🌸Filia🌸: ഭാഗം 35

രചന: ഏട്ടന്റെ കാന്താരി (അവനിയ)

ഉച്ചയോട് അടുത്ത് അവരുടെ തറവാട് വീട്ടിൽ ലിയയും ആന്റണിയും എത്തി... സെലീന ഇവിടേക്ക് വിളിച്ചിട്ട് ഉണ്ടാകും എന്നവർക്ക് ഉറപ്പായിരുന്നു... അത് കൊണ്ടാണ് കൂടുതലും ഇങ്ങോട്ട് വന്നത്... ആ കുടുംബത്തിൽ ജോഷി കഴിഞ്ഞാൽ ലിയയോട്‌ സ്നേഹത്തോടെ സംസാരിക്കുന്ന ഒരാള് ആയിരുന്നു വലിയമ്മച്ചി... അത് കൊണ്ടാണ് അവിടെ ഉള്ളവരുടെ മുഖം കാണേണ്ട എന്ന അവസ്ഥയിലും അവള് അങ്ങോട്ട് ചെന്നത്... ജോൺ അവരെ പല വട്ടം സംശയത്തിൽ നോക്കിയെങ്കിലും അവർ വളരെ തന്മയത്വത്തോടെ തന്നെ എല്ലാ ചോദ്യങ്ങളും അതിജീവിച്ചു... കുറച്ച് നേരം അവിടെ ഇരുന്നിട്ട് അവർ വേഗം ഇറങ്ങി... " ശ്രീമംഗലം തറവാട്ടിലേക്ക് ഉള്ള വഴി നിനക്ക് അറിയോ ലിയ " " ഇല്ലട നമുക്ക് ചോദിച്ച് പോകാം.... എന്തായാലും ഇവിടുന്ന് ഒരു അരമണിക്കൂർ കൂടി പോകണം അവിടെ നമ്മളെ അറിയുന്നവർ ഉണ്ടാകില്ല അത്രേം സമാധാനിപ്പിക്കാം... " അവർ വഴിയിലെ ഒരു ചായ കടയിൽ കയറി ശ്രീമംഗലം തറവാട്ടിലേക്ക് ഉള്ള വഴി ചോദിച്ചു... ആ നാട്ടിൽ അവർ ആദ്യം ആയത് കൊണ്ടാകാം പലരും അവരെ സംശയത്തോടെ നോക്കിയിരുന്നു... " നിങ്ങളെ ഇവിടെ കണ്ടിട്ടില്ലല്ലോ മക്കളെ... നിങ്ങള് എവിടുന്നാ.. " " ഞങ്ങൾ കുറച്ച് ദൂരെന്ന ചേട്ടാ... ഒരു ആവശ്യം ഉള്ളോണ്ട് വന്നതാ "

" കുട്ടിയെ കണ്ട് നല്ല പരിചയം തോന്നുന്നു " അയാള് ലിയയെ സംശയത്തോടെ നോക്കി... " സാധ്യത ഇല്ല ചേട്ടാ ഞങ്ങൾ ഇവിടെ ആദ്യമാണ്.... അറിയാമെങ്കിൽ ഒന്ന് സഹായിക്കാമോ " " ആ ഇവിടുന്ന് നേരെ പോയി ആദ്യത്തെ വളവ് എന്നിട്ട് അവിടെ ഇടത്തേക്ക് ഒരു റോഡ് ഉണ്ട് അത് നേരെ ചെല്ലുന്നത് നിങ്ങള് പറഞ്ഞ ഇടത്തേക്കാണ്... " " ശെരി താങ്ക്സ് ചേട്ടാ... വാ പോകാം " അതും പറഞ്ഞു അവർ ഉടനെ അവിടുന്ന് ഇറങ്ങി... പക്ഷേ അപ്പോഴും ആ കടയിൽ ഇരുന്നിരുന്ന കുറച്ച് പ്രായമായവർ അവളെ സംശയത്തോടെ നോക്കിയിരുന്നു.... " ആ കുട്ടിക്ക് തറവാട്ടമ്മയുടെ നല്ല ചായ ഉണ്ടല്ലേ " " മ്മ്‌ ശെരിയ... തറവാട്ടമ്മ പ്രായം കുറഞ്ഞ അത് പോലെ തന്നെ ആകും " ഇതേ സമയം പറഞ്ഞ വഴിയിലൂടെ അവർ 2 പേരും ആ വലിയ ഗേറ്റിന് മുന്നിൽ എത്തിയിരുന്നു.... " ചേട്ടാ വണ്ടി അങ്ങ് നീക്കി പാർക് ചെയ്... " " മ്മ്‌ ശെരി " അതും പറഞ്ഞു അവർ വണ്ടി കുറച്ച് അപ്പുറം മാറ്റി പാർക് ചെയ്തു... അവർ ഗേറ്റിന്റെ അവിടേക്ക് തിരികെ നടന്നു... " എടീ ഞാൻ വണ്ടിയുടെ ചാവി എടുത്തില്ല... " " എന്നാ ചേട്ടൻ ചെന്നു എടുത്തിട്ട് വാ... " " നീ ഒറ്റക്ക് അവിടേക്ക് പോകണ്ട നീ ചെന്നു ചാവി എടുത്തിട്ട് വാ.. ഞാൻ അവിടെ ഒക്കെ ഒന്ന് നോക്കട്ടെ " " മ്മ്‌ " അതും പറഞ്ഞു ലിയ തിരികെ പോയി... എന്ത് കൊണ്ടോ ലിയയെ ഒറ്റക്ക് ആ തറവാട്ടിലേക്ക് വിടാൻ അവനു മനസ്സ് ഉണ്ടായിരുന്നില്ല....

