🌸Filia🌸: ഭാഗം 9

രചന: ഏട്ടന്റെ കാന്താരി (അവനിയ)

" വിളിച്ച് കൊണ്ട് പോടി അവനെ.... ഇനി മേലാൽ ഇൗ പടി ചവിട്ടരുത് നീയൊന്നും.... " റോസിയോട് അതും പറഞ്ഞു അവള് ടീനയുടെ കൈ പിടിച്ച് അകത്തേയ്ക്ക് കയറി.... അതിനു പുറകെ Adam ആൽബിയുടെ മുഖത്ത് നോക്കി ഒന്ന് പുച്ഛിച്ച് കൊണ്ട് അകത്തേയ്ക്ക് കയറി.... അത് കാൺകെ ആൽബിക്ക് തന്റെ തൊലി ഉരിയും പോലെ തോന്നി... " നാണം ഇല്ലല്ലോ മനുഷ്യ നിങ്ങൾക്ക്.... അവള് പറഞ്ഞിട്ട് പോയ കണ്ടില്ലേ.... നിങ്ങള് അവളുടെ മൂത്ത ചേട്ടൻ അല്ലേ... എന്നിട്ട് അവള് കാണിച്ച കണ്ട്... ഇങ്ങനെ മൂങ്ങയെ പോലെ ഇരിക്കാതെ പോയി ചോദിക്ക് മനുഷ്യ.... " " റോസി നീ മിണ്ടാതെ നിൽക്.... " " ഓ പെങ്ങളെ പറഞ്ഞപ്പോ പിടിച്ചില്ല അല്ലേടോ.... തനിക്ക് നാണം ഉണ്ടോടോ അവളുടെ കൈയിൽ നിന്നും തല്ലും മേടിച്ച് ഇങ്ങനെ നിൽകാൻ.... ചെ നിങ്ങളൊരു ആണാണോ.... " പറഞ്ഞു തീർന്നതും റോസിയുടെ മുഖത്ത് അവന്റെ കൈകൾ പതിഞ്ഞു.... " താഴ്ന്നു തന്നപ്പോൾ തലയിൽ കേറുന്നോടി @#₹ മോളെ.... മിണ്ടാതെ അടങ്ങി നിന്നോണം.... " പൊള്ളിയിടത്ത് ആൽബിന്റെ കൈകൾ പതിഞ്ഞപ്പോൾ റോസിക്ക്‌ ജീവൻ പോകും പോലെ തോന്നി.... " അളിയാ... അവള് അറിയാതെ... നിങ്ങള് ഇവിടെ തല്ല് ഉണ്ടാക്കാതെ വാ നമുക്ക് എങ്ങോട്ട് എങ്കിലും പോകാം... ഇവിടെ നിന്നിട്ട് കാര്യമൊന്നുമില്ല.... "

" മ്മ്‌... " റോഷന്റെ വാക്കുകൾ ശെരി വെച്ച് കൊണ്ട് അവനൊന്നു മൂളി..... എന്നാല് ഇതേ സമയം ടീന ലിയയെ കെട്ടിപിടിച്ചു കരയുകയായിരുന്നു.... " ഇനി എന്തിനാ കുട്ടി കരയുന്നത്.... " Adam അവളോട് വാത്സല്യത്തോടെ ചോദിച്ചു.... " ഇച്ചേച്ചി ഞാൻ... ഞാൻ ആകെ പേടിച്ച് പോയി.... " " പേടിക്കണ്ട ചേച്ചി വന്നല്ലോ..... " " റോസിയെച്ചി പറഞ്ഞു ചേച്ചി ഇനി ഒരിക്കലും പുറത്ത് ഇറങ്ങില്ല എന്ന്..... " " ഞാൻ ഉള്ളപ്പോ നിന്റെ ചേച്ചിക്ക് ഒന്നും വരില്ല കുഞ്ഞി... " Adam ചിരിച്ച് കൊണ്ട് പറഞ്ഞു.... " ഒരുപാട് നന്ദി ഉണ്ട് ചേട്ടായി.... എനിക് ഇനി ആകെ ചേച്ചിയെ ഉള്ളൂ.... ഒരുപാട്.... " " ദ്ദേ പെണ്ണേ ഞാൻ നല്ല തല്ല് വെച്ച് തരും കേട്ട.... അവള് നിന്റെ ചേച്ചി ആണെങ്കിലേ ഞാൻ നിന്റെ ചേട്ടനാണ്... കേട്ടോടി കുരുട്ട്‌ അടക്കെ.... " " ദെ Adam എന്റെ കൊച്ചിനെ ഒന്നും പറയരുത് കേട്ടോ... " " ഓ ഇപ്പൊ ചേച്ചിയും അനിയത്തിയും ഒന്നായല്ലെ.... " " ടീന ചെന്നു ഡ്രസ്സ് മാറു നമുക്ക് ഒന്ന് പുറത്ത് പോകാം... Adam നീ ബിസി ആണോ... " " അല്ല എന്റെ പെണ്ണേ.... നിങ്ങള് ഡ്രസ്സ് മാറി വാ.... ഞാൻ വെയിറ്റ് ചെയ്യാം.... " ഉടനെ ലിയയും ടീനയും മുറികളിലേക്ക് പോയി.... ലിയ നീണ്ട പതിനഞ്ച് ദിവസങ്ങൾക്ക് ശേഷമാണ് തന്റെ മുറിയിൽ കയറുന്നത്.... ഇതിന് മുന്നേ അതാരോ ഉപയോഗിച്ചു എന്നത് ഉറപ്പാണ്...

