💖 HeZliN💖: ഭാഗം 6

രചന: Jumaila Jumi

സർ തന്ന ഫോട്ടോയിലെ ആളുകൾ ഇപ്പോഴും ജീവിച്ചിരിപ്പുണ്ട്...പക്ഷെ അതിൽ ഒരാൾ ഇപ്പൊ ജീവനോടെ ഇല്ല... ആര്..ഹൈസാൻ കരീം ആണോ... അല്ല അവന്റെ വാപ്പ മൻസൂർ കരീം... Shit.. നശിപ്പിച്ചല്ലോ എല്ലാം.. എന്ത് പറ്റി സർ... ഒന്നും ഇല്ല...ആ പിന്നെ നിങ്ങൾ അവരെ പറ്റി അന്വേഷിച്ചപ്പോൾ ആർക്കും സംശയം ഒന്നും തോന്നിയില്ലല്ലോ... ഇല്ല സർ.. ഓക്കേ...നിങ്ങൾ ഇങ്ങോട്ട് പോര്... എന്താ ചെയ്യണ്ടേ എന്ന് ഞാൻ പറയാം... ഫോൺ വെച്ചതും അർഷിക് തന്റെ കയ്യിലെ ഫോൺ നിലത്തേക്ക് എറിഞ്ഞു പൊട്ടിച്ചു...ശബ്ദം കേട്ട് കൊണ്ട് അവന്റെ ഉപ്പ അങ്ങോട്ട് വന്നു...നിലത്ത് കിടക്കുന്ന ഫോണിലോട്ടും അവനെയും മാറി മാറി നോക്കി... അർഷി...എന്താടാ.. നമ്മടെ പ്ലാൻ എല്ലാം ഫ്ലോപ്പ് ആയി പോയല്ലോ ഉപ്പ.. നീ എന്തൊക്കെയാടാ ഈ പറയുന്നേ... മൻസൂറിന്റെ കുടുംബം ഇപ്പോഴും ജീവനോടെ ഉണ്ട്.. ഇത് കേട്ടതും ശാന്തമായിരുന്ന കണ്ണുകളിൽ രൗദ്ര ഭാവം നിറഞ്ഞു... അപ്പൊ നമുക്ക് എവിടെയാടാ പിഴച്ചത്...

അറിയില്ല...എന്തായാലും ഒരു കാര്യം ഉറപ്പാണ്..ആ അപകടത്തിൽ മൻസൂർ മാത്രമേ പോയിട്ടുള്ളൂ...കുടുംബത്തെ അവൻ ബാക്കി വെച്ചിട്ടുണ്ട്... കുറെ നേരം എന്തോ ആലോചിച്ചു നിന്നതിന് ശേഷം റസാക്ക് അർഷിക്കിന് നേരെ തിരിഞ്ഞു... അർഷി ഇനി ഒരു പിഴവ് നമുക്ക് സംഭവിക്കാൻ പാടില്ല...നീ എന്ത് ചെയ്താലും വേണ്ടീല...അവന്റെ കുടുംബം ഇനി ഈ ഭൂമിയിൽ ഉണ്ടാവാൻ പാടില്ല... ഉപ്പാ ഇനിയെങ്കിലും ഒന്ന് നിർത്തിക്കൂടെ ഇതെല്ലാം...കൊല്ലം പത്തിരുപത് ആയില്ലേ അവരോടു ഈ വൈരാഗ്യവും വെച്ച് നടക്കാൻ തുടങ്ങിയിട്ട്...എന്തിനാ ഇനിയും ആ പാവങ്ങളെ ഇങ്ങനെ ഉപദ്രവിക്കുന്നെ...അവര് എവിടേലും ജീവിച്ചോട്ടെ.... വാപ്പാന്റെയും മോന്റെയും സംഭാഷണം കേട്ട് കൊണ്ടാണ് റസാക്കിന്റെ മകൾ അൻസില അങ്ങോട്ടേക്ക് വന്നു പറഞ്ഞത്... സുഹ്‌റ നിന്റെ മോളെ പിടിച്ചോണ്ട് പോ ഇവിടുന്ന്...വപ്പാനെ ഉപദേഷിക്കാൻ വന്നേക്കാ അവൾ... അവൾ പറഞ്ഞതിൽ എന്താ തെറ്റ്...കൊല്ലം കുറെ ആയില്ലേ നിങ്ങൾ രണ്ടാളും ആ കുടുംബത്തിനെ ഇങ്ങനെ കൊല്ലാ കൊല ചെയ്യുന്നേ...

