🌸Filia🌸: ഭാഗം 2

രചന: ഏട്ടന്റെ കാന്താരി (അവനിയ)

മരിപ്പ്‌ എടുക്കുന്നത് രാവിലെ 10 മണിക്ക് ആയിരുന്നു. അത് കൊണ്ട് തന്നെ രാവിലെ 8 മണി മുതൽ തന്നെ എല്ലാവരും എത്തികൊണ്ടിരുന്നു. 2 മക്കളും മരിച്ചു കിടക്കുന്ന അച്ഛനും അമ്മക്കും അടുത്ത് നിന്ന് മാറാതെ നിന്നിരുന്നു. സമയം അടുക്കുന്നു എന്ന് മനസ്സിലായത് കൊണ്ടാണെന്ന് തോന്നുന്നു ലിയയുടെ കണ്ണുകൾ നിറഞ്ഞിരുന്നു. പക്ഷേ മറ്റാരും കാണാതെ അത് അവള് തുടച്ചു. ടീനയും വല്ലാതെ തളർന്നിരുന്നു. അവള് ലിയയുടേ മടിയിൽ തല വെച്ച് കിടന്നു. വീണ്ടും സമയം മുൻപോട്ട് പോയപ്പോൾ ശരീരങ്ങൾ ഫ്രീസറിൽ നിന്നും മാറ്റി ശവപ്പെട്ടിയിൽ കിടത്തി. ആക്സിഡന്റ് ആയതിനാൽ മുഖത്ത് മുറിവുകൾ ഉണ്ടെങ്കിലും അതിൽ Jessica യുടെ മുഖം ആശങ്കകൾ നിറഞ്ഞ പോലെ ഇരുന്നപ്പോൾ ജോഷിയുടെ മുഖം പ്രകാശിക്കും പോലെ അവൾക്ക് തോന്നി.... ആൽബിയും അവന്റെ ഭാര്യ റോസിയും അതിനു അടുത്ത് തന്നെ ഉണ്ടായിരുന്നു. ലിയയുടെ ഭീഷണി പേടിച്ചോ എന്തോ അവൻ പിന്നെ പ്രശ്നങ്ങൾ ഒന്നും ഉണ്ടാക്കിയില്ല. സമയം ആയപ്പോൾ വികാരി അച്ഛൻ പ്രാർത്ഥനക്കായി എത്തി....

അയാളെ കണ്ടതും എല്ലാവരും എഴുന്നേറ്റു.... * പിതാവിനും പുത്രനും പരിശുദ്ധാത്മാവിനും നാമത്തിൽ * * ആമ്മേൻ * എന്ന് കുരുശടയാളത്തിൽ തുടങ്ങി മരണ ഒപ്പീസുകൾ ഒക്കെ വൈദികൻ ചൊല്ലി.... പ്രാർത്ഥനയുടെ ഭാഗമായി വിശുദ്ധ തൈലം ശരീരങ്ങൾക്ക്‌ മേൽ തളിച്ചു... ശേഷം അന്ത്യ ചുംബനം അർപ്പിക്കാൻ ആയി വൈദികൻ ഉറ്റവരെ ക്ഷണിച്ചു.... വിളിച്ച് തീർന്നതും സൈഡിൽ നിന്നിരുന്ന അലക്സി നിലവിളിച്ച് കൊണ്ട് അതിനു മേലേക്ക് ചാഞ്ഞു.... അഭിനയത്തിന് ആക്കം കൂട്ടാൻ എന്ന വണ്ണം റോസിയും നിലവിളിച്ച് കരയുകയായിരുന്നു.... " പപ്പാ ഇനി എനിക് ആരുണ്ട് പപ്പാ.... അമ്മച്ചി എനിക് സഹിക്കുന്നില്ല അമ്മച്ചി.... ടീന മോളെ പപ്പ കിടക്കുന്ന കണ്ടോ...." അതും പറഞ്ഞു അയാള് നെഞ്ചത്ത് കൈകൾ ഇടിച്ചു.... എന്നിട്ട് ജോഷിയുടെ നെറ്റിക്കുമേൽ ചുണ്ടുകൾ ചേർത്തു.... അതേ പോലെ ജെസ്സിയുടെയും.... എന്നാല് ഇതൊക്കെ കണ്ട് ദേഷ്യം സഹിക്കാൻ ആവാതെ കൈകൾ ചുരുട്ടി പിടിച്ച് നിൽക്കുകയായിരുന്നു ലിയ... അവളുടെ ഉള്ളിൽ തന്റെ പപ്പയെ കൈനീട്ടി അടിക്കാൻ പോയ അൽബിച്ചനെ ഓർമ വന്നു....

