🌸Filia🌸: ഭാഗം 8

രചന: ഏട്ടന്റെ കാന്താരി (അവനിയ)

വൈകിട്ട് ചെടികൾക്ക് വെള്ളം നനകുകയായിരുന്നു ടീന അപ്പോഴാണ് റോഷൻ ഉച്ച മയക്കം വിട്ടുണർന്നു വന്നത്.... ടീന ആകെ ടെൻഷനിൽ ആയിരുന്നു.... ഇച്ചെച്ചി യെ കോടതിയിൽ ഹാജരാകുന്നത് ഇന്നാണ്.... പക്ഷേ മറ്റൊന്നും അറിഞ്ഞില്ല.... എന്നാല് ഇതേ സമയം പുറം തിരിഞ്ഞു നിന്നിരുന്ന ടീനയുടെ ശരീരത്തിലൂടെ അവൻ്റെ കഴുകൻ കണ്ണുകൾ ഓടി നടന്നു.... അവൻ്റെ കാലുകൾ അവൾക്ക് അടുത്തേക്ക് ചലിച്ചു.... ഇടുപ്പിലൂടെ എന്തോ ഇഴയുന്ന പോലെ തോന്നിയപ്പോൾ ടീനയൊന്ന് ഞെട്ടി.... ഇന്ന് രാവിലെ ആൽബിച്ചൻ വന്നു... അത് കൊണ്ട് ശല്യം ഉണ്ടാകില്ലെന്ന് കരുതി.... പക്ഷേ കുറച്ച് നേരത്തെ അപ്പുറത്തെ കടയിലേക്ക് എന്തോ പോയതാണ് അവൻ.... അവൾക്ക് വല്ലാത്ത ഭയം തോന്നി.... അവള് അവൻ്റെ കൈയിൽ ഇരുന്നു കുതറി.... " അടങ്ങി ഇരി പെണ്ണേ.... " അതും പറഞ്ഞു അവൻ അവളുടെ മുടിയിഴളിലേക് മുഖം പൂഴ്ത്തി.... അവൾക്ക് തൻ്റെ ശരീരത്തിലൂടെ പുഴു ഇഴയുന്ന പോലെയാണ് തോന്നിയത്.... കുതുറുന്നുണ്ട് എങ്കിലും അവൻ്റെ പിടിയിൽ അതൊന്നും അറിയുന്നില്ല എന്നതാണ് സത്യം.... " എന്ത് മണമാണ് പെണ്ണേ ഇത്.... മത്ത് പിടിപ്പിക്കുന്ന മണം.... " അതും പറഞ്ഞു അവൻ അവളുടെ കഴുത്തിലേക്ക് ചുണ്ട് ചേർക്കാൻ പോയി.... ടീന കണ്ണുകൾ ഇറുകി അടച്ചു....

