🌸Filia🌸: ഭാഗം 6

രചന: ഏട്ടന്റെ കാന്താരി (അവനിയ)

ലിയയെ പോലീസ് കസ്റ്റഡിയിൽ കിട്ടിയതിന്റെ സന്തോഷത്തിലാണ് രോഹിത്... ഇനി പലതും സഹിക്കേണ്ടി വരുമെന്ന ബോധ്യത്തിലാണ് ലിയ.... സഹിക്കണം സഹിച്ചെ പറ്റു... അവള് സ്വയം ധൈര്യം നൽകി.... അപ്പോഴാണ് Adam അവളോട് സംസാരിക്കാനായി അനുവാദം ചോദിച്ചത്.... അഡ്വക്കേറ്റ് ചന്ദ്രശേഖരൻ ഉണ്ടായിരുന്ന കൊണ്ടാകാം രോഹിത് വലിയ കടും പിടിത്തം കാട്ടിയില്ല... " ലിയ... " " പറയ്... " " ഞാൻ എന്റെ പരമാവതി ശ്രമിച്ചു ഡാ പക്ഷേ.... " " It's ok... I will manage " " ഇൗ പതിനാല് ദിവസം കഴിയട്ടെ... നീ പുറത്ത് ഇറങ്ങിയിരിക്കും... ഇത് ഇൗ Adam നിനക്ക് തരുന്ന വാക്കാണ്.... " അതിനു ലിയ വെറുമൊരു പുഞ്ചിരി മാത്രം നൽകി... Adam കൂടുതലൊന്നും പറയാനില്ലാതെ പോയി.... "

എന്നാല് പോയാലോ മാഡം.... പതിനാല് ദിവസങ്ങൾ.... അത് പതിനാല് സംവത്സരങ്ങൾ ആയി നിനക്ക് തോന്നാൻ ഞാൻ സഹായിക്കാം.... " അതിനും ലിയ മറുപടി ഒന്നും പറഞ്ഞില്ല.... ഇന്നലെ രാത്രിയിലെ പോലെ അല്ല... ഇനിയുള്ള പതിനാല് ദിവസം ചോദ്യം ചെയ്യല് എന്ന പേരിൽ അയാൾക്ക് പലതും ചെയ്യാനാകും... അവളോർത്തു.... 🍁🍁🍁🍁🍁🍁 ലിയയുടെ കസ്റ്റഡി റോസിക്കും ആൽബിനും കൂടുതൽ ധൈര്യം നൽകി... " എടീ... " വൈകിട്ട് കാപ്പി ഇടുന്ന നേരമാണ് റോസിയുടെ അലർച്ച കേട്ടത്.... പൊടുന്നനെ അവള് അടുക്കളയിലേക്ക് വന്നു.... അത് കേട്ട് ടീന ഞെട്ടി പോയി.... " എ.. എന്താ.... " " നിന്റെ ഇച്ചേച്ചി എന്ന് പറയുന്നവൾ പോലീസ് കസ്റ്റഡിയിൽ ആണെന്ന്... നോക്കിക്കോ നീ ഇനി അവള് പുറം ലോകം കാണില്ല... "

" ഇച്ചേച്ചി തെറ്റൊന്നും ചെയ്തിട്ടില്ല... എനിക് അറിയാം... " " നിനക്ക് അറിഞ്ഞിട്ട് എന്തിനാ ഡീ... അവളുടെ ബാക്കി ജീവിതം ഇനി അഴിക്കുള്ളിൽ ആണ്... അത് വേണം അവൾക്ക്... മറക്കില്ല ഞാൻ ഒന്നും " അതും പറഞ്ഞു റോസി തന്റെ കവിളിൽ കൈകൾ ചേർത്തു... " അടിയുടെ ചൂട് ഇപ്പോഴും ഉണ്ടല്ലേ കവിളിൽ... കള്ളം എത്ര വലിയ മതിൽകെട്ട്‌ പണിതാലും ജയിക്കുന്നത് സത്യമായിരിക്കും സത്യം മാത്രം... " " മിണ്ടാപൂച്ചയുടെ വാ ഒക്കെ തുറന്നു വരുന്നുണ്ടല്ലോ.... " " എന്റെ വാ അടപ്പിക്കാൻ നിങ്ങൾക്ക് പറ്റും പക്ഷേ എന്റെ ഇച്ചേച്ചി വരുന്ന ദിവസം നിന്റെ ഒക്കെ അന്ത്യമാകും... " " ഒന്ന് താഴ്ന്നു തന്നപ്പോൾ തലയിൽ കേറുന്നോ ഡീ പുല്ലേ... " അതും പറഞ്ഞു റോസി തിളക്കുന്ന വെള്ളത്തിലേക്ക് ടീനയുടെ കൈ പിടിച്ച് മുക്കി... " ആ.... "

