🌸Filia🌸: ഭാഗം 7

രചന: ഏട്ടന്റെ കാന്താരി (അവനിയ)

രാത്രിയിൽ എപ്പോഴോ കണ്ണ് തുറന്നു.... ഒന്നും കഴിക്കാതെ കിടന്ന കൊണ്ടാകാം വല്ലാത്ത വിശപ്പ് തോന്നി... റോഷനെ പേടിച്ച് കേറിയത് കൊണ്ട് വെള്ളം കൂടി എടുത്തില്ല.... അവള് വേഗം അത് എടുക്കാനായി അടുക്കളയിലേക്ക് പോയി.... അപ്പോഴാണ് റോസിയുടെ മുറിയിൽ നിന്ന് അടക്കി പിടിച്ച സംസാരവും ചിരിയും ഒക്കെ കേട്ടത്.... ഇച്ചായൻ വന്നോ അവള് ആലോചിച്ചു... അവള് പതിയെ ജനാലയിലൂടെ നോക്കി... അവിടുത്തെ കാഴ്ച കണ്ട് അവൾക്ക് ശർധിക്കാൻ വന്നു.... അവള് വാഷ് ബേസിന്റെ അവിടേക്ക് ഓടി.... ആ ശബ്ദം കേട്ട് രസം നഷ്ടപെട്ട ദേഷ്യത്തിൽ റോസി പുറത്തേയ്ക്ക് ഇറങ്ങി വന്നു... കൂടെ റോഷനും... അഴിഞ്ഞുലഞ്ഞ മുടിയും പകുതി ശരീരം അനാവൃദ്ധം ആയ പോലെയൊരു night ഡ്രെസ്സും ആയിരുന്നു അവളുടെ വേഷം... അവൻ ഒരു ബോക്‌സർ മാത്രമാണ് ഇട്ടിരുന്നത്.... " എന്താ ഇവിടെ.... " അതിനു മറുപടി ഒന്നും പറയാതെ ദേഷ്യത്തിൽ അവരെ ഒന്ന് നോക്കി കൊണ്ട് ടീന മുറിയിലേക്ക് പോയി.... " റോസി ഇവൾ അവനോട് പറയോ.... " " സൂക്ഷിക്കണം.... മൂത്തതിന്റെ അത്രക്കും ഇല്ലെങ്കിലും അതിന്റെ എന്തെങ്കിലും ഒരു ഏശൽ ഉണ്ടാകും.... " " അപ്പോ എന്ത് ചെയുമെടി... അവനറിഞ്ഞാൽ.... " " അവളെ ഒതുക്കണം.... "

