💖 HeZliN💖: ഭാഗം 15

രചന: Jumaila Jumi

 ഞാൻ സിസ്റ്റത്തിലോട്ട് നോക്കിയതും അതിൽ കണ്ട കാഴ്ച എന്നെ തെല്ലൊന്നും അല്ല അത്ഭുതപ്പെടുത്തിയത്...ഞങ്ങടെ സ്റ്റോക്ക് മാനേജർ എന്റെ സിസ്റ്റത്തിൽ നിന്നും മെയിൽ അയക്കുന്നത് ഞങ്ങൾ അതിൽ വ്യക്തമായി കണ്ടു... എനിക്ക് അപ്പോഴേ തോന്നിയിരുന്നു.ഈ ഓഫീസിലെ ആരോ ആണ് ഇതിന് പിന്നിലെന്ന്. എന്ന് അവൻ പറഞ്ഞതും ഞാൻ അവനെയൊന്ന് നോക്കി... എന്നാലും എന്തിനാവും അയാള് ഇങ്ങനെ ഒരു ചതി എന്നോട് ചെയ്തേ... എന്തായാലും നിന്റെ പോസ്റ്റിന് വേണ്ടിയല്ല...അതിനായിരുന്നേൽ ഈ പോസ്റ്റിലോട്ട് ഇന്റർവ്യൂ നടക്കുന്ന മുന്നേ തന്നെ അയാള് നിന്റെ ഈ സ്ഥാനത് ഉണ്ടായേനെ.. പിന്നെന്തിനാവും... അതാണ് നമുക്കിനി കണ്ടത്തേണ്ടത്... അതിനു മുന്നേ എന്റെ പാസ്സ്‌വേർഡ് അയാൾക്ക് എങ്ങനെ കിട്ടി എന്നറിയണം.. അതിന് നിന്റെ ക്യാബിൻ ഒന്നൂടെ സെർച്ച് ചെയ്യേണ്ടി വരും.. അപ്പോഴാണ് ഉമ്മ ഞങ്ങൾക്കു കുടിക്കാൻ ഉള്ള ജ്യൂസുമായി വന്നത്... ഇനി ഇത് കുടിച്ചിട്ട് മതി ഇങ്ങളെ ഡിസ്കഷൻ.. എന്നും പറഞ്ഞു ഉമ്മ നേരെ നോക്കിയത് കമ്പ്യൂട്ടറിലോട്ട് ആണ്... ഇതെന്താടി..ഇജ്ജ് ഒളി ക്യാമറ വെച്ച് പടം പിടിക്കാനും തുടങ്ങിയോ...

ഓ ന്റെ ഉമ്മ..ഇത് പടം പിടിത്തം ഒന്നും അല്ല..ഇതെന്റെ ജീവിത പ്രശ്നാണ്.. ഇജ്ജെന്തൊക്കെയാ ഈ പറയുന്നേ..എനിക്കൊന്നും മനസ്സിലാവുന്നില്ല... എന്നാ മനസ്സിലാവുന്ന ഒരു കാര്യം പറയാം... എന്നെ ആ ജോലിയിൽ നിന്നും പുറത്താക്കി.. ങേ..എന്തിന്... ഉമ്മ ചോദിച്ചപ്പോ ഞാൻ നടന്നതെല്ലാം പറഞ്ഞു കൊടുത്തു...എല്ലാം പറഞ്ഞു കഴിഞ്ഞതും ഉമ്മ എന്നെ ഒന്ന് ഇരുത്തി നോക്കി... ഇങ്ങളെന്താ ന്നെ ഇങ്ങനെ നോക്കുന്നെ... സത്യം പറയടി..ഇജ്ജ് ആ ചെക്കൻ പറഞ്ഞ പോലെ മറ്റേ കമ്പനിയുടെ ചാരത്തിയല്ലേ... ഉമ്മ പറയുന്നത് കേട്ട് മിച്ചു എന്നെ അന്തം വിട്ട് നോക്കുന്നുണ്ട്...ഇതൊക്കെ എന്ത് ദാസാ എന്ന രീതിയിലായിരുന്നു എന്റെ നിൽപ്പ്...ഇത് ഇങ്ങനെയെ വരൂ എന്നെനിക്കറിയാമായിരുന്നു... നീയെന്താടി കുന്തം വിഴുങ്ങിയ പോലെ നിൽക്കുന്നെ...പറയടി...ഇജ്ജ് അത് തന്നെയല്ലേ... ആ. അതെ..ഞാൻ R&R കമ്പനിയുടെ ചാരത്തി തന്നെയാണ്...ഇനി ഇങ്ങള് കൊണ്ടോയി കേസ് കൊടുക്കി.. എന്താടി ഇതൊക്കെ..

