണ്ടിരിക്കുന്നത്.... " " എന്താ... " " നമ്മുടെ ഇൗ ഭാഗത്തായി പലചരക്ക് കട ഒന്നെ ഉള്ളൂ....അത് ആ ചെയ്യാൻ ആരെങ്കിലും കൊടുക്കാൻ നിൽക്കുകയാണ്... അത് നമുക്ക് വാങ്ങാം.... അതൊന്നു പച്ച പിടിച്ചാൽ രക്ഷപെട്ടു.... അത്യാവശ്യം വരുമാനം ആകും... " " മ്മ്‌ പക്ഷേ അതിനുള്ള ഫണ്ട്.... " " അതൊക്കെ സെറ്റ് ആക്കി.... ഇനി ആ പുള്ളിയോട് ഒന്ന് സംസാരിക്കണം.... " " എന്റെ കൂട്ടുകാരന്റെ അച്ഛൻ ആണ് ഡീ അത്... ഞാൻ പറഞ്ഞു ശെരിയാക്കി തരാം.... " " You are the best man... " " മ്മ്‌ മ്മ്‌ സുഖിച്ച്.... " " പോടാ.... " " ആ പിന്നെ അനിയത്തിയോട് ഉള്ള അമിത സ്നേഹത്തിൽ അവൾക്കായി ഓരോന്ന് ചെയ്തു കൊടുക്കുമ്പോൾ ഓർമ ഉണ്ടാകണം കേട്ടോ പണ്ട് ചെയ്തത് ഒക്കെ.... " " അവള് മാറി ചേട്ടാ.... ഇപ്പൊ എന്നെ വലിയ കാര്യ... "

" ഞാൻ പറഞ്ഞു എന്നുള്ളു.... ബാക്കി ഒക്കെ നിന്റെ ഇഷ്ടം... " " മ്മ്‌.... " അപ്പോഴാണ് പുറത്ത് നിന്ന് സെലീന അമ്മച്ചി ആന്റണിയേ വിളിച്ചത്..... " ആ ദ്ദേ എനിക്കുള്ള മരണ മണി വന്നു.... ഞാൻ പോട്ടെ.... അമ്മച്ചി മാറിയിട്ടുണ്ട് എങ്കിലും ചില നേരം പഴയ പോലെ തന്നെയാ.... " " മ്മ്‌ അന്തപ്പൻ പോയാട്ടേ... " " പോടി.... അല്ലേൽ നീയും വാ.... " അതും പറഞ്ഞു അവളെയും വലിച്ച് അവൻ പുറത്തേയ്ക്ക് പോയി.... " ലിയ മോളെ.... " " എന്താ.... " " എനിക്ക് അറിയാം മക്കൾക്ക് എന്നോട് ദേഷ്യം ഉണ്ടാകും.... " " എനിക് ഒന്നുമില്ല സെലീന അമ്മച്ചി... " " മ്മ്‌.... എന്ന മോൾ ഇത് വാങ്ങണം.... " അതും പറഞ്ഞു കുറച്ച് പണം അവർ അവളുടെ കൈയിൽ വെച്ച് കൊടുത്തു....

" പിണക്കം ഒന്നും തോന്നരുത്.... ഇത് വേണ്ട... പൈസക്ക് നല്ല ആവശ്യം ഉണ്ട്... പക്ഷേ ഇപ്പൊ ഇത് സ്വീകരിക്കാൻ എനിക് കഴിയില്ല.... " " അതെന്താ കുഞ്ഞേ അങ്ങനെ.... " " കൈക്കും കാലിനും ആവധുള്ളടത്തോളം കാലം ആരുടെയും മുന്നിൽ കൈ നീട്ടരുത് എന്നാണ് എന്റെ പപ്പ എന്നെ പഠിപ്പിച്ചിട്ടുള്ളത്.... എനിക് അറിയാം അമ്മച്ചി ഇത് സ്നേഹത്തോടെ തരുന്നതാണ് എന്ന്... പക്ഷേ വേണ്ട.... എനിക് എന്നെങ്കിലും പണം ആവശ്യമായി വന്നാൽ എനിക് ചോദിക്കാൻ ഒരിടം ഉണ്ടല്ലോ അത് തന്നെ ആശ്വാസം.... " അത്രയും പറഞ്ഞു അവളത് അവരുടെ കൈകളിൽ തിരികെ നൽകി.... " എന്ന ഞങ്ങൾ ഇറങ്ങട്ടെ.... " " ശെരി ഇനിയും വരണം... ഞങ്ങൾക്ക് ഇനി നിങ്ങള് ഒക്കെ ഉള്ളൂ.... " " മ്മ്‌.... " അതും പറഞ്ഞു അവർ ഇറങ്ങി.... " എന്തിനാ ഇച്ചേച്ചി പണം മടക്കി നൽകിയത്.... " " ആവശ്യം ഇല്ലാത്ത കൊണ്ട്... " അതും പറഞ്ഞു അവള് അകത്തേയ്ക്ക് കയറി പോയി............തുടരും.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...