🌸Filia🌸: ഭാഗം 23

രചന: ഏട്ടന്റെ കാന്താരി (അവനിയ)

ഇന്ന് ആൽബി ഡിസ്ചാർജ് ആവുകയാണ്.... അതിന്റെ തിരക്കിലാണ് അവർ എല്ലാവരും.... അന്നത്തെ സംഭവത്തിന് ശേഷം ലിയ അവനോട് പിന്നീടങ്ങനെ സംസാരിച്ചിട്ടില്ല.... അങ്ങനെ എന്നല്ല.... മര്യാധിക്ക്‌ ഒരക്ഷരം മിണ്ടിയിട്ടില്ല.... എല്ലാ കാര്യങ്ങളും ഓടി നടന്നു ചെയ്യുന്നുണ്ട്.... Adam ആദ്യം ഒരു ദേഷ്യം കാണിച്ചെങ്കിലും പിന്നെ ആൽബിൻ സംസാരിച്ചപ്പോൾ ശെരി ആയി.... ഇപ്പൊ ആൽബിനും അന്തപ്പനും Adam വും എപ്പോഴും ഒന്നിച്ചാണ്.... ഒരമ്മ പെറ്റ അളിയന്മാരാണ് എന്നെ പറയൂ.... ലിയയുടെ മുഖത്ത് നോക്കാൻ ഒരു വിഷമം ഉള്ളത് പോലെ ആൽബിനും അവളോട് മിണ്ടാറില്ല.... ഇത് മറ്റെ 2 പേരും ശ്രദ്ധിക്കുന്നുണ്ട് എങ്കിലും അവരായി തന്നെ തീർകട്ടെ എന്ന സ്റ്റാൻഡിൽ നിൽക്കുകയാണ്..... ഇത്ര ദിവസങ്ങൾക്ക് ഇടയിൽ ടീന ഒരു വട്ടം വന്നു മുഖം കാണിച്ച് പോയത് അല്ലാതെ പിന്നീട് അങ്ങോട്ട് തിരിഞ്ഞു നോക്കിയിട്ടില്ല.... ടീന അന്നത്തെ സംഭവത്തിന് ശേഷം കടയിലും ഇരികില്ല എന്ന് വാശി പിടിച്ചു.... അത് കേട്ട് നമ്മുടെ ലിയക്ക്‌ അതിലും വാശി ആയി.... കടയിൽ ഇരുന്നില്ലെങ്കിൽ അവൾക്ക് ഉള്ള ഭക്ഷണത്തിന്റെ വക അവളായി നൽകേണ്ടി വരുമെന്ന് പറഞ്ഞു.... ആദ്യം അത് ഗൗരവത്തിൽ എടുത്തില്ല എങ്കിലും 2 നേരം പട്ടിണി കിടന്നപ്പോൾ കുട്ടി അങ്ങ് നന്നായി പോയി.... ഇപ്പൊ ദിവസവും കടയിൽ ചെന്ന് ഇരിപ്പുണ്ട്... വിശപ്പിന്റെ ഒരു പവറെ.... " അന്തപ്പോ.... " " എന്നതാടി..... " " ബില്ല് ഒക്കെ സെറ്റിൽ ചെയ്തിട്ടുണ്ട്..... " " നിനക്ക് ഇത്രേം കാശ് എവിടുന്നു കിട്ടി കൊച്ചേ.... "

