🌸Filia🌸: ഭാഗം 3

രചന: ഏട്ടന്റെ കാന്താരി (അവനിയ)

പിറ്റേന്ന് രാവിലെ തന്നെ ലിയ ടീനയുടെ ഒപ്പം പള്ളിയിൽ പോയിരുന്നു.... ഏഴാം ദിനത്തെ ചടങ്ങ് കഴിയുന്നത് വരെ എല്ലാ ദിനവും സെമിത്തേരിയിൽ പോയി പ്രാർത്ഥിക്കണം എന്നുണ്ട്.... അതിനാൽ കുർബാനയ്ക്ക് ശേഷം അവർ തങ്ങളുടെ മാതാപിതാക്കളെ അടക്കം ചെയ്തിടത്ത് മെഴുകുതിരി കത്തിച്ച് കൊണ്ട് പ്രാർത്ഥിച്ചു.... " ടീന... " " എന്താ ഇച്ചേചി ? " " എനിക് ഏഴിന്റെ കുറച്ച് കാര്യങ്ങള് ചെയ്യാൻ ഉണ്ട്... മോളെ ഞാൻ വീട്ടിൽ ആക്കി തരാം... രാവിലത്തേക്ക് ഉള്ള ഭക്ഷണം ഉണ്ടാകുമോ... " " ഞാൻ ഉണ്ടാക്കികൊള്ളാം.... " " മ്മ്‌ ഞാൻ വീട്ടിൽ ആകാം.... എന്തെങ്കിലും ചെറുതായി വെച്ച മതി കേട്ടോ.... ഉപ്പുമാവോ മറ്റോ... " " ശെരി... " അതും പറഞ്ഞു അവളെ ലിയ വേഗം വീട്ടിലേക്ക് ആക്കി... ശേഷം പള്ളിയിലേക്ക് പോയി.... അച്ഛനെ കണ്ട് കുർബാനക്ക് ഉള്ള ചീട്ട് വാങ്ങണം... അതാണ് ഉദ്ദേശം... ടീന വീട്ടിൽ എത്തുമ്പോൾ ബാക്കി 2 പേരും ഉറക്കം വിട്ടിട്ട് ഉണ്ടായില്ല... അവള് ഉടനെ രാവിലത്തേക്ക് ഉള്ള ചായയും ഉപ്പുമാവും ഉണ്ടാക്കി.... ഏകദേശം പൂർത്തിയാകാറായപ്പോൾ ആണ് റോസി എണീറ്റ് വന്നത്... " ആഹാ ടീന മോൾ രാവിലെ എഴുന്നേറ്റ് അല്ലേ... " " മ്മ്‌... പള്ളിയിൽ പോണമായിരുന്നു.... " " എനിക് വല്ലാത്ത ക്ഷീണം.... ഒരു കോഫി കിട്ടോ.... "

" ഇവിടെ രാവിലെ ചായയാണ് പതിവ്... അത് ഉണ്ടാക്കി വെച്ചിട്ടുണ്ട്... ആ മേശമേൽ ഇരിപ്പുണ്ട്.... " " എനിക് ചായ പതിവില്ല... അത് കൊണ്ട് ഇനി മുതൽ കോഫീ ഉണ്ടാക്കിയാൽ മതി... " " ഇച്ചേചിക്ക് രാവിലെ ചായ നിർബന്ധമാണ്.... ചേച്ചി വേണമെങ്കിൽ കാപ്പി ഇട്ട് കുടിച്ചോ... " " നിനക്ക് എന്താടി പറഞ്ഞ കേട്ടാൽ എനിക് കോഫീ വേണം... വേഗം ഉണ്ടാക്കി താ.... " അതും പറഞ്ഞു റോസി അവളെ നോക്കി കണ്ണുരുട്ടി... എന്തോ അത് കണ്ടപ്പോൾ ടീന അവൾക്ക് ആവശ്യമുള്ളത് ചെയ്തു കൊടുത്തു... " ഇത് എന്താ ഇൗ ഉണ്ടാക്കുന്നത്... ഉപ്പുമാവോ... " " അതേ എന്താ.... " " എനിക് ഇതൊന്നും ഇഷ്ടമല്ല... പുട്ടോ ദോശയോ ഉണ്ടാക്കിയാൽ മതി ഇന്നു.... " " അതിനുള്ള പൊടി ഒന്നുമില്ല.... " " ഞാൻ അൽബിച്ഛനെ കൊണ്ട് വാങ്ങിപ്പിക്കാം... " അപ്പോഴാണ് പുറത്ത് ലിയയുടെ ആക്ടീവ വരുന്ന ശബ്ദം കേട്ടത്.... " ടീന എനിക് ഒരു ചായ വേണം.... " അതും പറഞ്ഞു ലിയ ടേബിളിൽ ഇരുന്നു... " ഇപ്പോ കൊണ്ട് വരാം ഇച്ചേചി... " റോസിയുടെ കൈയിൽ നിന്ന് രക്ഷപ്പെട്ടത് പോലെ അവള് വേഗം ലിയയുടെ അടുത്തേയ്ക്ക് ചായയുമായി ചെന്നു.... " മോളെ ഭക്ഷണം ആയിട്ടുണ്ടോ... " " അത് ഉപ്പുമാവ് ആയി ചേച്ചി.... " " അതിനു അതല്ലേ ഉണ്ടാക്കാൻ പറഞ്ഞത്... ഇൗ പെണ്ണിന്റെ ഒരു കാര്യം... 2 പ്ലേറ്റിൽ എടുത്തോ... നീ എനിക്ക് ഒപ്പം കഴിച്ചോ... "