അന്ന് ആ കൈ പിടിച്ച് വെച്ച് കൊണ്ട് കരണത്ത് ഒന്ന് കൊടുത്തത് ആണ് താൻ... അവനാണ് ഇപ്പൊ ഇൗ പ്രഹസനം മുഴുവൻ കാണിച്ച് കൂട്ടുന്നത്.... പക്ഷേ ചടങ്ങുകൾ ഭംഗിയായി നടക്കാനായി അവള് സംയമനം പാലിച്ചു.... എന്നാല് ഇതേ സമയം ടീനക്ക്‌ അൽബിയോട് വല്ലാത്ത സ്നേഹം തോന്നി... അവന്റെ ഇൗ പ്രഹസനങ്ങൾ സത്യമാണ് എന്ന് ആ പൊട്ടി പെണ്ണ് വിശ്വസിച്ചു.... ഇതിന് മുന്നേ നടന്ന പലതും അവള് മറന്നു.... ചുറ്റും കൂടി നില്കുന്നവരിൽ പലർക്കും ഇൗ ദുഃഖവേളയിൽ പോലും ആൽബിയുടെ പ്രഹസനം കണ്ടിട്ട് ചിരി വന്നു... " ആൽബിച്ചൻ അങ്ങ് മാറിക്കെ.... ആ കുട്ടികൾ അന്ത്യചുംബനം നൽകട്ടെ.... " കൂടി നിന്നിരുന്നവരിൽ ആരോ ഇത് കണ്ട് മടുത്തിട്ട്‌ പറഞ്ഞു.... ഉടനെ അവൻ വിതുമ്പി കൊണ്ട് മാറി.... ഉടനെ ടീന 2 പേർക്കും അന്ത്യ ചുംബനം നൽകി.... അമ്മച്ചിയുടെ നെറുകയിൽ നൽകുമ്പോൾ കണ്ണുനീർ തുള്ളികൾ അതിനൊപ്പം വീണു. അവള് കരച്ചിൽ അടക്കാൻ ആകാത്ത പോലെ ഏങ്ങി ഏങ്ങി കരഞ്ഞു..... " ഇച്ചേച്ചി... പപ്പയോട് എണീക്കാൻ പറയ്....ഇച്ചേച്ചി പറഞ്ഞാല് പപ്പ എന്തും കേൾകുമല്ലോ.... ഒന്ന് പറയ്.... " അതും പറഞ്ഞു അവള് ലിയയെ പിടിച്ച് കുലുക്കി.... പക്ഷേ ലിയ മൗനം പാലിച്ചു.... ഉടനെ അമ്മായി ടീനയേ പിടിച്ച് മാറ്റി.... ഏറ്റവും അവസാനമാണ് ലിയ ചുംബനമർപ്പിച്ചത്....

