🌸Filia🌸: ഭാഗം 27

രചന: ഏട്ടന്റെ കാന്താരി (അവനിയ)

അവൻ പറഞ്ഞില്ല എങ്കിലും വഴികൾ തിരിഞ്ഞപ്പോൾ അവൾക്ക് മനസിലായി അവൻ സെമിത്തേരിയിലേക്കാണ്‌ പോകുന്നത് എന്ന്.. .അവിടെ എത്തിയപ്പോഴും അവളൊന്നും മിണ്ടാതെ അവനെ അനുഗമിച്ചു.... ആ യാത്ര അവസാനിച്ചത് അവളുടെ അപ്പനെയും അമ്മയെയും അടക്കിയ കല്ലറയിക്ക്‌ മുന്നിലാണ്....അവള് വേഗം കുരിശ് വരച്ചു.... എന്നിട്ട് മരിച്ച വിശ്വാസികളുടെ പ്രാർത്ഥന ചൊല്ലി.... അതിനിടയിൽ അവളുടെ ശബ്ദം ഇടറിയിരുന്ന്.... " ലിയ... ഒന്ന് പൊട്ടി കരഞ്ഞുടെ ഡീ നിനക്ക്... ഇങ്ങനെ ഉള്ളിൽ അടക്കാതെ.... ചങ്ക് പൊടിയുവാടി നിന്നെ കാണുമ്പോൾ.... " അവൻ വേദനയോടെ പറഞ്ഞു.... " വാ പോകാം ചേട്ടാ.... " " ഇല്ല പോകണ്ട.... നിന്റെ സങ്കടം മുഴുവൻ ഇവിടെ അവസാനിപ്പിച്ച് മതി ഇനിയൊരു മടക്കം... " " ചേട്ടാ വേണ്ട പറയുന്ന കേൾക്... " " എന്തിനാ നീ ഇങ്ങനെ ഉരുകുന്നത്... ആർക്ക് വേണ്ടിയാണ്... അവൾക്ക് വേണ്ടിയോ... ആ നന്ദികെട്ട ജന്തുവിന് വേണ്ടിയോ... " " ചേട്ടാ വേണ്ട മതി... അവള് കുഞ്ഞല്ലേ... അറിവില്ലായ്മ കൊണ്ടാകും... " " ഇത് അറിവില്ലാത്ത അല്ല... അറിവ് കൂടി പോയ കൊണ്ടാണ്... " അതിന് ലിയ മൗനം പാലിച്ചു.... " കഴിഞ്ഞത് ഒക്കെ കഴിഞ്ഞു ഇനി അതോർത്ത് ഇരുന്നിട്ട് കാര്യമില്ല അല്ലോ... പക്ഷേ ഇനി ഇങ്ങനെ ഒരു സംഭവം ഉണ്ടാകരുത് "