അതിൽ നിന്നും കണ്ണുന്നീർ ഒഴുകിയിരുന്നു.... പക്ഷേ അത് നടക്കും മുമ്പേ ആരോ റോഷനെ തിരിച്ച് നിറുത്തി അവൻ്റെ കവിളിൽ പടക്കം പൊട്ടുന്ന പോലൊന്ന് കൊടുത്തിരുന്നു.... അടിയുടെ ശക്തിയിൽ അവൻ്റെ മുഖം കുനിഞ്ഞു പോയിരുന്നു.... ഏതാനും നിമിഷങ്ങൾ അവനു ലോകം കീഴ്മേൽ മറിയുന്ന പോലെ തോന്നി.... പക്ഷേ പെട്ടെന്ന് തന്നെ നേരെ ആയിരുന്നു... അവൻ കോപത്തോടെ തലയുയർത്തി നോക്കി.... മുന്നിൽ ദേഷ്യം കൊണ്ട് വിറച്ച് നിൽകുന്ന ലിയയെ കണ്ടതും അവൻ്റെ ഉള്ളിലൊരു വെള്ളടി വെട്ടി.... അവൻ്റെ ഉള്ളിലൂടെ മാസങ്ങൾക്ക് മുൻപ് ഉള്ളൊരു സംഭവം കടന്നു പോയി.... അന്ന് കൈയിൽ പിടിച്ചപ്പോൾ വിടാൻ പറഞ്ഞു കേൾക്കാതെ ഇരുന്നപ്പോൾ എല്ലാവരുടെയും മുന്നിൽ വെച്ച് ചെരുപ്പൂരി തൻ്റെ മുഖത്ത് അടിച്ച അവളെ അവനൊരിക്കലും മറക്കില്ല.... ആ അപമാനത്തിലാണ് കുറെ നാൾ നാട്ടിൽ നിന്നും മാറി നിന്നത്.... " ഇച്ചെച്ചി.... " ടീനയുടെ ശബ്ദമാണ് അവനെ ചിന്തകളിൽ നിന്ന് ഉണർത്തിയത്... ടീന ലിയായെ കണ്ടതും അവളെ ആഞ്ഞു പുൽകിയിരുന്നു... അവളുടെ വർധിച്ച ഹൃദയമിടിപ്പിൽ നിന്നും വിറകുന്ന കൈകളിൽ നിന്നുമൊക്കെ ടീന എന്ത് മാത്രം പേടിച്ചുവെന്ന് ലിയയിക്ക് മനസിലായി.... ടീന കരയുകയായിരുന്നു....

" കരയണ്ട മോളെ.... ചേച്ചി വന്നല്ലോ.... " അതും പറഞ്ഞു ലിയ ടീനയുടെ മുതുകിൽ തട്ടി.... " ചെല്ല് പോയി ചേച്ചിക്ക് ഒരു ചായ ഇടു.... ഞാൻ ഇപ്പൊ വരാം.... " അതും പറഞ്ഞു ലിയ അവളെ അടർത്തി മാറ്റി... പക്ഷേ അപ്പോഴാണ് അവള് ടീനയുടെ കൈകൾ ശ്രദ്ധിച്ചത്.... അവിടം നന്നായി പൊള്ളിയിരുന്നു.... " അയ്യോ ഇത് എന്ത് പറ്റിയതാണ്.... " " അത് ചേച്ചി.... അത്.... " " കള്ളം കണ്ട് പിടിക്കാൻ ബുദ്ധിമുട്ടേണ്ട എന്താണ് പറ്റിയത് പറ.... " " അത് റോസിയേച്ചി കൈകൾ.... " എന്തോ മനസ്സിലായത് പോലെ ലിയ അവളോട് അകത്തേക്ക് പോകാൻ പറഞ്ഞു..... അപ്പോഴാണ് ഒപ്പം ഉള്ള Adam നെ അവള് ഓർത്തത്.... നോക്കിയപ്പോൾ Adam റോഷൻ്റെ കൈകൾ പിടിച്ച് തിരിക്കുകയാണ്... അത് കണ്ടതും അവൾക്ക് ചിരി വന്നു.... " ഇനി നീ പെണ്ണിൻ്റെ മേൽ കൈ വെക്കുമോട