" അപ്പോ അവരോ... " " വേണ്ടവർ വേണ്ട നേരം എടുത്ത് കഴിച്ച് കൊള്ളും ... " ഇത് കേട്ട് അപ്പുറത്ത് റോസിക്ക്‌ വല്ലാതെ ദേഷ്യം വന്നു... " മ്മ്‌ " ടീന ഉടനെ രണ്ട് പാത്രത്തിൽ ഭക്ഷണവും ആയി വന്നു.... " ഉച്ചക്കത്തെ ഒന്നും ഉണ്ടാക്കേണ്ട ഞാൻ വാങ്ങി കൊണ്ട് വരാം കേട്ടോ... മോൾ ഇരുന്നു പഠിച്ചോ എക്സാം അടുത്തില്ലെ.... " " ശെരി... " ആ തീൻ മേശയിൽ മൗനം നിറഞ്ഞു.... രണ്ട് പേരുടെയും മനസ്സിൽ സന്തോഷത്തോടെ കളിയും കുറുമ്പും വർത്തമാനവും ഒക്കെ ആയി പപ്പയുടെ കൈയിൽ നിന്നും ഒരുരുള കിട്ടാൻ വേണ്ടി തല്ല് കൂടുന്ന രണ്ട് പെൺകുട്ടികളെ ഓർമ വന്നു.... അന്നൊക്കെ ആദ്യം ആർക്ക് തരുന്നു എന്നത് നോക്കി മറ്റേയാൾ പിണങ്ങാൻ കാത്തിരിക്കും... ലിയയോട് സ്നേഹ കൂടുതൽ ഉണ്ടെന്ന് പറഞ്ഞു ടീന അമ്മച്ചിയുടെ കൈയിൽ നിന്ന് കഴിക്കും... പിന്നെ ഉമ്മ മേളം ആണ്... ഒരാള് ഒന്ന് കൊടുത്ത മറ്റയാൾക്കും ഒന്ന് കൊടുക്കണം... മറ്റേയാൾ എത്ര ഉമ്മ കൊടുത്തു എത്ര കിട്ടി എന്നതിന്റെ ഒക്കെ കണക്ക് കൂട്ടും എന്നിട്ട് തല്ല് പിടിച്ച് അത് പപ്പയുടെയും അമ്മച്ചിയുടെയും കൈയിൽ നിന്ന് വാങ്ങും....

