🌸Filia🌸: ഭാഗം 45

രചന: ഏട്ടന്റെ കാന്താരി (അവനിയ)

 ദേവ നാരായണന്റെ നിർദ്ദേശ പ്രകാരം പറഞ്ഞ സ്ഥലത്ത് പറഞ്ഞ സമയത്തിന് മുന്നേ തന്നെ ലിയയും കൂട്ടരും എത്തിയിരുന്നു..... ലിയയോടൊപ്പം ആന്റണിയും ആൽബിയും ആദവും രോഹിതും അവളുടെ സുഹൃത്തുകളും ഉണ്ടായിരുന്നു... ടീനയോട് അവർ വരേണ്ട എന്ന് പറഞ്ഞെങ്കിലും അവള് അതിനു സമ്മതിച്ചില്ല.... താൻ കാരണം മറ്റാരും വേദനികരുത് എന്ന് അവള് ഉറപ്പിച്ചിരുന്നു.... തന്റെ തെറ്റാണ്... തന്റെ അഹങ്കാരം കൊണ്ടാണ്.... അതിനു മറ്റാരെയും ബലി നൽകാൻ അവള് ഒരുക്കം അല്ലായിരുന്നു.... കൃത്യ സമയം ആയതും 4 സ്കോർപിയോയും 2 BMW മോഡൽ കാറും അവർക്ക് മുന്നിലേക്ക് എത്തി.... " വമ്പൻ സെറ്റ് അപ്പ്‌ ആണല്ലോ ഇവരൊക്കെ.... " അൽബിയുടെ വാക്കുകൾ കേട്ട് എന്നാല് ആന്റണി ചിരിക്കുകയാണ് ചെയ്തത്... " എന്താടാ നീ എന്താ ചിരിക്കുന്നത്.... " " ഇൗ വമ്പൻ സെറ്റ് അപ്പിന്റെ യഥാർത്ഥ അവകാശിയാണ് നമ്മുടെ കൂടെ നില്കുന്നത്.... " " എടാ എനിക് ഇപ്പോഴും ഇവർ എന്തിനാണ് നമ്മളോട് പക കാണിക്കുന്നത് എന്ന് മനസിലാകുന്നില്ല.... " " അതൊക്കെ ഇത് കഴിഞ്ഞു വിശദമായി പറഞ്ഞു തരാമല്ലോ.... "

" മ്മ്‌ മതി.... " ആദ്യമേ സ്കോർപിയോയില് ഉണ്ടായിരുന്ന ഗുണ്ടകളെന്ന് തോന്നുന്നവർ അവർക്ക് മുന്നിൽ അണിനിരന്നു.... " എടാ ഇവന്മാരോക്കെ നമ്മളെ പപ്പടം പൊടിക്കുന്ന പോലെ പൊടിക്കും... " ഉമിനീർ ഇറക്കി കൊണ്ട് ഇഷു അടുത്ത് നിന്നിരുന്ന റയാനോട് പതിയെ പറഞ്ഞു... " മിണ്ടാതെ ഇരിയട പട്ടി... " " ഞാനൊന്നും മിണ്ടിയില്ല... അടി കൊള്ളുമ്പോൾ അയ്യോ അമ്മെ എന്നൊക്കെ പറയാലോ അല്ലേ " " ഇനി നീ വാ തുറന്ന അവന്മാർ വേണ്ടി വരില്ല ഞാൻ തന്നെ നിന്നെ പഞ്ഞിക്ക്‌ ഇടും " അത് കേട്ടതും ഇഷു വായിൽ സിബ് ഇടും പോലെ കാണിച്ചു.... ഗുണ്ടകൾ നിരന്നു കഴിഞ്ഞപ്പോൾ 2 സ്കോർപിയോയുടെയും വാതിലുകൾ തുറക്കപ്പെട്ടു.... ഒന്നിൽ നിന്നും ഹരിദേവിന്റെ മക്കളായ യദുവും അപർണയും കൂടെ അവരുടെ അമ്മയും ഇറങ്ങി.... അപർണയെ കണ്ട രോഹിതിന്റെ മുഖത്ത് ദേഷ്യം നിറഞ്ഞു.... മറ്റൊന്നിൽ നിന്ന് മഹിദേവ് എന്ന ലിയയുടെ വലിയമ്മാവൻ ഇറങ്ങി.... യദു കൈയിൽ ഉള്ള ഒരു പെട്ടിയുമായി മുന്നിലേക്ക് വന്നു.... " നിങ്ങള് തേടി വന്ന വീഡിയോസ് ഫോട്ടോസ് ഒക്കെ ദാ ഇതിലുണ്ട്... ലിയ ഞങ്ങൾക്ക് ഒപ്പം വരുമ്പോൾ ഇത് നിങ്ങളുടെ കൈയിലേക്ക് എത്തും.... " " വരാം... ഞാൻ വരാം... പക്ഷേ അതിന് മുമ്പ് ദേവനാരായണൻ അവനെ എനിക് കാണണം "