അവള് വേദന കൊണ്ട് അലറി.... വേഗം തന്നെ കൈ തണുത്ത വെള്ളത്തിലേക് പിടിച്ചു.... " ഇനി എനിക്കെതിരെ സംസാരിക്കാൻ വരുമ്പോൾ ഇത് ഓർമയിൽ ഉണ്ടാകട്ടെ.... " വേദന കൊണ്ട് അവളുടെ കണ്ണുകൾ നിറഞ്ഞു.... വീട്ടിലെ കുഞ്ഞു കൊച്ച് ആയ കൊണ്ട് ഒരു കത്തി പോലും എടുപ്പികില്ലായിരുന്നു... കൈ മുറിയുമെന്ന് പേടിയാണ് അമ്മച്ചിക്കും ഇച്ചേച്ചിക്കും... ആ തന്റെ കൈകൾ കണ്ടപ്പോൾ അവൾക്ക് എന്ത് ചെയ്യണമെന്ന് അറിയാതെ ആയി പോയി.... 🍁🍁🍁🍁🍁 പോലീസ് കസ്റ്റഡിയിൽ തന്റെ ആദ്യ ദിനമാണ് ഇന്നു.... അവള് പ്രതീക്ഷിച്ച പോലെ തന്നെ ആദ്യം രോഹിത് കയറി വന്നു.... " ഞാൻ നിന്നോട് അവസാനമായി ചോദിക്കുകയാണ്... ഒരു രാത്രി ഒരൊറ്റ രാത്രി നീ സഹകരിച്ചാൽ മതി...

നിനക്ക് ഇവിടെ ഒരു പ്രശ്നവും ഉണ്ടാകില്ല.... " " ഇതിനുള്ള ഉത്തരം ഞാൻ നേരത്തെ തന്നതാണ്... വേണമെങ്കിൽ നീ പറയുന്ന ഭാഷയിൽ പറഞ്ഞു തരാം... അത്രക്ക് @#₹ ആണെങ്കിൽ വീട്ടിലെ അമ്മയെയോ പെങ്ങളെയോ പോയി വിളിയട.... " " അപ്പോ സഹകരിക്കാൻ ഉദ്ദേശം ഇല്ല അല്ലേ ? " ആ ചോദ്യത്തിന്റെ ഉത്തരം അവളൊരു പുച്ഛത്തിൽ ഒതുക്കി... " അപ്പോ നമുക്ക് വിശദമായി തന്നെ ചോദ്യം ചെയ്യലും നടത്താം.... ആൻസി ഇങ്ങ് വന്നെ... " വിളിച്ചതും ഒരു വനിത കോൺസ്റ്റബിൾ അകത്തേയ്ക്ക് കയറി വന്നു... " പെണ്ണിന് അനുസരണ വളരെ കുറവാണ്.... പിന്നെ ചെയ്തതു അവളല്ല എന്നാണ് പറയുന്നത്.... അപ്പോ അത്യാവശ്യം നന്നായി തന്നെ അങ്ങ് പെരുമാറിക്കോ.... പിന്നെ... ഭാവിയിൽ പ്രശ്നം ഒന്നും ഉണ്ടാകരുത്.... ആവശ്യം ഉള്ളതാണ്.... "

