🌸Filia🌸: ഭാഗം 34

രചന: ഏട്ടന്റെ കാന്താരി (അവനിയ)

വീട്ടിലേയ്ക്ക് പോകുമ്പോൾ അവളുടെ ഉള്ളിൽ ശ്രീമംഗലം എന്ന ആ പേര് കടന്നു പോയിരുന്നു... ഇത് വരെ കേൾക്കാത്ത ഒന്നാണ് ആ പേര്.... അവരുമായി ബന്ധപ്പെട്ട ആരാകും.... ഒരു പിടിയും കിട്ടുന്നില്ല.... " നീ എന്താ എന്തോ പോയ അണ്ണാനെ പോലെ വരുന്നത് " " ദെ അന്തപ്പ പ്രാന്ത് പിടികുന്നുണ്ട്.... നീ വെറുതേ ആളെ വട്ടാക്കല്ലെ... " " എന്താണ് പുതിയ പ്രശ്നം " " വാ എനിക് ഇച്ചിരി വെള്ളം വേണം... " " വെള്ളം കുടിപ്പിച്ച നിന്നെ ആരെങ്കിലും " " നന്നായി കുടിപ്പിച്ച്.... ആ രോഹിത് " " ആ മോളുടെ പോക്ക് കണ്ടപ്പോഴേ തോന്നി എന്തോ അന്വേഷണത്തിന് ആണെന്ന് " " നീ വാ... ഇച്ചായാൻ പോയ " " ആഹ് ഡീ ഞാനും അമ്മച്ചിയും മാത്രേ ഉള്ളൂ ഇപ്പൊ... " " അമ്മച്ചി എന്തെയുവ " " അടുക്കളയിൽ കയറിയിട്ടുണ്ട്... " " എന്ന എനിക് ഇച്ചിരി വെള്ളം എടുത്തോണ്ട് വന്നെ എന്റെ പൊന്നാങ്ങള " " പോടി..." അതും പറഞ്ഞു അവൻ അടുക്കളയിലേക്ക് ചെന്നു വെറും കൈയോടെ തിരിച്ച് വന്നു... " അമ്മച്ചി ഇപ്പൊ കൊണ്ട് വരാം എന്ന് പറഞ്ഞു " " ആഹ് അത് മതി " " ഇനി പറ എന്താണ് നിന്റെ പ്രശ്നം... രോഹിത് എന്താ പറഞ്ഞത് ? " " ശ്രീമംഗലം തറവാട് " അപ്പോഴാണ് പുറകിൽ ചില്ലുടയുന്ന ശബ്ദം കേട്ടത്.... നോക്കിയപ്പോൾ സെലീന അമ്മച്ചിയാണ്... ലിയക്ക്‌ കൊണ്ടുവന്ന വെള്ളം മുഴുവൻ നിലത്തുണ്ട്... അവരുടെ മുഖത്ത് പരിഭ്രമം നിറഞ്ഞിരുന്നു....

" എന്താ അമ്മച്ചി എന്തുപറ്റി " " ഒന്നുമില്ല മോനെ പെട്ടെന്ന് കൈ തട്ടിയതാണ്.... " വാക്കുകളിൽ പരിഭ്രമം നിറഞ്ഞിരുന്നു... അത് ലിയ കൃത്യമായി ശ്രദ്ധിക്കുകയും ചെയ്തു... " സെലീന അമ്മച്ചി ശ്രീമംഗലം തറവാടിനേ പറ്റി കേട്ടിട്ടുണ്ടോ നമ്മുടെ തറവാടിന്റെ അടുത്താണ് അത്... " " ഏയ് ഞാനോ ഇല്ല... ഇല്ലല്ലോ മോളെ " " മ്മ്‌... ഞാൻ വേറെ വെള്ളം എടുക്കാം " അതും പറഞ്ഞു അവർ ധൃതിയിൽ അവിടുന്ന് പോയി.... അടുക്കളയിൽ എത്തിയ അവർ നെഞ്ചില് കൈ വെച്ചു.... പ്രശ്നങ്ങൾ ഒക്കെ അവസാനിച്ചു എന്ന് കരുതിയതാണ് പക്ഷേ ഇല്ല.... ഒന്നും കഴിഞ്ഞിട്ടില്ല.... അവരുടെ ഉള്ളിൽ വ്യാധി നിറഞ്ഞു... " ലിയ... അമ്മച്ചി എന്തൊക്കെയോ കാണിച്ചിട്ട് പോയത് " " പറഞ്ഞത് എല്ലാം കള്ളം ആയിരുന്നു അതിന്റെ പരിഭ്രമാണ് കാണിച്ചത് " " പക്ഷേ എന്തിനാ കള്ളം.... " " നമ്മൾ അറിയാത്ത എന്തോ ഒന്ന് ഉണ്ട്... കണ്ട് പിടിച്ചേ പറ്റു " " പക്ഷേ എങ്ങനെയാ ഡീ " " അത് ഇവിടെ പറ്റില്ല... നാട്ടിൽ പോണം... അവിടെയാണ് ഇൗ തറവാട്... നമുക്ക് അവിടെ വലിയമ്മച്ചിയെ കാണാൻ പോകുന്നു എന്ന് പറയാം ... " " മ്മ്‌ " " ഉടനെ പോകണം.... ഇനിയുമൊരു കോമാളി ആകാൻ എനിക് വയ്യ.... " ഇതേ സമയം സെലീന ജോണിനെ വിളിച്ച് കാര്യങ്ങള് പറയുകായിരുന്നു.... " കൂടുതൽ ഒന്നും ഞാൻ കേട്ടില്ല ജോണിച്ചായ...