അതിന് ലിയ ഒന്ന് സൈറ്റ് അടിച്ച് കാണിച്ചു.... " നിങ്ങൾക്ക് എല്ലാവർക്കും എന്നെ കൊണ്ട് ബുദ്ധിമുട്ട് ആയല്ലെ.... ഞാൻ ഇവിടുന്ന് എവിടേക്ക് എങ്കിലും പോകാം.... " " ആ ബുദ്ധിമുട്ട് കൊണ്ട് ഇരിക്കാൻ പോലും പറ്റുന്നില്ല.... വേഗം പോ.... നിങ്ങളുടെ പ്രിയ പത്നി ആ കാമറാണിയുടെ അടുത്തേയ്ക്ക് പോ.... " " ലിയ കൊല്ലണ്ട.... അളിയന് ഒരു അബദ്ധം പറ്റിയതല്ലെ.... " Adam ചിരിച്ച് കൊണ്ട് പറഞ്ഞു.... " നിങ്ങള് 2 ഉം കൂടിയാണ് ഇച്ചായനെ ചീത്തയാകുന്നത്.... " " ലിയ.... " ആൽബിൻ അവളെ പതിയെ വിളിച്ചു.... " എന്താടാ.... " പറഞ്ഞു തീർന്നതും അവളുടെ ചെവിയിൽ പിടി വീണിരുന്നു.... " മൂത്തവരെ ഡാ എന്ന് വിളിക്കോ നീ.... " " ഇല്ല.... വിട് ആന്റോ അവള് കുഞ്ഞല്ലെ..... " ആൽബിൻ ആന്റണിയുടെ കൈകൾ വിടീപ്പിച്ച് കൊണ്ട് പറഞ്ഞു.... " പണ്ടും നീ ഇങ്ങനെ തന്നെ ആയിരുന്നു.... ഇവൾ എന്ത് ചെയ്താലും support ചെയ്യും... " ആന്റണി കെറുവിച്ച് കൊണ്ട് പറഞ്ഞു.... " അല്ലെങ്കിലും എന്റെ ഇച്ചായൻ എന്നെ സപ്പോർട്ട് ചെയോളു.... അതിൽ കുശുമ്പ് കുതീട്ട് ഒരു കാര്യവുമില്ല.... കേട്ടോട അന്തപ്പ.... " അതും പറഞ്ഞു അവനെ നോക്കി കൊഞ്ഞനം കാണിച്ച് അവള് ആൽബിനെ ചുറ്റി പിടിച്ചു.... അത് കണ്ട് ആൽബിൻ ആദ്യമൊന്ന് ഞെട്ടി എങ്കിലും പതിയെ അവന്റെ കണ്ണുകൾ നിറഞ്ഞു കൊണ്ട് അവൻ അവളുടെ നെറുകയിൽ പതിയെ തലോടി..... തനിക്ക് നഷ്ടമായ പലതും തന്നിലേക്ക് തിരിച്ച് വരും പോലെ അവന് തോന്നി.... " ലിയ.... "

" എന്താ ഇച്ചായ.... " " പറ്റുമെങ്കിൽ ഇൗ ഇച്ചായനോട് ക്ഷമിക്കൂ മോളെ.... ആ പിശാശിന്റെ കപട സ്നേഹത്തിന് മുന്നിൽ ഞാൻ നിങ്ങളെ ഒക്കെ മറന്നു.... പപ്പയെ.... ഞാൻ.... " അവന്റെ വാക്കുകൾ ഇടറി.... തന്നിൽ പിടിമുറുക്കിയ കൈകൾ പതിയെ അയയുന്നത് അവൻ അറിഞ്ഞു.... " മോളെ " അവൻ ദയനീയതോടെ അവളെ വിളിച്ചു.... " ഇച്ചായൻ ചെയ്ത മറ്റെന്തും ക്ഷമിക്കാൻ എനിക് ആകുമായിരിക്കും.... പക്ഷേ പപ്പയോട് ചെയ്തത് അതൊരിക്കലും ഞാൻ ക്ഷമിക്കില്ല.... അതിന് എനിക് ആകില്ല..... മനസ്സിൽ ഒന്ന് വെച്ച് പുറത്ത് ഒന്ന് കാട്ടാൻ ലിയക്ക് ആകില്ല.... ദേഷ്യം വന്നാൽ ഞാൻ അത് കാണിക്കുക തന്നെ ചെയും.... സ്നേഹവും അത് പോലെ തന്നെ.... " " എന്നിട്ട് എന്നതാടി കൊച്ചെ നീ എന്നെ ഒന്ന് പരിഗണിക്കാത്തത്.... " Adam കുറച്ച് കുസൃതിയോടെ ചോദിച്ചു.... " അയിന് നീ ആരാടാ.... " ലിയ തെല്ലും ആലോചിക്കാതെ ചോദിച്ച്.... " മോനെ അളിയോ.... അവളുടെ 2 ആങ്ങളമാർ ഇങ്ങനെ പനപോലെ നിൽകുമ്പോൾ തന്നെ നിനക്ക് അത് അറിയണമല്ലെ.... ഇവിടെ വന്നെ എനിക് അളിയനോട് കുറച്ച് കാര്യങ്ങള് ചോദിച്ച് അറിയാനുണ്ട്.... " " വോ വേണ്ട... വേണ്ടാഞിട്ടാണ്..... " " അങ്ങനെ പറയരുത്..... " " വേണ്ടാന്നെ.... വലിയ അളിയാ.... ഒന്ന് പറ ഇവനോട്.... " " വിട്ടേക്ക് ഡാ.... " 🍁🍁🍁🍁🍁🍁🍁🍁