ഇനിയെങ്കിലും നിർത്തിക്കൂടെ ഇതെല്ലാം... ഇല്ല...അവന്റെ കുടുംബത്തിന്റെ നാശം കാണാതെ എനിക്കോ എന്റെ മോൻക്കോ ഒരു വിശ്രമം ഇല്ല... എന്നാ ആദ്യം എനിക്കും എന്റെ മോൾക്കും ഇത്തിരി വിഷം വാങ്ങി താ...ഞങ്ങൾ അങ്ങോട്ട് പോയേക്കാം...ഞങ്ങൾക്കു ഇതൊന്നും കണ്ടു നിൽക്കാൻ വയ്യ... എന്നെ ധിക്കരിക്കാൻ മാത്രം നീ വളർന്നോടി... റസാക്കിന്റെ പരുക്കൻ കൈ സുഹ്റയുടെ മുഖത്ത് പതിക്കാൻ തുടങ്ങിയപ്പോഴേക്കും അർഷിക് വന്നു അത് തടഞ്ഞു... വേണ്ട ഉപ്പ...ഉമ്മ നിങ്ങള് ഇതിൽ ഇടപെടേണ്ട...അൻസി ഉമ്മാനെയും കൂട്ടി അകത്തോട്ട് പോ... അവൾ ഉമ്മാനെയും കൂട്ടി അകത്തോട്ട് പോയി...രണ്ടാളുടെ കണ്ണും നിറഞ്ഞൊഴുകുന്നുണ്ടായിരുന്നു... ഹും... എന്റെ കുടുംബം നശിപ്പിച്ചവർക്ക് വേണ്ടി വക്കാലത്ത് പറയാൻ വന്നിരിക്കാ അവൾ...പത്തിരുപത് വര്ഷം മുന്നേ നടന്നതെല്ലാം അവൾ മറന്ന് കാണും...പക്ഷെ ഈ റസാഖ് മരിക്കുന്നത് വരെ അത് മറക്കില്ല... വപ്പാന്റെ മുഖത്തെ ദേഷ്യം കുറക്കാൻ അവൻ നന്നേ പാട് പെട്ട്...

വീട്ടിൽ എത്തിയപ്പോ ഉമ്മ ഉണ്ട് മുറ്റത്ത് അങ്ങോട്ടും ഇങ്ങോട്ടും കിടന്ന് ഉലാത്തുന്നു... എന്താ സൈനുമ്മി പതിവില്ലാത്ത ഒരു evening walk ഒക്കെ...തടി കുറക്കാൻ തീരുമാനിചോ... ഹോ വന്നോ കോലോത്തെ കൊച്ചു തമ്പുരാട്ടി...നേരം എത്ര ആയെന്നാ നിന്റെ വിചാരം..നേരത്തും കാലത്തും കുടുംബത്തിലോട്ട് എത്തിയാൽ നിനക്കെന്താ... ഓ ന്റെ പൊന്നുമ്മി...രാവിലെ പത്തു മണിക്ക് പോയിട്ട് വൈകുന്നേരം അഞ്ചു മണിക്ക് വരാൻ ഞാൻ പോകുന്നത് ഗവണ്മെന്റ് ഓഫീസിലോട്ട് ഒന്നും അല്ല...അപ്പൊ വന്നാൽ ആയി അത്ര തന്നെ... ആഹാ അങ്ങനെ ആണേൽ നാളെ മുതൽ ന്റെ കുട്ടി ഇവിടെ തന്നെ ഇരുന്നാൽ മതി... അയ്യടാ...അതങ്ങു പള്ളീൽ പോയി പറഞ്ഞാ മതി...ന്റുമ്മ ഇന്നൊരു ദിവസത്തേക്ക് ഇങ്ങള് ക്ഷമി...ഇനി ഉണ്ടാവൂല... പോരെ... ഹാ. അങ്ങനെ ആണേൽ നിനക്ക് കൊള്ളാം...വന്നു ചായ കുടിക്കാൻ നോക്ക്... ഉമ്മ അകത്തോട്ട് പോയതും ഞാനും പുള്ളിക്കാരിയുടെ പിറകെ പോയി...

