🔥My Dear Rowdy🔥: ഭാഗം 3

രചന: അർച്ചന

 നിറഞ്ഞൊഴുകിയ കണ്ണുകൾ ഒരു കൈ കൊണ്ട് തുടച്ചു അവനെ നോക്കിയപ്പോൾ മുഖം ഒക്കെ ദേഷ്യത്തിൽ ചുവന്ന് വന്നിട്ടുണ്ട്......... അതേ കലിപ്പിൽ മുന്നിൽ ഉണ്ടായ ചെയർ കാലുകൊണ്ട് തട്ടി മാറ്റി അവൻ എന്റെ അടുത്തേക്ക് ഒരു കാറ്റ് പോലെ വന്നു നിന്നു..... എന്റെ മുന്നിൽ ഉണ്ടായ ചെയർ വലിച്ചു ഇട്ട് അവൻ എനിക്ക് അഭിമുഖം ആയി ഇരുന്നതും ഞാൻ പേടിച്ചു ഒരു വഴിക്കായി... """പറയ്.... എന്താ നിന്റെ പ്രോബ്ലം... "" എന്റെ രണ്ട് കൈകളും കൂട്ടിപിടിച്ചു അവൻ സൗമ്യമായി ചോദിച്ചതും ഞാൻ അമ്പരന്നു.. ഇവൻ ശെരിക്കും അന്യൻ എങ്ങാനും ആണോന്ന് വരെ എനിക്ക് തോന്നിപ്പോയി... കലിപ്പ് കടിച്ചമർത്തിയിട്ട് ആണ് അവൻ ഇരിക്കുന്നത്... . ********** അവളുടെ എവിടെയും തൊടാതെ ഉള്ള സംസാരം കേട്ടതും എനിക്ക് ആകെ പ്രാന്ത് പിടിച്ചു...... രണ്ട് തല്ല് കൊടുക്കാൻ വേണ്ടിയാണ് അവളുടെ അടുത്തേക്ക് പോയത്.... അപ്പോൾ ആണ് പെണ്ണ് കരയുന്നത് കണ്ടത്.... അതോടെ അവൾക്ക് ചുറ്റും എന്തൊക്കെയോ പ്രോബ്ലം ഉണ്ടെന്ന് മനസിലായി..... അതുകൊണ്ട് ആണ് കലിപ്പ് ഒക്കെ അടക്കി പിടിച്ചു ഞാൻ സമാധാനത്തിൽ അവളോട്‌ ചോദിച്ചത്..... ""ഒ....ന്നുല്ല.... ""

വിക്കികൊണ്ട് അവൾ പറഞ്ഞതും എങ്ങനെയോ കണ്ട്രോൾ ചെയ്തു വച്ചിരുന്ന ദേഷ്യം ഒക്കെ പുറത്തേക്ക് വന്നു..... അവളുടെ കൈ പിടിച്ചു വലിച്ചു ചുമരിലേക്ക് അവളെ പിടിച്ചു തള്ളി... ബാലൻസ് കിട്ടാതെ അടുത്ത് ഉണ്ടായ ടേബിളിൽ പിടിച്ചു അവൾ അവിടെ നിന്ന് വീണ്ടും കണ്ണ് നിറക്കുന്നതു കണ്ടതും എനിക്ക് ആകെ കൂടെ പ്രാന്ത് പിടിച്ച അവസ്ഥ ആയി.... ____________ ഇവൻ ആരാ.. കലിപ്പിന്റെ ഉസ്താദോ..... എവിടുന്നോ കിട്ടിയ ധൈര്യത്തിൽ അവനോട് അങ്ങനെ ഒക്കെ പറഞ്ഞപ്പോൾ അതിന്റെ കാരണം ഇവൻ അന്വേഷിക്കും എന്ന് സ്വപ്നത്തിൽ പോലും വിചാരിച്ചില്ല.... ഞാൻ ഇവിടെ ചുമരിൽ താങ്ങി നിന്നതും അവൻ വീണ്ടും എന്റെ അടുത്തേക്ക് വന്നു.... അവൻ എന്റെ അടുത്തേക്ക് അമർന്നു നിന്നതും എന്റെ കാറ്റ് പോകാറായി.... ഹൃദയം കിടന്നു ഡിസ്കോ ഡാൻസ് കളിക്കുകയാണ്... ഒപ്പം എന്റെ രണ്ട് കൈകളും കൂട്ടി പിടിച്ചതും എനിക്ക് വേദന ആയി.... അവന്റെ കലിപ്പ് നിറഞ്ഞ മുഖവും ചുവന്ന കണ്ണുകളും കണ്ടപ്പോൾ തന്നെ ഞാൻ ഇപ്പൊ കരയും എന്ന് ആയി.... പിന്നെ അധികസമയം ഒന്നും പിടിച്ചു നിർത്താതെ ഞാൻ കരയാൻ തുടങ്ങി....