അവിടെ കിടക്കുന്ന cigrette കുറ്റികളിൽ നിന്നും അത് റോഷൻ ആണ് ഉപയോഗിച്ചത് എന്നവൾക്ക്‌ മനസിലായി... അവൾക്ക് വല്ലാതെ ദേഷ്യം വന്നു.... അവള് അലമാരി തുറന്നു ഒരു തോർത്തും എടുത്ത് കുളിക്കാൻ കയറി.... ഷവറിന് കീഴിൽ നിൽകുമ്പോൾ കഴിഞ്ഞ കുറച്ച് ദിവസങ്ങളായി തന്റെ ജീവിതത്തിൽ നടക്കുന്നത് അവളോർത്തു.... സന്തോഷവും സ്നേഹവും നിറഞ്ഞ ജീവിതം എത്ര പെട്ടെന്നാണ് കീഴ്മേൽ മറിഞ്ഞത്.... എന്തിനും ഒപ്പം ഉണ്ടായിരുന്ന പപ്പ പോയതോടെ താൻ ഒറ്റപ്പെട്ടെന്ന് കരുതി.... പക്ഷേ Adam ഒപ്പം നിന്നു.... അപ്പോഴാണ് അവൾക്ക് മറ്റൊരു കാര്യം ഓർമയിൽ വന്നത്.... പക്ഷേ ഇപ്പോഴും മനസ്സിലാകാത്ത ഒന്ന്.... എന്തിനായിരിക്കും മരണത്തിന് ഏതാനും മിനിറ്റുകൾ മുമ്പ് പപ്പ വിളിച്ച് അങ്ങനെ പറഞ്ഞത്.... പപ്പക്ക്‌ തെറ്റ് പറ്റിയത് ആകുമോ.... അങ്ങനെ ആകാനാണ് വഴി.... അതല്ലെങ്കിൽ..... അപ്പോഴാണ് വാതിൽ മുട്ട് കേട്ടത്.... " ഇച്ചേച്ചി.... വേഗം വാ..... " " ആ വരുന്നു.... " ലിയ ചിന്തകള് ഒക്കെ അവസാനിപ്പിച്ച് വേഗം കുളിച്ചിറങ്ങി.... 🍁🍁🍁🍁🍁

ആൽബിനും കൂട്ടരും ബസ് സ്റ്റാൻഡിൽ ഇരിക്കുകയായിരുന്നു.... " അളിയാ നമ്മൾ എവിടെ പോകും.... ഇതെന്താ ഇവിടെ ഇരിക്കുന്നത്.... " " അതേ ഇതെന്താ മനുഷ്യ ഇവിടെ.... " " ഒന്ന് മിണ്ടാതെ ഇരികുന്നുണ്ടോ രണ്ടും.... " " നിങ്ങളെന്തിനാ.... " " റോസി ഒന്ന് മിണ്ടാതെ നിൽക്ക്.... " " ഓ... " അവള് റോഷനേ നോക്കി പുച്ഛിച്ചു.... " അളിയാ... എന്താ പ്രശ്നം.... " റോഷൻ അവനോട് ചോദിച്ചു... " എടാ പണ്ട് വാടകക്ക് താമസിച്ചിരുന്ന വീട്ടിൽ കൊറേ അടവ് കൊടുത്ത് തീർക്കാൻ ഉണ്ട്... അത് കൊണ്ട് തന്നെ ഇനി അങ്ങോട്ട് പോകാൻ പറ്റില്ല.... പിന്നെ കൊറേ പേരും വീട് തരില്ല ഞങ്ങൾക്ക്.... " " അത്രേം ഉള്ളോ എന്റെ പൊന്നു അളിയാ.... മനുഷ്യനെ പേടിപ്പിക്കാൻ... തൽകാലം എന്റെ ഒരു ഫ്രണ്ട് ഉണ്ട്... അവൻ ഒറ്റക്കാണ് താമസം.... അവന്റെ കൂടെ തങ്ങാം.... " " ഏയ് അതൊന്നും ശെരി ആകില്ല.... " " നിങ്ങളെന്ത് അറിഞ്ഞിട്ടാണ്‌ ഇൗ പറയുന്നത്... കേറി കിടക്കാൻ ഒരു വീട് പോലുമില്ല... അപ്പോഴും അഹങ്കാരത്തിന് കുറവൊന്നും ഇല്ല.... " " റോസി നീ ഒന്ന് നിർത്ത്... അളിയനെ ഞാൻ പറഞ്ഞു മനസിലാക്കികൊള്ളാം.... "