ആ കാർക്കോടകന്റെ അടുത്ത് ഞാൻ നേരത്തെ വന്നത് തന്നെ... അടുക്കളയിലോട്ട് ചെന്നപ്പോ ഉമ്മ ഉണ്ട് നല്ല സമൂസ ഉണ്ടാക്കി വെച്ചിരിക്കുന്നു..അതിൽ നിന്നും ഒന്നെടുത്ത് കഴിക്കാൻ നിന്നപ്പോഴേക്കും കയ്യിന് അടി വീണു... പോയി കുളിച്ചിട്ട് വാടി... അപ്പൊ ഇങ്ങളല്ലേ എന്നോട് ചായ കുടിക്കാൻ വരാൻ പറഞ്ഞെ... ഞാൻ കുളിച്ചിട്ട് ചായ കുടിക്കാൻ വരാനാ പറഞ്ഞെ.. ഓ..ഒരെണ്ണം എങ്കിലും... ഇല്ല...മര്യാദക്ക് പോയി കുളിക്കടി... ഓ.. നിലത്ത് നാല് ചവിട്ടും ചവിട്ടി ഞാൻ മുകളിലോട്ട് കയറി പോയി...കുളി കഴിഞ്ഞ് ചായ കുടിക്കുമ്പോ ഉമ്മ ഓഫീസിലെ കാര്യം ഒക്കെ ചോദിച്ചു...അങ്ങേരു എനിക്ക് പണി തന്നതൊന്നും ഞാൻ പറഞ്ഞില്ല..പിന്നെ അത് മതി എന്റെ ജോലിക്ക് പോക്ക് നിർത്താൻ... ഉമ്മാ ഞാനിപ്പോ വരാം. ഓ..ബാക്കി മൂന്നെണ്ണവും അവിടെ ലാൻഡ് ചെയ്തിട്ടുണ്ടാവും ലെ... ഹീ... ഇജ്ജ് നിന്ന് ഇളിക്കൊന്നും വേണ്ട...പോയിട്ട് വാ... ഇവൾക്കെന്താടി വല്ല ലോട്ടറിയും അടിച്ചോ...

എന്റെ ചാടി തുള്ളിയുള്ള വരവ് കണ്ട് ജുവൽ ആണ് അത് പറഞ്ഞത്...ഞങ്ങളിപ്പോ ദിയയുടെ വീടിന്റെ മുമ്പിൽ ആണ് ഉള്ളത്...നേരം കുറെ ആയതോണ്ട് ഇവിടെ അങ്ങ് അഡ്ജസ്റ്റി.... നിനക്കെന്താ ഹെസ്‌ലി തുള്ളൽ പനിയുണ്ടോ...ദിയ ഇതതൊന്നും അല്ലടി...എനിക്ക് തോന്നുന്നത് ഇവളുടെ ബോസ് i love you പറഞ്ഞു എന്ന് തോന്നുന്നു...അല്ലു.. അവളുടെ വർത്താനം കേട്ടതും എന്റെ തുള്ളിച്ചാട്ടം സ്വിച്ച് ഇട്ട പോലെ നിന്നു.. നേരെ പോയി അവളുടെ കൊല്ലിക്ക് പിടിച്ചു... അമ്മേ.. എന്നെ കൊല്ലുന്നേ... എടി ഹെസ്‌ലി അനക്കെന്താ പ്രാന്താ...കയ്യ് എടുക്ക് എടി എടുക്കാൻ.....ദിയ പിന്നെ ഇവള് പറഞ്ഞത് കേട്ടില്ലേ... എടീ ബുദ്ധി ഇല്ലാത്ത അവൾ എന്തേലും പറഞ്ഞെന്ന് വെച്ച് വിവരം ഇല്ലാത്ത നീ അതിന് ചാടി കളിക്കണോ... ദിയ... ആ..ങേ..ഡീ... ന്റെ ഹെസ്‌ലി നീ ഒന്ന് കൂൾ ആവൂ.. അല്ലു ഇനി പറ നിനക്കെന്താ ഇത്രക്ക് സന്തോഷം..അല്ലു.. അങ്ങനെ ഞാൻ എല്ലാം അവർക്ക് പറഞ്ഞു കൊടുത്തു...എല്ലാം കേട്ടിട്ട് മൂന്നും കൂടി എന്നെ കണ്ണും മിഴിച്ചു നോക്കുന്നുണ്ട്...