" എനിക് മനസിലായില്ല.... " " ഇനി നിനക്ക് നിന്റെ വഴി അവൾക്ക് അവളുടെ വഴി.... അവളുടെ ഒരു കാര്യത്തിലും നീ ഇടപെടരുത്... " " എനിക് പറ്റില്ല ചേട്ടാ... എന്തൊക്കെ പറഞ്ഞാലും അവള് എന്റെ അനിയത്തിയാണ്‌... അവള് എന്ത് കാണിച്ചെന്ന് പറഞ്ഞാലും എനിക് അവളെ അങ്ങനെ ഒഴിവാക്കാൻ പറ്റില്ല... അവളെ എന്റെ കൈയിൽ ഏൽപ്പിച്ചാണ് എന്റെ പപ്പ പോയത്.. " " വേണ്ട... നീ ഇനിയും ചെല്ല്... എന്നിട്ട് അവള് തന്നെ അവസാനം വെല്ല വിഷവും തന്നു നിന്നെ കൊല്ലും.... " ആന്റണി ദേഷ്യത്തോടെ പറഞ്ഞു.... " അതൊക്കെ അവള് വെറുതെ പറഞ്ഞതാണ് ചേട്ടാ... അങ്ങനെ ഒന്നും ചെയ്യാൻ അവളെ കൊണ്ട് പറ്റത്തില്ല.... " " എത്ര കൊണ്ടാലും നീ പഠിക്കില്ല ലിയ.... ഇത്ര ആയിട്ടും നീ എന്താ അവളെ മനസ്സിലാകാത്തത്... " " എന്റെ അനിയത്തി അല്ലേ ചേട്ടാ.... ഞാൻ എടുത്തോണ്ട് നടന്നതല്ലെ അവളെ.... " " നീ കരുതും പോലെ ഒന്നുമല്ല അവള്... വിഷമാണ്.... കൊടും വിഷം... " " അവളൊരു വാ പോയ കോടാലിയാണ്.... അത്രേം ഉള്ളൂ.... ആ സംസാരം മാത്രേ ഉള്ളൂ ചേട്ടാ.... " " ദ്ദേ പെണ്ണേ എന്റെ വായിൽ നിന്ന് പച്ചക്ക് ഒന്നും കേക്കല്ലെ... നീ ഇൗ പറയും പോലെ ഒക്കെയാ ഞാനും അവളെക്കുറിച്ച് കരുതിയത്.... പക്ഷേ എന്ന് അവള് നമ്മളെ തമ്മിൽ അകറ്റാൻ സ്വന്തം മാനത്തെ വെച്ച് കളിച്ചോ അന്നു മനസിലായതാണ് എനിക് ആ പുന്നാര മോളെ... " " എന്ത്.... എന്താ ചേട്ടൻ പറഞ്ഞെ... " " സത്യം... നിന്നെ ഒറ്റപ്പെടുത്താൻ.. നിന്നെ നിന്റെ പപ്പ വെറുക്കാൻ... നിന്നെ ഒരു മോശം പെണ്ണ് ആക്കാൻ വേണ്ടി ഒക്കെയാണ് അന്നു എന്നെ കരുവാക്കിയത്.... " " ചേട്ടാ പക്ഷേ.... "

" ഇതിന്റെ ഒക്കെ മാസ്റ്റർ brain അവളാണ്... ശാലിനി.... പിന്നെ അവളുടെ തന്തയും... അതിന് അവർക്ക് കൂട്ട് നിന്നത് നിന്റെ ഇൗ പറഞ്ഞ അനിയത്തിയാണ്... ഞാൻ എന്റെ കാതുകൾ കൊണ്ട് കേട്ടതാണ്... അവരുടെ സംസാരം... " " എന്നെ ഒറ്റപ്പെടുത്തിയിട്ട്‌ അവർക്ക് എന്ത് നേടാനാണ്.... " അവളുടെ ശബ്ദം ചിലമ്പിച്ചിരുന്നു... " നിന്റെ അനിയത്തിക്ക്‌ നിന്നോട് കുശുമ്പാണ്... അവളെക്കാൾ സൗന്ദര്യം ഉള്ള... അവളെക്കാൾ പഠനത്തിൽ മുന്നിൽ നിന്നിരുന്ന അവളുടെ ചേച്ചിയെ അവൾക്ക് വെറുപ്പാണ്... പിന്നെ പിരി മൂപ്പിക്കാൻ ശാലിനിയും... അവൾക്ക് നീ പണ്ടെ ശത്രു ആണല്ലോ... പിന്നെ ജോസ് പപ്പ... അങ്ങേർക്ക് പ്രിയങ്കരിയായ മകൾ നിന്റെ മുന്നിൽ തോക്കുന്നതിൽ ഉള്ള വിദ്വേഷം... " " ഇതൊന്നും വേണ്ടായിരുന്നു അല്ലേ ചേട്ടാ.... വലിയ ഭംഗി ഒന്നും ഇല്ലാത്ത പഠനത്തിൽ ഒരു ആവറേജ് ആയ പെൺകുട്ടി ആയിരുന്നു ഞാനെങ്കിൽ എനിക് ഉണ്ടാകുമായിരുന്നു അല്ലേ ബന്ധുക്കൾ... ഇപ്പൊ എല്ലാവരും വെറുപ്പോടെ മാത്രം കാണുന്നു... " " ലിയ അതൊക്കെ നിന്റെ വെറും തോന്നലാണ്.... അങ്ങനെ നിനക്ക് ഒപ്പം നിൽകുന്നവർ നാളെ നീ ഉയർന്നാൽ നിന്നെ ചവിട്ടി താഴ്ത്താൻ ശ്രമിക്കില്ല എന്നാരു കണ്ടൂ... " " മ്മ്‌... ചേട്ടനു അറിയോ ടീന ഉണ്ടായപ്പോൾ ഞാൻ നിലത്തൊന്നും അല്ലായിരുന്നു....

