🌸Filia🌸: ഭാഗം 40

രചന: ഏട്ടന്റെ കാന്താരി (അവനിയ)

പക്ഷേ അവള് അപ്പോഴും ആലോചിച്ചത് മറ്റൊന്നായിരുന്നു.... ഇവിടുന്ന് ആരാണ് തനിക് എതിരെ പ്രവർത്തിക്കാൻ മാത്രം.... അവളുടെ ഉള്ളിലേക്ക് ഹരിയുടെ ഭാര്യയുടെ മുഖം വന്നെങ്കിലും അവൾക്ക് അവർ ആകുമോ എന്ന സംശയം മാത്രം ആയിരുന്നു.... ഇനിയും ആളുകൾ ഉണ്ടല്ലോ അവരിൽ ആരെങ്കിലും ആകാം എന്നവൾ ഊഹിച്ചു.... എന്നാലും അവരോട് കാര്യങ്ങള് അവതരിപ്പിക്കാം എന്ന് ചിന്തിക്കുമ്പോഴാണ് ഹരി അവളോടായി അത് പറഞ്ഞത്.... " മോൾ സൂക്ഷിക്കണം.... ഏട്ടന് ഇപ്പോഴും നിങ്ങളോട് ഒക്കെ പകയുണ്ട്... പക അല്ല.... ആർത്തി.... പണത്തിന് വേണ്ടിയുള്ള ആർത്തി... " " മനസിലായില്ല.... " " ഇൗ കാണുന്ന സ്വത്തുകളിൽ പകുതി അവകാശം ദേവിയുടെ പേരിലാണ്... ഇപ്പൊ മോൾക്ക് അവകാശപ്പെട്ടത് അല്ലേ ഇതൊക്കെ.... ഇത്ര നാളും കയ്യടക്കി വെച്ചത് പോകാൻ ആഗ്രഹിക്കുമോ.... അത്ര തന്നെ... എന്തായാലും സൂക്ഷിക്കുക... ഇനിയും ഇങ്ങോട്ട് വന്നു അപകടം വരുത്താതെ ഇരിക്കുക.... " അയാള് അവളോട് കരുതലിന്റെ ശബ്ദത്തിൽ പറഞ്ഞു.... പക്ഷേ അത് കരുതലാണോ താക്കീതാണോ എന്നവൾക്ക്‌ സംശയം തോന്നി പോയി.... ആരെ വിശ്വസിക്കണം എന്ന് മനസ്സിലാകാതെ അവള് അവിടം വിട്ട് ഇറങ്ങാൻ ആഞ്ഞപ്പോഴാണ് പ്രായമായ ഒരു മനുഷ്യനും ഒരു ചെറുപ്പക്കാരനും കൂടി അകത്തേയ്ക്ക് കയറി വന്നത്...

ലിയയെ കണ്ടതും ആ മനുഷ്യന്റെ കണ്ണുകൾ കുറുകി... പിന്നീട് ഒരു കുറുക്കന്റെ കൗശലത്തോടെ സ്നേഹഭാവം നടിച്ച് അവൾക്ക് അരികിലേക്ക് ചെന്നു... " വലിയെട്ട ഇത് നമ്മുടെ.... " " ദേവിയുടെ മകൾ അല്ലേ... അത് ഹരി പരിചയപെടുത്തി തന്നിട്ട് വേണോ മനസ്സിലാക്കാൻ... കുഞ്ഞിന്റെ മുഖം കണ്ടാലേ അറിയാലോ.... എന്നിട്ട് കുട്ടി ഇറങ്ങുകയാണോ... " " അതേ പോയിട്ട് ധൃതി ഉണ്ട്.... " " ലിയ ഇത് യദുമാധവ് എന്റെ മകനാണ്.... " ഹരി കൂടെ ഉണ്ടായിരുന്ന ചെറുപ്പക്കാരനെ ലിയക്ക് പരിചയപെടുത്തി.... " അപർണയുടെ സഹോദരൻ.... " അവളുടെ ഉള്ളിൽ രോഹിത് പറഞ്ഞ പലതും കടന്നു പോയി.... തന്റെ സ്വാർഥതയിക്കായി പെങ്ങളുടെ ജീവിതം വെച്ച് പോലും കളിച്ചവൻ.... അവൾക്ക് അവനോട് വല്ലാത്തൊരു ദേഷ്യം തോന്നി.... " അപർണയെ അറിയുമോ " യദു സൗഹൃദ ഭാവത്തിൽ ചോദിച്ചു.... " അറിയാം... അതിനേക്കാൾ നന്നായി രോഹിതിനെയും അവരെ ചതിച്ച ആത്മാർത്ഥ സുഹൃത്തിനെയും എനിക് അറിയാം.... " അത് കേട്ടതും അവന്റെ മുഖം മാറി.... "

