🌸Filia🌸: ഭാഗം 4

രചന: ഏട്ടന്റെ കാന്താരി (അവനിയ)

ചടങ്ങുകൾക്ക് ശേഷം വീട്ടിൽ എത്തുമ്പോൾ ആണ് അവിടെ ഒരു പോലീസ് വണ്ടി കിടക്കുന്നത് കണ്ടത്.... അത് അവളിൽ ഒരു ആശങ്ക നിറച്ചു.... " സർ എന്താ ഇവിടെ... " " Filia അല്ലേ... " " അതേ... എന്താ... " " ഞാൻ നിങ്ങളുടെ മാതാപിതാക്കളുടെ മരണത്തെക്കുറിച്ച് സംസാരിക്കാനായി എത്തിയതാണ്... " " എന്താ സർ... " " നിങ്ങളുടെ മാതാപിതാക്കൾ സഞ്ചരിച്ചിരുന്ന വാഹനത്തിൽ ഒരു വണ്ടി പുറകിൽ നിന്ന് ഇടിച്ചത് ആണ്.... ഇന്നു ആ driver വന്നു കീഴടങ്ങി... അയാള് ആരുടെയോ നിർദ്ദേശം അനുസരിച്ച് കൊല്ലാൻ വേണ്ടി തന്നെയാണ് ഇത് ചെയ്തത്... അയാൾക്ക് എതിരെ ആ driver മൊഴി നൽകിയിട്ടുണ്ട്.... പക്ഷേ അയാള് പറഞ്ഞത് നിങ്ങളിൽ ഒരാളുടെ പേര് തന്നെയാണ്.... " " ആരാണ് സർ അത്.... " " എന്തിനാണ് Filia ഈ അഭിനയം.... " " സർ..... " അവളുടെ വിളി സംശയം നിറഞ്ഞത് ആയിരുന്നു.... " You are under arrest.... " അതും പറഞ്ഞു അവർ അവളുടെ കൈകളിൽ വിലങ്ങുകൾ അണിയിച്ചു.... " സർ what nonsense is this.... ഞാൻ അല്ലേ പരാതി തന്നത്.... എന്നിട്ട് എന്നെ തന്നെ അറസ്റ്റ് ചെയുന്നോ.... വാദിയെ പ്രതി ആകുക ആണോ സർ.... " " അധികം കിടന്നു തിളകല്ലെ ഡീ... എല്ലാം ചെയ്തു വെച്ചിട്ട് അവള് ന്യായം പറയുന്നു... Constable take her... " അത് കേട്ടതും ലിയ ശെരിക്കും വല്ലാതെ ആയി....

അവള് അവിടെ കൂടിയിരുന്ന നാട്ടുകാരെ നോക്കി.... എല്ലാവർക്കും സ്ഥായി ആയൊരു പുച്ഛ ഭാവം ആണ്.... ടീനയേ നോക്കിയപ്പോൾ കേട്ടത് സത്യമോ മിഥ്യയോ എന്നറിയാതെ സംശയത്തോടെ അവളെ നോക്കുകയാണ്..... ആൽബി ആകട്ടെ ഒരു വിജയച്ചിരിയോടെ അവളെ നോക്കുന്നു.... ഉടനെ ഒരു വനിത കോൺസ്റ്റബിൾ വന്നു അവളെ പിടിച്ച് ജീപ്പിൽ കയറ്റി.... പക്ഷേ അവള് എതിർത്തില്ല.... അനുസരണയോടെ വണ്ടിയിൽ കയറി... ഇതേ സമയം ഇതിന് പിന്നിൽ പ്രവർത്തിച്ച അയാള് വല്ലാത്ത സന്തോഷത്തോടെ ഒന്ന് ചിരിച്ചു.... 🍁🍁🍁🍁🍁 വീട്ടിൽ എത്തിയ ടീന വല്ലാത്തൊരു അവസ്ഥയിൽ ആയിരുന്നു.... ഇച്ചേച്ചിയാണോ അത് ചെയ്തത് എന്നൊരു സംശയം അവളിൽ വീണു കഴിഞ്ഞു.... എല്ലാത്തിൽ നിന്നും ഒന്ന് മാറി നിൽക്കണം എന്ന ഉദ്ദേശത്തോടെ അവള് തന്റെ മുറിയിൽ കയറി വാതിലടച്ചു.... കുറച്ച് നേരം കഴിഞ്ഞതും വാതിലിൽ ആരോ മുട്ടുന്ന ശബ്ദം കേട്ടാണ് അവള് അത് തുറന്നത്.... മുന്നിൽ നിൽക്കുന്ന റോസിയെ കണ്ട് അവൾക്ക് ചെറുതായി പേടി തോന്നി... ഇത്രയും ദിവസം ലിയ ഉള്ള കൊണ്ടാണ് ഇവർ ഒന്ന് അടങ്ങി നിന്നിരുന്നത് ഇനി അത് ആകില്ല അവസ്ഥ.... അവള് ഊഹിച്ചു.... " എന്തുവാ ഡീ കെട്ടിലമ്മക്ക്‌ മുറി അടച്ചിട്ട് ചെയ്യാൻ ഉള്ളത്.... " " ഒന്നുല്ല.... "