ആ പേര് കേട്ടപ്പോഴേ എന്റെ കൈയിൽ ഒരു വിറവൽ ആയിരുന്നു... " " മ്മ്‌.... നീയായി ഒന്നും പറയാൻ പോകണ്ട.... എന്താണെന്ന് ഞാനൊന്നു അന്വേഷിക്കട്ടെ... " " ഇച്ചായ എനിക് " " നീ പേടിക്കണ്ട.... ഒന്നും ഉണ്ടാകില്ല.... " " അവരോ പോയി ഇനിയും എന്തിനാ ഇൗ പകയും വൈരാഗ്യവും ഒക്കെ " " അതൊന്നുമാകില്ല സെലി... നീ വെറുതെ ഓരോന്നും ഓർത്ത് വ്യാവലാതി പെടേണ്ട " " മ്മ്‌ ഞാൻ വെക്കുവ പിള്ളേർ കേൾക്കണ്ട " അതും പറഞ്ഞു അവർ തിരിഞ്ഞപ്പോൾ കാണുന്നത് അവരെ തന്നെ നോക്കി നിൽക്കുന്ന ലിയയെയാണ്.... അവരുടെ മുഖം വിളറി.... " വെള്ളം എന്തേ സെലിനാമ്മച്ചി " " അത്... അത് ദാ എനിക് ഒരു വിളി വന്നു അതാ... " " ഹാ നടക്കട്ടെ.... " അതും പറഞ്ഞു അവള് അവിടുന്ന് നേരെ ആന്റണിയുടെ അടുത്തേയ്ക്ക് പോയി.... " നമ്മുടെ കുടുംബത്തിലെ എല്ലാ കാരണവന്മാർക്കും അറിയാം അവരെപ്പറ്റി... എന്തൊക്കെയോ പകയുടെ കാര്യങ്ങള് അവർ പറയുന്നുണ്ടായിരുന്നു " " അവിടെ പോകും മുമ്പ് എന്തെങ്കിലും ചെറുതായി എങ്കിലും നമുക്കൊരു അറിവ് വേണ്ടെ ലിയ " " അവിടെ എനിക്കുള്ള എല്ലാ ഉത്തരങ്ങളും ഉണ്ടെന്നാണ് രോഹിത് പറഞ്ഞത്... നോക്കാം " " അപ്പോ നാളെ തന്നെ പോകാൻ ആണോ " " മ്മ്‌.... " " എന്ന ഞാൻ leave പറയട്ടെ.... "