അറിഞ്ഞത് വെച്ച് ഇവർ അപകടകാരികളാണ്... അവള് പോയതും അവൻ ആ ഗേറ്റിന് മുന്നിലേക്ക് ചെന്നു... അവിടെ ഒരു security ഉണ്ടായിരുന്നു.... നല്ല പ്രായം ഉള്ളൊരു മനുഷ്യൻ... പക്ഷേ ആരോഗ്യത്തിൽ പ്രായം അറിയില്ല... " ആരാ എന്തുവേണം " " അത് അകത്തെ ഒരാളെ കാണാനാണ് " " അകത്ത് ആരെയാണ് കാണേണ്ടത് അപ്പോയ്‌മെന്റ് ഉണ്ടോ... " " ചേട്ടാ ഞാനും എന്റെ അനിയത്തിയും കുറച്ച് ദൂരെന്ന് ആണ്... എനിക് ഇവിടെ ഉള്ള ആളുകളെ കണ്ടെ പറ്റൂ... " " Appoinment ഇല്ലാതെ എനിക് ആരെയും കടത്തി വിടാൻ പറ്റില്ല.... വരുന്നവർക്കും പോകുന്നവർക്കും കേറി ഇറങ്ങാൻ ഇത് സത്രമല്ല... " " ചേട്ടാ please ഒന്നു കേറികോട്ടെ അത്രക്ക് അത്യാവശ്യം ആയത് കൊണ്ടാണ്.... " " പറ്റില്ലെന്ന് പറഞ്ഞാല് മനസ്സിലാകില്ലെ... അതോ ഞാൻ ബലം പ്രായോഗിക്കണോ... " അയാള് ദേഷ്യത്തോടെ ചോദിച്ചു " എന്താ അന്തപ്പ പ്രശ്നം " ഇവരുടെ തർക്കം കണ്ടാണ് ലിയ അവിടേക്ക് വന്നത്.... " ഒന്നുല്ലടി അങ്ങേര് appoinment വേണമെന്ന് ഒക്കെ പറയുന്നു" എന്നാല് ഇതേ സമയം അവളെ കണ്ട അയാള് ഞെട്ടി... " ദേവി കുഞ്ഞേ " അയാള് അതിശയത്തോടെ വിളിച്ചു... ആ വിളി കേട്ട് അവർ ഒന്നും മനസ്സിലാകാതെ അയാളെ നോക്കി... പിന്നെ അയാള് സ്വന്തം തലകിട്ട്‌ കൊട്ടികൊണ്ട് അകത്ത് പോയി ആരെയോ വിളിച്ച് കൊണ്ട് വന്നു.... അകത്ത് നിന്നും ഒരു പ്രായമായ മനുഷ്യൻ ഇറങ്ങി വന്നു.... അയാളും അവളെ ഞെട്ടി നോക്കിയിരുന്നു... " കുട്ടി എവിടുന്നാ "