അവന്റെ ലക്ഷ്യം ഞാൻ ആണെന്നും എനിക് വ്യക്തമായി അറിയാം... അതിനുള്ള കാരണം വ്യക്തം ആയിരുന്നില്ല... എന്നാല് ഇപ്പൊ മനസിലായി.... " " അപ്പോ എല്ലാം വ്യക്തം ആയിട്ടുണ്ട് അല്ലേ.... " " തീർച്ചയായും പക്ഷേ ഒന്ന് മാത്രം വ്യക്തമല്ല.... വെറും പണം മാത്രമാണോ ലക്ഷ്യം.... അത് എന്തോ അങ്ങോട്ട് വിശ്വസിക്കാൻ പറ്റുന്നില്ല.... " " അല്ല പണം മാത്രമല്ല.... നീ കൂടിയാണ് ലക്ഷ്യം.... എന്റെ ഏട്ടൻ ദേവ നാരായണന്റെ ലക്ഷ്യം " " ഇൗ വ്യക്തിയെ ഇത് വരെ ഒന്ന് നേരിൽ കാണാൻ ആയിട്ടില്ല.... " " ഉടനെ എത്തും നിനക്ക് മുന്നിൽ.... പക്ഷേ ദേവ നാരായണൻ നിനക്ക് മുന്നിൽ എത്തിയാൽ നീ പിന്നെ അവന്റെത് ആകും... അവന്റെത് മാത്രം.... " " ഇതിന് മറുപടി തരാൻ തൽകാലം നമുക്ക് ലാലേട്ടന്റെ ഒരു ഡയലോഗ് മതി.... നിന്റെ തന്ത അല്ല എന്റെ തന്ത... " അതും പറഞ്ഞു അവള് ഹരിക്ക് നേരെ തിരിഞ്ഞു... " അപ്പോ അമ്മാവന്മാരെ ഇൗ അനന്തിരവൾ അങ്ങ് ഇറങ്ങുവ... ഇനി ഇവിടേക്ക് ഒരിക്കലും വരേണ്ടി വരാരുത് എന്ന് കരുതിയാണ് ഞാൻ ഇൗ പടി ചവിട്ടിയത്.... പക്ഷേ ഇനിയും വരണം വന്നല്ലെ പറ്റു... ഒന്നുല്ലെങ്കിലും ഇൗ കാണുന്നതിന്റെ ഒക്കെ നേർ പകുതി അവകാശം ഉള്ളവൾ ആയി പോയില്ലേ.... " അത് കേട്ട് പലരുടെയും മുഖം കനക്കുന്നത് അവളൊരു ചിരിയോടെ നോക്കി.... ശേഷം അന്റണിയുമായി അവിടുന്ന് ഇറങ്ങി.... " ലിയ ഇത് തീക്കളിയാണ്.... നമുക്ക് എന്തിനാ സ്വത്തും പണവും ഒക്കെ... " " സ്വത്തും പണവും ഒന്നുമെനിക് ആവശ്യമില്ല....