" ഹാ " രാത്രി തന്നെ അവർ വീട്ടിൽ നാട്ടിൽ പോകുന്ന കാര്യം സംസാരിച്ചിരുന്നു... അവരുടെ വീട്ടിൽ നിന്ന് ഒരു ഒരുമണിക്കൂർ യാത്ര ഉള്ളൂ... വലിയമ്മച്ചിയെ കാണാൻ ആണെന്ന് അവർ പറഞ്ഞെങ്കിലും സെലീന അവരെ സംശയത്തോടെ നോക്കി... എന്നാല് ഇതിനിടക്കാണ് മറ്റൊരു കാര്യം ആൽബിൻ പറഞ്ഞത്.... " സത്യമാണോ ഇച്ഛായ " " മ്മ്‌ ദാ... ഇത് കണ്ടോ... ഇന്നു കടയിൽ നിന്ന് കിട്ടിയതാണ് " അതും പറഞ്ഞു അവൻ വെളുത്ത പൊടിയുടെ ഒരു പാക്കറ്റ് അവൾക്ക് നേരെ നീട്ടി.... " പക്ഷേ ഇതാരാ " എന്നാല് ഇതേ സമയം പെട്ടെന്ന് അകത്തേയ്ക്ക് കയറി പോയ ടീനയെ ആന്റണി ശ്രദ്ധിച്ചിരുന്നു.... " ഇന്നു രാവിലെ കട തുറന്നു കയറിയപ്പോൾ മറ്റൊരിടത്ത് ഇരുന്നിരുന്നതാണ്... ഞാൻ അത് അപ്പോ തന്നെ എടുത്ത് മാറ്റി " " അന്നത്തെ ബാക്കി ആണെങ്കിൽ ഇത് കൂടി എടുത്ത് കൊണ്ട് പോകില്ലായിരുന്നോ ആ പോലീസുകാരൻ " " എനിക് അറിയില്ല മോളെ എനിക് എന്തോ പേടി തോന്നുന്നു... " " എല്ലാം ശെരി ആകും ഇച്ഛായ അതിനും കൂടി വേണ്ടിയാണ് ഇൗ യാത്ര " " മനസിലായില്ല " " ഞാനെല്ലാം പറയാം ഇപ്പൊ ആകില്ല... " " മ്മ്‌ ശ്രദ്ധിച്ച് ചെയ് എല്ലാം " 🍁🍁🍁🍁🍁🍁 റോസി ആകെ അവശയായിരുന്നു.... റോഷന്റെ പരിചരണവും വീട്ട് പണിയും എല്ലാം കൂടി അവള് ആകെ തളർന്നിരുന്നു....

പക്ഷേ ഇപ്പൊ കുറച്ച് ദിവസങ്ങളായി ജസ്റ്റിന്റേ സ്നേഹത്തോടെയുള്ള പെരുമാറ്റം അവളുടെ ഉള്ളിലൊരു തണുപ്പ് നിറച്ചിരുന്നു.... ഇന്നു ഉച്ചക്ക് ജസ്റ്റിൻ വരും ഉടുത്ത് നിൽക്കണം പുറത്ത് ഒക്കെ ഒന്ന് പോയി കറങ്ങിയിട്ട്‌ വരാം എന്ന അവന്റെ വാക്കിന്മേൽ സന്തോഷിച്ച് ഇരിക്കുകയാണ് അവള്... അതിനാൽ തന്നെ അവള് പണികൾ വേഗത്തിൽ ഒതുക്കി... ഒരു സാരിയെടുത്ത് ഉടുത്തു.... കുറച്ച് നാളുകൾക്ക് ശേഷം അവള് ചെറുതായി ഒന്ന് ഒരുങ്ങി.... അപ്പോഴാണ് പുറത്ത് ജസ്റ്റിന്റേ ബൈക്കിന്റെ ശബ്ദം കേട്ടത്.... അവള് ഉടൻ താഴേയ്ക്ക് ചെന്നു.... " നീ വന്നോ " " പണിയെല്ലാം കഴിഞ്ഞോ നമുക്ക് പോകാം... " " ആഹ് പോകാം... ഞാൻ റോഷനോട് ഒന്ന് പറയട്ടെ " " ചെന്നു പറഞ്ഞിട്ട് വാ.... " അവള് അത്യധികം ആഹ്ലാദത്തോടെ അകത്തേയ്ക്ക് പോയി... എന്നാല് അതേ സമയം ജസ്റ്റിൻ ഫോണെടുത്ത് ആരെയോ വിളിച്ചു.... " ഞങ്ങൾ ഇറങ്ങുന്നു.... കുറച്ച് സമയത്തിന് ഉള്ളിൽ അവിടെത്തും... എല്ലാം സെറ്റ് അല്ലേ.... " " ശെരി വെക്കട്ടെ അവള് വരുന്നുണ്ട്.... " " പോകാം " അത് കേട്ടതും അവള് അവന്റെ ബൈകിലേക് കയറിയിരുന്നു.... ഇനിയെന്ത് എന്നറിയാത്ത മറ്റൊരു യാത്ര.... അതേ സമയം ലിയയും ആന്റണിയും ശ്രീമംഗലം തറവാട്ടിലേക്ക് ആയിരുന്നു.... അവിടെ അവരെ കാത്തിരിക്കുന്ന പലതും അറിയാതെ...... ( തുടരും ) ______

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...