" പക്ഷേ എങ്ങനെ... " " അത് ഇനി ഞാൻ നിനക്ക് പ്രത്യേകിച്ച് പറഞ്ഞു തരണോ ഡാ... " ഒരു പ്രത്യേക ഭാവത്തിൽ റോസി റോഷനോട് ചോദിച്ചു.... " മ്മ്‌ മ്മ്‌.... ഞാൻ നോക്കിക്കോളാം... " " എന്നാ വേഗം ചെല്ല്.... നാളെ ആൽബിച്ചൻ വരും... അതിനു മുന്നേ അവളെ ഒതുക്കണം.." " ഇന്നു വേണോ... നല്ല മൂഡിൽ വന്നതായിരുന്നു.... " " അതിനു നിനക്ക് എന്ന അത് ഇല്ലാത്തത്.... ഇപ്പോ തൽകാലം പറഞ്ഞത് ചെയ്.... " അതും പറഞ്ഞു റോസി അവനെ ഉന്തി തളളി പുറത്തേയ്ക്ക് വിട്ടു.... അവനുടനെ മുകളിൽ ടീനയുടെ മുറിയിലേക്ക് പോയി... അത് ലോക് ആയിരുന്നു..... അവൻ വാതിലിൽ മുട്ടി.... അത് കേട്ട് അകത്ത് ഉണ്ടായിരുന്ന ടീനക്ക്‌ ചെറുതായി പേടി തോന്നി.... " എന്താ... എന്തുവേണം.... " " വാതിൽ തുറക്കൂ.... " " ഇല്ല... നിങ്ങൾക്ക് എന്താണ് വേണ്ടത്..... " " ടീന വാതിൽ തുറക്കാനാണ് പറഞ്ഞത്.... ഇല്ലെങ്കിൽ ഞാൻ ചവിട്ടി പൊളിക്കും.... " " ഇല്ല ഞാൻ തുറക്കില്ല.... " ഉടനെ റോഷൻ വാതിലിൽ തന്റെ സർവ്വ ശക്തിയും എടുത്ത് തളളി..... അതേ സമയം അകത്ത് ഇരുന്നിരുന്ന ടീനക്ക്‌ ഭയം കാരണം കൈയും കാലും വിറകുന്ന പോലെ തോന്നി.... എന്റെ ഈശോയേ.... എനിക് അങ്ങ് മാത്രേ ഉള്ളൂ തുണ.... എനിക് അറിയത്തില്ല ഈശോയേ.... ഇവന്റെ കൈപ്പിടിയിൽ പെടാൻ ആണേൽ എന്നെ എന്നാതിന ഇങ്ങനെ ജീവിച്ചിരിക്കുന്നത്..... അവള് മുറിയിൽ ഉള്ള ഈശോയുടെ ഫോട്ടോയ്ക്ക് മുന്നിൽ കരഞ്ഞു കൊണ്ട് ചോദിച്ചു.... റോഷന്റെ പരാക്രമം കൂടി കൂടി വന്നു....

അവസാനം തുടരെ തുടരെ ഉള്ള ഉന്ത് കൊണ്ട് അത് താനെ തുറന്നു.... " ആഹാ ടീന മോൾ ഇവിടെ കരയുവായിരുന്നോ.." അവനൊരു പ്രത്യേക ഭാവത്തിൽ അവളെ നോക്കി ചോദിച്ചു.... അവള് പേടിച്ച് എഴുന്നേറ്റു.... " എന്നെ.... എന്നെ ഒന്നും ചെയ്യരുത്.... " അവള് വിറച്ച് കൊണ്ട് പറഞ്ഞു.... " ഞാൻ കൊച്ചിനെ എന്നാ ചെയ്യാനാ.... അതും ഇത് പോലെ പൂവ് പോലെ ഒന്നിനെ ഞാൻ വേദനിപ്പിക്കുമോ.... " അതും പറഞ്ഞു അവൻ പതിയെ അവളുടെ കവിളിൽ തലോടി.... അത് ഇഷ്ടം ആകാത്ത പോലെ അവള് മുഖം വെട്ടിച്ചു..... " അഹാ.... അങ്ങനെ ആണോ.... കൊള്ളാം... പക്ഷേ നിന്റെ ചേച്ചിക്ക് ഒത്ത് ഇല്ലല്ലോ ഡീ.... " " Please ഒന്ന് പോവു.... " " അപേക്ഷ സ്വരം.... അത് എനിക് ഇഷ്ട.... പിന്നെ ഞാൻ ഇപ്പൊ നിന്നെ ഒന്നും ചെയ്യാൻ വന്നതല്ല.... പക്ഷേ ഒരിക്കൽ നീ എന്റെ മുന്നിൽ വരും.... അന്ന്.... " അതും പറഞ്ഞു അവൻ അവളെ ഒന്ന് ഉഴിഞ്ഞു നോക്കി.... " ചെ.... " അവള് അറപ്പോടെ കൈകൾ കൊണ്ട് അവളുടെ ശരീരം പൊതിഞ്ഞു പിടിക്കാൻ നോക്കി.... " നാളെ നിന്റെ പൊന്നാങ്ങള ഇങ്ങ് എത്തും.... അപ്പോ ഇന്നു നീ ഒന്നും കണ്ടിട്ട് ഇല്ല... കേട്ടല്ലോ.... അതല്ല ഇതിനും അപ്പുറത്തേക്ക് എന്തെങ്കിലും പറഞ്ഞാല്.... സമയം ആകുന്നതിന് മുന്നേ നിന്റെ ഇൗ മൃദുല മേനിയിൽ ഞാൻ കേറി മേയും....