പഴയ ചിന്തകള് ഓർമകളിലേക്ക് വരുമ്പോൾ അവർക്ക് 2 പേർക്കും ഭക്ഷണം ഇറങ്ങുന്നില്ലായിരുന്ന്.... അതിനാൽ പേരിനു എന്തോ കഴിച്ചെന്നു വരുത്തി അവർ കൈ കഴുകി... അതിനു ശേഷം ലിയ വീണ്ടും പുറത്തേയ്ക്ക് പോയി.... തക്കം പാർത്തു നിന്നിരുന്ന പോലെ ഉടനെ റോസി ടീനക്ക് അരികിലേക്ക് വന്നു... " എടീ കൊച്ചെ എനിക് ദോശ വേണം... വേഗം ഉണ്ടക്കിക്കൊ... " ആജ്ഞാപിച്ചു കൊണ്ട് അവള് പോയി.... ഇച്ചേചിയോട് പറഞ്ഞാല് ഇത് ഇവിടെ നിൽകും... പക്ഷേ വലിയൊരു പ്രശ്നം ഉണ്ടാകാൻ സാധ്യത ഉണ്ട്... എന്തിനാ വെറുതെ പ്രശ്നങ്ങൾ ഉണ്ടാക്കുന്നത് എന്നോർത്ത് അവള് മൗനം പാലിച്ച് കൊണ്ട് അവൾക്ക് വേണ്ടത് ചെയ്തു കൊടുത്തു... 🍁🍁🍁🍁 ലിയ പിന്നീട് പോയത് മരപണിക്കാരന്റെ അടുത്താണ്... കുരിശ് പണിയിക്കാൻ... അതിനൊപ്പം അതിന്റെ മറ്റ് പണിയും നോക്കാൻ പോയി... പക്ഷേ അപ്പോഴാണ് അവൾക്ക് ഇതിനൊക്കെ ഉള്ള പണച്ചിലവ് മനസ്സിലാകുന്നത്.... താൻ കരുതുന്നതിലും അധികമാണ്... അവള് ഉടനെ അടുത്തുള്ള ഒരു പ്രൈവറ്റ് ബാങ്കിൽ കൈയിൽ ഉള്ളൊരു വള പണയം വെച്ചു....

ശേഷം അവിടുന്ന് ബാക്കി തിരക്കുകളിലേക്ക്.... കല്ലറ പൂക്കളാൽ അലങ്കരിക്കേണ്ടത് കൊണ്ട് അവള് പിന്നീട് ഒരു പൂകടയിലാണ് പോയത്.... " എന്ത് തരം പൂവാണ് വേണ്ടത്... " " അത് രണ്ട് arrangements വേണം പിന്നെ കുഴിയിൽ മുഴുവൻ ഇടാൻ പൂവും... " " ഒകെ മാഡം ഏകദേശം 2150 രൂപയാകും... ഇപ്പോ ഒരു 1100 അടക്കണം... " അവളുടനെ ഒരു 1500 എടുത്ത് നൽകി... " മാഡം ചില്ലറ കിട്ടുമോ ഇതിന്റെ ബാക്കി തരാൻ ചില്ലറ ഇല്ല... " " അയ്യോ അത് എന്റെ കൈയിൽ.... " അപ്പോഴാണ് സൈഡിലൂടെ ഒരാള് നൂറിന്റെ നോട്ട് നൽകിയത്... " ദാ ഇത് വെച്ചോ... " ശബ്ദം കേട്ടതും അവള് സൈഡിലേക്ക് നോക്കി... അവിടെ ഉള്ള ആളെ കണ്ട് അവള് ആകെ വിളറി... " അത് വേണ്ട... 1500 വെച്ചോ ബാക്കി തന്നാൽ മതിയല്ലോ പിന്നീട്.... " " അല്ല മാഡം... ഇത് ഉള്ളപ്പോൾ... " " താൻ ഞാൻ പറയുന്ന കേട്ട മതി ഇത് വെച്ചോ... " അതും പറഞ്ഞു ലിയ കടക്കാരനോട് ദേഷ്യപ്പെട്ടു... എന്നിട്ട് തിരികെ തന്റെ സ്‌കൂട്ടറിന്റെ അടുത്തേയ്ക്ക് നടന്നു... " ലിയ അവിടെ നിൽകു... " അവള് അത് കേൾക്കാത്ത പോലെ നടന്നു... " ലിയ അവിടെ നിൽകാൻ... നിൽകാൻ അല്ലേ പറഞ്ഞെ... " അതും പറഞ്ഞു അവളുടെ കൈയിൽ പിടിച്ചു... " നീ എന്തിനെ എന്നെ കാണുമ്പോൾ ഇങ്ങനെ ഓടി മാറുന്നത്... " " ഒന്നുമില്ല... "