പപ്പക്ക് നൽകുമ്പോൾ അവളുടെ 2 തുള്ളി കണ്ണുനീർ അയാൾക്ക് മേൽ വീണു.... കൂടാതെ അവള് പപ്പയുടെ വലുത് കൈകൾക്ക് മേൽ തന്റെ കൈകൾ വെച്ചു.... പതിയെ മനസ്സിൽ മന്ത്രിച്ചു.... " പപ്പ തുടങ്ങി വെച്ചത് എല്ലാം ഇനിയും തുടർന്ന് കൊണ്ടിരിക്കും.... പപ്പ ഇല്ലെന്ന ചിന്ത ആരിലും ഉണ്ടാകാൻ ഞാൻ അനുവദിക്കില്ല.... " പതിയെ അവള് കൈകൾ അയച്ചു.... കുറച്ച് ചെറുപ്പക്കാർ വന്നു 2 ശരീരങ്ങളും ആംബുലൻസിൽ കയറ്റി സെമിത്തേരിയിലേക് കൊണ്ടുപോയി.... ബാക്കി ഉള്ളവരും ആംബുലൻസിനേ അനുഗമിച്ചു.... ടീനയെ അമ്മായിയുടെ അടുത്ത് ഏൽപ്പിച്ച് ലിയ ആംബുലൻസിൽ കയറി.... പിന്നെ കാര്യങ്ങള് എല്ലാം പെട്ടെന്ന് ആയിരുന്നു.... വണ്ടി പള്ളിയിൽ എത്തിയതും കുർബാന അർപ്പിച്ചതും ഒക്കെ.... അവസാനം പ്രാർത്ഥനക്ക് ശേഷം ശവപ്പെട്ടി മൂടി... അവ മണ്ണിട്ട് മൂടേണ്ട ഇടത്തേക്ക് കൊണ്ട് വന്നു.... വടത്തിൽ പിടിച്ച് ഇറക്കി കൊണ്ട് പെട്ടി കുഴിയിലേക്ക് വെച്ചു.... *മനുഷ്യാ, നീ മണ്ണാകുന്നു മണ്ണിൽ നിന്നുവന്നു മണ്ണിലേക്കുതന്നെ മടങ്ങും...* എന്ന വിശുദ്ധ വചനം ഒന്നുകൂടി ഊട്ടി ഉറപ്പിച്ച് കൊണ്ട് കൂടെ നിന്നിരുന്നവർ പെട്ടിക്ക്‌ മേൽ മണ്ണ് ഇട്ടു.... മരിച്ചവർക്ക് വേണ്ടിയുള്ള ചെറു പ്രാർത്ഥനക്ക് ശേഷം ജനം തിരികെ പോയി..... എന്നാല് ലിയ മാത്രം അവിടെ അവശേഷിച്ചു....

വിളിക്കാൻ വന്നവരെ അവള് ഒറ്റക്ക് നിൽക്കണം എന്ന് പറഞ്ഞു തിരികെ അയച്ചു.... കുറച്ച് നേരത്തിനു ശേഷമാണ് അവിടം ഒന്നും ശാന്തമായത്.... അവള് പതിയെ ആ കുഴിമാടങ്ങൾക്ക്‌ മുന്നിൽ മുട്ടുകുത്തി.... ഇത്രനേരം പിടിച്ച് വെച്ചിരുന്ന കണ്ണുനീർ ഉറവ ധാരയായി പുറത്തേയ്ക്ക് വന്നു..... അതിനു കൂട്ടായി എന്ന് പോലെ പ്രകൃതിയും മഴയിലൂടെ തന്റെ കണ്ണുനീർ പൊഴിച്ചു.... അന്നേരം അവള് ഒരു കൊച്ചു കുഞ്ഞു ആയിരുന്നു.... തന്റെ പപ്പക്കും അമ്മചിക്കും മുന്നിൽ മാത്രം കാണിക്കുന്ന ഒരു കുഞ്ഞിന്റെ ഭാവം അവളുടെ മുഖത്ത് ഉണ്ടായി.... അവളുടെ കരച്ചിലിന്റെ ശബ്ദം കൂടി എങ്കിലും കനത്ത മഴയിൽ ആ ശബ്ദമെല്ലാം മായിഞ്ഞിരുന്നു.... തിരികെ നടക്കുമ്പോൾ അവള് എല്ലാവരെയും വീട്ടിലെ പക്ഷ്ണി കഞ്ഞി കുടിക്കാൻ ക്ഷണിച്ചിരുന്നു.... എത്ര സങ്കടത്തിൽ ആയാലും വന്നവരെ വീട്ടിലേയ്ക്ക് ക്ഷണിക്കാതെ മടങ്ങരുത് എന്ന തന്റെ പപ്പയുടെ വാക്കുകൾ അവള് ഓർത്തു.... 🍁🍁🍁🍁🍁 സമയം വൈകുന്നേരത്തോട് അടുത്തു.... അടുത്ത ബന്ധുക്കൾ ഒഴികെ മറ്റെല്ലാവരും പിരിഞ്ഞു പോയി.... ജോഷിയുടെ ഏഴ് സഹോദരന്മാരും പെങ്ങളും അവശേഷിച്ചു... കൂടെ അവരുടെ കുടുംബവും... ഏതൊരു മരണവീട് പോലെയും അവിടെയും ഏഴിന്റെ ചടങ്ങുകളെയും മറ്റും പറ്റിയുള്ള ചർച്ചകൾ ആരംഭിച്ചു....

