🌸Filia🌸: ഭാഗം 29

രചന: ഏട്ടന്റെ കാന്താരി (അവനിയ)

" ലിയ വിട് വിടാൻ... " അതും പറഞ്ഞു അവൻ അവളെ ഒരു വിധത്തിൽ പിടിച്ച് മാറ്റി.... ശാലിനി ചുമച്ച് ഒരു വഴിയായി " എന്നെ വിടാൻ... " അത് കേട്ടതും റയാന്റെ പിടി താനെ അയഞ്ഞു... ഉടനെ അവള് ശാലിനിക്ക്‌ നേരെ വിരൽ ചൂണ്ടി... " ആകെ പിടി വിട്ട് നിൽകുവ ഞാൻ... ഇനി നീ എന്റെ കുടുംബത്ത് കേറി കളിക്കാൻ വന്നാൽ... കൊല്ലും നിന്നെ ഞാൻ... " ഒരു മാത്രയിൽ അവിടെ നിന്നിരുന്ന റയാൻ പോലും അവളുടെ ഭാവത്തിൽ ഒന്ന് പകച്ചു.... " ഡീ നീ എന്നെ.... " " ശാലിനി നീ പോ.... വെറുതെ അവളെ കൊണ്ട് വേണ്ടാത്തത് ചെയിക്കല്ലെ... ലിയ നീ വന്നെ " റയാൻ അതും പറഞ്ഞു ലിയയുടെ കൈയും പിടിച്ച് അവിടുന്ന് പോയി.... ആദ്യമൊന്ന് കുതറിയെങ്കിലും അവൻ വിടിലെന്ന് കണ്ടപ്പോൾ അവള് അവനൊപ്പം ചെന്നു.... കൂട്ടരുടെ അടുത്തേക്കാണ് അവൻ അവളുമായി പോയത്..... " ഇതെന്താ റയാൻ ഇവളെ ഇങ്ങനെ പിടിച്ച് കൊണ്ട് വരുന്നത്.... " " അവളോട് തന്നെ ചോദിക്ക്.... ഞാൻ പിടിച്ച് കൊണ്ടുവന്നില്ലായിരുന്നു എങ്കിൽ ഇവൾ ആ കാളിനിയുടെ അടിയന്തരം നടത്തിയാനേ.... " റയാൻ കലിപ്പിച്ച് കൊണ്ട് പറഞ്ഞു....

" എന്താ ലിയ... എന്താ കാര്യം " വിഹാൻ അവളോട് തിരക്കി... " ആ പന്ന മോളെ കൊല്ലും ഞാൻ.... അവള് എന്നെ തോൽപ്പിക്കാൻ എന്റെ കുടുംബത്തെ വെച്ച് കളിക്ക... നീ എന്തിനാ എന്നെ പിടിച്ച് മാറ്റിയത് " " ആഹ്‌ ഡീ പറ അങ്ങനെ തന്നെ പറ... പിടിച്ച് മാറ്റിയില്ല എങ്കിൽ നീ ജയിലിൽ പോകുമായിരുന്നു.... " " അതിന് നീ എന്തിനാട എന്റെ കൈ പിടിച്ച് ഞെരിച്ചത്‌... വേദന എടുക്കുന്നു" നോക്കിയപ്പോൾ ചുവന്നു കിടപ്പുണ്ട്.... അത് കണ്ടതും റയാന് ചെറുതായി വിഷമം തോന്നി.... " എവിടെ... " വിഹാൻ അത് കണ്ട് റയാനെ ഒരു നോട്ടം നോക്കി.... അവിടെ നില്കുന്ന പന്തി അല്ലെന്ന് മനസ്സിലായ റയാൻ ( with a വൃത്തികെട്ട ഇളി ) അവിടുന്ന് ഓടി... " അവിടെ നിക്കട.... " അതും പറഞ്ഞു വിഹാൻ അവനു പുറകെ ഓടാൻ പോയി.... അപ്പോഴേക്കും ലിയ പിടിച്ച് നിറുത്തി... " വേണ്ടട അവൻ അറിഞ്ഞൊണ്ട് അല്ലല്ലോ.... " " എന്നാലും കൈ കാണിച്ച് വെച്ചിരിക്കുന്നത് കണ്ടില്ലേ അവൻ... " ഇഷു പിരി മൂപ്പികുന്ന പോലെ പറഞ്ഞു... " മോളെ ശുഷു വേണ്ട വേണ്ട... എരിതീയിൽ പെട്രോൾ ഒഴിക്കണ്ട... " " വേണ്ടാലേ.... " " മ്മ്‌ വേണ്ട... " " വോ വേണ്ടെങ്കിൽ വേണ്ട... " അതും പറഞ്ഞു അവനൊന്നു ചുണ്ട് കോട്ടി.... ലിയയേ വേദനിപ്പിച്ചതിന് അന്നു റയാന്റേ പേഴ്‌സ് അവർ കാലിയാക്കി....