പക്ഷേ എന്റെ പപ്പയുടെയും മമ്മയുടെയും ജീവന്റെ കണക്ക് ഞാൻ പറയിച്ചിരിക്കും " " എന്തൊക്കെയാണ് നീ ഇൗ പറയുന്നത് " " എനിക് ഉറപ്പുണ്ട് ചേട്ടാ ഇവിടുന്ന് ആരോ ആണ് അത് ചെയ്തത്.... പഴയ പകയുടെ ബാക്കി ആകാം... എന്തായാലും അതിനു ഞാൻ പകരം ചോദിച്ചിരിക്കും " " പോയവരോ പോയി... അതിന്റെ പേരിൽ നിന്നെ കൂടി ബലി നൽകാൻ എനിക് ആകില്ല.... ഞാനതിന് സമ്മതിക്കില്ല " " സ്വന്തം മാതാപിതാക്കളെ കൊന്നവരെ വെറുതെ വിട്ടു ഒരു ശവത്തിന് തുല്യമായി ജീവിക്കാൻ ഞാൻ ഒരുക്കമല്ല ചേട്ടാ... ചേട്ടനു പേടി ആണെങ്കിൽ എനിക്കൊപ്പം നിൽക്കണ്ട " " നിനക്ക് ഒപ്പം ഞാൻ ഉണ്ടാകും... പക്ഷേ ഇത് വേണോ ലിയ " " വേണം.... എല്ലാത്തിനും ഒരു അറുതി വരണം.... പഴയ പകയുടെ പേരിലാണ് അവരെ കൊന്നത് എന്ന് ചിന്തിക്കാൻ എനിക് ആകുന്നില്ല.... പണത്തിന്റെ പേരിൽ ആണെങ്കിൽ കൊല്ലേണ്ടത് എന്നെ ആയിരുന്നു അവരെയല്ല.... അതിനർത്ഥം മറ്റെന്തോ ഒരു കാരണം ഉണ്ട് അവരെ കൊന്നതിന് അത് കണ്ടെത്തണം.... " " നീ എന്തൊക്കെയാ പറയുന്നത്.... " " പണമോ പകയോ ഒന്നുമല്ല ആ കൊലപാതകത്തിന് പിന്നിലെ പ്രധാന കാരണം... അതായിരുന്നു എങ്കിൽ അവരുടെ മരണത്തോടെ അത് അവസാനിക്കേണ്ടത് അല്ലേ.... വീണ്ടും എന്തിന് എന്നെ തിരഞ്ഞു പിടിച്ച് ഉപദ്രവിക്കുന്നത്...

അതിൽ നമ്മളറിയാത്ത എന്തോ ഒന്നുണ്ട് ചേട്ടാ " " എനിക് അറിയില്ല... നീ safe ആയിരിക്കണം... എനിക് അത്രേ ഉള്ളൂ ലിയ " " മ്മ്‌.... " " നേരെ വീട്ടിലേക്കാണോ " " അല്ല ചന്ദ്രശേഖരൻ സാറിന്റെ വീട് വരെ ഒന്ന് പോകണം.... അപർണയെ കാണണം... ഇനി അവളിലൂടെ മാത്രേ നമുക്ക് എന്തെങ്കിലും മനസ്സിലാക്കാൻ കഴിയു.... " " മ്മ്‌ പോകാം " നീണ്ട നേരത്തെ യാത്രയുടെ ക്ഷീണം അവർ അറിഞ്ഞില്ല.... അവരുടെ ഉള്ളിൽ അപർണയെ കാണണം എന്ന് മാത്രേ ഉണ്ടായിരുന്നുള്ളൂ... ചന്ദ്രശേഖരന്റെ വീട്ടിലെത്തിയപ്പോൾ രോഹിണി ഒഴികെ മറ്റെല്ലാവരും അവിടെ ഉണ്ടായിരുന്നു... രോഹിത് അന്നു സ്റ്റേഷനിൽ പോയില്ല.... " ആഹാ ആരാ ഇത്.... നീ ഇൗ വഴി ഒക്കെ മറന്നോ പെണ്ണേ.... " ചന്ദ്രശേഖരൻ ചെറിയൊരു കളിയായും കാര്യമായും പറഞ്ഞു.... അത് കേട്ട് അയാളുടെ ഭാര്യയും രോഹിതും ഇറങ്ങി വന്നു.... " മോൾ എപ്പോ എത്തി... കൊച്ചിനെ എന്താ പുറത്ത് നിന്ന് വർത്തമാനം പറയുന്നത് ശേഖരേട്ട... " " അവളെ കണ്ട സന്തോഷത്തിൽ ഞാൻ അതങ്ങ് മറന്നു.... വാ അകത്തേയ്ക്ക്... " എന്നാല് ഇതൊക്കെ കണ്ട് രോഹിത് ഒരു ചെറു പുഞ്ചിരിയോടെ നിന്നതെ ഉള്ളൂ... അവിടുത്തെ അമ്മ നേരെ ചായ എടുക്കാനായി പോയി... ചന്ദ്രശേഖരൻ അവരോട് സംസാരിച്ചു എങ്കിലും പെട്ടെന്നൊരു ഫോൺ വന്നു അകത്തേയ്ക്ക് പോയി....