" ഏഴു എല്ലാവരെയും വിളിച്ച് നടത്തിയാൽ പോരെ.. " കൂട്ടത്തിലെ ഏറ്റവും മൂത്ത സഹോദരൻ ആയ ജോൺ പറഞ്ഞു... " അതേ അതാകുമ്പോൾ ശനിയാഴ്ച ആയി വരും.... ആളുകൾക്കും വരാൻ സൗകര്യം ആയിരിക്കും.... " സ്റ്റാലിൻ അഭിപ്രായപ്പെട്ടു.... ജോഷി ഒൻപത് മക്കളാണ് അതിൽ ആറാമത്തെ പെണ്ണ് ഒഴിച്ചാൽ ബാക്കി എട്ട് സഹോദരങ്ങൾ... മൂത്ത ചേട്ടൻ ജോൺ രണ്ടാമത്തെ ജോസ് മൂന്നാമത്തെ ജോസഫ് നാലാമത്തെ തോമസ് അഞ്ചാമത്തെ ആൽബർട്ട് ആറാമത്തെ സെലിൻ ഏഴാമത്തെ സ്റ്റാലിൻ എട്ടാമത്തെ ഐസക് ഏറ്റവും ഇളയ മകൻ ജോഷ്വ ( Note ചെയ്തു വെച്ചോ doubht വേണ്ട... Characters കൂടുതൽ ഉണ്ട് അതാ.. ) " ആളുകളെ വിളിക്കുന്നത് ഉടനെ തുടങ്ങണം.... " ആൽബർട്ട് പറഞ്ഞു... " ഏകദേശം ഒരു പത്ത് മുന്നൂറ് പേര് കാണും... അത്രയും ആളുകൾ ഉണ്ടായിരുന്നു.... " ഐസക് പറഞ്ഞു " ശെരിയാണ്.... വന്നവരെ വിളിക്കാതെ ഇരിക്കുന്നത് മോശമാണ്.... " സെലിൻ അഭിപ്രായപ്പെട്ടു " നീ ഇത് എന്ത് അറിഞ്ഞിട്ടാണ് സെലീന കൊച്ചെ പറയുന്നത്.... പത്ത് മുന്നൂറ് പേരെന്നോക്കെ പറയുമ്പോൾ രൂപ ചില്ലറ ആണോ ഒരു പത്ത് അമ്പതിനായിരം എങ്കിലും ചുരുങ്ങിയത് വേണ്ടെ... ആരുകൊണ്ട് തരുമെന്ന് കരുതിയാണ്... " ജോസ് ചെറിയൊരു നീരസത്തൊടെ ചോദിച്ചു....

" അതേ ജോസച്ചായൻ പറഞ്ഞതാണ് ശെരി... എന്ന് കൊണ്ട് ഒന്നും പറ്റത്തില്ല ഇത്രേം കാശ് തരാൻ.... " ജോസഫും ജോസിന് ഒപ്പം നിന്നു.... " എല്ലാം നമ്മുടെ തലയിൽ അല്ലേ.... അനിയൻ അല്ലേ... നമ്മൾ അല്ലാതെ മറ്റാരാണ് ഇതൊക്കെ ചെയ്യാൻ ഉള്ളത്.... ഇതോടെ ഇൗ ദുരിതം അങ്ങ് തീരുമല്ലോ.... " " 3 മക്കൾ ഉണ്ടല്ലോ അവർ എങ്ങനെ എങ്കിലും നടത്തട്ടെ.... അതല്ലെങ്കിൽ ക്യാഷ് തരാൻ പറ നമ്മൾക്ക് ചെയ്തു കൊടുക്കാം... " " എന്നാ എച്ചിത്തരം ആണ് ഡാ ഉവ്വേ നീ ഇൗ പറയുന്നത്.... " " ഒരു എച്ചിത്തരവും ഇല്ല ജോണിച്ച... ഞാൻ നയാ പൈസ തരില്ല....