" എങ്കിൽ ഇങ്ങോട്ട് ഇറങ്ങി വാടി.... എനിക് ഒരു കോഫീ വേണം.... " " ഇപ്പോ എനിക് വയ്യ വേണമെങ്കിൽ ഉണ്ടാക്കി കുടിക്ക്‌.... " " തറുതല പറയുന്നോ ഡീ അസത്തേ.... " അതും പറഞ്ഞു ടീനയുടെ കവിളിൽ റോസിയുടെ കൈകൾ പതിഞ്ഞിരുന്നു.... " നിന്നെ കൊണ്ട് ചെയ്യിക്കാൻ പറ്റുമോ എന്നൊന്ന് ഞാൻ നോക്കട്ടെ... " അതും പറഞ്ഞു അവള് ടീനയുടെ മുടികുത്തിൽ പിടിച്ച് വലിച്ചു.... " ആ ചേച്ചി വിട്... ഞാൻ... ഞാൻ ചെയ്യാം.... " പക്ഷേ അതൊന്നും കേൾക്കാതെ റോസി അവളുടെ മുടിയിൽ നിന്ന് പിടിവിടാതെ അവളെ അടുക്കളയിൽ കൊണ്ടുപോയി തള്ളി.... അവള് നിലത്തേക്ക് മുഖമടച്ച് വീണു.... " ഇനി നിന്റെ സ്ഥാനം അത് ഇവിടെയാണ്.... മര്യാദിക്ക്‌ പറയുന്നത് കേട്ടാൽ ഒരു മൂലക്ക് കഴിയാം... അല്ലെങ്കിൽ തല്ലി കൊല്ലും നിന്നെ ഞാൻ... നിന്റെ മറ്റവൾ ഉണ്ടല്ലോ അവള് ഇനി പുറംലോകം കാണില്ല.... അത് കൊണ്ട് പറയുന്നത് കേട്ടാൽ നിനക്ക് കൊള്ളാം.... " " മ്മ്‌... " ടീന പേടിയോടെ മൂളി.... എന്നിട്ട് അവള് പറഞ്ഞത് അക്ഷരം പ്രതി അനുസരിച്ചു.... 🍁🍁🍁🍁 പോലീസ് സ്റ്റേഷനിൽ എത്തിയ ലിയയേ അവർ സിഐയുടെ മുറിയിലേക്ക് കൊണ്ട് പോയി.... സിഐ യുടെ പേര് വായിച്ചപ്പോൾ അവൾക്ക് കാര്യങ്ങള് ഏകദേശം മനസിലായി.... CI രോഹിത്...