" ലിയ കാണാൻ വന്നയാൾ മുകളിലുണ്ട്... നീ വേഗം അവിടേക്ക് ചെന്നോ... " വന്നതിന്റെ ഉദ്ദേശം മനസ്സിലായ പോലെ രോഹിത് അവളോട് പറഞ്ഞു.... അവള് അവനെ നോക്കി ഒന്ന് ചിരിച്ച് കൊണ്ട് മുകളിലേക്ക് ചെന്നു.... അവിടെ അപർണ മുറിയിൽ ഫോണിൽ എന്തോ നോക്കിക്കൊണ്ട് ഇരിക്കുകയായിരുന്നു... ലിയയേ കണ്ടതും ചിരിച്ച് കൊണ്ട് എണീറ്റു.... " ആഹാ ലിയ എപ്പോ എത്തി.... " " ഇപ്പൊ എത്തിയത് ഉള്ളൂ.... " എന്തൊക്കെയോ ചോദിക്കണം എന്നുണ്ടങ്കിലും ആദ്യമായി ലിയക്ക്‌ വാക്കുകൾക്ക് ക്ഷാമം അനുഭവപ്പെട്ടു... " എന്താ ലിയ എന്തെങ്കിലും ചോദിക്കാൻ ഉണ്ടോ... " " ഉണ്ട് പക്ഷേ അത് എന്റെ അമ്മാവന്റെ മകളായ അപർണ ഹരിദേവിനോടാണ്... " " സത്യങ്ങൾ ഒക്കെ അറിഞ്ഞു അല്ലേ... " " അറിഞ്ഞു പക്ഷേ എന്തിനായിരുന്നു അന്നു ഞാൻ ഇവിടെ വന്നപ്പോൾ മനസിലായില്ല എന്ന മട്ടിൽ നിന്നത്... ആ ഫോട്ടോ കണ്ടിട്ടുള്ള ഏതൊരാൾക്കും എന്നെ കണ്ടാൽ മനസിലാകും " " നീ ഒന്നും അറിയാൻ സമയം ആയിട്ടില്ല എന്നായിരുന്നു എന്നോട് പറഞ്ഞത്.... " " ആര് " " എന്റെ ഏട്ടന്മാർ " " അത് കൊണ്ട് അവർക്ക് എന്ത് നേട്ടം "

