🌸Filia🌸: ഭാഗം 5

രചന: ഏട്ടന്റെ കാന്താരി (അവനിയ)

സമയം ഏകദേശം രാത്രിയോട് അടുത്തിരുന്നു.... ജാമ്യം കിട്ടാത്ത വിധമാണ് ലിയയെ രോഹിത് പൂട്ടിയിരികുന്നത്... അത് കൊണ്ട് തന്നെ വക്കീലും ആയി വന്ന Adam തിരിച്ച് പോകേണ്ടി വന്നു.. സമയം രാത്രി ആയെങ്കിലും സെല്ലിൽ മറ്റാരും ഇല്ലെങ്കിലും എന്തോ അവൾക്ക് ഭയം തോന്നിയില്ല.... ഇനി ഇതിനേക്കാൾ വലുത് ജീവിതത്തിൽ നേരിടേണ്ടിയിരിക്കുന്നു എന്ന് തിരിച്ചറിഞ്ഞതിനാൽ ആകാം.... പല ഉദ്യോഗസ്ഥരും വീട്ടിലേയ്ക്ക് പോയി തുടങ്ങി.... ബാക്കി ഉള്ള രണ്ട് പേര് മാത്രം അവശേഷിച്ചു... വനിതാ കോൺസ്റ്റബിൾ ആരും അവിടെയില്ല എന്നവൾ പ്രത്യേകം ശ്രദ്ധിച്ചു... മതിലിൽ ചാരി ഇരുന്ന ഇരുപ്പിൽ അവളുടെ കണ്ണുകൾ അടഞ്ഞു.... കുറച്ച് കഴിഞ്ഞപ്പോഴാണ് സെല്ലിന്റെ വാതിൽ തുറക്കുന്ന ശബ്ദം കേട്ടത്.... അവള് കണ്ണ് തുറന്നു നോക്കുമ്പോൾ രോഹിത് കളർ ഡ്രസിൽ അകത്തേയ്ക്ക് കയറുന്നു.... എന്നാല് അവള് ഇരുന്നിടത്ത് നിന്ന് അനങ്ങിയില്ല.... " നിനക്ക് ഒരു പേടിയും ഇല്ലെ പെണ്ണേ.... " " ഏറ്റവും സുരക്ഷിതമായ സ്ഥലം ആണല്ലോ ഇത്.... ഇവിടെ വെച്ച് എനിക് എന്തെങ്കിലും സംഭവിച്ചാൽ ആദ്യം കുടുങ്ങുക സാറാണ്.... അത് കൊണ്ട് സാർ കൂടുതൽ പ്രശ്നങ്ങൾ ഉണ്ടാകില്ല എന്നെനിക്ക് അറിയാം.... " അവളൊരു പുച്ഛത്തോടെ പറഞ്ഞു....

" ഇതാണ് ഇതാണ് എനിക് നിന്നിൽ ഏറ്റവും ഇഷ്ടം... എത്ര വലുത് മുന്നിൽ വന്നാലും ഇങ്ങനെ ഒന്നുമല്ലാത്ത രീതിയിൽ ഉള്ള പുച്ഛം " " രാജവെമ്പാലയെ പേടിച്ചാൽ പോരെ... ഓല പാമ്പിനെ പേടിക്കണോ... " " സത്യം പറയാലോ ഒന്ന് കെട്ടിയെങ്കിൽ പോലും നീ ഒകെ പറഞ്ഞ ഇപ്പൊ ഞാൻ അത് കളഞ്ഞു നിന്റെ ഒപ്പം വരും... എനിക് അത്രക്ക് ഇഷ്ടമാണ് നിന്നെ." " സാറിന്റെ അമ്മയും പെങ്ങളും നല്ലവർ ആയക്കൊണ്ട് മാത്രം അവരെ ഞാൻ ഇതിലേക്ക് വലിച്ചിടുന്നില്ല.... വെറുതെ എന്നെ കൊണ്ട് അത് ചെയിക്കരുത്.... " " ഡീ ഒന്ന് താഴ്ന്നു തന്നപ്പോൾ തലയിൽ കയറുന്നോടി #₹@& മോളെ " പറഞ്ഞു തീർന്നതും ലിയയുടെ കൈകൾ അവന്റെ കവിളിൽ പതിഞ്ഞിരുന്നു.... " IPC section 509 intending to insult the modesty of a women using any words gestures etc.... സാറിന് ഞാൻ നിയമം പറഞ്ഞു തരേണ്ടല്ലോ... 3 വർഷം അകത്ത് കിടക്കാൻ ഉള്ള വകുപ്പ് ഉണ്ട്... കൂടാതെ പിഴയും... അത് കൊണ്ട് സർ ചെന്നാട്ടെ.... " ( ഇൗ സെക്ഷൻ അനുസരിച്ച് സ്ത്രീകളോട് മോശമായ വാക്കുകൾ ഉപയോഗിക്കുന്നത് പിന്നെ സ്ത്രീകളുടെ അഭിമാനം വ്രണപെടുത്തും രീതിയിൽ ചെയ്യുന്ന എന്തും തെറ്റാണ് ) " ഡീ നീ എന്നെ തല്ലിയല്ലെ... പോലീസുകാരന്റെ ദേഹത്ത് കൈവച്ചാൽ എന്ത് സംഭവിക്കും എന്ന് നിനക്ക് ഞാൻ കാണിച്ച് തരാം... "