" ഇല്ല പറ്റില്ല വലിയേട്ടൻ ഇവിടേക്ക് വരില്ല... ഞങ്ങളുടെ കൂടെ വന്നാൽ മതി ഞങ്ങൾ ഏട്ടന്റെ കോട്ടയിലേക്ക് എത്തിക്കാം.... " " മരുമകളെ.... " മഹിയുടെ വിളി ആയിരുന്നു അത്... " എന്താണ് അമ്മാവാ.... " " എന്റെ മകനെ കാണാൻ നിനക്ക് ഇത്ര തിടുക്കമായൊ... നീ എനിക്കൊപ്പം വന്ന മതി നിനക്ക് വേണ്ടിയാണ് അവൻ ഇൗ കാർ അയച്ചത് തന്നെ.... " അതിനു അവളൊന്നു പുച്ഛിച്ച് ചിരിച്ചു.... പക്ഷേ അതിനുള്ള മറുപടി പറഞ്ഞത് ആന്റണി ആയിരുന്നു.... " പേര് കേട്ടപ്പോൾ വലിയ ധൈര്യശാലി ആണെന്ന് കരുതി.... ഇത്രക്ക് ഭീരു ആണോ ദേവ നാരായണൻ എന്ന ബിസിനസ് കിംഗ്.... നേരെ നിൽകാൻ ധൈര്യം ഇല്ലാത്തവൻ ആണോ ഞങ്ങളെ അങ്ങോട്ട് ഉണ്ടാക്കാൻ പോകുന്നത്.... " " ഡാ അധികം ചെലക്കല്ലെ.... അധികം ചിലച്ചാൽ നീയൊന്നും ഇവിടുന്ന് ജീവനോടെ പോകില്ല അല്ലേ വലിയേട്ട... " ഒരു താളത്തിൽ അങ്ങനെ പറഞ്ഞു എങ്കിലും പിന്നെ അബദ്ധം പറ്റിയത് പോലെ അവനൊന്നു നിർത്തി.... എന്നാല് അത് കണ്ട് ലിയയുടെ ഒപ്പം ഉള്ളവർ അവനെ സംശയത്തിൽ നോക്കി.... എന്നാല് ലിയയിൽ അതൊന്നും ഉണ്ടായിരുന്നില്ല.... അവളുടെ കണ്ണുകൾ ആരിലോ പതിഞ്ഞിരുന്നു.... അവള് ഉറച്ച കാൽ വെപ്പോടെ അവനു നേരെ നടന്നു.... അവന്റെ മുന്നിലായി നില ഉറപ്പിച്ചു.... " ചേട്ടൻ പറയും പോലെ ഇനിയും ഭീരുവായി നിൽകാൻ നാണം ഇല്ലെ നിങ്ങൾക്ക്.... ഇനിയെങ്കിലും ഇൗ മുഖം മൂടിയൊന്ന് അഴിച്ച് വെച്ചുകൂടെ... " " ലിയാ.... "