ഞാൻ മാത്രമല്ല ഇതിലെ പലരും തരില്ല.... ബാക്കി ഉള്ളവർക്ക് വേണമെങ്കിൽ നടത്താം " " നമ്മൾ തിരിഞ്ഞു നോക്കിയില്ലേ നാട്ടുകാർ പലതും പറയോട.... " " ആരെയും ബോധിപ്പികേണ്ട കാര്യം എനിക് ഇല്ല.. " " നമ്മൾ ഇത്രയും പേര് ഇല്ലെ ഒരു പതിനായിരം രൂപ വെച്ച് ഇട്ടാൽ ധാരാളം അല്ലേ.... " " ഞാൻ എന്റെ കാര്യം പറഞ്ഞു കഴിഞ്ഞു.... തിരിച്ച് കിട്ടുമെന്ന് ഒരു പ്രതീക്ഷയും ഇല്ലാത്ത ഇൗ കാശ് തരാൻ എന്നെ കൊണ്ട് കഴിയില്ല.... പേരിനു ഒരു ചടങ്ങ് അങ്ങ് നടത്തിയാൽ പോരെ.... " അതും പറഞ്ഞു അയാള് പിറുപിറുത്തു കൊണ്ട് തിരിഞ്ഞതും കണ്ടത് ലിയയെ ആണ്.... " മോൾ എപ്പോ വന്നു.... " ജോസ് പതർച്ചയോടെ ചോദിച്ചു.... " വന്നിട്ട് പത്തൊമ്പത് കൊല്ലമായി ജോസ്പപ്പെ... അറിഞ്ഞില്ലായിരുന്നോ..... "

അതും പറഞ്ഞു ഒന്ന് പുച്ഛിച്ച് കൊണ്ട് അവള് അവർക്ക് അടുത്തേയ്ക്ക് ചെന്നു.... " നാട്ടുകാരെ ബോധ്യപ്പെടുത്താൻ ആണെങ്കിലും ഏഴ് നടത്താമെന്ന് ചിന്തിച്ചതിന് നന്ദി ഉണ്ട്... പക്ഷേ ഇവിടെ അത് ആവശ്യമില്ല.... കാരണം മരിച്ചത് എന്റെ മാതാപിതാക്കൾ ആണ്.... ചടങ്ങുകൾ നടത്താൻ എനിക് അറിയാം.... ഔദ്ധാര്യതിന്റെ ആവശ്യമില്ല.... ഇൗ ചർച്ച ഇവിടേ വെച്ച അവസാനിപ്പിച്ച് ഉടനെ നിങ്ങൾക്ക് സ്വന്തം വീട്ടിലേയ്ക്ക് പോകാം.... ഏഴിന് ക്ഷണം സ്വീകരിച്ച് എത്തിയാൽ മതി.... മറ്റുള്ളവരെ ബോധ്യപ്പെടുത്താൻ.... " " മോളെ ഞങൾ അങ്ങനെ ഒന്നും.... " ഉടനെ അവള് പറയാൻ തുടങ്ങിയത് കൈയുയർത്തി തടഞ്ഞു.... " വെറുതെ ന്യായീകരിച്ച് ബുദ്ധിമുട്ടേണ്ട.... അത് കേട്ട് അപ്പാടെ വിഴുങ്ങാൻ ഞാൻ ജോഷ്വാ അല്ല... എന്റെ പപ്പ നിങ്ങളുടെ പൊള്ളയായ സ്നേഹത്തിലും ന്യായീകരണത്തിലും വീണു പോകും... പക്ഷേ ഇൗ ലിയയെ പ്രതീക്ഷിക്കണ്ട.... നിന്ന് ബുദ്ധിമുട്ടണം എന്നില്ല.... എല്ലാവർക്കും ഇറങ്ങാം... " അതും പറഞ്ഞു കൊണ്ട് അവള് തിരികെ നടന്നു.... എന്നിട്ട് ജോസിന് അരികിലേക്ക് വന്നു.... " തിരിച്ച് കിട്ടുമെന്ന് ഒരു ഉറപ്പുമില്ലാതെ എന്റെ പപ്പ നിങ്ങൾക്ക് പണം തന്നിട്ടുണ്ട്.... ഏകദേശം പറഞ്ഞാല് രണ്ടുലക്ഷത്തിമുപ്പത്തിരണ്ടായിരം രൂപ.... കഴിഞ്ഞ ആഴ്ച മേടിച്ചത് കൂടി ഉണ്ട് കേട്ടോ.... പപ്പ കണക്ക് സൂക്ഷിക്കാറില്ല.....