ഇനി ഇതിനുള്ള അടുത്ത പണി എപ്പോ കിട്ടി എന്ന് ചോദിച്ചാ മതി...ജുവൽ... ഓ...പണി തരാൻ അങ്ങേര് എന്താ പണിക്കർ സാഹിബ് ആണോ... ഓരോ ഏടാ കൂടം ഒപ്പിച്ചിട്ട് ഒലക്കമ്മേലെ ഓരോ ന്യായവും പറഞ്ഞോണ്ട് വന്നോളും...ദിയ... ഹാ..എന്നോട് കളിക്കാൻ വന്നാ ഇങ്ങനെ ഒക്കെ ഇരിക്കും... എടി അത് നിന്റെ ബോസ് അല്ലെ...അപ്പൊ അതിന്റെ റെസ്പെക്റ്റ് ഒക്കെ കൊടുത്തൂടെ അനക്ക്...ദിയ.. ഞാൻ അങ്ങേരുടെ സ്റ്റാഫ് അല്ലെ...അപ്പൊ ഒരു സ്റ്റാഫിന് കൊടുക്കേണ്ട മര്യാദ അങ്ങേർക്ക് എനിക്കും തന്നൂടെ...അല്ലാതെ ഇങ്ങനെ നേരവും കാലവും നോക്കാതെ പട്ടിയെ പോലെ പണി എടുപ്പിക്കണോ... ഇത്തവണ മൂന്നെണ്ണത്തിന്റെ വായയും zip ഇട്ടിട്ടുണ്ട്... എന്തെ ഇപ്പൊ ഒന്നും പറയാൻ ഇല്ലേ... ഞങ്ങൾ ഇനി എന്ത് പറയാനാ..നിങ്ങള് ബോസ്സും സ്റ്റാഫും എന്താന്ന് വെച്ചാ ആയ്ക്കോ... അല്ലു... ആ അതാ നല്ലത്... അല്ല എന്നിട്ട് ഇജ്ജ് ഈ രണ്ടരക്കോടി എങ്ങനെ ഉണ്ടാക്കും...ജുവൽ.. അതിനല്ലേ എന്റെ ബ്രോ ഉള്ളത്..അവനോട് ചോദിച്ചാ അവൻ ഹെല്പ് ചെയ്യും...