" ഞാൻ പ്രണയിച്ചത് ഒരു തന്റേടം ഉള്ള പുരുഷനെ ആണെന്ന് ഞാൻ അഹങ്കരിച്ചു.... പക്ഷേ എന്റെ എല്ലാ പ്രതീക്ഷകളും നിങ്ങള് കാറ്റിൽ പറത്തി mr Adam... ഏയ് നോ നോ mr ദേവൻ.... ദേവനാരയണൻ..... " " ലിയ.... വാക്കുകൾ സൂക്ഷിച്ച് ഉപയോഗിക്കു.... നിനക്ക്... നിനക്ക് മുന്നിൽ മാത്രമാണ് ഇൗ ദേവൻ താഴ്ന്നു തരുന്നത്.... " " ലിയ അതെനിക്ക് പ്രിയപ്പെട്ടവർ എന്നെ വിളിക്കുന്ന പേരാണ്.... എന്റെ ശത്രുവിന് അതെന്നെ വിളിക്കാൻ ഒരു അവകാശവും ഇല്ല.... Call me Filia... " " പ്രിയപ്പെട്ടവരോ.... എന്നെക്കാൾ പ്രിയപ്പെട്ടത് നിനക്ക് മറ്റൊന്നും വേണ്ട ലിയ... അങ്ങനെ എന്തുണ്ടെങ്കിലും അവയെ ഒക്കെ ഞാൻ നശിപ്പിക്കും.... " വല്ലാത്തൊരു ഉന്മാധത്തിൽ അവൻ പറഞ്ഞു.... " എന്റെ പപ്പയെയും മമ്മയെയും കൊന്ന പോലെ അല്ലേ.... " ചോദിക്കുമ്പോൾ അവളുടെ ശബ്ദം ഇടറിയിരുന്നു.... " പപ്പ അത്രേം മതി.... നീ എന്റെ ദേവി അപ്പചിയുടെ മകളാണ്.... എന്റെ മുറപ്പെണ്ണ്.... എനിക് നിന്നിൽ ഉള്ള അവകാശം ഇവിടെ നിൽക്കുന്ന മാറ്റാർക്കും നിന്നിലില്ല....എന്റെ പെണ്ണാണ് നീ.... " " അവകാശം ഊട്ടി ഉറപ്പിക്കാൻ ആണോ അവരെ കൊന്നു കളഞ്ഞത്... " അവളുടെ കണ്ണുകൾ നിറഞ്ഞിരുന്നു.... " ലിയ നിന്റെ കണ്ണുകൾ നിറയരുത്.... അതെനിക്ക് സഹിക്കില്ല.... " അസ്വസ്ഥതയോടെ തല വെട്ടിച്ച് കൊണ്ട് അവൻ പറഞ്ഞു.... പക്ഷേ ഒരു പ്രതിഷേധം പോലെ അവള് തന്റെ കണ്ണുനീർ ഒഴുകി വിട്ടു.... അത് തുടക്കാൻ കൈയുയർത്തിയ അവന്റെ കൈകൾ അവള് തടഞ്ഞു നിർത്തി...

" ലിയ പ്ലീസ്.... എനിക് ഭ്രാന്ത് പിടിക്കുന്നുണ്ട്... ഇത് കാണാതെയിരിക്കാൻ ആയി മാത്രം എന്റെ പകയും വൈരാഗ്യവും ഒകെ മറന്ന ഒരു ദേവ നാരായണൻ ഉണ്ട്.... ആ എന്നെ നീ തോൽപ്പികരുത്.... " അപേക്ഷ പോലെ അവൻ പറഞ്ഞു.... " എന്നെ ഇത്രയധികം സ്നേഹിച്ച നിങ്ങള് പിന്നെന്തിനാ എന്റെ പപ്പയെ കൊന്നത്.... " വാശിയോടെ ആയിരുന്നു അവളുടെ ചോദ്യം... " നീയുമായുള്ള വിവാഹത്തിന് സമ്മതികില്ല എന്ന് പറഞ്ഞ എന്റെ അച്ഛൻ ഒരു മാസം ഹോസ്പിറ്റലിൽ വാസത്തിൽ ആയിരുന്നു അതറിയുമോ നിനക്ക്.... ആ എന്നോട് അയാള് ജീവനോടെ ഉള്ളിടത്തോളം നിന്നെ എനിക് തരില്ലെന്ന് പറഞ്ഞാല് പിന്നെ അയാളുടെ ജീവൻ അവിടെ ഉണ്ടാകാൻ ഞാൻ സമ്മതിക്കും എന്ന് തോന്നുന്നുണ്ടോ നിനക്ക്.... " ഒരു ചിരിയോടെ അവന്റെ ഓർമകൾ ലിയയുടെ പപ്പയുടെയും മമ്മയുടെയും അവസാന ദിനം ഓർത്തു..... ( ലാസ്റ്റ് part ആയകൊണ്ട് ഒരുപാട് ഇടത്ത് പാസ്റ്റ് വരും... വായിച്ചാലെ മനസിലാകൂ... Adam ദേവനാരയണൻ ഇവർ 2 പേരും ഒരേ ആളുകളാണ്.... പേര് മാറി മറിഞ്ഞു വന്നാൽ confuse ആകരുത് ) *Adam വാടകക്ക് ഒരു വീടും കുടുംബവും എടുത്തിരുന്നു.... അവിടേക്കാണ് ജോഷിയും ഭാര്യയും ചെക്കന്റെ വീട് കാണാനും മറ്റും എത്തിയത്.... എത്രയൊക്കെ ആയാലും ജോഷി ഒരിക്കലും മഹിയെയോ അവന്റെ തറവാടോ മറന്നിട്ട്‌ ഉണ്ടാകില്ല എന്നവന് ഉറപ്പായിരുന്നു.... അത് കൊണ്ടാണ് ഒരു വാടക സെറ്റ് അപ്പ് ഒരുക്കിയത്.... പറഞ്ഞ സമയത്ത് അവരെത്തി....