അതിനുള്ള അവസരം പൊന്നുമോളായി ഉണ്ടാകരുത്..... " " ഇല്ല... ഞാൻ ഒന്നും പറയില്ല.... " " ഗുഡ് ഗേൾ.... അപ്പോ എന്റെ കൊച്ച് പോയി കിടന്നോ.... " അവൻ പുറത്തേയ്ക്ക് പോയതും ടീന പേടിച്ച് വാതിൽ അടച്ച് കുറ്റി ഇട്ടു... ശേഷം ജഗ്ഗിൽ ഇരുന്ന വെള്ളം മുഴുവൻ വായിലേക്ക് കമത്തി.... ഇച്ചേച്ചി വന്നെ പറ്റു.... ഇച്ചേച്ചിക്ക്‌ മാത്രേ ഇനി എന്തെങ്കിലും ചെയ്യാൻ ആകു..... അവള് എന്തൊക്കെയോ മനസ്സിൽ തീരുമാനിച്ച് ഉറപ്പിച്ച് കൊണ്ട് കണ്ണുകളടച്ചു.... 🍁🍁🍁🍁🍁🍁 പതിനാല് ദിവസത്തെ റിമാൻഡ് കാലാവധിക്ക് ശേഷം ഇന്നാണ് ലിയയെ കോടതിയിൽ ഹാജരാക്കുന്നത്.... രോഹിതും കൂട്ടരും സമയത്ത് തന്നെ ലിയയെ കോടതിക്ക് മുന്നിൽ ഹാജരാക്കി.... അഡ്വക്കേറ്റ് ചന്ദ്രശേഖരനും Adam എന്നിവർ നേരത്തെ എത്തിയിരുന്നു.... സമയം ആയപ്പോൾ കോടതി കേസ് വിളിച്ചു.... പ്രോസിക്യൂഷൻ പല വിധത്തിൽ ലിയയോട് ചോദിച്ചെങ്കിലും അവള് താൻ കൊന്നിട്ടില്ല എന്ന നിലപാടിൽ ഉറച്ചു നിന്നു.... കൂടുതൽ തെളിവെടുപ്പിനും ചോദ്യം ചെയ്യലിനും മറ്റുമായി കുറച്ച് ദിവസത്തേക്ക് കൂടി ലിയയേ കസ്റ്റഡിയിൽ വിട്ടുതരണമെന്ന് രോഹിത് ആവശ്യപെട്ടു..... എന്നാല് ലിയയിക്ക് വേണ്ടി ഹാജരായ ചന്ദ്രശേഖരന് പറയുവാൻ മറ്റു പലതുമാണ് ഉണ്ടായിരുന്നത്..... "

ഇൗ കേസിൽ കീഴടങ്ങി എന്ന് പറയപ്പെടുന്ന ലോറി ഡ്രൈവർ സെബോയെ വിസ്തരിക്കുവാൻ ഇൗ കോടതി അനുവദിക്കണം.... " " യെസ് പ്രോസീഡ്.... " ഉടനെ പ്രതി കൂട്ടിൽ സെബോ എത്തി..... " സെബോ..... അതല്ലേ പേര്... " " അതേ സാറേ.... " " നിങ്ങൾക്കൊരു വട്ടപേരു ഇല്ലെ.... എന്താ അത് ആ വളയം സെബോ " " അതേ സാറേ... " " I object your owner കേസുമായി ബന്ധമില്ലാത്ത കാര്യങ്ങളാണ് എതിർഭാഗം വക്കീൽ ചോദിക്കുന്നത്..... " " നോ സർ.... I am coming to the point " " ഒബ്ജെക്ഷൻ leave off ചന്ദ്ര ശേഖർ you can proceed " വാദി ഭാഗം വക്കീൽ തന്റെ കസേരയിൽ പോയി ഇരുന്നു.... " അപ്പോ സെബോ.... താങ്കൾ എത്ര കാലമായി ലോറി ഓടിക്കുന്നത്..... " " പത്തിരുപത് കൊല്ലമായി സാറേ.... " " എത്ര പ്രാവശ്യം വണ്ടി ആക്സിഡന്റ് ആയിട്ടുണ്ട്.... " " അത് ഒരു ഒന്നോ രണ്ടോ പ്രാവശ്യം..... " " അപ്പോ ഇത് എത്രാമത്തെ പ്രാവശ്യമാണ് ഇങ്ങനെ കൊട്ടേഷൻ പണി എടുക്കുന്നത്.... ഞാൻ ഉദ്ദേശിച്ചത് എത്രാമത്തെ പ്രാവശ്യമാണ് ഇങ്ങനത്തെ കൊലപാതകം നടത്തുന്നത്.... " " ആദ്യമായിട്ടാണ് സർ.... " " എത്ര രൂപ കിട്ടി.... " " 2 ലക്ഷം " " സെബോയിക്ക്‌ ഒരു പ്രത്യേക സ്വഭാവം ഇല്ലെ.... താൻ തന്റെ വണ്ടി അല്ലാതെ മറ്റാരുടെയും ഓടികില്ല അല്ലേ.... " " അതേ സർ.... "

" അപ്പോ അവരെ കൊല്ലാൻ ഉപയോഗിച്ചതും അതായിരിക്കും അല്ലേ.... " " അതേ സർ.... എന്റെ വണ്ടി ആണ് ഉപയോഗിച്ചത്.... " " വണ്ടി നമ്പർ എത്രയാണ്.... " " KL ***** " " കൊല ചെയ്യാൻ പോയപ്പോൾ അത് മാറ്റുകയോ അല്ലെങ്കിൽ fake നമ്പർ വെക്കുകയോ ചെയ്തിരുന്നോ.... " " ഇല്ല സാറേ.... " ഉടനെ ചന്ദ്രശേഖർ ജഡ്ജിക്ക് നേരെ തിരിഞ്ഞു.... " മൈ ലോർഡ് കൊല്ലപ്പെട്ടു എന്ന് പറയപ്പെടുന്ന Mr and Mrs ജോഷ്വാ സഞ്ചരിച്ചിരുന്ന വാഹനത്തിന് പിന്നിലായി ലോറി ഇടികുന്നതിന്റെ സിസിടിവി ദൃശ്യങ്ങൾ അങ്ങേയ്ക്ക് മുന്നിൽ ഞാൻ സമർപ്പിച്ചിട്ടുണ്ട്.... അതിൽ ഇടിച്ച ലോറിയുടെ നമ്പർ വ്യക്തമായി കാണാം... ഞങ്ങളുടെ തുടർ അന്വേഷണത്തിൽ അതൊരു fake നമ്പർ ആണെന്ന് മനസിലായി.... പക്ഷേ ഇദ്ദേഹം പറയുന്നത് അങ്ങനെ ഒന്നും നടന്നിട്ടില്ല എന്നാണ്.... അതിനർത്ഥം ഒന്നെങ്കിൽ ഇയാൾ ഇടിച്ചത് അവരെ ആയിരിക്കില്ല.... അല്ലെങ്കിൽ ഇതൊരു കള്ള കേസാണ്.... ഇൗ നില്കുന്ന സെബോ എന്നയാൾ അടിപിടി പെൺ വിഷയം എന്നിങ്ങനെ പല കേസുകളിലും ഇതിന് മുമ്പും ശിക്ഷിക്കപ്പെട്ടിട്ടുണ്ട്... അങ്ങനെ ഒരാളുടെ മൊഴിയിൽ വിശ്വസീയത എത്ര മാത്രം ഉണ്ടാകുമെന്ന് കോടതി നിശ്ചയിക്കേണ്ടിയിരികുന്നു.... ഇതിലൂടെ തന്നെ എന്റെ കക്ഷി ഫിലിയ യുടെ നിരപരാധിത്വം തെളിഞ്ഞിരിക്കുകയാണ്.... ആയതിനാൽ എന്റെ കക്ഷിയെ നിരുപാധികം വിട്ടയക്കണം എന്ന് ഇൗ കോടതിയോട് താഴ്മയായി അഭ്യർത്ഥിക്കുന്നു.... That's all my lord "