ഇതിലും ഭേദം അടി ആയിരുന്നു എന്ന expression ഇട്ട് ഇരിക്കുക ആയിരുന്നു റയാൻ.... പാവം ചെക്കൻ അവന്റെ ഒരു ദിവസത്തെ പാർട്ട് time ജോലിയുടെ കാശാണ് തീർന്നത്.... പേഴ്‌സ് തീർന്നു എന്നു മനസിലായപ്പോഴാണ് പിള്ളേർ ചെക്കനെ വെറുതെ വിട്ടത്... Poor people ചില ബന്ധങ്ങൾ അങ്ങനെയാണ്.... വേദനയിൽ ഉരുകുന്ന നമ്മുടെ മനസ്സിന് തണുപ്പ് ഏകാൻ അത് നമ്മെ സഹായിക്കും.... ലിയയും മറന്നിരുന്നു അവളുടെ വിഷമങ്ങൾ.... വൈകിട്ട് അവളെ വിളിക്കാൻ Adam വന്നു.... പോയ പോലെ സങ്കടത്തിൽ അല്ലെന്ന് മനസിലായത് കൊണ്ട് അവൻ വീണ്ടും മറ്റൊന്നും ചോദിച്ച് അവളുടെ മൂഡ് മാറ്റിയില്ല.... കവലയിലൂടെ പോയപ്പോഴാണ് കട അടഞ്ഞു കിടക്കുന്നതവർ കണ്ടത്.... " ഇച്ഛായൻ ഇതെവിടെ പോയി.... " " ശെരി ആണല്ലോ അളിയൻ ഇൗ നേരം കട പൂട്ടാറില്ല അല്ലോ... " " വാ വീട്ടിൽ പോകാം... അവിടെ എന്നെ കാത്ത് ചിലരുണ്ട്... " " നീ ഇത് എന്തൊക്കെയാ പറയുന്നത്.... " " വേഗം വീട്ടിലേക്ക് വിട്ടോ... അവിടെ ഉണ്ട് ഉത്തരങ്ങൾ ഒക്കെ.... " Adamന് ഒന്നും മനസ്സിലായില്ല എങ്കിലും അവൻ അവള് പറഞ്ഞ പോലെ വീട്ടിലേയ്ക്ക് പോയി... വീടിന്റെ വഴിയിൽ തന്നെ മൂന്ന് കാർ കിടന്നിരുന്നു... " ഇതെന്താ ഇവിടെ ഒരുപാട് കാർ... ഏതെങ്കിലും വീട്ടിൽ പരിപാടി എന്തെങ്കിലും ഉണ്ടോ... "

" ഇല്ല ഇല്ല... അതൊക്കെ എന്റെ വീട്ടിലേക്ക് ഉള്ളതാണ്... " വീടിന്റെ അകത്തും 2 കാറുകൾ ഉണ്ടായിരുന്നു.... വരാന്തയിൽ മുഴുവൻ ചെരുപ്പുകൾ കൊണ്ട് നിറഞ്ഞിരുന്നു.... " ഇന്ന് ഇവിടെ എന്തെങ്കിലും പരിപാടി ഉണ്ടോ പെണ്ണേ... " " എന്നെ ക്രൂശിക്കാൻ വന്നിരിക്കുകയാണ്... " അവളൊരു ചിരിയോടെ പറഞ്ഞു... " അതിന് നീ എന്ത് ചെയ്ത്‌ " " Nice ആയിട്ട് അവക്കട കൊങ്ങക്ക് പിടിച്ചു... " " ആരുടെ... " അവൻ അതിശയത്തോടെ ചോദിച്ചു... " വേറെ ആരുടെ ആ കാളിനിയുടെ.... " " നല്ലതാണ്.... ഞാൻ കൂടി വരട്ടെ അകത്തേയ്ക്ക്." " നീ പൊയിക്കൊ.... ഇതൊക്കെ എനിക് ഹാൻഡിൽ ചെയ്യാവുന്നത് ഉള്ളൂ എന്നെ... " അവളൊരു സൈറ്റ് അടിച്ച് കൊണ്ട് പറഞ്ഞു... " മ്മ്‌ എന്ന ഞാൻ അങ്ങ് പോണ്.... " അകത്തേയ്ക്ക് കയറിയപ്പോൾ അവളെ കാത്ത് വലിയപ്പന്മാർ ഒക്കെ സോഫയിൽ ഞെളിഞ്ഞു ഇരിപ്പുണ്ട്... സെലീന അമ്മച്ചി മാത്രം അടുക്കളയുടെ ഭാഗത്തായി നില്പുണ്ട്.... അവർക്ക് അടുത്തായി ആന്റണിയും ഉണ്ട്... അതിന് അടുത്ത് ആൽബിനും നിൽപ്പുണ്ട്... അവള് കണ്ണ് കൊണ്ട് ചേട്ടനോട് കാര്യം ചോദിച്ചു.... അവൻ ഉടനെ ടീനക്ക്‌ അരികിൽ കരഞ്ഞു നില്കുന്ന ശാലിനിയെ ചൂണ്ടി കാണിച്ച് കൊടുത്തു.... അത് കണ്ട് അവളൊന്നു ചിരിച്ചതും അവൻ അവളെ നോക്കി കണ്ണുരുട്ടി... അവള് ഉടനെ സെലീനക്ക് അരികിലേക്ക് ചെന്നു....