" ലിയ എന്നെ ദേഷ്യം പിടിപ്പികരുത്... ഇന്നലെ മുതൽ ഞാൻ നിന്റെ പുറകെ വരുകയാണ്... നിനക്കും അറിയാം അത്... പിന്നെ എന്തിനാ ഇങ്ങനെ.... " " ഇത്ര ചെയ്തതിൽ നിന്നും മനസിലായില്ലേ... എന്നാ ചെവി തുറന്നു കേട്ടോ... എനിക് താൽപര്യം ഇല്ലായിരുന്നു Mr Adam David " " ലിയ നീ എന്നെയും ഞാൻ നിന്നെയും സ്നേഹിച്ചിരുന്നു എന്ന് എല്ലാവർക്കും അറിയാവുന്നതാണ്... " " So what ? " " ലിയ എന്താ നിന്റെ പ്രശ്നം... ഇന്നലെ എത്ര വട്ടം ഞാൻ നിന്റെ അരികിൽ വന്നു പക്ഷേ നീ മാറി കളയുന്നത് എന്തിനാ... " " പറഞ്ഞല്ലോ എനിക് താൽപര്യം ഇല്ലായിരുന്നു എന്ന്... " " ലിയ please എനിക് നിന്നോട് സംസാരിക്കാൻ ഉണ്ട്... " " എനിക് ഒന്നും പറയാൻ ഇല്ല... " " നീ പറയണ്ട കേട്ടാൽ മതി... നീ എന്റെ കൂടെ വരണം വന്നെ പറ്റു... പ്ലീസ് എനിക് നീ ഇല്ലാതെ പറ്റില്ല പെണ്ണേ.... " ദേഷ്യത്തിൽ ആയിരുന്നു തുടക്കം എങ്കിലും ഒടുക്കം സങ്കടത്തിൽ ആയിരുന്നു... " മ്മ്‌ വാ.... " അതും പറഞ്ഞു അവർ അടുത്തുള്ള ഒരു പാർക്കിൽ കയറി... " ഇനി പറ എന്താ പറയാൻ ഉള്ളത്.... " " ലിയ നീ എന്തിനാ എന്നെ avoid ചെയ്യുന്നത്... "

" സീ Adam എന്റെ പപ്പയാണ് ഇന്നലെ മരിച്ചത്... എന്നെ സ്നേഹിച്ച നിനക്ക് അറിയാവുന്നത് അല്ലേ എനിക് എന്റെ പപ്പ ആരാണെന്ന്... " " ലിയ നിന്റെ പപ്പ എന്ന് പറയുന്നത് എന്റെ കൂടെ പപ്പ അല്ലേ ഡാ... ആ വലിയ മനുഷ്യൻ മരിച്ചതിൽ എനിക് ഒരു സങ്കടവും ഇല്ലെന്നാണോ നീ പറഞ്ഞു വരുന്നത്... " " അങ്ങനെ അല്ല... പക്ഷേ ആ പഴയ ലിയ അല്ല ഞാൻ... ഇനി പഴയപോലെ നിങ്ങളെ സ്നേഹിക്കാനും എനിക് ആവില്ല... " " അത് എന്താണെന്നാണ് എനിക് അറിയേണ്ടത്... " " Adam പഴയ ഒരു പത്തൊമ്പതുകാരി പെണ്ണല്ല ഞാൻ... എന്റെ ഉത്തരവാദിത്വങ്ങൾ ഒറ്റ ദിനം കൊണ്ട് വളരെ അധികം ആയിരിക്കുന്നു.... ടീന ഇനി എന്റെ മകൾ തന്നെയാണ്... അവളെ നല്ലൊരു നിലയിൽ എത്തിക്കണം... " " നല്ലൊരു നിലയിൽ എത്തിച്ചാൽ നിന്റെ ഉത്തരവാദിത്വം കഴിയുമോ.... " അതിനു ലിയ മൗനം പാലിച്ചു... " ചോദിച്ചതിന് മറുപടി പറ ലിയ... ടീനയെ നല്ലൊരു നിലയിൽ എത്തിച്ചാൽ നിന്റെ പ്രശ്നം തീരുമോ... " " മ്മ്‌.... " " എന്നാല് ഞാനും ഉണ്ടാകും നിനക്ക് ഒപ്പം... ഇനി ടീനക് നല്ലൊരു ജീവിതം ഉണ്ടാക്കി കൊടുത്തിട്ട് മാത്രമേ നമ്മുടെ വിവാഹത്തെ പറ്റി ചർച്ച ഉള്ളൂ... എന്താ പോരെ... " " Adam... വേണ്ട... എനിക് വേണ്ടി നിന്റെ ജീവിതം കൂടി... " " ഇനി നീ മിണ്ടിയാൽ എന്റെ കൈ ആയിരിക്കും മറുപടി തരുക... നിനക്ക് വേണ്ടി എന്റെ ജീവിതം വേണ്ടെന്ന് വെക്കുന്നത് അല്ല... നീയാണ് എന്റെ ജീവിതം... അത്രേം മാത്രം ഓർത്താൽ മതി.... " അവൾക്ക് എന്തോ പോലെ തോന്നി...