" താൻ ഒരു ചുക്കും ഉണ്ടാകില്ല.... അതിനു മുന്നേ തന്റെ ഇൗ പോലീസ് തൊപ്പി തെറിക്കും കാണണോ.... " അയാള് അത് കേട്ട് ഒരു ഭയത്തോടെ അവളെ നോക്കി.... " CRPC section 46(4) ന്റേ ഒരു പോയിന്റ് ഉണ്ട്... സ്ത്രീകളെ രാത്രി കസ്റ്റഡിയിൽ വെക്കുമ്പോൾ അവിടെ ഒരു വനിത ഉദ്യോഗസ്ഥ ഉണ്ടാകണം എന്ന്... ഇല്ലെ സാറേ... ഇവിടെ സാർ അടക്കം 3 പുരുഷന്മാർ ആണ് ഉള്ളത്.... പുറത്ത് പോയാൽ അറിയാലോ സാറിന്റെ ഇൗ തൊപ്പി അങ്ങ് പോകും... വെറുതെ എന്നെ കൊണ്ട് അത് ചെയിക്കാതെ സർ പോയാട്ടെ... പോയി സുഖമായി കിടന്നുറങ്ങി നാളെ എനികിട്ട്‌ തരാൻ ഉള്ള പണി ആലോചിക്കൂ.... " ( CRPC - code of criminal procedure ) അയാൾക്ക് അവളുടെ മുന്നിൽ വല്ലാതെ ചെറുതായ പോലെ തോന്നി... " നാളെ നിന്നെ കോടതിയിൽ ഹാജരാക്കും ഇനി നിന്റെ ജീവിതം ഇൗ അഴിക്കുള്ളിൽ തന്നെയാണ്.... " " സാറിന് എന്നെ കൂടി പോയ ഒരു 12 വർഷം ഇതിന്റെ അകത്ത് പിടിച്ചിടാൻ പറ്റും അതിലും കൂടുതൽ ഒന്നും ചെയ്യാൻ പറ്റില്ലല്ലോ.... സാറിന് പറ്റുന്ന അങ്ങോട്ട് ചെയ്തോ... " അവൻ ദേഷ്യപ്പെട്ട് കൊണ്ട് പുറത്തേയ്ക്ക് ഇറങ്ങി പോയി.... 🍁🍁🍁🍁🍁