അതും പറഞ്ഞു ലിയയെ നോക്കി അവനൊന്നു വഷളൻ ചിരി ചിരിച്ചു.... കാര്യങ്ങള് മനസിലായത് പോലെ ആൻസി അയാളെ നോക്കി തിരിച്ചും ചിരിച്ചു... " അത് സാർ പേടിക്കണ്ട.... പെരുമാറിയാലും പെണ്ണിന് ഭാവിയിൽ കേട് പാടൊന്നും ഉണ്ടാകാത്ത വിധം ചെയ്തു കൊള്ളാം.... " അത് കേട്ടതും രോഹിത് പുറത്തേയ്ക്ക് ഇറങ്ങി പോയി.... " അപ്പോ മോളെ... ചെറിയ പ്രായമല്ലെ.... സർ പറയുന്ന അങ്ങ് അനുസരിച്ച് കൂടെ... വെറുതെ എന്തിനാ എന്റെ കൈക്ക്‌ പണി ഉണ്ടാക്കുന്നത്... " അതിനും അവള് മറുപടി ഒന്നും പറഞ്ഞില്ല.... " ഓ മോൾ മൗന വൃതമാണോ... അതോ ഊമയാണോ.... എന്ന വേറൊരു കാര്യം ചോദിക്കാം.... നീ എന്തിനാ നിന്റെ അപ്പനെയും അമ്മയെയും കൊന്നത്... " " ഞാൻ ആരെയും കൊന്നിട്ടില്ല.... "

" അപ്പോ നിനക്ക് നാക്ക് ഉണ്ടല്ലേ എന്നിട്ടാണോ ഡീ എന്നെ പൊട്ടൻ കളിപ്പിക്കാൻ നോക്കിയത്... " അതും പറഞ്ഞു ലിയയുടെ കവിളിൽ ആഞ്ഞടിച്ചു.... അടി കൊണ്ട് അവള് തെറിച്ചു പോയി.... കുറച്ച് നേരത്തെ അവരുടെ പരാക്രമത്തിൽ ലിയ നന്നേ അവശ ആയിരുന്നു.... പുറത്ത് അധികം പാടുകൾ ഒന്നും കാണുന്നില്ല എങ്കിലും അത്യാവശ്യം ചതവുകൾ ഒക്കെ ഉണ്ടായിരുന്നു.... " എന്തായടി നിന്റെ തീരുമാനം മാറിയോ സാർ പറയുന്നോ അനുസരികുന്നോ അതോ... " " ചത്താലും അത് മാറാൻ പോണില്ല.... " ലിയ വേദനയോടെ പറഞ്ഞു... അത് കേട്ട് ദേഷ്യത്തോടെ അവർ വീണ്ടും കയ്യേറ്റം ചെയ്യാൻ പോയെങ്കിലും ഇനിയും തല്ലിയാൽ അവള് ചത്ത് പോകുമോ എന്ന പേടി കൊണ്ട് പുറത്തേയ്ക്ക് പോയി.... " എന്തായി ആൻസി പെണ്ണ് വഴങ്ങിയോ.... "

" ഇല്ല സാറേ അത് നല്ല മുറ്റ് സാധനം ആണ്.... ഇത്ര ഒക്കെ കൊണ്ടിട്ടും ശൗര്യതിനു ഒരു കുറവും ഇല്ല... " " മ്മ്‌ ആൻസി ചെന്നോ... ഞാൻ ഒന്ന് കണ്ട് നോക്കട്ടെ... " " കയ്യേറ്റം വേണ്ടാട്ടോ സാറേ... പെണ്ണ് ചത്ത് പോകും... " " മ്മ്‌ ഇല്ല.... " അതും പറഞ്ഞു രോഹിത് സെല്ലിന്റെ അകത്തേയ്ക്ക് കയറി.... മതിലിൽ ചാരി കാലുകൾ കൂട്ടി പിടിച്ച് അതിൽ തല വെച്ച് കിടക്കുക ആയിരുന്നു അവള്.... " എന്തിനാ ഡീ നിനക്ക് ഇത്രക്ക് demand... ആരും അറിയില്ല പെണ്ണേ നീയും ഞാനും മാത്രം.... " അത് കേട്ട് ദേഷ്യത്തോടെ ലിയ മുഖം ഉയർത്തി... അടിയേറ്റ് പൊട്ടിയ ചുണ്ടും തിണർത്ത കവിളുകളും ഒക്കെ നേരത്തെ നടന്ന ആക്രമണത്തിന്റെ ബാക്കി പത്രങ്ങൾ ആയി....