അയാളുടെ ശബ്ദമാണ് അവളെ ചിന്തകളിൽ നിന്ന് ഉണർത്തിയത്.... " വരണം വരണം.... ഇതാരാ ഝാൻസി റാണിയോ.... എന്താണാവോ ഇവിടേക്ക്.... " " ഓ അപ്പോ ഇത് സാറിന്റെ പണി ആണല്ലേ.... ഞാനും കരുതി പണി വന്ന വഴി ഏതാണ് എന്ന്.... " " ഏയ് അല്ല അല്ല.... എന്റെ പണി ഒന്നുമല്ല... നിനകിട്ട്‌ ഒരു പണി തരാൻ അവസരം കിട്ടിയപ്പോൾ ഞാൻ കൂടെ നിന്നു അത്രേം ഉള്ളൂ.... പിന്നെ ഞാൻ പണിതാൽ അത് മോളുടെ അവസാനതിനു ഉള്ളതാകും.... " " ഒന്ന് പോ സാറേ.... കൊല്ലം കൊറേ ആയാലോ ഇതും പറഞ്ഞു നടക്കാൻ തുടങ്ങിയിട്ട് എന്തെങ്കിലും നടന്നോ.... ഇതിന് മുമ്പും താൻ ഇമ്മാതിരി തറ പരിപാടി ആയി ഇൗ ലിയായുടെ അടുത്ത് വന്നതല്ലേ എന്നിട്ട് എന്ത് ഉണ്ടായി എന്ന് ഞാൻ പറഞ്ഞു തരേണ്ടല്ലോ... " അവളൊരു പുച്ഛത്തോടെ ചോദിച്ചു... " അധികം അഹങ്കാരിക്കല്ലെടി ഒരു പൊടിക്ക്‌ അടങ്ങ്.... നിന്റെ അതേ നെഗളിപ്പ്‌ ആയിരുന്നു നിന്റെ തന്തക്കും എന്നിട്ട് പടം ആയത് കണ്ടില്ലേ.... നിന്റെ തന്തയോട് ഞാൻ മാര്യാധിക് പറഞ്ഞതാണ് മോളെ അടക്കി നിറുത്താൻ... " " അപ്പോ ആ അപ്പൻ വളർത്തിയ എന്നെ സാആാറിന് പേടി ആണെന്ന് സാരം.... " അയാളെ നന്നായി ആക്കി കൊണ്ട് അവള് പറഞ്ഞു.... " കൊണ്ട് പോയി ലോക്കപ്പിൽ ഇടടോ ഇവളെ... " അയാള് ദേഷ്യത്തോടെ പറഞ്ഞു....

" അല്ല സാറേ ചോദിക്കാൻ വിട്ട് പോയി... Punishment transfer എങ്ങനെ ഉണ്ടായി സാറേ.... അടിപൊളി ആയിരുന്നോ.... " " ഡീ പന്ന മോളെ... " " നേരത്തെ പറഞ്ഞതാ പറയാൻ ഉള്ളത്... എന്നെ ഒരു കേസിന്റെ പേരിൽ ഇതിന്റെ അകത്ത് കുടുക്കി എന്നും പറഞ്ഞോണ്ട് അധികം നെഗളികല്ലെ.... " " അവളെ കൊണ്ട് പോടാ.... " ഉടനെ കൂടെ ഉണ്ടായ പോലീസുകാർ അവളെ പിടിച്ച് ലോക്കപ്പിൽ ആക്കി.... അവളും ഓർക്കുക ആയിരുന്നു സിഐ രോഹിത് എന്ന പോലീസുകാരൻ അവളുടെ ജീവിതത്തിൽ വന്നതിനെ പറ്റി.... +2 വിന് പഠിക്കുമ്പോൾ അടുത്തുള്ള കോളജിൽ പിജി ചെയ്തിരുന്നവൻ.... ഒരേ ബസ് സ്റ്റോപ്പ് ആയിരുന്നു.... ഒരു ദിവസം ശല്യം ചെയ്തു വന്നപ്പോൾ സഹിക്കാൻ ആകാതെ ഒന്ന് പൊട്ടിച്ചു... അത് അവനു ഭയങ്കര insult ആയി... തല്ലിയവളെ കൊണ്ട് തലോടിപ്പിക്കും എന്ന സിനിമ ഡയലോഗും അടിച്ചാണ് അവിടുന്ന് പോയത്.... പിന്നെ ശല്യം കൂടി കൂടി വന്നു... ഹാൻഡിൽ ചെയ്യാൻ ആകില്ല എന്ന് മനസിലായതോടെ പപ്പയോട് പറഞ്ഞു... പപ്പ എടുത്തിട്ട് പെരുമാറി... അതോടെ ശല്യം തീർന്നത് ആണ്... പിന്നെ ഇവനെ കാണുന്നത് പപ്പക്ക് എതിരെ ഒരു കേസ് വന്നതിനു സ്റ്റേഷനിൽ വരുമ്പോൾ ആണ്.... അതും കള്ള കേസ് ആയിരുന്നു.... അടുത്തുള്ള ഒരു സ്ത്രീ വ്യക്തി വൈരാഗ്യം തീർക്കാൻ കൊടുത്തത്....

