🌸Filia🌸: ഭാഗം 12

രചന: ഏട്ടന്റെ കാന്താരി (അവനിയ)

മുറിയിൽ കയറിയിട്ടും ലിയയുടെ മനസ്സ് മുഴുവൻ Adam ന്റെ പെരുമാറ്റം ആയിരുന്നു.... അവന് ചേട്ടനോട് ഇത്രക്ക് ദേഷ്യത്തിന്റെ കാരണം എന്താണെന്ന് അറിയില്ലായിരുന്നു.... പക്ഷേ ഇപ്പൊ തോന്നുന്നു അത് ടീന ആണെന്ന്.... Adam ന് ആദ്യമൊക്കെ അന്തപ്പനേ വലിയ കാര്യം ആയിരുന്നു... പിന്നെയാണ് ഇങ്ങനെ ആയത്.... അന്തപ്പന് പണ്ട് മുതലേ ടീനയെ ഇഷ്ടമല്ല.... അത് കൊണ്ട് തന്നെ അവളോട് മിണ്ടുക കൂടിയില്ല.... അന്തപ്പൻ എന്നോട് വല്ലാത്ത കൂട്ട്‌ ആയകൊണ്ട് ടീനക്കും അവനെ ഇഷ്ടമല്ല.... പപ്പക്ക് അവനെ വലിയ ഇഷ്ടം ആയിരുന്നു... പക്ഷേ ആ സംഭവം നടന്ന അന്ന് മുതൽ അതൊക്കെ കീഴ്മേൽ മറിഞ്ഞു..... അവളുടെ ഓർമകളിൽ ആ പഴയ സംഭവം വന്നു.... കഴിഞ്ഞ കൊല്ലമാണ് അത് നടന്നത്.... ഒരു ദിവസം കോളേജിൽ നിന്ന് വരുമ്പോൾ വീട്ടിൽ നിറയെ കാറുകൾ ആയിരുന്നു...

അകത്ത് ചെന്നപ്പോൾ പപ്പയുടെ ചേട്ടന്മാരും അവരുടെ ഭാര്യമാരും എല്ലാവരും ഉണ്ടായിരുന്നു.... നോക്കിയപ്പോൾ ടീന കരഞ്ഞു കൊണ്ട് മമ്മയുടെ അടുത്ത് നില്പുണ്ട് മമ്മിയും കരഞ്ഞ മട്ടാണ്... പപ്പയെ തകർന്നു കാണുന്നത് അന്ന് ആദ്യമായിട്ടായിരുന്നു.... അപ്പോഴാണ് മറ്റൊരു വശത്ത് ഒച്ചത്തിൽ ശകാരങ്ങൾ കേട്ടത്.... " എന്നാലും നീ എന്റെ വയറ്റിൽ തന്നെ വന്നു പിറന്നലോട അസത്തെ... എങ്ങനെ തോന്നിയട നിനക്ക്.... " അതും പറഞ്ഞു സെലീന അമ്മച്ചി ചേട്ടനെ കൈകൾ വെച്ച് തല്ലുകയായിരുന്നു... മറ്റെല്ലാവരും അത് നോക്കി കൊണ്ട് നില്കുന്നു.... " സെലീന അമ്മച്ചി അവനെ വിട്ടെ... എന്തിനാ ഇങ്ങനെ തല്ലുന്നത്.... " " ലിയ നീ മാറി നിൽക്‌.... " പപ്പ രൂക്ഷമായി പറഞ്ഞു.... " പപ്പെ എന്തിനാ അവനെ തല്ലുന്നത്... തല്ലല്ലെ എന്ന് പറ... "

" ഓ.... അവനെ തൊട്ടാൽ അല്ലെങ്കിലും ഇവൾക്ക് പൊള്ളുമല്ലോ.... " അതും പറഞ്ഞു ജോഷ്വായുടെ രണ്ടാമത്തെ ജേഷ്ഠനായ ജോസിന്റെ മകൾ മുന്നോട്ട് വന്നു.... " ചേച്ചി... വെറുതെ പ്രശ്നം വഷളാക്കരുത്.... " " അതിനു ഞാൻ എന്താടി ചെയ്തത്... ദ്ദേ ഇൗ നിൽക്കുന്നവൻ നിന്റെ അനിയത്തിയെ കേറി പിടിച്ച്.... ഞങ്ങൾ കൃത്യ സമയത്ത് ചെന്നില്ലായിരുന്ന് എങ്കിൽ ഇൗ പാവം കൊച്ചിനെ അവൻ " " നോ.... " അതൊരു അലർച്ചയായിരുന്നു.... " കണ്ട... അവൾക്ക് സ്വന്തം അനിയത്തിയേക്കാളും വിശ്വാസം അവനെയാണ്.... " " അതേ ചേട്ടൻ ഒരിക്കലും അങ്ങനെ ചെയ്യില്ല.... " അതും പറഞ്ഞു അവള് ആന്റണിയുടെ അടുത്തേയ്ക്ക് ചെന്നു.... " ചേട്ടാ... നീ പറ ആരെയും പേടിക്കണ്ട... എനിക്കറിയാം നീ അത് ചെയ്യില്ല എന്ന്.... "