തനിക്ക് വേണ്ടി ഒരാള് ജീവിതം നശിപ്പിക്കുന്നത് കാണാൻ അവൾക്ക് ആകില്ലായിരുന്നു.... " Adam പ്ലീസ് try to understand me... എനിക്ക് വേണ്ടി തന്റെ ലൈഫ് കൂടി നശിപ്പിക്കരുത്... തന്റെ അച്ഛൻ അമ്മ അവർക്കൊക്കെ താൻ മാത്രേ ഉള്ളൂ... " " ഒരുത്തിയെ പ്രേമിച്ച് മറ്റൊരാളെ വിവാഹം ചെയ്യാൻ മാത്രം സന്മനസ്സ് എനിക് ഇല്ല... പിന്നെ... " പറഞ്ഞു തീരുന്നതിനു മുൻപേ അവൻ ആരുടെയോ ചവിട്ടേറ്റ് വീണിരുന്നു... മുന്നിലേക്ക് നോക്കിയപ്പോൾ ദേഷ്യത്തിൽ നില്കുന്ന ആൽബിയെ ആണവൾ കണ്ടത്.... " പ്‌ഭാ പുന്നാര മോളെ അപ്പനെ പട്ടടയിലേക് എടുക്കാൻ കാത്തിരുന്നോ ഡീ കണ്ടവനുമായി അഴിഞ്ഞാടാൻ... " പറഞ്ഞു തീർന്നതും അവൻ ആരുടെയോ അടി കൊണ്ട് വീണിരുന്നു.... " അനാവശ്യം പറയുന്നോട ചെറ്റെ... ഇവൾ എന്റെ പെണ്ണാണ്... ഇനി നിന്റെ പുഴുത്ത നാക്ക്‌ കൊണ്ട് ഇവളെ മോശമായി പറഞ്ഞ കൊന്നു കുഴിച്ച് മൂടും ഞാൻ... " " നിന്റെ പെണ്ണോ... ഇവൾ എന്റെ പെങ്ങൾ ആണട... " " നിന്റെ പെങ്ങളോ... എന്നിട്ട് പെങ്ങൾക്ക് അപ്പൻ കല്യാണം ആലോചിച്ചത് പുന്നാര ആങ്ങള അറിഞ്ഞില്ലായിരുന്നോ... " " കല്യാണമോ... " " എന്തേ... അളിയനോട് പറഞ്ഞില്ലായിരുന്നോ... ഞാൻ നിന്റെ ഇൗ പെങ്ങളെ പെണ്ണ് കാണാൻ വന്നിട്ടുണ്ട്... ഞങ്ങളുടെ വിവാഹം ഉറപ്പിച്ചതാണ്... ബാക്കി കാര്യങ്ങള് തീരുമാനിക്കാൻ എന്റെ വീട്ടിൽ വന്നു തിരിച്ച് മടങ്ങും വഴിയായിരുന്നു ആക്സിഡന്റ്... " കേട്ടതിന്റെ ഷോക്കിൽ ആയിരുന്നു ആൽബിൻ... " അത് ഒക്കെ പണ്ട് അല്ലേയോ... ഇപ്പോ ഞാൻ ആണ് ഇവളുടെ കാര്യങ്ങള് തീരുമാനിക്കുന്നത്.... ഇൗ വിവാഹം നടക്കില്ല... " " അത് പറയാൻ നീ ആരാടാ എന്റെ ? " പെട്ടെന്നായിരുന്നു ലിയയുടെ ചോദ്യം.... " ഡീ നീ... "