" ഞാൻ കുറച്ച് വടക്കുനിന്ന " " വാതിൽ തുറന്നു കൊടുക്കു അവർ അകത്തേക്ക് കയറട്ടെ... " അതും പറഞ്ഞു അയാള് അകത്തേയ്ക്ക് പോയി... ഇതൊക്കെ കണ്ട് വായും പൊളിച്ച് നിൽക്കുകയാണ് ആന്റണി ലിയക്കും നല്ല ഞെട്ടലുണ്ട്.... " ഗോപിയാശാൻ പറഞ്ഞത് കേട്ടില്ലേ നിങ്ങള് അകത്തേയ്ക്ക് പോയിക്കൊളു.... " " എടീ ഇത് ഒരുമാതിരി ഫാന്റസി കഥ പോലെ ഉണ്ടല്ലോ... എന്നെ കണ്ടപ്പോൾ ചെകുത്താൻ കുരിശ് കണ്ട പോലെ നിന്നെ കണ്ടപ്പോൾ ദേവി എന്നും " " മിണ്ടാതെ കൂടെ വാ.... " " പുറത്ത് ഇതാണ് അവസ്ഥ എങ്കിൽ അകത്ത് എന്താകുമോ കർത്താവേ " അവൻ നെഞ്ചില് കൈ വെച്ച് കൊണ്ട് പതിയെ പറഞ്ഞു... അവർ അകത്തേക്ക് കയറിയപ്പോൾ കണ്ണ് തളളി പോയി.... വലിയൊരു എട്ടു കെട്ട് തറവാട്.... മുന്നിൽ തന്നെ മരപണികളാൽ നിറഞ്ഞിരുന്നു.... " എടീ ഇതെന്തുവ കൊട്ടാരം ആണോ " ആന്റണി അതിശയത്തോടെ ചോദിച്ചു.... അപ്പോഴാണ് അകത്ത് നിന്നും മുണ്ടും വില കൂടിയ ഷർട്ടും ഇട്ടു ഒരു വ്യക്തി ഇറങ്ങി വന്നത്.... " നിങ്ങളെന്ത അവിടെ നിന്ന് കളഞ്ഞത് അകത്തേയ്ക്ക് വരു... " " മ്മ്‌ " സത്യത്തിൽ ഉണ്ടായിരുന്ന ധൈര്യമെല്ലാം ചോർന്നു പോകുന്ന പോലെ തോന്നി ലിയക്ക്‌... സെലീന പറഞ്ഞത് വെച്ച് ഇവിടെയൊരു കൊലയാണ് നടക്കേണ്ടത്... ഇനി ആളെ മനസ്സിലാകാത്തത് കൊണ്ട് ആകുമോ...

" എടീ അകത്ത് കൊണ്ടുപോയി കൊല്ലാൻ ഏകോ " " ഇനി വാ തുറന്ന ചേട്ടൻ ആണെന്ന് നോക്കില്ല ഇവിടെ ഇട്ട് കൊല്ലും ഞാൻ... " അവള് ദേഷ്യത്തോടെ പറഞ്ഞു... അവർ അകത്തേക്ക് കയറിയപ്പോൾ ഒരു ജാഥക്ക് ഉള്ള ആളുകൾ അവിടെ ഉണ്ടായിരുന്നു.... കുട്ടികളും മുതിർന്നവരും ഒക്കെ ആയി... അവൾക്ക് അവരോടൊക്കെ വല്ലാത്ത ആത്മബന്ധം തോന്നി.... ഉടനെ ഏകദേശം മമ്മയുടെ പ്രായമുള്ള ഒരു സ്ത്രീ ലീയയുടെ അടുത്തേയ്ക്ക് ചെന്നു.... അവർ അവളുടെ മുഖത്ത് കൈകൾ ചേർത്തു.... " ശെരിക്കും അവളെ പോലെ തന്നെ അല്ലേ ശിവ... " " എനിക് നിങ്ങളെ ഒന്നും " " ഏടത്തി അങ്ങ് മാറി നിൽക്... ആരാണെന്ന് അറിയട്ടെ കൂടുതൽ പ്രതീക്ഷകൾ വേണ്ട... " നേരത്തെ കണ്ടയാൾ അവരോട് പറഞ്ഞു കൊണ്ട് ലിയക്ക്‌ അരികിലേക്ക് ചെന്നു.... " കുട്ടിയുടെ നാട് എവിടെയാണ്... ഇവിടേ എന്തിനാ വന്നത്.... " " ഞാൻ കുറച്ച് അപ്പുറത്ത് നിന്ന... പാലകുന്നേൽ തറവാട്ടിലെ പേരകുട്ടിയാണ് " " ജോഷിയുടെ " " മകളാണ്.... " പറഞ്ഞതും നേരത്തെ വന്ന ആ സ്ത്രീ അവളെ പുണർന്നിരുന്നു.... " എവിടേക്ക അന്വേഷിച്ചു എന്നറിയോ ഞങ്ങൾ കുട്ടിയെ....കുട്ടിയെ ഒരു നോക്ക് കാണാൻ വേണ്ടി മാത്രം ജീവിക്കുന്ന ഒരു വ്യക്തിയുണ്ട് ഇവിടെ... മോളുടെ മുത്തശ്ശി.... "