പക്ഷേ ചിലവാക്കുന്ന ഒരേ പൈസയുടെയും കണക്ക് എന്റെ കൈയിൽ ഉണ്ട്... അത് കൊണ്ട് കൂടുതൽ ക്ഷീണിക്കാതെ ജോസ്പപ്പ ചെന്നാട്ടെ.... " അവളുടെ വാക്കുകളിൽ അയാള് നന്നായി വിയർത്തിരുന്നു.... " ആ പിന്നെ ആ പണമെല്ലാം കടം വാങ്ങിയതാണ്.... അത് തിരിച്ച് നൽകണം.... പ്രൂഫ് ഇല്ലെന്ന് പറയേണ്ട കേട്ടോ... ഇവിടെ വന്ന് പണം വാങ്ങിയത് എല്ലാത്തിന്റെയും വീഡിയോ എന്റെ പക്കൽ ഉണ്ട്.... പപ്പക്ക് പൂർണ വിശ്വാസം ആണെങ്കിലും ഞാൻ അങ്ങനെ പെട്ടെന്ന് ഒന്നും വിശ്വസിക്കില്ല നിങ്ങളെ.... " അത് കൂടി കേട്ടതും അയാൾക്ക് തന്റെ കൈകാലുകൾ വിറകുന്നത് ആയി തോന്നി.... " എന്നാലും പെണ്ണിന്റെ അഹങ്കാരം കണ്ടില്ലേ..... ആ ജോഷിയുടെ തനി പകർപ്പാണ്.... " " അല്ല ജോണിച്ഛ അവള് അതിലും വെട്ടുന്നത് ആണ്.... സൂക്ഷിച്ചു കൈകാര്യം ചെയ്യേണ്ട ഒന്ന്.... ജോഷിയുടെ ഏറ്റവും വലിയ weakness ബന്ധങ്ങൾ ആയിരുന്നു.... പക്ഷേ ഇവൾ അതിലും വീഴില്ല.... " " നമുക്ക് നോക്ക ഡാ ഉവ്വേ... പെണ്ണിന്റെ നെഗളിപ്പ്‌ എവിടെ വരെ പോകുമെന്ന്.... " എന്നാല് ഇതേസമയം സെലിന് സന്തോഷം ആയിരുന്നു.... കാരണം അവൾക്ക് അത്രയും പ്രിയപ്പെട്ടതായിരുന്ന് തന്റെ ഏറ്റവും ഇളയ സഹോദരൻ..... 🍁🍁🍁🍁 ഇതേ സമയം മുറിയിലേക്ക് എത്തിയ ലിയ ദേഷ്യം സഹിക്കാൻ ആകാതെ അവിടുത്തെ മതിലിൽ കൈകൾ ഇടിച്ചു...

. " കണ്ടില്ലേ പപ്പ.... പപ്പയുടെ so called ചേട്ടന്മാരുടെ തനികൊണം... അല്ലെങ്കിലും ഞാൻ ഇത് ആരോടാണ് പറയുന്നത് പപ്പക്ക്‌ സഹോദരന്മാരെ പറയുന്നത് പിടിക്കില്ല അല്ലോ.... " അവള് ആരോടെന്ന് ഇല്ലാതെ പിറുപിറുത്തു കൊണ്ടിരുന്നു.... തന്നെ പപ്പ ആദ്യമായി വഴക്ക് പറയുന്നത് ഇൗ ചേട്ടൻമാർക്ക്‌ വേണ്ടി ആയിരുന്നു.... പപ്പക്ക് സഹോദരന്മാരോട് വല്ലാത്ത സ്നേഹമാണ്.... പക്ഷേ അവരുടെ ഒക്കെ ഉള്ളിൽ സ്വാർത്ഥത നിറഞ്ഞ ഒരു മനസ്സ് ഉണ്ടെന്ന് താൻ പണ്ടെ തിരിച്ചറിഞ്ഞത് ആണ്.... അവരുടെ ചതി കുഴിയിൽ വീഴാതെ ഇരിക്കാൻ പലവട്ടം പപ്പയോട് പറഞ്ഞതാണ്.... തെളിവ് സഹിതം ബോധ്യപ്പെടുത്തി കൊടുത്തതാണ്..... പക്ഷേ പപ്പ കുടുംബത്തോട് അതിയായ സ്നേഹം ഉള്ളവൻ ആയിരുന്നു... അത് അവർ നന്നായി മുതലെടുകുകയും ചെയ്തു.... പലപ്പോഴായി അവരിൽ പലരും പണത്തിനായി പപ്പയുടെ അടുത്ത് വന്നിട്ടുണ്ട്.... ഇലക്ട്രിഷൻ ആണെങ്കിലും പപ്പക്ക്‌ ഒരുപാട് സുഹൃത്ത് ബന്ധങ്ങൾ ഉണ്ടായിരുന്നു.... അത് വഴി കടം എടുത്തിട്ട് എങ്കിലും സഹോദരൻമാർക്ക്‌ ആവശ്യമായ പണം നൽകുമായിരുന്നു....