പക്ഷേ അവസരം കാത്ത് കിട്ടിയത് പോലെ അവൻ പപ്പയെ തല്ലി.... ആ സ്ത്രീക്ക് എതിരെയുള്ള തെളിവുകൾ ഉണ്ടെന്ന് പറഞ്ഞിട്ടും ഇവൻ പപ്പയെ വിട്ടയച്ചില്ല.... സ്ത്രീ പീഢനം ആയ കൊണ്ട് ജാമ്യവും കിട്ടിയില്ല... കോടതിയിൽ ഹാജരാക്കി.... അവിടുന്ന് തെളിവുകൾ വെച്ച് എളുപ്പത്തിൽ പപ്പയെ ഇറക്കി... അന്നേരം പപ്പയെ കൊണ്ട് മാനനഷ്ടത്തിന് ദേഹ ഉപദ്രവത്തിനും ഒക്കെ കേസ് കൊടുപ്പിച്ചു.... ആ സ്ത്രീക്ക് പിഴയും ഇയാൾക്ക് punishment ട്രാൻസ്ഫറും ലഭിച്ചു.... അന്നാണ് ഇയാളെ അവസാനമായി കണ്ടത്.... ഇതൊരു കുരുക്ക് ആണ്.... Adam അറിഞ്ഞാൽ അവൻ എങ്ങനെ എങ്കിലും പുറത്തിറക്കാൻ നോക്കും.... പക്ഷേ അറിയണം.... 🍁🍁🍁🍁🍁 ഇതേ സമയം ലിയയുടെ വീട്ടിൽ മദ്യസേവയിലൂടെ അവരെല്ലാം സന്തോഷം പങ്കിടുകയായിരുന്നു.... അതിൽ അൽബിയും അവളുടെ അച്ഛന്റെ സഹോദരന്മാരും ഉണ്ടായിരുന്നു.... " എന്തായിരുന്നു പെണ്ണിന്റെ അഹങ്കാരം.... തീർന്നില്ലേ എല്ലാം.... " " ഇനി ഇൗ വീട് എന്‍റെയാണ്.... " " പക്ഷേ മോനെ സൂക്ഷിക്കണം.... പുറത്ത് ഇറങ്ങിയാൽ പ്രശ്നം ആണ്.... " " അതിനു അവളെ ആര് രക്ഷിക്കാൻ ആണ്.... ഒന്ന് മിണ്ടാതെ ആഘോഷിക്കൂ ജോണിച്ച.... " " എന്നാലും കാര്യങ്ങള് ഇത്രക്ക് വേഗം നടക്കുമെന്ന് ഞാൻ കരുതിയില്ല.... "

" അയാള് ആ പഴയ സിഐ ആണ്... അവൻ അവന്റെ ചൊരുക്ക്‌ തീർത്ത് ആണ്.... " " അത് നമുക്ക് ഉപകാരം ആയി.... പക്ഷേ പറയാതെ വയ്യ... പെണ്ണ് ആയിട്ടും എന്താ ശൗര്യം.... അങ്ങനെ ഒന്ന് മതി നമ്മളെ പോലെ 10 എണ്ണതിനെ അടിച്ചമർത്താൻ.... നമ്മൾ കണ്ടത് പോലത്തെ അല്ല അവള്... നമ്മുടെയൊക്കെ മക്കളാണ് എങ്കിൽ ഇരുന്നു മോങ്ങും അത്ര തന്നെ... ഇത് അങ്ങനെ ആണോ.... അതിനു ആ ജോഷിയെ സമ്മതിച്ച്.... " " പക്ഷേ എന്തായാലും പെണ്ണല്ലേ.... ചെമ്മീൻ ചാടിയാൽ മുട്ടോളം പിന്നെയും ചാടിയാൽ ചട്ടിയോളം അത്രേ ഉള്ളൂ ഇതൊക്കെ.... ഒന്ന് മുട്ടിച്ചെ എല്ലാവരും " " Cheers " അതും പറഞ്ഞു അവർ കൈയിൽ ഉള്ള ഗ്ലാസ്സുകൾ മുട്ടിച്ചു.... ഇതേ സമയം ഒരു മതിലിനു അപ്പുറം ഇതൊക്കെ കേട്ട് എന്ത് ചെയ്യണമെന്ന് അറിയാതെ വാ പൊത്തി കരയുകയായിരുന്നു ടീന.... തങ്ങൾ വലിയൊരു കുരിക്കിലാണ് പെട്ടിരികുന്നത് എന്നവൾക് ബോധ്യമായി.... അഴിയും തോറും മുറുകുന്ന ഒരു ഊരാ കുടുക്ക്........തുടരും.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...