"""മോങ്ങികൊണ്ട് നിൽക്കാതെ ഇറങ്ങി പോടീ പുല്ലേ..... """ അവൻ ഷൗട്ട് ചെയ്തതും ഞാൻ ഞെട്ടിപ്പോയി... പിന്നെ അവിടുന്ന് വേഗം സ്കൂട്ട് ആവാൻ നോക്കി കൊണ്ട് അവനെ മറികടന്നതും അവന്റെ കാലിൽ തട്ടി ഞാൻ നിലത്തെക്ക്‌ ഒരൊറ്റ വീഴ്ച ആയിരുന്നു.... വീഴാതെ നിൽക്കാൻ വേണ്ടി എവിടെയെങ്കിലും പിടിക്കാൻ നോക്കിയപ്പോൾ കിട്ടിയത് ആ റൗഡിന്റെ കയ്യ് ആണ്... അതുകൊണ്ട് തന്നെ അതും പിടിച്ചു വലിച്ചു താഴേക്കു ലാൻഡ് ആയി... ഒപ്പം അവനും... ____________ അവളോട്‌ ദേഷ്യത്തിൽ അങ്ങനെ പറഞ്ഞതും അവൾ വേഗം പോകാൻ ഒരുങ്ങി... അപ്പോൾ തന്നെ എന്റെ കാലിൽ തട്ടി അവൾ വീഴാൻ പോയതും അവളെ ഞാൻ പിടിക്കുന്നതിന് മുന്നേ എന്റെ കയ്യിൽ പിടിച്ചു വലിച്ചു അവൾ എന്നേം കൊണ്ട് താഴെ എത്തിയിരുന്നു...... കണ്ണും അടച്ചു ചുണ്ട് ചുളുക്കി അവൾ കിടക്കുന്നത് കണ്ടപ്പോൾ ന്റെ സാറേ... . 😍😍😍😍😍 അവളുടെ മോളിൽ ആണ് ഞാൻ കിടക്കുന്നത്.... എന്റെ ഭാരം കൂടെ താങ്ങാൻ ഉള്ള ശേഷി അവൾക്ക് ഇല്ല എന്ന് അറിയുന്നത് കൊണ്ട് തന്നെ ഞാൻ വേഗം അവളെയും കൊണ്ട് മറിഞ്ഞു.... ഇപ്പൊ എന്റെ മുകളിൽ ആയിട്ടാണ് അവൾ ഉള്ളത്... ഇത്രേം ആയിട്ടും കണ്ണ് തുറക്കാതെ അവൾ കിടക്കുന്നത് കണ്ടപ്പോൾ ഇനിയും ഇങ്ങനെ നിന്നാൽ ശെരിയാകില്ല എന്ന് മനസ്സിലായതും അവളുടെ മുഖത്തെക്ക്‌ ഒന്ന് ഊതി....

അപ്പോൾ തന്നെ പെണ്ണ് കണ്ണ് തുറന്നതും ഞാൻ വശ്യമായി ഒന്ന് ചിരിച്ചു കൊണ്ട് ചുണ്ട് കൂർപ്പിച്ചു കിസ്സ് കൊടുക്കുന്നത് പോലെ ആക്കിയതും പെണ്ണ് കണ്ണും തള്ളി നോക്കി നിൽക്കുന്നുണ്ട്....... ""I Love You Madhuuu😘😘😘"""" അവളുടെ ചെവിയോരം പറഞ്ഞതും പെണ്ണ് ഞെട്ടിക്കൊണ്ട് എന്റെ നെഞ്ചിൽ ഒരു കുത്തും തന്ന് എഴുന്നേറ്റു..... ഡോറിന്റെ അടുത്ത് എത്തിയ അവൾ തിരിഞ്ഞു നോക്കിയതും ഞാൻ അതുപോലെ കിടക്കുന്നത് കണ്ടു അവൾ തലക്ക് രണ്ട് അടി കൊടുത്തു വീണ്ടും എന്റെ അടുത്തേക്ക് തന്നെ വന്നു..... അത് കണ്ടിട്ട് ചിരി വരുന്നുണ്ടെങ്കിലും കടിച്ചു പിടിച്ചു അവൾക്ക് നേരെ കൈ നീട്ടി.... അത് കണ്ടിട്ട് അവൾ പുച്ഛിച്ചു മുഖം തിരിച്ചതും ഞാൻ എഴുന്നേറ്റു നിന്നു...അപ്പോൾ തന്നെ അവൾ രണ്ടടി പിറകിലേക്ക് പോയതും ഞാൻ ഒരു കള്ളചിരിയും ആയി അവളുടെ അടുത്തേക്ക് ചേർന്ന് നിന്നു......അപ്പോൾ തന്നെ അവൾ എന്നെ തള്ളി മാറ്റി നേരെ ക്ലാസിലേക്ക് ഓടി പോയി... """""അവളെ എനിക്ക് എന്ത്മാത്രം ഇഷ്ടം ആണെന്ന് ആ കൊരങ്ങത്തിക്ക്‌ ഇനിയും മനസിലായില്ലല്ലോ ഈശ്വരാ.......... """" എന്നും ആത്മഗതിച്ചു കൊണ്ട് ഞാൻ വേഗം കോളേജ് വിട്ട് ഇറങ്ങി.... _____________