ഇത് കൂടിയപ്പോൾ അപകടമാണ് എന്ന് തിരിച്ചറിഞ്ഞ കൊണ്ടാണ് ഞാൻ അതിനു തെളിവായി വീഡിയോ എടുത്ത് തുടങ്ങിയത്.... പപ്പ അത് കണ്ടപ്പോൾ ഒരുപാട് പ്രശ്നങ്ങൾ ഉണ്ടായി.... ആദ്യമായി എന്നെ കൈനീട്ടി അടിച്ചു..... പക്ഷേ വാശിയുടെ കാര്യത്തിൽ ഞങ്ങൾ 2 പേരും ഒരേ പടിയിൽ ആയത് കൊണ്ട് ഞാൻ അത് കളഞ്ഞില്ല..... ഒന്ന് രണ്ട് ദിവസം പരസ്പരം മിണ്ടാതെ നടന്നു.... പക്ഷേ 2 പേർക്കും മിണ്ടാതെ പറ്റില്ല എന്ന് മനസ്സിലായപ്പോൾ പിന്നെ വഴക്ക് ഒക്കെ മറന്ന് വീണ്ടും സ്നേഹമായി.... ആ വീഡിയോ ഇപ്പൊ ഉപകാരമായി..... അതില്ലായിരുന്ന് എങ്കിൽ കടങ്ങൾ ഒരുപാട് ആകുമായിരുന്നു..... പണം ആർക്കൊക്കെ എത്രയൊക്കെ കൊടുത്തിട്ട് ഉണ്ട്‌ വാങ്ങിയിട്ട് ഉണ്ടെന്ന് ഒക്കെ എനിക് അറിയാം.... പക്ഷേ സ്നേഹത്തിന്റെ പുറത്ത് പപ്പ മറ്റ് തെളിവുകൾ ഒന്നും സൂക്ഷിച്ചില്ല.... അപ്പോഴാണ് വാതിൽ ഒരു മുട്ട് കേട്ടത്.... അവള് വേഗം വാതിൽ തുറന്നു... " ഇച്ചേച്ചി... " ടീനയുടെ വിളി കേട്ട് അവള് നോക്കി... " എന്താ മോളെ " " അത് അവരൊക്കെ പോകുകയാണ് എന്ന്... ഇച്ചായൻ പോകല്ലേ എന്നൊക്കെ പറയുന്നുണ്ട്.... പക്ഷേ കേൾക്കുന്നില്ല.... ഇച്ചേച്ചി ഒന്ന് പറയ്.... " " പോകുന്നവരോട് ഒക്കെ വേഗം ഇറങ്ങാൻ പറയ് എന്നിട്ട് ആ വാതിൽ അടച്ചേക്ക്‌.... " അതും പറഞ്ഞു അവള് തന്റെ മുറിയുടെ വാതിൽ അടച്ചു....