എന്നാല് അതിനു മറുപടിയൊന്നും പറയാതെ അവൻ തല കുനിച്ച് നിന്നതെ ഉള്ളൂ.... പക്ഷേ അന്നത്തെ അവന്റെ ഒഴുകാൻ തുടങ്ങിയ കണ്ണുകളിൽ നിന്ന് എനിക് വ്യക്തമായിരുന്നു അവനൊരിക്കലും അത് ചെയ്യില്ല എന്ന്... " നിങ്ങള് തമ്മില് വലിയ കൂട്ടായിരുന്നു അല്ലോ.... മറ്റാരോടും അവൻ അധികം മിണ്ടില്ല താനും.... ഞങ്ങൾക്ക് പണ്ടെ ഇവന്റെ നോട്ടവും വർത്തമാനവും ഒന്നും പിടിക്കില്ലായിരുന്നു... പക്ഷേ ഇവൾ എപ്പോഴും അവന്റെ തോളിൽ തൂങ്ങി ആയിരുന്നല്ലോ നടപ്പ്... ആർക്കറിയാം ഇവർ തമ്മിൽ..... " അത് കേട്ടതും ഭ്രാന്ത് പിടിച്ച പോലെ ലിയ അവളുടെ കരണത്ത് ഒന്ന് കൊടുത്തു... " മൂത്തവരെ തല്ലരുത് എന്നാണ്... പക്ഷേ നിന്റെ ഇൗ വാക്കുകൾക്ക് ഇത് പോര.... " " നീ എന്റെ മോളെ തല്ലാൻ ആയല്ലെ... കണ്ടോടാ ജോഷി അവള് എന്റെ മോളെ അവനു വേണ്ടി തല്ലിയത്... സൂക്ഷിച്ചോ ഇവളെ... അല്ലേൽ എന്റെ മോൾ പറഞ്ഞ പോലെ ആയിരിക്കും... അങ്ങനെ ആണേൽ കുറച്ച് നാൾ കഴിയുമ്പോൾ വയറും വീർപ്പിച്ച് നിൽക്കേണ്ടി വരും... "

" ജോസിച്ചായ.... " ജോഷി ദേഷ്യം കൊണ്ട് വിറകുകയായിരുന്നു " എനിക് എന്റെ മകളെ വിശ്വാസം ആണ്... അതിനു നിങ്ങളുടെ ആരുടെയും സർട്ടിഫിക്കറ്റ് വേണ്ട.... ലിയ നീ ഇപ്പൊ അകത്തേയ്ക്ക് പോ.... പിന്നെ ഇവിടെ കൂടിയവർക്ക്‌ കാര്യം കഴിഞ്ഞെങ്കിൽ തിരിച്ച് പോകാം... " അതും പറഞ്ഞു ലിയയുടെ കൈകൾ പിടിച്ച് അയാള് അകത്തേയ്ക്ക് നടന്നു.... അന്നു രാത്രി തന്നെ സെലീന അമ്മച്ചി ചേട്ടനെ ഇവിടുന്ന് നാട് കടത്തി.... പിന്നെ മാസങ്ങൾക്ക് ശേഷമാണ് അവൻ നാട്ടിൽ എത്തുന്നത്... വീട്ടിലേയ്ക്ക് ഒന്നും വരില്ലെങ്കിലും എന്നോട് പഴയ പോലെ സംസാരിക്കാൻ തുടങ്ങി....

അന്നത്തെ ആ സംഭവത്തെ പറ്റി അവനായി എന്നോട് ഒന്നും പറഞ്ഞിട്ടുമില്ല... ഞാനായി ഒന്നും ചോദിച്ചിട്ടുമില്ല.... പക്ഷേ ഒരിക്കൽ പോലും അവനെ എനിക് അവിശ്വസിക്കാൻ തോന്നിയിട്ടില്ല.... ആരൊക്കെ ഇനി എന്തൊക്കെ പറഞ്ഞാലും അവനിലുള്ള എന്റെ വിശ്വാസത്തെ തകർക്കാൻ ആകുകയും ഇല്ല.... പക്ഷേ അവനെ അറിയാത്ത ഒരാൾക്ക് ഇത് കേട്ടാൽ ഉറപ്പായും ദേഷ്യം തോന്നും... അങ്ങനെ ആണെങ്കിൽ Adam ന്റെ ദേഷ്യവും അങ്ങനെ ഒന്നാകണം.... അത് കൊണ്ട് ആയിരിക്കും ടീനയോട് ഒരു സോഫ്റ്റ് കോർണർ.... പലതും മനസ്സിൽ കണക്ക് കൂട്ടി അവള് ഉറങ്ങി...........തുടരും.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...