എന്റെ വാവ എന്നും പറഞ്ഞു ആരെ കൊണ്ടും തൊടിക്കുക പോലും ഇല്ലായിരുന്നു.... അവൾക്ക് ഇച്ചേച്ചിയെ മാത്രം മതിയായിരുന്നു.... അമ്മച്ചിയെ പോലും അവൾക്ക് വേണമെന്നില്ല.... ആ അവള്.... അവള് ഒരുപാട് വലുതായി അല്ലേ... " അവളുടെ കണ്ണുകൾ നിറഞ്ഞിരുന്നു... " നീ പണ്ട് എടുത്തോണ്ട് നടന്ന കുഞ്ഞല്ല ലിയ അവള്.... അവളൊരുപാട് വലുതായി പോയി... ഇപ്പൊ നീ അവൾക്ക് ശത്രുവാണ്.... ഏറ്റവും വലിയ ശത്രു... " " മ്മ്‌.... " അവളുടെ കണ്ണുകൾ നിറഞ്ഞൊഴുകി... നിശബ്ദമായ കരച്ചിൽ..... പക്ഷേ മനസ്സിന് ഉണ്ടാകുന്ന വേദന കണ്ണുകൾ അറിയുന്ന കൊണ്ടാകാം അത് തന്റെ വേദന കണ്ണുനീരായി ഒഴുക്കി കൊണ്ടിരുന്നു... അവളെത്ര തടയാൻ ശ്രമിച്ചിട്ടും വല്ലാത്ത വാശിയിൽ അത് വീണ്ടും വീണ്ടും ഒഴുകി.... " ലിയ ഇനി നീ ഇൗ കാര്യം അവളോട് സംസാരിക്കരുത്.... റിസ്‌വാൻ എന്നത് നമുക്ക് ഒരു closed chapter ആയിരിക്കണം... അവളോട് ഇനി ഒരിക്കൽ പോലും ഇതേ പറ്റി നീ തിരക്കരുത് ഇടപെടരുത്.... അത് നീ പപ്പയെ മമ്മയെയും തൊട്ട് സത്യം ചെയ്ത് തരണം " " ചേട്ടാ.... " അവളുടെ വിളി വളരെ ദയനീയമായിരുന്നു... " ചെയ്യണം ചെയ്തേ പറ്റൂ... അല്ലാതെ നമ്മൾ രണ്ട് പേരും ഇവിടുന്ന് തിരിച്ച് പോകില്ല... " അതും പറഞ്ഞു അവൻ അവളുടെ കൈകളിൽ പിടിച്ചു....