" അതെനിക്ക് അറിയില്ല... പക്ഷേ അതെന്തായാലും നല്ലതിന് ആകില്ല... " അത് കേട്ട് ലിയ അവളെ ചോദ്യഭാവത്തിൽ നോക്കി... " എന്റെ വീട്ടിൽ എന്റെ അമ്മയും ആങ്ങളയും അടക്കമുള്ള ഒരുപാട് പേര് നിന്നോടുള്ള വൈരാഗ്യവുമായി ജീവിക്കുന്നവരാണ്... നിന്നെ കണ്ടെത്താനായി മാത്രമാണ് യദു ഏട്ടൻ ഇൗ നാട്ടിൽ വന്ന് പഠിച്ചത്... അതിനിടയിലാണ് രോഹിത് ഏട്ടനുമായി സൗഹൃദത്തിൽ ആകുന്നത്... നിന്നെ ആദ്യമായി കണ്ടതും അത് വഴിയാണ്.... സത്യത്തിൽ നിന്നെ കണ്ട മാത്രയിൽ തന്നെ ഏട്ടൻ തപ്പി നടന്നത് നിന്നെയാണ് എന്ന് ഏട്ടന് വ്യക്തമായി.... അന്ന് രാത്രി തന്നെ വീട്ടിൽ വന്നിരുന്നു നിന്നെ കാത്തിരിക്കുന്ന നിന്റെ ശത്രുക്കൾക്ക് മുന്നിൽ നിന്നെ കുറിച്ച് അറിയിക്കാൻ.... " " എന്റെ അമ്മ വീട്ടിൽ എനിക് ശത്രുക്കളോ.... " " മ്മ്‌ വലിയച്ചനും വലിയേട്ടനും യദു ഏട്ടനും എന്റെ അമ്മയും ഒക്കെ നിന്നെ ശത്രുക്കളായി കരുതുന്നവർ തന്നെയാണ്... നിന്നെ ആരുമറിയാതെ കൊന്നൊടുക്കാൻ വേണ്ടിയാണ് രഹസ്യമായി കണ്ടെത്തിയത്... പക്ഷേ നിന്റെ കണ്ടതും വലിയേട്ടന്റെ മനസ്സ് മാറി... കൊല്ലാനായി നടന്നിരുന്ന ഏട്ടന്റെ ഉള്ളിൽ നിന്നോട് പ്രണയം തോന്നി.... വലിയഛന് പോലും ഏട്ടനെ പേടിയാണ്... ബിസിനസിൽ പോലും ആഗ്രഹിച്ചത് നേടാനായി എന്തിനെയും ഇല്ലാതാകാൻ മടിക്കില്ല...

ആഗ്രഹിച്ചത് നേടാൻ എന്ത് തരം താണ പ്രവർത്തിയും ചെയും... " " കൊള്ളാം അത്യാവശ്യം ഒരു വില്ലന് വേണ്ട എല്ലാ കാര്യങ്ങളും ഉണ്ട്... എന്റെ Adam കുറച്ച് കഷ്ടപ്പെടുമല്ലോ " ചെറു ചിരിയോടെ അവള് പറഞ്ഞു... " അങ്ങനെ ഒരു പ്രവർത്തി കാരണമാണ് ഞാൻ ഇന്നു ഇവിടെ നിൽക്കുന്നത് " " മനസിലായില്ല... " " രോഹിത് ഏട്ടൻ നീയുമായി ബന്ധം സ്ഥാപിക്കും എന്ന് തോന്നിയപ്പോഴാണ് എന്നെ ഇതിനിടയിലേക്ക് വലിച്ചിട്ടത്... സ്വന്തം സ്വാർത്ഥതക്ക് വേണ്ടി... എന്റെ ജീവിതം കൂടി ഇങ്ങനെ ആക്കി... നീ സൂക്ഷിക്കണം ലിയ അവർ എന്തോ വലുത് നിനക്ക് എതിരായി പ്ലാൻ ചെയ്യുന്നുണ്ട്.... " " മ്മ്‌... എന്നിട്ട് ഇൗ വലിയേട്ടൻ ഇപ്പൊ എവിടെ ഉണ്ട്... " " ബിസിനെസ്സിന്റെ കാര്യങ്ങള് ഒക്കെ ആയി നടക്കുന്ന കൊണ്ട് മിക്കവാറും നാട്ടിൽ ഉണ്ടാകാറില്ല... ഞാൻ തന്നെ എന്റെ വിവാഹത്തിന് മുമ്പ് എന്തോ കണ്ടതാണ്... എന്റെ കല്യാണ സമയത്ത് പോലും നാട്ടിൽ ഉണ്ടായിരുന്നില്ല... " " മ്മ്‌.... ദേവ നാരായണൻ.... " എന്തൊ ഓർമയിൽ അവളുടെ ചുണ്ടുകൾ മന്ത്രിച്ചു.... " എന്തെങ്കിലും പറഞ്ഞോ " " ഇല്ല.... ഞാൻ താഴേയ്ക്ക് ചെല്ലട്ടെ... " " ഇപ്പൊ തന്നെ പോകുമോ ഞാനിപ്പോ താഴേയ്ക്ക് വരാം " " ഏയ് വേണ്ട.... ഞാൻ ഇറങ്ങുകയാണ്.... " അതും പറഞ്ഞു അവള് റൂമിൽ നിന്നും ഇറങ്ങി.... ലിയ ഇറങ്ങിയെന്ന് കണ്ടതും അടക്കി വെച്ചിരുന്ന ഫോൺ അവള് ചെവിയിലേക് ചേർത്തു....