വീട്ടിൽ അങ്ങോട്ടും ഇങ്ങോട്ടും ഉലാത്തുകയാണ് ടീന.... ഇന്നു ഡിസ്റ്റാർച്ച് ആയത് കൊണ്ട് കടയിൽ പോകണ്ട എന്ന് ലിയ പറഞ്ഞിരുന്നു..... പക്ഷേ അവൾക്ക് ഒരു സമാധാനവും ഇല്ല.... ആൽബിൻ കൂടെ ഇവിടേക്ക് വന്നാൽ ഉള്ള തന്റെ അവസ്ഥ ആയിരുന്നു അവളുടെ ഉള്ളിൽ.... അപ്പോഴാണ് പുറത്ത് ഒരു കാർ വന്നു നില്കുന്ന ശബ്ദം കേട്ടത്.... അതിൽ നിന്നും ഇറങ്ങിയവരെ കണ്ട് അവളുടെ കണ്ണുകൾ വിടർന്നു.... " ശാലുവേച്ചി..... " അവള് സ്നേഹത്തോടെ വിളിച്ചു.... ജോസിന്റെ മകളാണ് ശാലിനി എന്ന ശാലു.... അഹങ്കാരത്തിന് കൈയും കാലും വെച്ചാൽ അത് ഇത് പോലെ ഇരിക്കും.... ലിയയേ അവൾക്ക് ഇഷ്ടമല്ല.... അവർ ഒരേ പ്രായമാണ്.... ജോസിന് വല്ലാതെ വൈകി ഉണ്ടായ മകളാണ് അവള്... അത് കൊണ്ട് വഷളാക്കി എന്ന് തന്നെ പറയാം.... " നീ അങ്ങ് മെലിഞ്ഞു പോയല്ലോ ടീന മോളെ.... ഇവിടുത്തെ പണി ഒക്കെ നീയാണോ ചെയുന്നത് " " ഒന്നും പറയണ്ട.... ഞാൻ ഇവിടെ വെറുമൊരു വേലക്കാരിയാണ്.... " " അപ്പോ കെട്ടിലമ്മക്ക്‌ എന്താ പണി.... " അതും പറഞ്ഞു കൊണ്ട് അഞ്ഞൂറിന്റെ ഒരു കെട്ട് നോട്ട് അവള് ടീനയുടെ കൈകളിലേക്ക് വെച്ചു.... അത് കണ്ടതും ടീനയുടെ കണ്ണുകൾ വിടർന്നു എങ്കിലും ലിയയുടെ മുഖം ഓർത്തപ്പോൾ അവളുടെ ഉള്ളിൽ ഒരു ഭയം നിറഞ്ഞു....

" എനിക് ഇത് വേണ്ട ചേച്ചി..... ഇച്ചേച്ചി അറിഞ്ഞ.... " " ഓ അവള് ഒന്നും അറിയത്തില്ല.... എനിക് അറിയാം നിനക്ക് ഒരുപാട് ചിലവുകൾ ഉണ്ടാകില്ലേ.... വെച്ചോ പെണ്ണേ.... " " എന്നാലും.... " " അങ്ങ് പിടി.... " അതും പറഞ്ഞു നിർബന്ധപൂർവ്വം അത് അവള് ഏൽപ്പിച്ചു.... " ഇച്ചേച്ചി എന്നെ കൊല്ലും ചേച്ചി.... " " ഓ അവള് അറിയില്ല.... " " ആന്റണി ചേട്ടനും ഉള്ളതാണ് ഇവിടെ.... " " ഓ അവനും ഉണ്ടോ.... " പറയുമ്പോൾ അവളുടെ മുഖത്ത് ദേഷ്യം നിറയുന്നത് കണ്ട് ടീനക്ക് പേടിയായി.... " ശാലുവേചി.... " " അവരെ തെറ്റിക്കാൻ നമ്മൾ എന്തൊക്കെ ചെയ്തു എന്നിട്ടും അവൾക്ക് അവനെ എന്തൊരു വിശ്വാസമാണ്.... " " ഒരു വഴി ഉണ്ടാകും ചേച്ചി... ചേച്ചി വിഷമിക്കണ്ട.." " ഉണ്ടാകും.... അല്ലെങ്കിൽ ഇൗ ശാലിനി ഉണ്ടാക്കും.... അത് അവളെ കൊന്നിട്ട് ആണെങ്കിലും.... " അപ്പോഴാണ് അടുത്ത കാർ എത്തിയത്.... " ചേച്ചി അവർ വന്നെന്നു തോന്നുന്നു.... " " മ്മ്‌.... " ഇഷ്ടം ആകാതത് പോലെ അവളൊന്നു മൂളി.... വണ്ടിയിൽ നിന്നും ആദ്യം ഇറങ്ങിയത് ആന്റണിയാണ്.... അതിന് പുറകിലായി Adam ന്റെ ബുള്ളറ്റ് വന്നു നിന്നു.... അവനെ കണ്ടതും ശാലിനിയുടെ കണ്ണുകൾ അവനു നേരെ നീണ്ടു.... " അതാരാണ് ടീന.... " " ഓ അതാണ് ചേട്ടായി.... ഇച്ചേച്ചിയുടെ... " " മ്മ്‌ മനസിലായി.... എന്തൊരു ചുള്ളൻ ചെക്കൻ ആണല്ലേ... ഇതിനും മാത്രേ ഇവൾക്ക് എന്താണ് ആവോ ഉള്ളത് " " മിണ്ടാതെ ഇരിക്ക് ചേച്ചി... അവർ കേൾക്കണ്ട.." " മ്മ്‌.... " കാറിൽ നിന്നും ഇറങ്ങിയ അവർ ആൽബിനെയും പിടിച്ച് ഇറക്കി....