പക്ഷേ ദേഷ്യം കൊണ്ട് വിറച്ച് നില്കുന്ന അവളുടെ മുഖം കണ്ട് പിന്നീട് ഒന്നും ചോദിക്കാൻ രോഹിതിന് ആയില്ല.... " നിന്നെ ഇൗ അവസ്ഥയിൽ ഇവിടെ വെച്ച് സ്വന്തമാക്കാൻ അറിയാഞ്ഞിട്ടല്ല.... പക്ഷേ നിന്റെ സമ്മതത്തോടെ വേണം എനിക് നിന്നെ തൊടാൻ.... എന്നെ തല്ലിയ നിന്റെ കൈകൾ എന്നെ തലോടണം.... " " നീ എന്നെ എന്ത് ചെയ്താലും അതൊരു കൊടിച്ചി പട്ടി കടിച്ചതാണ് എന്ന് ഞാൻ അങ്ങ് കരുതും.... പേ ഇളകിയ ഒരു കൊടിചി പട്ടി.... " 🍁🍁🍁🍁🍁🍁 ദിവസങ്ങൾ കടന്നു പോയി.... ടീന അവിടെ ആരോടും മിണ്ടാതെ എപ്പോഴും അടുക്കളയിൽ കഴിച്ച് കൂട്ടി.... അങ്ങനെയാണ് ഒരു ദിവസം ആൽബിൻ എന്തോ പണിയുടെ ആവശ്യം എന്നൊക്കെ പറഞ്ഞു വൈകിട്ട് പോയി... രണ്ടോ മൂന്നോ ദിവസം കഴിഞ്ഞ് വരുക ഉള്ളൂ എന്നാണ് പറഞ്ഞത്...

അടുക്കളയിൽ രാത്രിയിലേയ്ക്ക് ഉള്ള ഭക്ഷണം ഉണ്ടാക്കുന്നതിന്റെ തിരക്കിട്ട പണിയിലാണ് ടീന... അപ്പോഴാണ് ആരോ കോളിംഗ് ബെൽ അടിക്കുന്ന ശബ്ദം കേട്ടത്... ഒരുപാട് നേരം അടിച്ചിട്ടും ആരും തുറക്കുന്നില്ല എന്ന് കണ്ടതും ടീന ചെയ്തു കൊണ്ടിരുന്ന പണി അവിടെ ഇട്ട് അവിടേക്ക് ചെന്നു വാതിൽ തുറന്നു.... മുന്നിൽ നിൽക്കുന്ന ആളെ അവള് ചോദ്യഭാവത്തിൽ നോക്കി.... " ആരാ.... " " റോ... " പറഞ്ഞു തീരും മുമ്പേ പുറകിൽ നിന്ന് വിളി വന്നു... " ഹേയ് റോഷ... ഞാൻ ഇവിടെ ഉണ്ട്.... അകത്തേയ്ക്ക് കയറി വാട.... " ടീന റോസിയെ സംശയത്തിൽ നോക്കി.... " ഇതാരാ റോസി.... " " ഓ ഇതോ... ഞാൻ പറഞ്ഞില്ലേ എന്റെ രണ്ടാമത്തെ നാത്തൂൻ.... " ഉടനെ റോഷൻ ടീനക്ക്‌ നേരെ കൈ നീട്ടി.... " ഹായ് I am Roshan... "