വാടക മാതാപിതാക്കളുടെ പെരുമാറ്റത്തിൽ ജോഷിക്ക് ഒരു പ്രശ്നവും തോന്നിയില്ല.... മനസമ്മതത്തിന് ഉള്ള date ഉടനെ നോക്കാമെന്ന് തീരുമാനിച്ച് ഉറപ്പിച്ച് കൊണ്ടാണ് അവർ അവിടുന്ന് ഇറങ്ങിയത്.... എന്നാല് തിരിച്ചുള്ള വഴിയിൽ പകുതി എത്തിയപ്പോഴാണ് തന്റെ ഫോൺ അവിടെ വെച്ച് മറന്ന് എന്ന കാര്യം ജോഷി ഓർത്തത്.... " ചെ ഫോൺ അവിടെ ആയി പോയടി.... " " സാരില്ല ഇച്ചായ നമുക്ക് പോയി എടുക്കാം.... പണിയുടെ ആവശ്യത്തിന് ഒക്കെ വിളിക്കുന്നത് ആ ഫോണിൽ ആകില്ലെ.... " " മ്മ്‌ പോകാലെ.... " " ആ ഇച്ഛായ എല്ലാം ദൈവ നിമിത്തം അല്ലേ... നമുക്ക് അവിടെ ചെന്ന് എടുക്കാം.... " അവർ തിരികെ ആ വാടക വീട്ടിലേക്ക് ചെന്നു.... എന്നാല് മുറ്റത്ത് പാർക് ചെയ്തിരിക്കുന്ന വില കൂടിയ വണ്ടി കണ്ട് അയാള് മടിയോടെ അകത്തേയ്ക്ക് കയറി.... എന്നാല് ഹാളിൽ ഇരിക്കുന്ന മഹിയെ കണ്ട് അയാളുടെ കണ്ണുകൾ വികസിച്ചു.... എന്തോ പ്രശ്നം ഉണ്ടെന്ന് തോന്നിയത് കൊണ്ട് അയാള് അവിടെ മറഞ്ഞു നിന്നു.... എന്നാല് ഇതേ സമയം അച്ഛനും മകനും ചർച്ചയിൽ ആയിരുന്നു.... തങ്ങളുടെ അടുത്ത നീക്കത്തെ പറ്റി.... " മോനെ നീ ഒന്നുകൂടെ ആലോചിച്ച് നോക്ക്.... അവളെ വേണോ എന്ന്.... പിന്നീട് അബദ്ധമായി എന്ന് തോന്നരുത്.... നിനക്ക് ഇതിനേക്കാൾ വലിയ ബന്ധങ്ങൾ വരും... " " അച്ഛൻ അന്ന് ഹോസ്പിറ്റലിൽ കിടന്നത് മറന്നിട്ടില്ല എന്ന് കരുതുന്നു.... ഐസിയുവിന് പകരം അത് മോർച്ചറി ആയാൽ മതിയായിരുന്നു എന്ന് ഞാൻ ആലോചിക്കുകയാണ്.... "