അപ്പോഴാണ് ആന്റണി വീടിന്റെ മുറ്റത്ത് നിൽകുന്നവരെ കണ്ടത്.... അവരെ കണ്ടതും അവന്റെ മുഖം വലിഞ്ഞു മുറുകി..... അത് കണ്ടപ്പോഴാണ് ബാക്കി ഉളളവർ അവരെ ശ്രദ്ധിച്ചത്.... കാര്യങ്ങള് മനസ്സിലായ പോലെ ലിയ ആന്റണിയുടെ മുഖത്തേയ്ക്ക് നോക്കി കണ്ണുകൾ അടച്ച് കാണിച്ചു.... ആൽബിനും അത് ശ്രദ്ധിച്ചിരുന്നു.... " ആരിത് ശാലുവോ എപ്പോ എത്തി.... എന്താ വിശേഷിച്ച്.... " ആൽബിൻ മര്യാദ പോലെ ചോദിച്ച് നിറുത്തി.... " ഒന്നുമില്ല ആൽബിചായ ഇന്നു ഡിസ്ചാർജ് ആണെന്ന് അറിഞ്ഞു... അത് കൊണ്ട് വന്നതാ.... നിങ്ങളുടെ പെങ്ങൾ പപ്പമാരെ ഒക്കെ അപമാനിച്ച് വിട്ടത് അല്ലേ.... അതാ അവരൊന്നും ഇല്ലാത്തത്.... " " ഇൗ പിശാശിനേ ഞാൻ.... " ആന്റണി പിറുപിറുത്തു.... " അടങ്ങൂ അന്തപ്പ അടങ്ങൂ.... " അതേ ശബ്ദത്തിൽ ലിയ അവനോട് പറഞ്ഞു.... " എന്നിട്ട് എന്താ ഇവിടേ നിന്നത് അകത്തേയ്ക്ക് കയറാമായിരുന്നില്ലെ.... " " അപ്പോഴാണ് ടീന മോൾ ആൽബിച്ചൻ ഇപ്പൊ എത്തുമെന്ന് പറഞ്ഞത്.... അതാ ഞാൻ നിന്നത്..... ചിലരുടെ സ്വഭാവം ഒക്കെ കൊണ്ട് ഇവിടുന്ന് ഇറങ്ങേണ്ടി വന്നതല്ലേ.... ഇതൊരു പുതിയ തുടക്കം അല്ലേ.... അപ്പോ.... " അവളെ പറയുന്നത് മുഴുവനാക്കാൻ അനുവദിക്കാതെ ആന്റണി ഇടയിൽ കയറി.... " അളിയാ പുതിയ തുടക്കങ്ങൾക്ക്‌ സാധാരണ നമ്മൾ നിലവിളക്ക് അല്ലേ കത്തിക്കുന്നത്.... ഇവിടെ ഒരു കരിവിളക്ക് ആണല്ലോ നിന്ന് കത്തുന്നത്.... " " ആന്റോ.... " ശാലിനി ദേഷ്യത്തോടെ വിളിച്ചു... " വഴിയിൽ നിന്ന് മാറാടി....