" മ്മ്‌.... ഒന്ന് നല്ല ബുദ്ധി ഉപദേശിച്ച് കൊടുക്ക്.... " അതും പറഞ്ഞു അവള് ബാഗുകൾ ഒക്കെ എടുത്തു.... " അളിയാ പ്രശ്നം ഒന്നുമില്ല.... അവിടെ ആകുമ്പോൾ തൽകാലം പൈസ ഒന്നും കൊടുക്കണ്ട... ആരുമില്ലാത്ത അനാഥനാണ്.... കുറച്ച് സ്നേഹം മാത്രം കൊടുത്ത മതി.... " റോസിയെ നോക്കി അർത്ഥം വെച്ചാണ് അവനത് പറഞ്ഞത്.... മനസ്സിലായ പോലെ അവളൊന്നു ചിരിച്ചു.... " മ്മ്‌ പോവാം.... " അവൻ വലിയ താൽപര്യം ഇല്ലാത്ത പോലെ പറഞ്ഞു.... 🍁🍁🍁🍁🍁 ഒരു relaxation ന് ആയി ബീച്ചിൽ എത്തിയതാണ് അവർ.... " ഇച്ചേച്ചിയേ അവർ ഒരുപാട് ഉപദ്രവിച്ചോ.... " " ഇല്ല മോളെ.... " " കള്ളം പറയുകയാണെന്ന് എനിക് അറിയാം.... അവർ പറയുന്ന കേട്ടല്ലോ ചേച്ചിയെ ഒരുപാട് ഉപദ്രവികുന്നുമെന്ന്.... " " ആര്.... " " ആൽബിച്ചനും മറ്റും... " " ഓ അപ്പോ അവരുടെ പണി ആയിരുന്നു അല്ലേ... " " ഇച്ചായൻ മാത്രമല്ല ഇച്ചേച്ചി നമ്മുടെ പപ്പയുടെ സഹോദരങ്ങളും എല്ലാവരും ചേർന്നുള്ള കെണി ആയിരുന്നു അത്.... " " മ്മ്‌.... " " ഇവളോട് എന്തിനാ അവർക്ക് ഇത്രക്ക് വെറുപ്പ്.... " " അത് ഇന്നോ ഇന്നലെയോ തുങ്ങിയതല്ല Adam.... പണ്ട് മുതലേ എന്നോട് അവർക്കൊക്കെ ഒരു ദേഷ്യം ഉണ്ട്.... " " മ്മ്‌... എന്നോട് പറഞ്ഞിട്ടുണ്ട്.... " " അന്നു എല്ലാം എന്റെ തോന്നലാണ് എന്ന് നിങ്ങള് പറഞ്ഞില്ലേ...

പക്ഷേ ഇതേ തോന്നൽ എനിക് മാത്രമല്ല എന്റെ വീട്ടിലെ എല്ലാവർക്കും ഉണ്ടായിരുന്നു..... " " മ്മ്‌..... മറ്റാരോട് എങ്കിലും ഇങ്ങനെ ഉണ്ടോ.... " " ഇല്ല.... ദ്ദേ ഇവളോട് പോലും വലിയ സ്നേഹാ.... ആദ്യം ഒക്കെ തോന്നൽ ആയിരുന്നു എന്നാണ് കരുതിയത്... പക്ഷേ പിന്നീട് കുറച്ച് കൂടി വലുതായപ്പോൾ തോന്നൽ കൂടി കൂടി വന്നു.... പഠിക്കുമ്പോൾ എല്ലാവരും കസിൻസ് ഒക്കെ വീട്ടിൽ വരുന്നത് സന്തോഷത്തോടെ പറയുമ്പോൾ എനിക് അത് പേടി സ്വപ്നം ആയിരുന്നു.... കാരണം അത് എനിക് ഒറ്റപ്പെടലിന്റെ നിമിഷങ്ങൾ ആയിരുന്നു.... ജോൺ പപ്പയുടെ മകളുടെ കല്യാണത്തിന് എനിക് വെറും 10 വയസ്സാണ്.... എന്റെ ജീവിതത്തിൽ ഒരിക്കലും മറക്കാത്ത ഒന്ന്..... " പറയുമ്പോൾ അവളുടെ തൊണ്ടയിടറി... കണ്ണുകളിൽ നീർത്തിളക്കം ഉണ്ടായി.... " ഏയ് എന്താടാ.... " Adam അവളുടെ തോളിൽ പിടിച്ചു.... അവള് അവനെ നോക്കി ദയനീയമായി ഒന്ന് ചിരിച്ചു.... " അടുത്ത ബന്ധുവിന്റെ കല്യാണത്തിന് ഒറ്റക്ക് ഇരിക്കേണ്ട അവസ്ഥ അറിയോ Adam നിങ്ങൾക്ക്.... ബാക്കി എല്ലാവരും അപ്പുറത്ത് സന്തോഷത്തിൽ അർമാധിക്കുമ്പോൾ അവരാരും കാണാതെ കരഞ്ഞ ഒരു 10 വയസ്സുകാരിയുടെ മാനസികാവസ്ഥ.... പിന്നെ മനസ്സിലായി... തന്നെ മനഃപൂർവം ഒഴിവാക്കുക ആണെന്ന്...