" പ്രോസിക്യൂഷനു ഇതിന് എതിരെ എന്തെങ്കിലും വാദിക്കാൻ ഉണ്ടോ... " " ഇല്ല സർ... " " കോടതി ഉച്ച സമയത്തിനായി പിരിയുകയാണ്.... ആയതിനാൽ ഉച്ചശേഷം ഇൗ കേസ് വീണ്ടും വിളിക്കും അന്നേരം ഇതിന്റെ വിധി പറയുന്നതാണ്.... " അതും പറഞ്ഞു കോടതി പിരിഞ്ഞു.... രോഹിതിന് തലയിലൊരു അടി കിട്ടിയ പോലെയാണ് തോന്നിയത്.... അവള് നിരപരാധി ആണെന്ന് തെളിഞ്ഞാൽ അത് തന്റെ ജോലിക്ക് തന്നെ പ്രശ്നമാണ് അവനോർത്തു.... ഇതേ സമയം അപ്പുറത്ത് ചന്ദ്ര ശേഖരന്റെ മുഖത്ത് നിറഞ്ഞ പഞ്ചിരിയായിരുന്നു.... സത്യത്തിന്റെ പുഞ്ചിരി.... കുറച്ച് നേരത്തിനു ശേഷം കോടതി വീണ്ടും ഒത്തുകൂടി.... ചന്ദ്രശേഖരൻ നൽകിയ തെളിവുകളും മറ്റും കോടതി വിശദമായി പരിശോധിച്ചു.... ശേഷം വിധി പ്രഖ്യാപിച്ചു.... " Mr and Mrs ജോഷ്വായുടെ കൊലകേസിൽ അദ്ദേഹത്തിന്റെ മകൾ Filia Sarah Joshua തെറ്റുകാരിയാണെന്ന് തെളിയിക്കാൻ പ്രോസിക്യൂഷനു സാധിച്ചില്ല....

കൂടാതെ ഇതൊരു കള്ളകെസ് ആണെന്ന് തെളിയിക്കാൻ പ്രതി ഭാഗം വക്കീലിന് കഴിഞ്ഞിട്ടുണ്ട്... അതിനാൽ Filiaയേ നിരുപാധികം വിട്ടയക്കാൻ ഇൗ കോടതി ഉത്തരവാകുന്നു..... കൂടാതെ ഇൗ കേസ് അന്വേഷണത്തിൽ അപാകത കണ്ടെത്തിയതിനാൽ അന്വേഷണ ഉദ്യോഗസ്ഥനായ സിഐ രോഹിത്തിനെ വിചാരണ ചെയ്യാൻ ഇൗ കോടതി തീരുമാനിച്ചിരിക്കുന്നു.... അതിനായി ഇൗ മാസം 20ന് കോടതിയിൽ ഹാജരാകണം എന്ന് ഇൗ കോടതി ആവശ്യപെടുന്നു.... വിചാരണ കാലാവധി അവസാനിക്കും വരെ സിഐ രോഹിത് ജോലിയിൽ നിന്നും മാറി നിൽക്കണം എന്നും ഇൗ കോടതി ആവശ്യപെടുന്നു.... " വിധി കേട്ടതും ലിയ രോഹിതിനെ ഒരു നോട്ടം നോക്കി..... അതേ പതിനാല് ദിവസം മുമ്പ് രോഹിതിന്റെ ചുണ്ടിൽ ഉണ്ടായിരുന്ന അതേ പുഞ്ചിരി ഇന്നിതാ അവളുടെ ചുണ്ടിൽ..... നേടിയവന്റെ ഒരു ചിരി.... അതേ വിജയിച്ചവന്റെ ആ ചിരി............തുടരും.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...