" ആഹ്‌ ഏട്ടാ അവള് പോയി.... ഏട്ടൻ പറഞ്ഞ പോലെ എല്ലാം പറഞ്ഞിട്ടുണ്ട് " പക്ഷേ പോയപോലെ ലിയ തിരികെ അകത്തേയ്ക്ക് കയറി വന്നിരുന്നു.... ലിയയെ കണ്ടതും അപർണ ഒന്ന് ഞെട്ടി... " മോളെ അപർണ നിന്റെ വലിയേട്ടനോട് ഒരു വലിയ കാര്യം പറഞ്ഞേക്ക് അങ്ങേര് ആഗ്രഹിച്ചത് നേടാൻ എന്ത് ചെറ്റത്തരവും കാണിക്കുമായിരിക്കും ഇൗ ഞാനും അങ്ങനെ തന്നെയാ... പക്ഷേ ഒരു വ്യത്യാസം ഉണ്ട് സ്നേഹിക്കുന്നവർക്ക് വേണ്ടിയാകും ആ ചെറ്റത്തരങ്ങൾ.... അത് കൊണ്ട് ഇനി ഞാൻ സ്നേഹിക്കുന്നവർക്ക് നേരെ ഒരു പോറൽ എങ്കിലും ഉണ്ടായാൽ കത്തിച്ച് കളയും.... " വിരൽ ചൂണ്ടി കൊണ്ട് അത്യാവശ്യം ശബ്ദത്തിൽ ആയിരുന്നു അത്... അത് കേട്ട് ആ ഫോൺ കോളിന് അപ്പുറം ഉണ്ടായിരുന്നവന്റെ ചുണ്ടിലോരു പുഞ്ചിരി വിരിഞ്ഞു.... " പിന്നെ പണ്ടുള്ളവർ പറയും ഡോക്ടറോടും വക്കീലിനോടും കള്ളം പറയരുതെന്ന്.... ഒന്നും ഇല്ലേലും ഞാനൊരു നിയമ വിദ്യാർത്ഥിനി ആണെന്ന് എങ്കിലും നിനക്ക് ഓർക്കാമായിരുന്ന്.... ഇനി ഇൗ വക അഭിനയം കാഴ്ച വെക്കുമ്പോൾ ഇച്ചിരി കൂടി പെർഫെക്ഷൻ ഉണ്ടാകുമെന്ന് കരുതുന്നു.... അപ്പോ ശെരി പോട്ടെ അമ്മാവന്റെ മോളെ.... " അവസാന വാക്കുകൾ കുറച്ച് ഊന്നി പറഞ്ഞു കൊണ്ട് അവള് താഴേയ്ക്ക് ഇറങ്ങി.......... ( തുടരും ) ______

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...