അത് കൊണ്ട് തന്നെ ഒന്നിലും പങ്കെടുക്കാതെ ആയി.... ഒന്നിനോടും പ്രതികരിക്കാതെ ആയി.... അവരൊക്കെ വീട്ടിൽ വരുമ്പോൾ പോലും സ്വന്തം മുറിയിൽ ഒതുങ്ങി കൂടാൻ ആഗ്രഹിച്ചു.... " " ലിയ.... അതൊന്നും ഓർക്കണ്ട... നിനക്ക് ഞാൻ ഉണ്ടല്ലോ.... " " മ്മ്‌.... ഇപ്പോ എല്ലാവരും ഉണ്ട്... പക്ഷേ വേണ്ട സമയത്ത് ആരും ഉണ്ടായില്ല.... അതൊക്കെ കഴിഞ്ഞ് വർഷങ്ങൾക്ക് ശേഷമാണ് പപ്പയും മമ്മിയും ഇത് ശ്രദ്ധിക്കുന്നത് പോലും ... പക്ഷേ അപ്പോഴേക്കും അതിജീവിക്കാൻ ഞാൻ പഠിച്ചിരുന്നു.... വെറുപ്പ് ആയിരുന്നു കസിൻസ് എന്ന പദത്തിനോട് തന്നെ.... " അവള് എന്തോ ഓർത്തപ്പോലെ പറഞ്ഞു നിറുത്തി.... ടീനയുടെ ഉള്ളിലൂടെയും പലതും കടന്നു പോയി.... ഇച്ചേച്ചി പറയുന്നത് ഒക്കെ സത്യമാണ്.... അവരൊക്കെ എപ്പോ വീട്ടിൽ വന്നാലും തനിക്കും ഇച്ചായനും എന്തെങ്കിലും വാങ്ങി കൊണ്ട് വരും.... മിഠായി ആണെങ്കിൽ പോലും രണ്ടെണ്ണം ഉണ്ടാവുക ഉള്ളൂ.... അത് തന്റെയും ഇച്ചായന്റെയും കൈകളിൽ വെച്ച് തരുമ്പോൾ ചേച്ചി ഒന്ന് ചിരിക്കുന്ന ഞാൻ കണ്ടിട്ടുണ്ട്.... ഞാൻ ചോദിക്കുമ്പോൾ ചേച്ചിക്ക് ഇഷ്ടമല്ല എന്ന് പറയും...

അന്നൊന്നും അത് മനസ്സിലാക്കാൻ താൻ ശ്രമിച്ചില്ല.... ഇച്ചേച്ചി നന്നായി പഠിക്കുമായിരുന്നു.... താനും ഇച്ഛായനും അതിൽ പുറകോട്ടാണ്.... അത് കൊണ്ടുതന്നെ എനിക് കുശുമ്പ് ആയിരുന്നു ഇച്ചേച്ചിയോട്... അതൊക്കെ തെറ്റാണ് എന്ന് മനസിലായത് പിന്നീടാണ്.... ഞാനും അവളോട് പലതും കാണിച്ചിട്ടുണ്ട്.... അവരൊക്കെ ചേച്ചിയെ മാറ്റി നിർത്തിയപ്പോൾ ഞാൻ സന്തോഷിച്ചിട്ടുണ്ട്... വെറുപ്പ് പോലും അവളോട് തോന്നിയിരുന്നു.... അല്ല കസിൻസ് എന്ന് പറയുന്നവർ എന്റെ മനസ്സിൽ അത് കുത്തി നിറച്ചിരുന്നു.... " വാ നമുക്ക് ഒരു ഐസ്ക്രീം കഴിക്കാം.... " Adam ന്റെ വിളിയാണ് അവളെ ചിന്തകളിൽ നിന്ന് ഉണർത്തിയത്.... " മ്മ്‌.... " .........തുടരും.........

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...