""കോന്തൻ റൗഡി.... അവൻ ആരാന്ന് ആണ് അവന്റെ വിചാരം.... തെണ്ടി... പട്ടി..... ഇവൻ അന്യൻ അല്ല... അന്യന്റെ മുതുമുത്തശ്ശൻ ആണ്.... ദുഷ്ടൻ.... എന്നാലും നിനക്ക് എന്തിന്റെ കേടാ മാധു....വീഴുമ്പോൾ ഒറ്റക്ക് വീണാൽ പോരേ.... എന്തിനാ അവനെയും പിടിച്ചു വലിച്ചു വീണത്..... ശേ... ആകെ ചമ്മി നാറി.... അത്രേം നേരം കലിപ്പ് പിടിച്ചു നിന്നവൻ ആ ഒരൊറ്റ സെക്കന്റിൽ റൊമാന്റിക് ആയി.... ഇവനെ മനസിലാക്കാൻ പറ്റുന്നില്ലല്ലോ ദൈവമേ...... """ ഓരോന്ന് ആലോചിച്ചു കൂട്ടി ക്ലാസ്സിന്റെ മുന്നിൽ എത്തിയതും ഞാൻ ഒന്ന് പേടിച്ചു... ഇനി മിസ്സ്‌ എങ്ങാനും വീണ്ടും ചോദ്യം ചോദിക്കുവോ എന്ന് വിചാരിച്ചു മെല്ലെ തല അകത്തേക്ക് ഇട്ടതും മിസ്സ്‌ പോയിട്ട് അവിടെ നന്ദു ഒഴികെ വേറെ ഒരു കുഞ്ഞ് പോലും ഇല്ല.... ഇവള് മാത്രം എന്താ ഇതിന്റെ അകത്തു പരിപാടി എന്ന് വിചാരിച്ചു അടുത്തേക്ക് പോയപ്പോൾ പെണ്ണ് എന്റെ നോട്ട് കംപ്ലീറ്റ് ചെയ്യുകയാണ്...... ഞാൻ അടുത്ത് എത്തിയതും അവൾ തല ചെരിച്ചു എന്നെ നോക്കിയ ശേഷം നോട്ട് അടച്ചു വച്ച് എന്റെ കയ്യും പിടിച്ചു പുറത്തേക്ക് നടന്നു..... ""നന്ദു... ക്ലാസ്സിലെ പിള്ളേരും മിസ്സും ഒക്കെ എവിടെ.... ബെൽ അടിച്ചില്ലല്ലോ ""