പക്ഷേ അവന്റെ കണ്ണ് അവളുടെ ശരീരത്തിൽ ആണെന്ന് കണ്ടതും അവള് വെറുപ്പോടെ മുഖം തിരിച്ച് പോയി.... " എന്താണ് മോനെ റോഷ ഒരു ഇളക്കം.... " അതിനു അവൻ റോസിയെ നോക്കി കണ്ണിറുക്കി കൊണ്ട് അവള് പോയ വഴിയേ നോക്കി ഒരു വഷളൻ ചിരി ചിരിച്ചു.... " മ്മ്‌ മ്മ്‌ സൂക്ഷിച്ച് വേണം കേട്ടോട... ചെറിയ പെങ്കൊച് ആണ്... നിന്റെ ബാംഗ്ലൂർ സ്വഭാവം ഇവിടെ കാട്ടരുത്.... " " ഞാൻ ഇന്നലെ നന്നായി " അതും പറഞ്ഞു അവനൊന്നു ചിരിച്ചു.... രാത്രിയിലെ ഭക്ഷണ സമയത്ത് വിഭവങ്ങൾ മേശയിൽ നിറഞ്ഞു.... " ഇതൊക്കെ ടീന ഉണ്ടാക്കിയത് ആണോ... " " മ്മ്‌.... " അതും പറഞ്ഞു അവള് അവിടുന്ന് പോകാൻ ആഞ്ഞു... "

ഏയ് എന്താ പോവുന്നത് താൻ കൂടി ഇരിക്കടോ..." " വേണ്ട... ഞാൻ പിന്നെ കഴിച്ചോളാം... " ടീനക്ക്‌ റോഷന്റെ നോട്ടവും പെരുമാറ്റവും ഒക്കെ എന്തോ പോലെയാണ് തോന്നിയത്.... അത് കൊണ്ട് തന്നെ അവള് വേഗം മുറിയിലേക്ക് പോയി.... രാവിലെ മുതൽ പണി ആയതിനാൽ നന്നേ ക്ഷീണച്ചിരുന്നു... അവള് ഒന്നും കഴിക്കാതെ വേഗം ഉറങ്ങി... രാത്രിയിൽ എപ്പോഴോ കണ്ണ് തുറന്നു.... ഒന്നും കഴിക്കാതെ കിടന്ന കൊണ്ടാകാം വല്ലാത്ത വിശപ്പ് തോന്നി... റോഷനെ പേടിച്ച് കേറിയത് കൊണ്ട് വെള്ളം കൂടി എടുത്തില്ല.... അവള് വേഗം അത് എടുക്കാനായി അടുക്കളയിലേക്ക് പോയി...

. അപ്പോഴാണ് റോസിയുടെ മുറിയിൽ നിന്ന് അടക്കി പിടിച്ച സംസാരവും ചിരിയും ഒക്കെ കേട്ടത്.... ഇച്ചായൻ വന്നോ അവള് ആലോചിച്ചു... അവള് പതിയെ ജനാലയിലൂടെ നോക്കി... അവിടുത്തെ കാഴ്ച കണ്ട് അവൾക്ക് ശർധിക്കാൻ വന്നു.... അവള് വാഷ് ബേസിന്റെ അവിടേക്ക് ഓടി.... ആ ശബ്ദം കേട്ട് രസം നഷ്ടപെട്ട ദേഷ്യത്തിൽ റോസി പുറത്തേയ്ക്ക് ഇറങ്ങി വന്നു... കൂടെ റോഷനും... അഴിഞ്ഞുലഞ്ഞ മുടിയും പകുതി ശരീരം അനാവൃദ്ധം ആയ പോലെയൊരു night ഡ്രെസ്സും ആയിരുന്നു അവളുടെ വേഷം... അവൻ ഒരു ബോക്‌സർ മാത്രമാണ് ഇട്ടിരുന്നത്.... " എന്താ ഇവിടെ.... " അതിനു മറുപടി ഒന്നും പറയാതെ ദേഷ്യത്തിൽ അവരെ ഒന്ന് നോക്കി കൊണ്ട് ടീന മുറിയിലേക്ക് പോയി...........തുടരും.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...