" ഒന്ന് നീങ്ങോ... എനിക് ഇച്ചിരി വെള്ളം കുടിക്കണമായിരുന്നു.... " അത് കേട്ടതും അവർ അൽഭുധത്തോടെ അവളെ നോക്കി നീങ്ങി നിന്നു.... അവള് അവിടെ ഇരുന്നിരുന്ന ആരെയും കണ്ട ഭാവം വെക്കാതെ അടുക്കളയിലേക്ക് ചെന്നു ബാഗ് ഊരി സ്ലാബിൽ വെച്ച് കൈയും മുഖവും കഴുകി ഫ്രിഡ്ജിൽ നിന്ന് വെള്ളത്തിന്റെ കുപ്പി എടുത്തു.... ഇതേ സമയം അപ്പുറത്ത് കൊടും പിടിച്ച ചർച്ച നടക്കുക ആയിരുന്നു... " കണ്ടില്ലേ ആ മൂദ്ദേവിയുടെ അഹങ്കാരം... എന്റെ മോളെ അടിച്ചിട്ട് എന്തെങ്കിലും കൂസൽ ഉണ്ടോ എന്ന് നോക്കിയേ... " ജോസ് രോഷത്തോടെ പറഞ്ഞു... " നീ ഒന്നടങ്ങ് ജോസെ നമുക്ക് ചോദിക്കാം അവളോട്.... " " എന്ത് അടങ്ങാനാണ് ജോണിച്ചായൻ പറയുന്നത്.... ജോസിച്ചായൻ പറഞ്ഞ ശെരി അല്ലേ... അവൾക്ക് എന്ത് അധികാരം ഉണ്ട് നമ്മുടെ മോളുടെ ദേഹത്ത് കൈ വെക്കാൻ.... " സ്റ്റാലിനും അതിനു ഒപ്പം നിന്നു.... അതേ സമയമാണ് ലിയ അടുക്കളയിൽ നിന്ന് വെള്ളവുമായി വന്നത്... " ഇച്ചായ ഇവരൊക്കെ എന്താ ഒന്നിച്ച്... ഇന്നിവിടെ തങ്ങോ.... " ആൽബിൻ അവളെ ദയനീയമായി നോക്കി.... " നിന്റെ അതിഥി സൽക്കാരം സ്വീകരിച്ച് ഇവിടെ നിൽകാൻ വന്നതല്ല ഞങ്ങൾ.... " " ആണോ എന്ന ശെരി ചർച്ച തുടരട്ടെ... ഇച്ചായ ഞാൻ മുറിയിൽ ഉണ്ടാകും കേട്ടോ... " " അവിടെ നിക്കടി... "