പുറത്ത് എന്തൊക്കെയോ ശബ്ദങ്ങൾ കേൾക്കുന്നുണ്ട്..... അപ്പോഴാണ് ലിയയുടെ മുറി വാതിലിൽ ശക്തമായ കൊട്ട് കേട്ടത്..... തുറന്നപ്പോൾ ആൽബിൻ ആണ്.... " എന്താ എന്തുവേണം.... " " ഓ ഇവിടെ ഉണ്ടായിരുന്നോ കെട്ടിലമ്മ അവർ പോകുന്നത് കണ്ടില്ലേ നിനക്ക് ഒന്ന് തടഞ്ഞൂടെ.... " " എന്തിന് ? " " മരണം കഴിഞ്ഞാൽ വെറുതെ കുഴി കുത്തി മൂടിയാൽ പോരാ അതിനു ശേഷം ഒരുപാട് ചടങ്ങുകൾ ഉണ്ട്.... അതൊക്കെ നടത്തണ്ടെ.... അതിനു പണം വേണ്ടെ.... ചത്ത് പോയ നിന്റെ തന്ത എന്തെങ്കിലും ഉണ്ടാക്കി വെച്ചിട്ട് ഉണ്ടോ.... " പറഞ്ഞ് തീർന്നതും റോസിയുടെ കവിളത്ത് ഒരു പടക്കം പൊട്ടിയിരുന്നു.... " ഇത് ഇവന് ഉള്ളതാണ്.... ഇനി എന്റെ അപ്പനെ പറഞ്ഞോണ്ട് ഇങ്ങോട്ട് വരുമ്പോൾ ഇൗ അടിയുടെ ചൂട് ഒന്ന് അവനു പറഞ്ഞു കൊടുത്തേക്ക്.... ഇന്നത്തെ ഇൗ ദിവസം ആയകൊണ്ടാണ് അവനിട്ട്‌ കിട്ടാത്തത് എന്നും പറഞ്ഞേക്ക്..... " അതും പറഞ്ഞു അവള് ആൽബിക്ക്‌ നേരെ തിരിഞ്ഞു..... " പിന്നെ നീ നേരത്തെ പറഞ്ഞ ആ ചത്ത് പോയ എന്റെ തന്ത ഉണ്ടാക്കിയത്കൊണ്ടാണ് നീ ഇങ്ങനെ എന്റെ മുന്നിൽ നിന്ന് പ്രസംഗിക്കുന്നത്...

പിന്നെ എന്റെ പപ്പയുടെയും അമ്മച്ചിയുടെയും അടിയന്തരം നടത്താൻ എനിക് ഭിക്ഷ എടുക്കേണ്ട കാര്യമില്ല..... I know how to do it.... അടിയന്തരം ആങ്ങളയെ അറിയിച്ചേക്കാം വന്നു ഓസ്കാർ അഭിനയം കാഴ്ചവെച്ച് ഉണ്ടിട്ട്‌ പോയാൽ മതി..... " അതും പറഞ്ഞു മറുപടിക്ക് കാത്ത് നിൽക്കാതെ വാതിൽ അടച്ചു..... ആൽബിന് തന്റെ തൊലിയുരിയും പോലെ തോന്നി.... " വാ മനുഷ്യ ഇങ്ങോട്ട് " അതും പറഞ്ഞു റോസി ദേഷ്യത്തോടവനെ വലിച്ചു കൊണ്ട് പോയി.... മുറിയിൽ എത്തിയിട്ടും അവളുടെ സംസാരം നിന്നില്ല..... " അവൾക്ക് എന്ത് ധൈര്യം ഉണ്ട് എന്നെ കൈനീട്ടി അടിക്കാൻ.... കൊല്ലും ഞാൻ അവളെ..... " " റോസി നീ ഒന്നടങ്ങ്.... " " അവളെ ഞാനൊരു പാഠം പഠിപ്പിക്കും " " സ്വയം പഠിക്കാതെ ഇരുന്ന മതി..... നീ കണ്ടപോലത്തെ ഒരുത്തി അല്ല അത്.... അങ്ങോട്ട് നീ കേറി ചൊറിഞ്ഞാൽ അവള് നിന്നെ മാന്തി വിടും.... " " നിങ്ങള് അവൾക്കുവേണ്ടി ആണല്ലേ വർത്തമനാം പറയുന്നത്..... " " ഞാൻ ആർക്ക് വേണ്ടിയും പറയുകയല്ല.... നമ്മൾ ഒന്ന് അടങ്ങിയെ പറ്റു.... അവരെ രണ്ടിനെയും വെല്ലവന്മാർക്കും കെട്ടിച്ച് കൊടുത്ത ഈ വീടും സ്വത്തും ഒക്കെ നമ്മുടേത് ആണ്..... അത്ര നാളും ഒന്ന് അടങ്ങി നിന്നെ പറ്റു.... ലിയയെ ഒന്ന് സൂക്ഷിച്ചാൽ മതി ടീനയെ പെട്ടെന്ന് മെരുക്കാം..... " " കാണിച്ച് കൊടുക്കുന്നുണ്ട് 2നും ഇൗ റോസി ആരാണെന്ന്..... " അതും പറഞ്ഞു അവർ 2 പേരും മുഖത്തോട് മുഖം നോക്കി വല്ലാതെ ഒന്ന് ചിരിച്ചു.....ഒരു ക്രൂരതയുടെ ചിരി..........തുടരും.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...