നായെ.... " " ഇ... ഇല്ല.... വിട്.... ആ..... " നല്ലൊരു ലോക് ആയിരുന്ന കൊണ്ട് ഒന്നും ചെയ്യാൻ റോഷന് സാധിച്ചില്ല.... " ലിയ നീ അകത്തേയ്ക്ക് പൊക്കോ.... ചെക്കനെ കുറച്ച് മര്യാദ പഠിപ്പിച്ചിട്ട്‌ വരാം ഞാൻ.... " " ശെരി..... " ഒന്ന് ചിരിച്ച് കൊണ്ട് അവള് അകത്തേയ്ക്ക് പോയി..... താഴെ എന്തോ ശബ്ദം കേട്ടാണ് റോസി താഴേയ്ക്ക് വന്നത്.... അപ്പോഴാണ് ടീന ചായയും ആയി വന്നത്... " ഇതാർക്കാടി നിന്റെ ചായ.... ഞാൻ പറഞ്ഞിട്ടില്ലേ ഇവിടെ ചായ ഉണ്ടാകരുത് എന്ന്.... "

അതും പറഞ്ഞു റോസി ചാടി തുള്ളി അവൾക്ക് അടുത്തേയ്ക്ക് ചെന്നു.... " എനിക്കാണ്.... " പുറകിൽ വന്ന ലിയ സ്വരം കടുപ്പിച്ച് കൊണ്ട് പറഞ്ഞു... അത് കേട്ട് തിരിഞ്ഞ റോസി ലിയയെ കണ്ട് ഞെട്ടി.... മുഖത്തെ ചോര വാർന്നു പോയത് പോലെ അവള് വിളറി വെളുത്തു.... " എന്തെ.... " അതും പറഞ്ഞു ലിയ അവളെ ചോദ്യ ഭാവത്തിൽ നോക്കി... ശേഷം ടീനയുടെ കൈയിൽ നിന്നും ചായ വാങ്ങി.... അപ്പോഴാണ് അന്തം വിട്ട് നിന്ന റോസിക്ക് ബോധം വന്നത്.... " നീ എന്താടി ഇവിടെ.... സ്വന്തം തന്തയേയും തള്ളയെയും കൊന്നവൾക്ക്‌ ഇൗ വീട്ടിൽ എന്താഡീ കാര്യം.... " പറഞ്ഞു തീർന്നത് മാത്രേ അവൾക്ക് ഓർമയുള്ളൂ.... പെട്ടെന്നാണ് മുഖത്തേയ്ക്ക് എന്തോ വന്നു പതിച്ചത് പോലെ തോന്നിയത്.... ഉടനെ മുഖത്ത് കൂടെ എന്തോ ഒഴുകി.... പെട്ടെന്ന് മുഖം മുഴുവൻ പൊള്ളലേറ്റത് കൊണ്ട് അവള് അലറി.... ടീന മുന്നിൽ നടക്കുന്നത് അന്തം വിട്ട് നോക്കി നിന്നു.... " ചായ വളരെ നല്ലത് ആണ് കേട്ടോ മോളെ.... ബാക്കി ഉണ്ടോ.... " അതിനിടയിൽ റോസി അലറി കൊണ്ട് വാഷ് ബേസിന് അരികിലേക്ക് ഓടി.... " ഉ... ഉണ്ട് ചേച്ചി.... " " പോയി എടുത്തിട്ട് വാ.... " അതും പറഞ്ഞു അവള് കപ്പ് തിരികെ നൽകി.... ടീന ഒരു തരം അടിയേറ്റ പോലെ വേറെ ലോകത്ത് ആയിരുന്നു... കുറച്ച് മുന്നേ നടന്നത് ആയിരുന്നു അവളുടെ കണ്ണിൽ. കൈയിൽ ഇരുന്നിരുന്ന തിളച്ച ചായ ഒരു ദയയും ഇല്ലാതെയാണ് ചേച്ചി റോസിയുടെ മുഖത്തേയ്ക്ക് ഒഴിച്ചത്.... പക്ഷേ അപ്പോഴാണ് അവളുടെ കണ്ണുകൾ തന്റെ കൈകളിലേക്ക് തിരിഞ്ഞത്....