കൊറേ നേരമായി അവളുടെ പ്രസംഗം തുടങ്ങിയിട്ട്.... " " ശാലുവേച്ചി വാ അകത്തേയ്ക്ക് കയറൂ... " സാഹചര്യം വഷളവുകയാണ് എന്ന് മനസ്സിലായ ടീന സംയോജിതമായ ഇടപെടൽ നടത്തി.... ഉടനെ ആന്റണി Adam ന് ഒപ്പം ആൽബിനെ മുറിയിലേക്ക് കൊണ്ട് പോയി കിടത്തി..... " ആരാ അളിയാ അത്.... " Adam സംശയത്തോടെ ചോദിച്ചു.... " ഓ അറിഞ്ഞിരിക്കേണ്ട ഐറ്റം ആണ് അളിയാ.... ജോസി പപ്പയുടെ ഏക മകളാണ്.... അഹങ്കാരത്തിന് കൈയും കാലും വെച്ച മുതൽ.... നമ്മുടെ ലിയയുടെ ശത്രു.... " ശാലിനി ആണോ..... " " ആഹാ അളിയന് അറിയോ.... " " മ്മ്‌ നന്നായി അറിയാം.... " അവനൊരു ചിരിയോടെ പറഞ്ഞു.... ഞാൻ അപ്പുറത്തേക്ക് ചെല്ലട്ടെ... അല്ലെങ്കിൽ അവളെ മതിലിൽ നിന്ന് വടിച്ച് എടുക്കേണ്ടി വരും.... കയ്യിലിരിപ്പ് അതാണ്.... " ഞാനും വരാം.... " അപ്പോഴാണ് മുറിയിലേക്ക് ബാഗും മറ്റുമായി ലിയ വന്നത്.... " ഇച്ചായ ഞാൻ കഞ്ഞി എടുക്കാം മരുന്ന് ഉണ്ട്.... സമയം 1 ആകാറായി... " " എനിക് കഞ്ഞി വേണ്ട മോളെ.... " " ഇൗ ഒരു ആഴ്‍ച്ച കൂടി light ആയുള്ള ഭക്ഷണം പാടുള്ളൂ.... അത് കഴിഞ്ഞിട്ട് തരാം.... " " മ്മ്‌ " അവൻ താൽപര്യം ഇല്ലാത്ത പോലെ മൂളി.... " എന്തായി ഡീ നിന്റെ ശത്രുവിനെ നീ തിന്നൊ.... " " ഞാനൊന്നും ചെയ്തില്ല.... അവിടെ dining ഹാളിൽ ഇരിപ്പുണ്ട്.. " " മ്മ്‌.... കൊല്ലരുത് ഒരു അപേക്ഷയാണ് "

" ഇല്ലട പട്ടി നിനക്ക് ഞാൻ കെട്ടിച്ച് തരാം മതിയോ.... അന്തപ്പ എന്റെ വായിൽ നിന്ന് കേൾക്കണ്ട എങ്കിൽ അങ്ങോട്ട് മാറിക്കോ.... Adam ഇപ്പോ ഇറങ്ങില്ല അല്ലോ.... " " ഇ... ഇല്ല.... " " ആ ഞാൻ എന്തെങ്കിലും ഉണ്ടാകട്ടെ.... " " മ്മ്‌.... " ഇതേ സമയം അപ്പുറത്ത് കൊടും പിടിച്ച ചർച്ചയാണ്.... അത് മൈൻഡ് ചെയ്യാത്ത പോലെ ലിയ അടുക്കളയിലേക്ക് പോയി.... ലിയയെ കണ്ടതും അവർ സംസാരം നിറുത്തി.... വീട്ടിൽ വന്ന ഒരാളോട് ഉള്ള മര്യാദ അനുസരിച്ച് ലിയ ഉടനെ മൂന്ന് ഗ്ലാസുകളിലായി ജ്യൂസുമായി അപ്പുറത്തേക്ക് ചെന്നു.... അപ്പോഴേക്കും ആന്റണിയും Adam വും അവിടേക്ക് എത്തി.... അവർ കൊടുത്തതിനു ശേഷം അവളൊരു ഗ്ലാസ്സ് ശാലിനിക്ക്‌ നേരെ നീട്ടി.... " എനിക് ഒന്നും വേണ്ട... നീ അല്ലേ... വെല്ല വിഷവും ഉണ്ടോ എന്ന് ആർക്കറിയാം.... " പറഞ്ഞു തീർന്നതും ആന്റണി അത് വാങ്ങി അകത്താക്കി.... " നല്ല ദാഹം ഉണ്ടായി മോളെ... അതാ... പിന്നെ അവൾക്ക് വേണ്ടല്ലോ... " അത് കേട്ട് ലിയക്ക്‌ ചിരി വന്നു.. " എടീ ഇവന്റെ ബലത്തിൽ നീ അധികം ചിരിക്കണ്ട.... നിനക്ക് ഇനി കരയാൻ ഉള്ള ദിനങ്ങൾ ആയിരിക്കും.... "