അത് കേട്ട് അയാളുടെ മുഖമൊന്നു വിളറി.... " ദേവ ഞാൻ അങ്ങനെയല്ല പറഞ്ഞത്.... വിവാഹം കഴിഞ്ഞാൽ എന്തായാലും അവള് അറിയില്ലേ നീ ആരാണെന്ന്... ചതിച്ച് വിവാഹം ചെയ്ത നിന്നെ അവള് പിന്നെ സ്നേഹിക്കുമോ... ആ ജോഷി പിന്നെ നിനാകൊപ്പം അവളെ നിർത്തുമോ.... " " വിവാഹം കഴിഞ്ഞാൽ അവള് എന്റെ ഭാര്യയാണ്.... പിന്നെ ഒരു നിമിഷം പോലും ഞാൻ അവളുമായി ഇൗ നാട്ടിൽ നിൽക്കില്ല.... അതിനടുത്ത ദിവസം തന്നെ ഞാൻ അവളുമായി സിംഗപ്പൂരിലേക്ക് പറക്കും.... അവിടെ ഞാനും അവളും മാത്രം.... അതിനിടയിലേക് ആരും വരില്ല.... ഞങ്ങൾ പിന്നീട് ഒരിക്കലും ഇവിടേക്ക് തിരിച്ച് വരില്ല.... " " അപ്പോ ഇവിടുത്തെ സ്വത്ത് വകകൾ കമ്പനിയും മറ്റും " " അത് യദുവും അച്ഛനും ചേർന്ന് നോക്കിയാൽ മതി.... എനിക് കിട്ടുന്നതിൽ ഏറ്റവും വലിയ സ്വത്താണ് അവള് അതിനും അപ്പുറം എനിക്കൊന്നും വേണ്ട.... " അവന്റെ വാക്കുകൾ ഉറച്ചത് ആയിരുന്നു.... " ഇതിനും മാത്രം അവൾക്ക് എന്താടാ പ്രത്യേകത... അവളെ ചതിച്ച് സ്വത്തുക്കൾ നേടാൻ പ്രേമിച്ചവൻ അല്ലേ നീ... എന്നിട്ടാണ്.... " ഈർഷ്യയോടെ അയാള് പറഞ്ഞു.... " ശെരിയാണ് അവളെ ഞാൻ ആദ്യമായി കണ്ടതും സ്നേഹിച്ചത് പോലും അച്ഛന് വേണ്ടിയാണ്..... അച്ഛൻ പറയും പോലെ സ്വത്തുക്കൾ നേടാൻ ഉള്ള ഉപാധി അത് മാത്രം ആയിരുന്നു അവള്.... പക്ഷേ എന്നോ ഞാൻ സ്നേഹിച്ചു പോയി അച്ഛാ അവളെ.... എന്നെക്കാൾ ഏറെ ഞാൻ ഇന്നു അവളെ സ്നേഹിക്കുന്നു....

അവൾക്ക് എതിരെ കരുക്കൾ നീക്കുന്നത് ആരാണെങ്കിലും അവർക്ക് എതിരെ ഞാനുണ്ടാകും... " നിശ്ചയധാർഢ്യത്തോടെ അവൻ പറഞ്ഞു..... " നീയൊക്കെ കൂടി എന്റെ കുഞ്ഞിനെ ചതികുക ആയിരുന്നു അല്ലേട.... " പെട്ടെന്ന് അവിടെ ജോഷിയെ കണ്ടതും അവർ ഞെട്ടി.... പൊടുന്നനെ ജോഷി ദേവന്റെ കഴുത്തിൽ പിടി മുറുക്കി.... " എന്ത് തെറ്റാട എന്റെ കൊച്ചു നിന്നോട് ചെയ്തത്.... അവള് നിന്നെ സ്നേഹിച്ചട്ടല്ലെ ഉള്ളൂ.... എങ്ങനെ തോന്നി നിനക്ക് അവളെ.... " അയാളുടെ തൊണ്ട ഇടറി വാക്കുകൾ വിലങ്ങി..... ജോഷിയൊന്ന് അടങ്ങിയെന്ന് കണ്ടതും ദേവൻ ശക്തിയായി കൈകൾ വിടുവിച്ചു.... " പപ്പ.... " " വിളിക്കരുത് നീ എന്നെ അങ്ങനെ.... ചതിയനാണ് നീ.... " " അങ്ങനെ പറയല്ലേ പപ്പ... സത്യമാണ് അവളെ ചതിക്കാനാണ് ഞാൻ വന്നത്.... പക്ഷേ മനസറിഞ്ഞ് സ്നേഹിച്ചത് മുതൽ കൂടെ നിന്നിട്ട് ഉള്ളൂ... എല്ലാ പകയും മാറ്റി വെച്ചാണ് ഞാൻ അവളെ സ്നേഹിക്കുന്നത്.... എന്നെ ഒന്ന് വിശ്വസിക്ക് പപ്പ.... " " നേരെ നിന്ന് പൊരുതുന്ന ശത്രുവിനെ വിശ്വസിക്കാം എന്നാല് അരികെ നിൽക്കുന്ന ചതിയനെ വിശ്വസിച്ചൂട..... നീ ഇത്ര നാളും ഞങ്ങളെ പറ്റിച്ചു.... നീ നന്നായെന്ന് പറയുമ്പോൾ എങ്കിലും അവളോട് സത്യങ്ങൾ പറയാമായിരുന്നു.... നിന്റെ ശെരിക്കും ഉള്ള പേരെങ്കിലും നിനക്ക് അവളോട് പറയാമായിരുന്നു.... കള്ളങ്ങളുടെ ഒരു കോട്ടയാണ് നീ.... പക്ഷേ കള്ളങ്ങൾക്ക് ആയുസ് കുറവാണ്.... നിന്റെ പ്രണയത്തിന്റെ ആയുസും ഇന്നത്തോടെ അവസാനിക്കുകയാണ്...