മ് മ്... ദിയ...നേരം ഇരുട്ടായി തുടങ്ങി..ഇങ്ങൾക്ക് ഇപ്പോഴും വീട്ടിക്ക് കേറാൻ ആയില്ലേ... ദേ വരുന്നു ഉമ്മ... എടി എന്നെ ഒന്ന് വീട്ടിക്ക് ആക്കി താടി... എന്റെ ഹെസ്‌ലി ദേ ആ കാണുന്ന വീട് അല്ലെ നിന്റെ...അതിന് എന്തിനാടി വേറെ ഒരാള് ഒപ്പം വരുന്നേ...അല്ലു.. എടി പ്ലീസ്... നീ പോയെ...ഞങ്ങൾ ഒക്കെ ഇവിടെ ഉണ്ട്..നിന്നെ ആരും കൊണ്ടോവാൻ ഒന്നും പോണില്ല...ഇനി അഥവാ കൊണ്ടൊയാൽ തന്നെ അതുപോലെ ഇങ്ങോട്ട് തന്നെ കൊണ്ടന്നും തരും..ദിയ.. അത് ശരിയാ.. ഓ...ആയിക്കോട്ടെ..ഞാൻ ഒറ്റക്ക് പൊയ്‌ക്കോളാം.. അങ്ങനെ വീട്ടിൽ എത്തി ഞാനും ഉമ്മയും ഹാളിൽ ഇരുന്ന് tv കാണുമ്പോ ആണ് ബ്രോ വന്നത്.. .. ആ എന്താ ബ്രോ ഇന്ന് മെയിൻ സ്വിച്ച് ഓഫ് ചെയ്യുന്നില്ലേ... എന്റെ പൊന്നേ വേണ്ടായേ... എന്നും പറഞ്ഞു ബ്രോ കൈ തലയിൽ വെച്ച് എന്റെ അടുത്ത് വന്നിരുന്നു...അപ്പോഴേക്കും ഉമ്മ അവൻക്കുള്ള ചായ എടുക്കാൻ പോയിരുന്നു...ആ തക്കം നോക്കി ഞാൻ അവനോട് കാര്യങ്ങൾ പറഞ്ഞു... എടി ഭയങ്കരീ ഇജ്ജ് ആള് കൊള്ളാല്ലോ...

എന്തായാലും അന്റെ ബോസ് അനക്ക് തന്ന ടാർഗറ്റ് എനിക്ക് ഇഷ്ടായി... പോ കുരിപ്പെ..ഇജ്ജ് ഇപ്പൊ എന്റെ ഭാഗത്ത് ആണോ അതോ ആ കാർക്കോടകന്റെ ഭാഗത്തോ... ഞാൻ എന്റെ പൊന്നൂസിന്റെ കൂടെ അല്ലെ ഇപ്പോഴും നിക്കു... ആ എന്നാ അനക്ക് കൊള്ളാം... അപ്പോഴേക്കും ഉമ്മ ചായയും കൊണ്ട് വന്നു... എന്താണ് ആങ്ങളയും പെങ്ങളും കൂടി ഒരു ഗൂഡാലോചന... അല്ല ഇങ്ങളെ അങ്ങ് ഉസ്‌പകിസ്താനിലോട്ട് പാക് ചെയ്താലോ എന്ന് ആലോജിക്കായിരുന്നു... അവിടെ ആരാടി... ആരും ഇല്ല...ഇങ്ങള് അവിടെ പോയി അങ്ങ് സെറ്റ് ആയ്ക്കോന്നെ... Dii... ചുമ്മാ ന്റെ സൈനുമ്മോ.. എന്നും പറഞ്ഞു ഞാൻ റൂമിലോട്ട് പോയി..കുറച്ചു കഴിഞ്ഞു ബ്രോ വന്നു എനിക്ക് കുറച്ചു ടിപ്സ് ഒക്കെ പറഞ്ഞു തന്നു...അങ്ങനെ പിറ്റേന്ന് നേരത്തും കാലത്തും എഴുനേറ്റ് ചായയും ഞാൻ പോവാൻ ഇറങ്ങി... ദേ പോവുന്നത് ഒക്കെ കൊള്ളാം...ഇന്നലെ വന്ന ടൈമിൽ ആണ് ഇന്നും വരുന്നതെങ്കിൽ...ഇജ്ജ് അവിടെ തന്നെ നിന്നോ..ഇങ്ങോട്ട് വരണം എന്നില്ല... ആ..അതൊരു നല്ല ഐഡിയ ആണ്...ആലോജിക്കട്ടെട്ടോ... ടീ... ഹീ...ഞാൻ പോവാ ഉമ്മ... അങ്ങനെ ബസ് കാത്തു നിക്കാൻ വേണ്ടി ബസ് സ്റ്റോപ്പിലോട്ടു റോഡ് ക്രോസ്സ് ചെയ്യാൻ നിന്നതും ആരോ എന്നെ പിടിച്ചു അയാളുടെ നെഞ്ചത്തോട്ട് വലിച്ചിട്ടു...ആ ടൈമിൽ തന്നെ ഒരു ക്രൂയിസർ എന്നെ പാസ്സ് ചെയ്തു പോവുകയും ചെയ്തു........... തുടരും..

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...