അകത്തേയ്ക്ക് പോകാൻ ഒരുങ്ങിയ ലിയയെ ആൽബർട്ടിന്റെ മകൻ അഡ്രിൻ തടഞ്ഞു നിറുത്തി.... " എന്താണ്.... " " നീ എന്താ ഡീ ആളെ കളിയാകുക ആണോ... ഇത്രേം നേരം ഞങൾ ഇവിടെ നിന്നെ നോക്കി നിന്നതാണ് എന്ന് നിനക്ക് മനസ്സിലായില്ലേ... " " കവടി നിരത്തൽ നമ്മുടെ മതത്തിൽ ഇല്ലെന്ന് അറിയത്തില്ലെ അഡ്രിച്ചായന്.... " അവളൊരു പുച്ഛത്തോടെ ചോദിച്ചു... " ഡീ " ദേഷ്യത്തിൽ അവനു നേരെ കയ്യോങ്ങി എങ്കിലും അവളുടെ നോട്ടത്തിനു മുന്നിൽ അവന്റെ കൈ താണു... " ലിയ... " ഗൗരവം ഏറിയ ശബ്ദമായിരുന്നു ജോണിന്റേത്‌... കുടുംബത്തിലെ കാരണവർ ആണല്ലോ... " എന്താ ജോൺപപ്പെ... " " നീ ഇന്നു ശാലിനിയെ അടിച്ചോ... " " ഇല്ലല്ലോ... അടിച്ചില്ല പകരം കഴുത്തിൽ പിടിച്ചായിരുന്നു.... " " നീ ചെയ്തത് ശെരി ആണോ... " " ഞാൻ ചെയ്തതിൽ തെറ്റൊന്നും ഇല്ല... " ഇതൊക്കെ കണ്ട് കലി കയറിയ ജോസ് അവൾക്ക് നേരെ പാഞ്ഞടുത്തു... " നീ ആരാടി എന്റെ മോളുടെ ദേഹത്ത് കൈ വെക്കാൻ " അതും പറഞ്ഞു അവളെ അടിക്കാൻ അയാള് കയ്യൊങ്ങി എങ്കിലും അതിൽ ലിയ പിടിച്ചിരുന്നു.... " പ്രായം കൂടുതൽ ആണെന്ന് കരുതി വെറുതെ ആരുടെയും കൈയിൽ നിന്ന് അടി വാങ്ങേണ്ട കാര്യം എനിക്കില്ല... " " ലിയ.... " ദേഷ്യത്തോടെ ആയിരുന്നു ആൽബിന്റെ ആ വിളി...

അത് കേട്ടതും അവള് നിസാരമായി പിടിച്ചിരുന്ന അയാളുടെ കൈ വിട്ടു... " മകളെ മാര്യാധിക്ക് വളർത്തിയില്ല എങ്കിൽ ഇനിയും അവള് പലരുടെയും കൈയിൽ നിന്ന് അടി വാങ്ങും... പിന്നെ ചെയ്തതിൽ ഒരു തെറ്റും ഞാൻ കാണുന്നില്ല... അതവൾ ചോദിച്ച് വാങ്ങിയതാണ്... എന്നെ പറ്റി അനാവശ്യമായി പറഞ്ഞ ഞാൻ ഇനിയും മകളുടെ ദേഹത്ത് കൈ വെക്കും ഒരു സംശയവും വേണ്ട.... " " ലിയ നീ ആരാണെന്നാണ് നിന്റെ വിചാരം... ജോഷി പോയെന്ന് കരുതി അഴിഞ്ഞാടി നടക്കാം എന്ന വ്യാമോഹം ഉണ്ടെങ്കിൽ അതങ്ങ് വിട്ടോ... കൊന്നു കുഴിച്ച് മൂടും ഞങ്ങൾ.... " സ്റ്റാലിൻ പറഞ്ഞു... " എന്റെ അപ്പന്റെ കല്ലറ അവിടെ തന്നെയുണ്ട്... അങ്ങോട്ടേക്ക് പോകാൻ എനിക്കൊരു മടിയുമില്ല... പിന്നെ അഴിഞ്ഞാടാൻ എന്നെ വളർത്തിയത് നിങ്ങളല്ല... എന്റെ അപ്പനാണ്‌.... " " ലിയ നീ ശാലിനിയെ അടിച്ചത് ശെരി ആയില്ല.... " ആൽബിൻ അവളോട് സമാധാന രീതിയിൽ പറഞ്ഞു... " അവള് പറഞ്ഞത് കേട്ടാൽ ഇച്ചായൻ എനിക് മുന്നേ അവളുടെ കരണത്ത് കൊടുക്കും " " അതിനും മാത്രം അവള് എന്താണ് പറഞ്ഞത്... " " പ്രായം ബഹുമാനം അർഹിക്കുന്നു എന്ന് നിങ്ങള് തന്നെയാണ് പറയുന്നത്... അത് കൊണ്ട് നിങ്ങൾക്ക് മുന്നിൽ ഞാനത് പറയുന്നില്ല.... " " എന്താ ശാലിനി മോളെ നീ ഇവളോട് പറഞ്ഞത്... " ജോൺ വാത്സല്യത്തോടെ അവളോട് ചോദിച്ചു... " അത്... അത് ഞാനൊന്നും പറഞ്ഞില്ല... " " അത് കള്ളം... ഒന്നും പറയാതെ അവള് അങ്ങനെ ചെയ്യില്ല.... " ആന്റണി ലിയായുടെ ഭാഗത്ത് നിന്നു..........തുടരും.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...