എന്ന് അവൻ ചോദിച്ചതും... ഇത് കണ്ട് അനക്കൊന്നും തോന്നരുത്...പറഞ്ഞു വരുമ്പോ ഇതെന്റെ ഉമ്മയൊക്കെ ആണെങ്കിലും കൂറ് ആ മരങ്ങോടനോടാ... എന്താ സംശയം...അന്റെ സ്വാഭാവത്തിന് അവൻ നിന്നെ മൂന്ന് ദിവസം തന്നെ അവിടെ നിർത്തിയത് വല്യ അത്ഭുതം തന്നെയാണ്... ഉമ്മാ... ഇത്തവണ ആ ഉമ്മ വിളി എന്റെ അല്ലായിരുന്നു...മ്മടെ മിച്ചൂന്റെ വകയായിരുന്നു... ഇങ്ങള് ഇതൊക്കെ ചിലപ്പോ തമാശക്ക് പറയാവും..പക്ഷെ അത് കേട്ടിട്ട് എനിക്ക് എന്തോ പോലെ തോന്നാണ്..അവിടെ നടന്ന കാര്യങ്ങൾ മുഴുവൻ അവൾ നിങ്ങളോട് പറഞ്ഞിട്ടില്ല... എന്ന് അവൻ പറഞ്ഞതും ഞാൻ മിച്ചൂ എന്ന് വിളിച്ചു... നീ എന്നെ തടയൊന്നും വേണ്ട...പറയുമ്പോ എല്ലാം പറയണം...നമ്മള് എടുക്കുന്ന ഈ റിസ്ക് അടക്കം എന്താണെന്ന് നിന്റുമ്മ അറിയണം... എന്നും പറഞ്ഞു അവൻ ഉമ്മാന്റെ നേരെ തിരിഞ്ഞു... കമ്പനിയുടെ പ്രൊജക്റ്റ് ഡീറ്റൈൽസ് ചോർത്തി കൊടുത്തു എന്ന് പറഞ്ഞിട്ട് അവളെ ജോലിയിൽ നിന്ന് പുറത്താക്കുക മാത്രം അല്ല അവൻ ചെയ്തേ..

ഇവളുടെ മുഖത്ത് ഒന്ന് പൊട്ടിക്കുക കൂടി ചെയ്തു.. പറഞ്ഞു തീർന്നതും ഉമ്മാന്റെ മുഖത്ത് ഒരു ഞെട്ടൽ ഞാൻ കണ്ടു...എങ്ങനെ ഞെട്ടാതിരിക്കും...ഇത് വരെ എന്നെ ഉമ്മയോ കാക്കുവോ ഒരു വാക്ക് കൊണ്ട് പോലും നോവിച്ചിട്ടില്ല...ആ എന്നെ ഏതോ ഒരുത്തൻ തല്ലിയെന്ന് പറഞ്ഞാൽ എങ്ങനെ സഹിക്കും...ഉമ്മ വന്ന് എന്റെ കവിളിൽ പതിയെ തലോടി. ന്റെ കുട്ടിക്ക് ഓൻ തല്ലിയപ്പോ വേദനിച്ചോ... ഇല്ലമ്മു.. അവൻ തല്ലിയതിനെക്കാൾ വേദന അവൻ എന്നെ ഒരു വഞ്ചകിയായി ചിത്രീകരിച്ചതിലായിരുന്നു...ആരെയെങ്കിലും ചതിക്കാനല്ലല്ലോ ഇങ്ങളും ഉപ്പയും എന്നെ വളർത്തിയത്.. അത് പറഞ്ഞപ്പോ അറിയാതെ എന്റെ കണ്ണും നിറഞ്ഞു... ഇവിടെ ഇപ്പൊ നീ തോറ്റ് കൊടുക്കുകയല്ല വേണ്ടത്...നിന്നെ പറ്റിയുള്ള അവന്റെ തെറ്റ്ധാരണ ആദ്യം മാറ്റണം...എന്നിട്ട് നല്ല അന്തസ്സുള്ള കുടുംബത്തിൽ പിറന്നവളാണെന്ന് അവൻക്ക് നീ തെളിയിച്ചു കൊടുക്കണം.. ഉമ്മ അത്രയും പറഞ്ഞു കൊണ്ട് താഴോട്ട് പോയി...