. ഇനി എന്റെ മകളുടെ പിന്നാലെ വരരുത്.... നീയും അവളുമായി ഇനി ഒരു ബന്ധവും ഉണ്ടാകില്ല.... " " പപ്പ അവളില്ലാതെ എനിക് ശ്വസിക്കാൻ പോലും ആകില്ല.... എന്നിൽ നിന്ന് അവളെ പറിച്ച് മാറ്റരുത്..... എന്റെ ജീവനാണ് അവള്... അവള് ഇല്ലാതെ ഒരു ജീവിതം എനിക്കില്ല പപ്പ.... " " ഞാൻ ജീവനോടെ ഉള്ളിടത്തോളം നീ ഇനി എന്റെ മകളുടെ കൺവെട്ടത്ത് പോലും വരില്ല... എന്റെ അവസാന ശ്വാസവും നിലക്കാതെ അവളെ നീ സ്വന്തമാക്കുകയും ഇല്ല.... " അതും പറഞ്ഞു ദേഷ്യത്തോടെ തന്റെ ഫോണും എടുത്ത് ജോഷി പുറത്തേക് പോയി.... " മോനെ ഇനി നമ്മൾ എന്ത് ചെയ്യും.... അയാള് അവളോട് എല്ലാം പറഞാൽ.... " " അയാൾക്ക് ശ്വാസം ഉള്ളിടത്തോളം എനിക് അവളെ കിട്ടില്ലെന്ന് അല്ലേ പറഞ്ഞെ.... ഇനി ആ ശ്വാസം ഉണ്ടാകില്ല.... ഒരിക്കലും.... " വന്യമായ ഒരു ചിരിയോടെ അവൻ തന്റെ ഫോൺ എടുത്ത് ഒരു നമ്പറിലേക്ക് വിളിച്ചു.... ജോഷി തിടുക്കപ്പെട്ട് തന്റെ ഭാര്യയുമായി വീട്ടിലേയ്ക്ക് പായുകയാണ്.... അന്നേരമാണ് തങ്ങളുടെ വണ്ടിയെ ഫോളോ ചെയ്യുന്ന ഒരു ടിപ്പർ കണ്ടത്.... അത് തങ്ങൾക്കുള്ള മരണമാണ് എന്നയാൾക്ക് മനസിലായി.... എന്നാല് അതിനു മുന്നേ സത്യങ്ങൾ ലിയയെ അറിയിക്കണം എന്നയാൾ വിചാരിച്ചു.... അയാള് ലിയയെ വിളിച്ചു..എന്നാല് അതേ സമയം തന്നെ ആ ട്രിപ്പർ അവരുടെ വണ്ടി ഇടിച്ച് തെറുപ്പിചിരുന്നു.... * ....... ( തുടരും ) ______

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...