'""""ആ മിസ്സിന് പ്രാന്ത് ആണ്... നിന്നെ നിന്റെ റൗഡി പിടിച്ചു വലിച്ചു കൊണ്ട് പോയപ്പോൾ തന്നെ ആ തള്ളയുടെ മുഖം ബലൂൺ പോലെ വീർത്തു വന്നു...... എന്തൊക്കെയോ പിറുപിറുത്തുകൊണ്ട് ക്ലാസിൽ നിന്നും ഇറങ്ങി പോയി... അതോടെ ബാക്കി പിള്ളേരും ഇറങ്ങി അവരുടെ പാട് നോക്കി വിട്ടു......""" ഒരു കഥ പറയുന്നത് പോലെ അവൾ പറഞ്ഞു നിർത്തിയതും എനിക്ക് ആകെ ദേഷ്യം വരാൻ തുടങ്ങി..... ""നിന്നോട് ആരാടി പറഞ്ഞത് അവൻ എന്റെ റൗഡി ആണെന്ന്.... "" കലിപ്പിൽ അവളെ നോക്കിയപ്പോൾ പെണ്ണ് ഒന്ന് ഇളിച്ചു കാണിച്ചിട്ട് വീണ്ടും നടക്കാൻ തുടങ്ങി..... ""മാധു.... ഞാൻ ഒരു കാര്യം ചോദിക്കട്ടെ.... "" വളരെ സീരിയസ് ആയി നന്ദു ചോദിക്കുന്നത് കേട്ടപ്പോൾ ഞാൻ ഒന്നും മിണ്ടാതെ നടന്നു.... ""ഡീ....ഞാൻ ചോദിക്കട്ടെ.... "" വീണ്ടും അവൾ വന്നു തോണ്ടാൻ തുടങ്ങിയപ്പോൾ ഞാൻ ഒന്ന് നിന്നു...എന്നിട്ട് അവളെ നോക്കിയപ്പോൾ പെണ്ണ് എന്റെ കയ്യും പിടിച്ചു അടുത്തുള്ള കാറ്റാടി മരത്തിന്റെ താഴെ ഉള്ള സിമെന്റ് ബെഞ്ചിൽ പോയി ഇരുന്നു.... ""നിനിക്ക് അവനെ ഇഷ്ടം അല്ലേ മാധു...."" ""ആരെ... "" ""അവനെ.... ആ റൗഡിയെ.... "" അവളുടെ സീരിയസ് ആയിട്ടുള്ള ചോദ്യം എന്ന് പറഞ്ഞപ്പോൾ തന്നെ അത് ആ റൗഡിയെക്കുറിച്ച് ആയിരിക്കും എന്ന് ഞാൻ വിചാരിച്ചത് ആണ്.... അതുകൊണ്ട് തന്നെ ആണ് ഒന്നും മൈൻഡ് ആക്കാതെ ഇരുന്നത്.......

""പറ മുത്തേ..... നിനിക്ക് അവനെ ഇഷ്ടം അല്ലേ.... "" വീണ്ടും അവൾ അത് തന്നെ ചോദിച്ചപ്പോൾ നേരത്തെ ലൈബ്രറിയിൽ വച്ച് അവൻ എന്നോട് ഐ ലവ് യു പറഞ്ഞത് ആണ് ഓർമ വരുന്നത്.... """മോളേ മാധു.....റൗഡി എങ്ങോട്ട് ആണ് ഇന്ന് കൊണ്ട് പോയത്...... """ എന്റെ ആലോചന കണ്ടിട്ട് ആണെന്ന് തോനുന്നു നന്ദു അങ്ങനെ ചോദിച്ചത്.... അപ്പോൾ ഞാൻ ഒന്ന് ഇളിച്ചു കൊടുത്തു... ""ഇളിക്കാതെ കാര്യം പറയെടി പോത്തേ... "" ""ലൈബ്രറി "" ""എന്നിട്ട്???? "" ""എന്നിട്ട് ഒന്നുല്ല.... "" ഞാൻ പറഞ്ഞതും അവൾ എന്റെ ചെവി പിടിച്ചു തിരിക്കാൻ തുടങ്ങി..... അതോടെ നല്ല കുട്ടി ആയിട്ട് അവിടെ നടന്നത് വള്ളി പുള്ളി കുത്ത് കോമ വിടാതെ അവൾക്ക് ഓതി കൊടുത്തു.... എല്ലാം കേട്ട് കഴിഞ്ഞപ്പോൾ അവൾ എടി ഭയങ്കരീ എന്നും പറഞ്ഞു ചിരിക്കാൻ തുടങ്ങി.... ""എന്നിട്ട് കിസ്സ് ഒന്നും കിട്ടിയില്ലേ... "" അവൾ ചോദിക്കുന്നത് കേട്ടിട്ട് ഞാൻ അവളെ നോക്കി കണ്ണുരുട്ടി കാണിച്ചു... ""അവൻ അത്രക്ക് ഡീസന്റ് ആണോ... "" നന്ദു ചിരിച്ചു കൊണ്ട് വീണ്ടും പറഞ്ഞതും ഞാനും അത് തന്നെ ആലോചിച്ചു... ""അല്ല.... അപ്പോൾ ഇന്ന് അയാൾ വരുന്നുണ്ടോ....അതുകൊണ്ട് ആണോ നീ അവനോട് എന്റെ കൂടെ വന്നോളാം എന്ന് പറഞ്ഞത്......