Adam അഡ്വക്കേറ്റ് ചന്ദ്രശേഖരന്റെ ഒപ്പം അദ്ദേഹത്തിന്റെ ഓഫീസിൽ ആയിരുന്നു.... " സർ നമ്മൾ എന്ത് ചെയ്യും " " അയാള് കള്ള സാക്ഷി പറഞ്ഞതാണ് എന്ന് തെളിയിക്കണം... എന്നാല് മാത്രമേ നമുക്ക് ലിയയെ രക്ഷിക്കാൻ പറ്റു... " " സർ.... " " See Adam ഇതിനു തന്നെ പോലെ തന്നെ ഞാനും ഒരുപാട് ശ്രമിക്കുന്നുണ്ട്.... എന്റെ ഫേവറിറ്റ് student ആണ് ലിയ.... പക്ഷേ ഇവിടെ എന്തെങ്കിലും ഒരു പഴുത് ലഭിക്കണം.... ഇവിടെ അയാള് ഏറ്റ്‌ പറഞ്ഞ കൊണ്ട് നമുക്ക് strong evidence കിട്ടണം.... " " സർ അവളെ സഹായിക്കുന്നത് തന്നെ വളരെ വലിയ കാര്യമാണ്.... " " ഏയ് നോ നോ she is like my daughter... അവളുടെ ലൈഫ് ഒന്നും നശിച്ച് പോകരുത്.... വരും കാലത്ത് ഒരു ബ്രില്ലിയൻറ് ലോയർ ആകേണ്ടവൾ ആണവൾ... " അതിനു അവനൊന്നു പുഞ്ചിരിച്ചു..... " Adam നാളെ അവള് മിക്കവാറും പോലീസ് കസ്റ്റഡിയിൽ ആകും നെക്സ്റ്റ് ഹിയറിങ്ങിന് ഉള്ളിൽ എങ്കിലും ശക്തമായ ഒരു തെളിവ് ലഭിക്കണം.... " " ഒകെ സർ.... " അതും പറഞ്ഞു അവനിറങ്ങി.... സീനിയർ അഡ്വക്കേറ്റ് ചന്ദ്രശേഖരൻ... സിഐ രോഹിത്തിൻെറ അച്ഛൻ...

അവളുടെ ക്രിമിനൽ ലോ ലെക്ചർ... രോഹിത്തിന് ആദ്യമായി ഒന്ന് പൊട്ടിച്ചപ്പോൾ ഇവളെ വന്നു അഭിനന്ദിച്ച് ആണ് ഇവർ തമ്മിലുള്ള ബന്ധം തുടങ്ങുന്നത്.... പിന്നീട് അദ്ദേഹത്തിന്റെ പാതയിലാണ് അവള് എൽഎൽബി പഠനത്തിന് ചേരുന്നത് ഇപ്പൊ രണ്ടാം വർഷം... അവള് പോലീസിന്റെ കസ്റ്റഡിയിൽ ആയെന്ന് അറിഞ്ഞപ്പോൾ ആദ്യം എന്നെ വിളിച്ചത് ഇദ്ദേഹമാണ്... പക്ഷേ കൊല കേസ് ആയ കൊണ്ട് ജാമ്യം കിട്ടില്ല.... അവള് നിരപരാധി ആണെന്ന് തെളിയണം... പക്ഷേ അതിന് അവന്റെ മൊഴി സത്യമല്ല എന്ന് തെളിയണം.... തെളിയിക്കും എന്റെ പെണ്ണിനെ ഞാൻ പുറത്തിറക്കും.... അവനൊന്നു നിശ്വസിച്ചു.... 🍁🍁🍁🍁🍁🍁 അതിനടുത്ത ദിവസം അവളെ ജുഡീഷ്യൽ ഫസ്റ്റ് ക്ലാസ് കോടതിയിൽ ഹാജരാക്കി... IPC section 107 ന്റെ ബലത്തിൽ അവള് സംശയനിലയിൽ ആയതിനാൽ പോലീസിന്റെ ആവശ്യപ്രകാരം പ്രതിയെ കൂടുതൽ ചോദ്യം ചെയ്യലിനും തെളിവെടുപ്പിനുമായി 14 ദിവസത്തേയ്ക്ക് കസ്റ്റഡിയിൽ നൽകി.... ( IPC section 107 - conspiracy to commit a crime) അവിടുന്ന് ഇറങ്ങുമ്പോൾ രോഹിതിന്റെ ചുണ്ടിൽ ഒരു ചിരി ഉണ്ടായിരുന്നു.... നേടിയവന്റെ ഒരു ചിരി.... വിജയിച്ചവന്റെ ഒരു ചിരി.... പക്ഷേ അവൻ അറിഞ്ഞില്ല അത് വളരെ കുറച്ച് നാളത്തേക്ക് മാത്രം ഉള്ളതാണെന്ന്............തുടരും.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...