" അത്... " അവള് എന്തെങ്കിലും പറയും മുമ്പേ അവളെ അവർ വലിച്ച് കൊണ്ട് പോയിരുന്നു.... ആന്റണിക്ക് എല്ലാം ഒരു സിനിമ പോലെ തോന്നി... ഇവരെയൊക്കെ ഞാനും അവളും ആദ്യമായാണ് കാണുന്നത്.... ഒരു എത്തും പിടിയും കിട്ടുന്നില്ല.... " മോൻ അവിടുത്തെ ആണോ " " അതേ സെലീനയുടെ മകൻ " " മ്മ്‌ " അയാള് അത്രക്ക് താൽപര്യം ഇല്ലാതെ മൂളി.... " മോൻ ഇരിക്ക്.... " " അല്ല ലിയ " " കുട്ടിയുടെ പേര് അതാണോ " " മ്മ്‌ Filia എന്നാണ് പേര്... ലിയ എന്ന് വിളിക്കും " " മ്മ്‌... മോൻ അവിടെ ഇരിക്കു... അവള് ഇപ്പൊ ഇങ്ങ് വരും " അവൻ അയാളുടെ വാക്ക് ധികരിക്കാൻ ആകാതെ അവിടെ ഇരുന്നു.... സംസാരിക്കാൻ പ്രത്യേകിച്ച് ഒന്നും ഇല്ലാത്തത് കൊണ്ട് ലിയ അവിടെ ഉള്ള സാധനങ്ങൾ ഒക്കെ വീക്ഷിച്ച് കൊണ്ടിരുന്നു.... അപ്പോഴാണ് അവൻ അവിടെയുള്ള ഒരു ഫോട്ടോ കണ്ടത്... അത് കണ്ട് അവനൊന്നു ഞെട്ടി... അവന്റെ ചുണ്ടുകൾ ആ പേര് ഉച്ചരിച്ചു.... ലിയ🔥 അവൻ ഇരുന്നിടത്ത് നിന്ന് എണീറ്റ് പോയി... അവന്റെ കാലുകൾ ആ ഫോട്ടോയ്ക്ക് അരികിലേക്ക് ചലിച്ചു.... അത്യാവശ്യം വലിപ്പമുള്ള ഒരു ഫോട്ടോയാണ്.... ലിയ സാരി ഒക്കെ ഉടുത്ത് വലിയ വട്ടപൊട്ട്‌ ഒക്കെ തൊട്ട് ചന്ദനം ഒക്കെ ഇട്ടാൽ ഇത് പോലെ തന്നെയിരിക്കും.... അതിനു കീഴിൽ തിരി തെളിയിച്ചിരുന്നു.... കൂടാതെ മാലയും ഇട്ടിരുന്നു.... " ഇത്... ഇതാരാ" അവൻ ഒരു ഞെട്ടലോടെ ചോദിച്ചു.... " ദേവനിധി... ഞങ്ങളുടെ ഒറ്റപ്പെങ്ങൾ ഇൗ വീടിന്റെ വിളക്ക്.... കുറച്ച് കൂടി വ്യക്തമാക്കി പറഞ്ഞാല് നിങ്ങളുടെ ലിയയുടെ അമ്മ.... " ..... ( തുടരും ) ______

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...