" Excuse me.... " ശാലിനി ചോദ്യ ഭാവത്തിൽ Adam നെ നോക്കി.... " ഇവൾ എന്റെ പെണ്ണാണ്.... അവളുടെ കണ്ണ് നിറയാതെ നോക്കാൻ എനിക് അറിയാം.... അത് കൊണ്ട് ഇൗ വക ഭീഷണി ഒക്കെ തന്റെ കൈയിൽ ഇരിക്കട്ടെ.... " " സമ്മതിക്കണം കേട്ടോ നിന്നെ.... ഒരേ സമയം എത്ര പേരെയാണ്.... നിങ്ങൾക്ക് നാണം ഇല്ലല്ലോ.... ഇവളെ പോലെ.... " " പെണ്ണായത് കൊണ്ട് കൈ വെക്കില്ല എന്ന ധൈര്യത്തിൽ അവളെ കുറിച്ച് എന്തും വിളിച്ച് പറയാൻ ആണ് ഉദ്ദേശം എങ്കിൽ കൊല്ലും നിന്നെ ഞാൻ.... " ടീന ഉടനെ അവളുടെ കൈകൾ പിടിച്ച് അമർത്തി.... ശാലിനി ഉടനെ ലിയക്ക്‌ നേരെ തിരിഞ്ഞു.... " എല്ലാ കാലവും ഇൗ വീട് മുഴുവൻ ഒറ്റക്ക് കയ്യടക്കി വെക്കാമെന്ന് കരുതണ്ട... അനുവദിക്കില്ല അതിനു ഞാൻ.... " " അനുവാദം തരാൻ ഇത് നിന്റെ അപ്പൻ ഉണ്ടാക്കിയത് ആണോ ഡീ... കൊറേ നേരമായി.... വേണ്ട വേണ്ട എന്ന് വിചാരിക്കുമ്പോൾ തലയിൽ കയറുന്നോ... ഇത് ഉണ്ടാക്കിയത് എന്റെ അപ്പൻ ജോഷ്വ ആണെങ്കിൽ ഇത് എന്റെ കൈയിൽ തന്നെ ഇരിക്കും കേട്ടോ.... " " ഡീ.... " " നീ ഇൗ കാൽ കുത്തി നില്കുന്നത് എന്റെ വീട്ടിലാണ്....

എന്റെ വീട്ടിൽ കേറി വന്നു എന്നോട് ശബ്ദം ഉണ്ടാക്കാൻ വന്നാൽ അറിയാലോ നിനക്ക് എന്നെ.... " വല്ലാത്ത ഉറപ്പ് ഉണ്ടായിരുന്നു അവളുടെ വാക്കുകളിൽ.... " ഞാൻ ഇറങ്ങുവ ടീന.... " " അയ്യോ മോൾ പോകും മുമ്പ് ഒന്ന് കൂടി കേട്ടോ.... നിന്റെ അപ്പനോട് പറഞ്ഞേക്ക് ഞാൻ അങ്ങോട്ട് വരുന്നുണ്ട് എന്ന്... എന്റെ അപ്പന്റെ കൈയിൽ നിന്ന് മേടിച്ചത് ഒക്കെ കരുതി വെച്ചേക്കാൻ പറ.... " അത് കേട്ടതും ആഞ്ഞ കാൽ വെപ്പോടെ അവള് നടന്നു നീങ്ങി.... " സമാധാനം ആയല്ലോ നിങ്ങൾക്ക് ചേച്ചിയെ ഇവിടുന്ന്.... " " ഇനി അവളെ ഇവിടെ കേറ്റിയാൽ നീ കൂടി ഒപ്പം ഇറങ്ങേണ്ടി വരും..... " അതും പറഞ്ഞു ലിയ അടുക്കളയിലേക്ക് പോയി.................തുടരും.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...