ഉമ്മാന്റെ വാക്ക് കേട്ടപ്പോ എന്തോ ഒരു ധൈര്യം ഒക്കെ വന്ന പോലെ തോന്നുന്നുണ്ട്... ഇപ്പൊ എങ്ങനെയുണ്ട്..നീ ഹാപ്പി ആയില്ലേ... മ്.. പക്ഷെ ഉമ്മാക്ക് വിഷമം ആയെന്ന് തോന്നുന്നു... അത് നിന്നെ അവൻ തല്ലിയതിലുള്ള വിഷമം ആണ്... മ്.. എനിക്കറിയാം..അതാ ഞാൻ ആ കാര്യം പറയാതിരുന്നെ... എന്തായാലും പറഞ്ഞു പോയില്ലേ...അത് വിട്ടേക്ക്..നമ്മുടെ പണി കഴിഞ്ഞിട്ടില്ല... മ്...അല്ല നീ എന്റെ ക്യാബിൻ ഒന്നൂടെ സെർച്ച് ചെയ്യുന്ന കാര്യം പറഞ്ഞില്ലേ..അതെന്തിനാ... നീയറിയാതെ വേറെ ഏതെങ്കിലും ക്യാമറ അവിടെയുണ്ടോന്ന് അറിയാൻ... മനസ്സിലായില്ല... മനസ്സിലാക്കി തരാം...നിന്റെ ഇമെയിൽ പാസ്സ്‌വേർഡ് നീ ആർക്കും ഷെയർ ചെയ്തിട്ടില്ലല്ലോ അങ്ങനെയൊക്കെ ചെയ്യാൻ എനിക്കെന്താ വട്ടുണ്ടോ... അങ്ങനെയാണെങ്കിൽ...definitely നീയറിയാത്ത ഒരു ക്യാമറ അവിടെയുണ്ട്... അവിടെ ഇപ്പൊ ഞാനറിയാതെ ആരാ ക്യാമറ വെക്കുന്നെ.. May be ആ മാനേജറാവും...നിന്റെ പാസ്‌വേഡ് കിട്ടുന്ന രീതിയിൽ ആവണം ആ ക്യാമറ അയാള് സെറ്റ് ചെയ്തിട്ടുണ്ടാവുക..

എന്ന് വെച്ചാൽ Something like..pen,chair etc..അങ്ങനെ എന്തിലോ ഒന്നിലാണ് അയാൾ ആ ക്യാമറ സെറ്റ് ചെയ്തിട്ടുള്ളത്...അത് നമുക്ക് കണ്ടെത്തണം But അതെടുക്കാൻ ക്യാബിനിലോട്ട് ആര് പോവും... വേറെ ആര് ഞാൻ തന്നെ പോണം... നീയോ...അത് വേണ്ട..നിന്നെ വീണ്ടും അവിടെ കണ്ടാൽ ആ കാർക്കോടകന് ഡൌട്ട് തോന്നും...അല്ലേൽ തന്നെ നീ എനിക്ക് സപ്പോർട്ട് ആണെന്ന് അങ്ങേർക്ക് അറിയാം...അതോണ്ട് ഇനി ആ റിസ്ക് എടുക്കണ്ട.. അതെ പറ്റു..ഞാൻ അല്ലാതെ വേറെ ആരെങ്കിലും നിന്റെ ക്യാബിനിൽ കയറിയാൽ അത് മറ്റൊരു പ്രോബ്ലം ആവും... അങ്ങനെ ആണേൽ അങ്ങേര് പുറത്ത് പോകുന്ന തക്കത്തിന് ആനിനോട് നമുക്ക് വിളിക്കാൻ പറയാം... വേണ്ട...അവൻ അവിടെയുള്ള ടൈമിൽ തന്നെ അങ്ങോട്ട് പോകുന്നതാ നല്ലത്.. അങ്ങേര് അവിടെയുണ്ടാവുമ്പോ നീയെങ്ങനെ എന്റെ ക്യാബിനിൽ കയറും..അവിടെ അങ്ങനെയൊരു ക്യാമറ ഉണ്ടെങ്കിൽ നീ അതെങ്ങനെ എടുക്കും... ഞാനൊന്ന് പറയട്ടെ..നീ ആദ്യം ഒന്ന് കേൾക്ക് ...