അനുഭവിക്കേണ്ടത് അനുഭവിച്ച് മാത്രേ തീരൂ..... അവളോർത്തു... ലിയ വേഗം റോസിക്ക് അരികിലേക്ക് ചെന്നു.... തിളച്ച ചായ ആയിരുന്നു... അത് കൊണ്ട് അത്യാവശ്യം നന്നായി തന്നെ പൊള്ളിയിട്ട്‌ ഉണ്ടാകും ഉറപ്പാണ്.... പക്ഷേ കുറ്റബോധം അത് തോന്നുന്നില്ല.... ടീനയുടെ കൈ കണ്ടപ്പോൾ തന്നെ ദേഷ്യം വന്നിരുന്നു.... റോസി തണുത്ത വെള്ളം ശക്തിയായി തന്റെ മുഖത്ത് ഒഴിച്ച് കൊണ്ടിരുന്നു.... " നിന്റെ വർത്തമാനത്തിന് ഇത് പോര... ഇനി നിന്റെ വായിൽ നിന്ന് അങ്ങനെ എന്തെങ്കിലും വീണാൽ പച്ചക്ക് കത്തിക്കും ഞാൻ... കേട്ടോടി.... " ലിയ റോസിയോട് പറഞ്ഞു.... അപ്പോഴാണ് പുറത്ത് പോയ ആൽബിൻ തിരിച്ച് വന്നത്.... " എന്താ... എന്തായിവിടെ... " ഉടനെ റോസി അവന്റെ അടുത്തേയ്ക്ക് കരഞ്ഞു കൊണ്ട് ഓടി.... " ആൽബിച്ച ഇത് കണ്ടോ ഇവളുടെ ഗുണ്ടായിസം... എന്റെ മുഖത്ത് തിളച്ച ചായ്‌ ഒഴിച്ചു.... " ആൽബിൻ ഉടനെ റോസിയുടെ മുഖത്തേയ്ക്ക് നോക്കി.... അത് ചുവന്നു തിണർത്ത പോലെ ഉണ്ട്.... അവന് വല്ലാത്ത ദേഷ്യം വന്നു.... അവൻ ഒറ്റ കുതിപ്പിന് ലിയയിക്ക്‌ അരികിലെത്തി... എന്നിട്ട് അവളുടെ മുടികുത്തിന് പിടിച്ച് വലിച്ച് വാതിലിനു പുറത്തേയ്ക്ക് തള്ളി.... പക്ഷേ അതേ സമയം കയറി വന്ന Adam അവളെ താങ്ങിയിരുന്നു.... " എന്ത് ധൈര്യം ഉണ്ടെടി വീണ്ടും ഇങ്ങോട്ട് വരാൻ....

ഇനി മേലാൽ ഇൗ പടി ചവിട്ടരുത്.... കണ്ടവന്റെ കൂടെ അഴിഞ്ഞാടി നടക്കുന്ന @#₹ മോൾ.... " " പ്ഭാ ഇനി ഒരക്ഷരം നീ മിണ്ടിയാൽ.... നേരെ ചൊവ നടക്കാൻ 3 മാസമെങ്കിലും എടുക്കും.... " Adam കോപത്തോടെ പറഞ്ഞു.... " അയ്യോ ഞാനൊന്നും പറയുന്നില്ലേ.... അത്രക്ക് ദ്ധണ്ണം ആണേൽ അന്തസായി കൊണ്ട് പോയി കെട്ടി പൊറുപ്പിക്കട വെച്ചൊണ്ട് ഇരിക്കാതെ.... " " അതെട കെട്ടുകയും ചെയും കൂടെ പൊറുപ്പികുകയും ചെയും.... അതിനു നിനക്ക് എന്താടാ ചേതം.... " അതും പറഞ്ഞു Adamന്റെ കൈകൾ അവളിൽ മുറുകി.... " വാ ലിയ ഇനി ഇവിടെ നിൽക്കേണ്ട.... " അതും പറഞ്ഞു Adam അവളെ വലിച്ചതും ടീന കരഞ്ഞു കൊണ്ട് ഓടി വന്നു... " ചേച്ചി പോകല്ലേ ചേച്ചി... എന്നെ വിട്ട് പോവല്ലേ.... " " കയറി പോടി അസത്തെ അകത്ത്... അതും പറഞ്ഞു ടീനയെ ആൽബിൻ പിടിച്ച് അകത്തേയ്ക്ക് ഇട്ടു.... " വാ ലിയ... " Adam തന്റെ ബലം കൂട്ടി..... എന്നാല് ലിയ ആ കൈകൾ ബലമായി അടർത്തി മാറ്റിയിരുന്നു.... " ലിയ.... " അവൻ ദേഷ്യത്തോടെ വിളിച്ചു.... " ഇത് എന്റെ വീടാണ് ഇവിടുന്ന് ഞാൻ എന്തിന് ഇറങ്ങണം.... " " നിന്റെ വീടോ.... " ആൽബിൻ പരിഹാസത്തോടെ ചോദിച്ചു.... ആ വീട്ടിലെ ശബ്ദ കോലാഹലങ്ങൾ കേട്ട് അയൽക്കാർ ഒക്കെ എത്തി നോക്കുന്നുണ്ടായിരുന്നു.... " എന്തെ സംശയം ഉണ്ടോ.... "

അവളുടെ വാക്കുകളിൽ വല്ലാത്തൊരു ഉറപ്പുണ്ടായിരുന്നു.... അത് ആൽബിനെ സംശയത്തിലാഴ്ത്തി..... " ടീന.... എന്റെ റൂമിൽ എന്റെ സർട്ടിഫിക്കറ്റ് ഒക്കെ ഇരിക്കുന്നിടത് ഒരു ബ്ലൂ കളർ ഫൈൽ ഉണ്ട്.... അത് ഇങ്ങ് എടുത്തോണ്ട് വാ.... " ഉടനെ ടീന അകത്തേയ്ക്ക് പോയി.... ഉടനടിയിൽ തിരിച്ച് വന്നു കൈകളിൽ ലിയ പറഞ്ഞ ഫൈലും ഉണ്ടായിരുന്നു.... അവളത് ലിയക്ക്‌ നൽകി.... ലിയ അത് തുറന്നു ഒരു മുദ്ര പേപ്പറിന്റെ കോപ്പി ആൽബിന്റെ കൈകളിലേക്ക് വെച്ച് കൊടുത്തു..... " ഇത് ഇൗ വീടിന്റെ പ്രമാണത്തിന്റെ കോപ്പിയാണ്... ഇതിൽ പറയുന്നത് പ്രകാരം ജോഷ്വാ എന്ന എന്റെ അപ്പന്റെ പേരിൽ ഉണ്ടായിരുന്ന ഇൗ വീടിന്റെ ഏകാവകാശി അദ്ദേഹത്തിന്റെ രണ്ടാമത്തെ മകളായ Filia Sarah Joshua എന്ന ഞാനാണ്.... " " അതെങ്ങനെ ശരിയാകും.... അപ്പന്റെ എല്ലാ സ്വത്തുകൾക്കും എല്ലാ മക്കൾക്കും അവകാശം ഉണ്ടാകും.... " റോസി പരിഹാസത്തോടെ പറഞ്ഞു..... " ഒന്നും ഇല്ലേലും ഞാനൊരു വക്കീലാകാൻ പഠികുന്നവൾ അല്ലേ... ആ ബോധമെങ്കിലും നിങ്ങൾക്ക് വെക്കാമായിരുന്നു..... പാരമ്പര്യ സ്വത്തിലാണ് മക്കൾക്ക് തുല്യ അവകാശം... ഇത് എന്റെ അപ്പൻ സ്വന്തം കഴിവും അധ്വാനവും കൊണ്ട് ഉണ്ടാക്കിയ വീടാണ്... അത് ആർക്ക് വേണമെങ്കിലും അദ്ദേഹത്തിന് ഇഷ്ടദാനം ചെയ്യാം....