" എനിക് പറ്റില്ല ചേട്ടാ... " " പറ്റണം.... ചെയ്... " അവനും വാശിയിൽ ആയിരുന്നു.... അവള് ഉടനെ കൈകൾ ആ കല്ലറയിക്ക് മുകളിലേക്ക് ചേർത്തു.... " സത്യം... ഇനി ഒരിക്കലും അവളോട് ഇതേ പറ്റി ഞാൻ മിണ്ടില്ല.... പപ്പയും മമ്മയുമാണ് സത്യം.... " അത് കണ്ടതും അവനൊന്നു പുഞ്ചിരിച്ചു.... പക്ഷേ അതേ സമയം മുഖം പൊത്തി തന്റെ ആ മുഖം അവനിൽ നിന്നും മറച്ചിരുന്നു.... " കരയ്.... കരയാൻ ഉള്ളത് കരഞ്ഞു തീർത്തോ... ഇനി ഇൗ പേരിൽ നിന്റെ കണ്ണ് നിറയരുത് കേട്ടല്ലോ.... " ഒരു ചേട്ടന്റെ വാത്സല്യം അവന്റെ വാക്കുകളിൽ നിറഞ്ഞിരുന്നു.... കുറച്ച് നേരം കൂടി അവിടെ നിന്നതിനു ശേഷമാണ് അവർ തിരികെ വീട്ടിൽ പോയത്.... 🍁🍁🍁🍁🍁🍁🍁 ഇന്നാണ് റോഷന്റെ ഡിസ്‌റ്റർച്ച്.... ഏകദേശം 2 മാസത്തെ ഹോസ്പിറ്റൽ വാസത്തിനു ശേഷം ഇനി വീട്ടിലേയ്ക്ക് പോക്കൊളാൻ പറഞ്ഞു... സത്യത്തിൽ അവരായി പറഞ്ഞു വിട്ടതല്ല... ഇനി ചികിത്സിക്കാൻ പണം ഇല്ല എന്നതാണ് സത്യം.... ജസ്റ്റിൻ ഇപ്പൊ പഴയ പോലെ ഒന്നുമല്ല... കൈയിൽ നിന്നും കൊടുക്കുന്ന പണത്തിനു കണക്ക് പറയാൻ തുടങ്ങി... വീട്ടിലെത്തിയ റോഷന്‌ കഞ്ഞി കൊടുക്കുകയായിരുന്നു റോസി... " കുറച്ച് കൂടി ഒഴിച്ച് കൊടുക്ക് അവന്റെ അണ്ണാക്കിലേക്... വെല്ലവന്റെയും കാശല്ലെ... "

" ജസ്റ്റിൻ അവനെ ഇൗ അവസ്ഥയിൽ ഞാൻ എന്ത് ചെയ്യാനാണ്.... " " എന്തായാലും എനിക് ഇവനെ നോക്കണ്ട ഗതികേട് ഒന്നുമില്ല... " എന്നാല് റോഷൻ ഒന്നും മിണ്ടാതെ എല്ലാം കേട്ടു... കൂടാതെ പിന്നെയും എന്തോ പറയാൻ ആഞ്ഞ റോസിയെ വിലക്കി... ജസ്റ്റിൻ അതും പറഞ്ഞു ചാടി തുള്ളി മുകളിലേക്ക് പോയി... " റോസി... നീ എന്തിനാ ആൽബിൻ അളിയനെ പിണക്കിയത്.... മണ്ടത്തരമാണ് നീ കാണിച്ചത്... " " എനിക് പറ്റില്ല റോഷ അയാളെ പോലെ ഒരാളെ... ജസ്റ്റിൻ നല്ലവനാണ്... ഇപ്പൊ കാണിക്കുന്നത് ഉള്ളൂ... ജസ്റ്റിൻ വിവാഹം ചെയും എന്നെ... " " മ്മ്‌... " അവൻ വെറുതെയൊന്ന് മൂളി... റോഷന് ഭക്ഷണം കൊടുത്തതിനു ശേഷം അവള് മുകളിലേക്ക് പോയി.... " ജസ്റ്റിൻ എത്രയും പെട്ടെന്ന് നമ്മുടെ കാര്യത്തിൽ ഒരു തീരുമാനം ഉണ്ടാകണം... " " നമ്മുടെ എന്ത് കാര്യം " " നമ്മുടെ വിവാഹ കാര്യം... " അത് കേട്ടതും അവൻ ആർത്ത് അട്ടഹസിക്കും പോലെ ഒന്ന് ചിരിച്ചു... " വിവാഹോ അതും നീയുമായിട്ടോ... കണ്ട തേവടിശികളെ ഞാൻ എന്റെ ഭാര്യ ആയി സ്വീകരിക്കണോ... " അതും പറഞ്ഞു അവൻ വീണ്ടും ചിരിച്ചു... എന്നാല് അത് കേൾക്കെ റോസി അടിയേറ്റവളെ പോലെ തരിച്ച് നിന്നു.............തുടരും.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...