"" പെട്ടന്ന് ചിരി നിർത്തികൊണ്ട് അവൾ ചോദിച്ചതും ഞാൻ അതേ എന്ന് പറഞ്ഞു തലയാട്ടി..... അപ്പോഴേക്കും ബെൽ അടിച്ചു.... അതുകൊണ്ട് തന്നെ അധികം സംസാരിക്കാൻ നിൽക്കാതെ വേഗം ക്ലാസിലേക്ക് പോയി....... ______________ അവളുടെ കോളേജിൽ നിന്ന് ഇറങ്ങിയപ്പോൾ തന്നെ ഞാൻ ആദ്യം പോയത് അവളുടെ വീട്ടിലേക്ക് ആണ്.... ഇതുവരെ ഞാൻ അവളുടെ വീട് കണ്ടിട്ടില്ല.... അവളെയും കൊണ്ട് വന്നാൽ എപ്പോഴും അവളുടെ വീടിന്റെ കുറച്ചു മാറി ഉള്ള ഒരു വളവിൽ ആണ് അവൾ ഇറങ്ങുക.... പക്ഷെ ഇന്ന് അവളുടെ മുഖത്തു കണ്ട പേടിയും സങ്കടവും എല്ലാം എനിക്ക് കൂടുതൽ സംശയത്തിന് ഉള്ള വക നൽകി.... മുന്നേ ഒക്കെ ചില ദിവസങ്ങളിൽ അവൾ ഇങ്ങനെ പറയാറുണ്ട് എങ്കിലും ഞാൻ അത് അത്രയ്ക്ക് സീരിയസ് ആക്കിയിരുന്നില്ല.... എന്നാൽ ഇന്ന് എന്റെ പെണ്ണ് ആരെയോ ഭയക്കുന്നതു പോലെയാണ് എന്നോട് സംസാരിച്ചത്... അതുകൊണ്ട് തന്നെ അതിന്റെ കാരണം എനിക്ക് അറിഞ്ഞേ പറ്റൂ... ഞാൻ വേഗം വണ്ടി ആ വലിയ തറവാടിന്റെ മുറ്റത്ത്‌ കൊണ്ട് പോയി നിർത്തി...ബുള്ളറ്റ് ആയതിനാൽ അതിന്റെ ശബ്ദം കേട്ടിട്ട് ആണെന്ന് തോനുന്നു ഒരു മുത്തശ്ശി വന്നു വാതിൽ തുറന്നു..

. ""ആരാ... "" സംശയരൂപേണ അവർ എന്നോട് ചോദിച്ചതും ഞാൻ ഒന്ന് ചിരിച്ചു കൊടുത്തു... "മുത്തശ്ശി..... കുറച്ചു വെള്ളം വേണം... "" ഒന്നും പറയാൻ കിട്ടാത്തപ്പോൾ ഞാൻ അതും പറഞ്ഞതും അതേ സംശയത്തോടെ തന്നെ അവർ അകത്തേക്ക് കയറി പോയി.... കുറച്ചു കഴിഞ്ഞതും ഒരു ഗ്ലാസിൽ വെള്ളവും ആയി അവർ വന്നു.... ഞാൻ അത് വാങ്ങി കുടിക്കുമ്പോഴും അവർ എന്നെ തന്നെ നോക്കുന്നുണ്ടായിരുന്നു... ""മോൻ ഏതാ.... ഇവിടെ എങ്ങും കണ്ടിട്ടില്ലല്ലോ... "" ""ഞാൻ ടൗണിൽ ആണ് മുത്തശ്ശി... ഇവിടെ എന്റെ ഒരു ഫ്രണ്ടിനെ കാണാൻ വന്നതാ... പക്ഷെ വഴി തെറ്റി പോയി.... കുറേ നേരം ആയി അലയുന്നു..... "" ""ഓഹ്... "" ""മുത്തശ്ശി ഇവിടെ ഒറ്റയ്ക്ക്‌ ആണോ... "" ""അല്ല.... "" അത്രമാത്രം പറഞ്ഞു കൊണ്ട് അവർ തിരിഞ്ഞു നടന്നു... പിന്നെ അധികസമയം അവിടെ നിൽക്കാതെ ഞാനും വേഗം വണ്ടി വിട്ടു.... കുറച്ചു ദൂരം പിന്നിട്ടപ്പോൾ ഫോൺ അടിക്കാൻ തുടങ്ങി... റോഡിന്റെ ഒരു സൈഡിൽ വണ്ടി ഒതുക്കിയ ശേഷം കാൾ അറ്റൻഡ് ചെയ്തതും മറുപുറത്ത് നിന്ന് പറയുന്നത് കേട്ട് എനിക്ക് സന്തോഷം കൊണ്ട് തുള്ളി ചാടാൻ വരെ തോന്നിപ്പോയി.................തുടരും...... 

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...