കഴിഞ്ഞ വർഷം ഒക്ടോബർ പന്ത്രണ്ടാം തിയതി അഡ്വക്കേറ്റ് ചന്ദ്രശേഖരൻ വഴി പപ്പ അത് എന്റെ പേരിലേക്ക് മാറ്റിയിരുന്നു.... കൃത്യമായി പറഞ്ഞാല് നിന്നെ ഒക്കെ ഇവിടുന്ന് അടിച്ച് പുറത്താക്കിയതിന് ശേഷം ഒരാഴ്ചക്കുള്ളിൽ.... " ആൽബിൻ ഒന്നും മിണ്ടാൻ പറ്റാത്ത പോലെ നിന്ന് പോയി.... ഇങ്ങനെയൊരു അടി അത് സ്വപ്നത്തില് പോലും വിചാരിച്ചില്ല.... അവനോർത്തൂ... " എന്റെ വീട്ടിൽ നിന്ന് എന്നോട് ഇറങ്ങി പോകാൻ പറയാൻ നിനക്ക് ഒക്കെ എന്താടാ അധികാരം.... " ലിയ ആൽബിയോടെ പുച്ഛത്തോടെ ചോദിച്ചു.... " ഡീ.... " റോസി അവൾക്ക് നേരെ കൈയുയർത്തിയെങ്കിലും ലിയ പതർച്ചയില്ലാതെ നിന്നു..... " അത് എന്റെ ദേഹത്ത് വെല്ലോം കൊണ്ടാൽ.... " അതും പറഞ്ഞു ലിയ അവൾക്ക് നേരെ വിരൽ ചൂണ്ടി.... " ആൽബിച്ഛ... " റോസി വിളിച്ചെങ്കിലും നേരത്തെ കേട്ടതിന്റെ ഷോക്കിൽ നിന്നും അവൻ മുക്തൻ ആകാതത്തിനാൽ അതവൻ കേട്ടില്ല.... " ഇപ്പോ ഇൗ നിമിഷം എടുക്കാൻ ഉള്ളതൊക്കെ എടുത്ത് ഇവിടുന്ന് ഇറങ്ങികൊള്ളണം കെട്ടിയോനും കെട്ടിയോളും ആളിയനുമെല്ലാം.... "

അതും പറഞ്ഞു അവള് ടീനക്ക്‌ അരികിലേക്ക് നടന്നു... " വാ മോളെ.... Adam നീയും അകത്തേയ്ക്ക് വാ.." " ഒന്നവിടെ നിന്നെ.... " ആൽബിനായിരുന്ന് അത്.... " എന്താ.... " " നീ ജയിച്ചെന്ന് കരുതേണ്ട ഡീ.... ഇതിന് ഞാൻ പകരം വീട്ടിയിരിക്കും.... ചത്ത് തൊലഞ്ഞാലും അയാളെ കൊണ്ടുള്ള ശല്യം തീരില്ല.... " പറഞ്ഞു തീർന്നതും ലിയ പാഞ്ഞു വന്നു അവന്റെ കവിളിൽ ഒന്ന് കൊടുത്തിരുന്നു... ശേഷം അവന്റെ കഴുത്തിൽ പിടി മുറുക്കി.... ആൽബിക്ക്‌ ശ്വാസം മുട്ടുന്നതായി തോന്നി.... " പപ്പയെ എന്തെങ്കിലും പറഞ്ഞാല് നീ ശവം ആയിട്ടെ ഇവിടുന്ന് പോകൂ.... ഇറങ്ങി പോടാ നായെ.... " അതും പറഞ്ഞു അവള് അവന്റെ കഴുത്തിലുള്ള പിടി വിട്ട് അവനെ പിടിച്ച് തളളി.... അവൻ ഒന്ന് സൈഡിലേക്ക് ആഞ്ഞു... അവനു തന്റെ ജീവൻ പോകും പോലെയാണ് തോന്നിയത്... ശ്വാസം കിട്ടാത്തത് കൊണ്ട് അവൻ വല്ലാതെ ചുമച്ചു.... " വിളിച്ച് കൊണ്ട് പോടി അവനെ.... ഇനി മേലാൽ ഇൗ പടി ചവിട്ടരുത് നീയൊന്നും.... " റോസിയോട് അതും പറഞ്ഞു അവള് ടീനയുടെ കൈ പിടിച്ച് അകത്തേയ്ക്ക് കയറി............തുടരും.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...