" ചേട്ടൻ എന്ന ബന്ധം അന്ന് നിന്നെ അപ്പൻ വീട്ടിൽ നിന്നിറക്കിയ നിമിഷം തീർന്നതാണ്... ഇപ്പോ നീ വീട്ടിൽ നില്കുന്നത് എന്റെ ഔദ്ധാര്യം... അതിനു ചേട്ടനും ചേടത്തിയും ചമയാനാണ് ഭാവമെങ്കിൽ.... ഒരു നടക്ക്‌ പോകില്ല ഒന്നും... പിന്നെ ഇത് എന്നോട് മാത്രമല്ല ടീനയോടും... ഓർത്ത് വെച്ചോ... " " അപ്പോ അളിയൻ ചെന്നാട്ടേ.... നന്നായി വിയർത്തിട്ട്‌ ഉണ്ടാകും... " " Adam ഞാൻ പോകുകയാണ്... എനിക് വേറെ കുറച്ച് പണി ഉണ്ട്... പിന്നെ ഞാൻ പറഞ്ഞതിനെ കുറിച്ച് നന്നായി ചിന്തിക്കൂ എന്നിട്ട് മതി... " അതിനു അവൻ അവളെ ഒന്ന് കൂർപ്പിച്ച് നോക്കി... അതിനു അവളൊരു പുഞ്ചിരി നൽകി.... എന്നാല് ഇതൊക്കെ കണ്ട് രക്തം തിളകുക ആയിരുന്നു ആൽബിന്റെ... പരിഹാസം അപമാനം.... അത് അവനെ ഒരു കാട്ടാളൻ ആകാൻ പോന്നത് ആയിരുന്നു... 🍁🍁🍁🍁🍁🍁 ഇന്നാണ് ഏഴാം ദിനത്തെ ചടങ്ങ്... എല്ലാവരെയും വീട്ടിൽ ചെന്ന് അവള് ക്ഷണിച്ചിരുന്നു... കൂടാതെ ജോഷി എന്ന ആ മനുഷ്യൻ അത്രക്കും പ്രിയപ്പെട്ടവൻ ആയതിനാൽ ഒരുപാട് പേര് പള്ളിയിൽ ഉണ്ടായിരുന്നു... റോസി ലിയ ഇല്ലാത്ത നേരം ടീനയോട് വളരെ മോശം ആയാണ് സംസാരിക്കുന്നത്... ശെരിക്കും ഒരു വേലക്കാരിയെ പോലെ... കുടുംബത്തിൽ പ്രശ്നങ്ങൾ വേണ്ട എന്ന് ചിന്തിക്കുന്ന ഒരുവൾ ആയതിനാൽ അവള് അതേപ്പറ്റി ഇതേ വരെ ലിയയോട് പറഞ്ഞിട്ടില്ല...

പക്ഷേ അത് ശെരിക്കും മുതലാക്കുകയാണ് റോസി.... ലിയ തിരക്കിൽ ആയതിനാൽ ഇതൊന്നും അറിയുന്നില്ലായിരുന്നു... പള്ളിയിലെ കുർബാനക്ക് ശേഷം ചില പ്രത്യേക പ്രാർത്ഥനകൾ ഉണ്ടായിരുന്നു.... അവള് കരുതിയിരുന്ന പോലെ ആളുകളുടെ കണ്ണിൽ പൊടിയിടാൻ അവളുടെ അച്ഛന്റെ സഹോദരന്മാരും സ്വന്തം സഹോദരനും നന്നായി ശ്രമിച്ചിരുന്നു... ഇതിനിടയിൽ സെലീനയും അവരുടെ മകനുമായിരുന്നു ഏക ആശ്വാസം... Adam പറഞ്ഞ വാക്ക് പാലിക്കും പോലെ അവളുടെ എല്ലാ ഉത്തരാദിത്വങ്ങളും സ്വന്തമായി കരുതി അവൾക്ക് ഒരു കൈത്താങ്ങ് ആയി കൂടെ തന്നെ ഉണ്ടായിരുന്നു... ചടങ്ങുകൾക്ക് ശേഷം വീട്ടിൽ എത്തുമ്പോൾ ആണ് അവിടെ ഒരു പോലീസ് വണ്ടി കിടക്കുന്നത് കണ്ടത്.... അത് അവളിൽ ഒരു ആശങ്ക നിറച്ചു.... " സർ എന്താ ഇവിടെ... " " ലിയ അല്ലേ... " " അതേ... എന്താ... " " ഞാൻ നിങ്ങളുടെ മാതാപിതാക്കളുടെ മരണത്തെക്കുറിച്ച് സംസാരിക്കാനായി എത്തിയതാണ്... " " എന്താ സർ... " അതിനു ശേഷം പറയുന്നത് കേട്ട് അവളുടെ കൈകൾ വിറച്ചു.........തുടരും.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...