നേരത്തെ പോയ പോലെ അവൻ ഇല്ലാത്ത ടൈമിൽ അവിടെ പോയി ആ സാധനം എടുത്തു വരുന്ന ടൈമിൽ അവൻ വീണ്ടും എന്നെ കണ്ടാലോ...അപ്പൊ അവൻക്ക് വീണ്ടും ഡൌട്ട് അടിക്കില്ലേ... Ya ya.. u are right... ആ..അതാ ഞാൻ പറഞ്ഞെ അവൻ ഓഫീസിൽ ഉള്ള ടൈമിൽ തന്നെ അവിടെ ചെല്ലണം...എന്നിട്ട് അവൻ പുറത്ത് പോകുന്ന സമയം നോക്കി നിന്റെ ക്യാബിനിൽ കയറിയാൽ പോരെ.. ഓക്കേ..പക്ഷെ ആ കാലമാടൻ പുറത്ത് പോയില്ലെങ്കിലോ... എന്ന് ഞാൻ ഇടുപ്പിൽ കൈ വെച്ച് അവനെ നോക്കി ചോദിച്ചതും.. ഓ ഇങ്ങനെ നെഗറ്റീവ് അടിക്കാതെടി കുരിപ്പെ... എന്നും പറഞ്ഞു അവൻ എന്റെ തലക്കിട്ടൊരു കൊട്ട് തന്നു ഈ ഈ... അയ്യോ ഇളി കണ്ടേച്ചാലും മതി..അപ്പൊ ശരി ഞാൻ പോവാൻ നോക്കട്ടെ... ഓക്കേ..അല്ല നാളെ തന്നെ നീ പോവില്ലേ... ഹേയ്.. നാളെ വേണ്ട...ഒരു രണ്ട് ദിവസം കഴിയട്ടെ...എന്നിട്ട് പോവാം..ഒന്നാമത് ഞാൻ അവനെ കാണാൻ അവന്റെ ഓഫീസിൽ അങ്ങനെ പോവാറില്ലല്ലോ..പെട്ടന്ന് ഇടക്കിടക്ക് അവനെ കാണാൻ വേണ്ടി ചെന്നാൽ അതും പ്രശ്നം ആണ്...

അത് ശരിയാ...ആ മൂരാച്ചി അല്ലേൽ തന്നെ ഡൗട്ടിന്റെ ആശാനാ.. അങ്ങനെ ഞങ്ങൾ സ്റ്റയർ ഇറങ്ങി താഴെ എത്തിയതും ഉമ്മ അങ്ങോട്ട് വന്നു... അല്ല നീ പോവായോ... ആ ഉമ്മ..പോയിട്ട് കുറച്ച് പണിയുണ്ട്.. എന്നാ ശരി...ഇടക്കിടക്ക് വരോണ്ടു.. അത് പറയാനുണ്ടോ ഉമ്മാ..ഇനി ഇടക്കിടക്ക് എന്നെ ഇങ്ങനെ പ്രതീക്ഷിക്കാം.. എന്ന് അവൻ എന്നെ നോക്കി പറഞ്ഞതും ഞാൻ അവനെ നോക്കി കണ്ണുരുട്ടി...അപ്പൊ അവൻ എനിക്ക് സൈറ്റ് അടിച്ചു കാണിച്ചിട്ട് പോയി.. നല്ല ചെക്കനാ... രണ്ട് പേരും നന്നായി ചേരുന്നുണ്ട്.. ആരെന്ത് ചേരും എന്നാ പറയുന്നെ.. അല്ല അവൻക്ക് ആ ഡ്രെഡ്ഡ് നന്നായിട്ട് ചേരുന്നുണ്ടെന്ന് പറയായിരുന്നു... ആ അധികം ചേർക്കാൻ നിക്കല്ലേ... എന്നും പറഞ്ഞു ഞാൻ മുകളിലോട്ട് പോവുമ്പോഴും ഉമ്മ പറഞ്ഞതോർത്തു എന്റെ ചുണ്ടിൽ ഞാൻ പോലും അറിയാതെ ഒരു ചിരി വിരിഞ്ഞു.......... തുടരും..

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...