🔥My Dear Rowdy🔥: ഭാഗം 42

രചന: അർച്ചന

അവൾ എന്റെ കൈയിൽ അമർത്തി പിടിച്ചു കൊണ്ട് ചോദിച്ചതും ഞാൻ മുന്നിൽ ഉള്ള ബോർഡിലേക്ക് കൈ നീട്ടി... """ഹെവൻ... "" മാധു വായിക്കുന്നത് കേട്ടതും ഞാൻ ഒന്ന് കൂടെ അവളുടെ കയ്യിൽ മുറുകെ പിടിച്ചു... """എന്നെ ഇവിടെ വിടല്ലേന്ന് പറയുവോ... എനിക്ക് ഇവിടെ നിൽക്കണ്ട... ഞാൻ വേറെ എവിടേക്ക് എങ്കിലും പോയിക്കോളാം.... പ്ലീസ് മാധു.... എന്നെ വിടല്ലേന്ന് പറയ്.... """ ഞാൻ കരഞ്ഞു അലമ്പ് ആക്കിയതും ആദി ഏട്ടനും ചെപ്പുബ്രോയും എന്റെ അടുത്തേക്ക് വന്നു.... """ഞാൻ എങ്ങോട്ട് എങ്കിലും പോയിക്കോളാം... ഇവിടെ മാത്രം വിടല്ലേ പ്ലീസ്.... """ ആദി ഏട്ടന്റെ കയ്യിൽ പിടിച്ചു കൊണ്ട് ഞാൻ കരഞ്ഞു പറഞ്ഞതും ആദി ഏട്ടൻ അതൊന്നും മൈൻഡ് പോലും ചെയ്യാതെ മാധുനെ നോക്കുന്ന തിരക്കിൽ ആണ്... ഞാനും അപ്പോഴാണ് മാധുനെ നോക്കിയത്.... അവളും കരയുന്നുണ്ട്... ഞാൻ ആദി ഏട്ടനെ വിട്ടു ആഷിന്റെ അടുത്തേക്ക് പോയി.. """ആഷി.. പ്ലീസ്... ഞാൻ ഇനി നിന്റെ കൺവെട്ടത് പോലും വരില്ല.... പ്ലീസ്.. എന്നെ ഇവിടെ ആക്കരുത്... എന്നെ ഇവർ കൊല്ലും ആഷി... പ്ലീസ്... """ ബാക്കി പറയും മുന്നേ എന്റെ കവിളിൽ ആഞ്ഞടിച്ചിരുന്നു.... _______________ [ മാധു ]

അമ്മു അവളുടെ സ്കൂളിൽ ഇറങ്ങിപോയതും പിന്നെ ഞാനും കല്ലുവും കൂടെ ചെപ്പുബ്രോനെ മിണ്ടിപ്പിക്കാൻ നോക്കി എങ്കിലും ആള് ഒന്ന് മൈൻഡ് പോലും ചെയ്യാതെ ഫോണിൽ കുത്തി കളിക്കാൻ തുടങ്ങി.. അതോടെ ചെപ്പുബ്രോനെ വിട്ടു വഴിയിൽ കാണുന്ന ചെക്കന്മാരെ നോക്കി മാർക്കിടാൻ തുടങ്ങി... അവസാനം കാർ ഒരു സ്ഥലത്തു നിർത്തിയതും ചെപ്പുബ്രോയും ആഷിഏട്ടനും ആദിയും ഇറങ്ങി... അവർക്ക് പിന്നാലെ ഞാൻ ഇറങ്ങാൻ പോയതും കല്ലു എന്നെ പിടിച്ചു വച്ചു കരയാൻ തുടങ്ങി.. അവളോട് പല പ്രാവശ്യം എന്താ കാര്യം എന്ന് ചോദിച്ചിട്ടും അവൾ ഒന്നും പറഞ്ഞില്ല... അവസാനം അവളേം പിടിച്ചു വലിച്ചു കാറിൽ നിന്ന് ഇറങ്ങിയതും അവൾ ചൂണ്ടി കാണിച്ച സ്ഥലത്തു ഉള്ള ബോഡിൽ എഴുതിയത് കണ്ടു ഞാൻ ഞെട്ടി... ""ഹെവൻ.. "" അത് വായിച്ചപ്പോൾ ആണ് അന്ന് അവൾ പറഞ്ഞു തന്ന അവളുടെ നരകതുല്യമായ ജീവിതം ഓർമ വന്നത്... ഇവർ എന്തിനാ ഇങ്ങോട്ട് വന്നത്... ഇനി കല്ലുനെ ഇവിടെ തന്നെ നിർത്താൻ ആണോ...

അതിനുമാത്രം പ്രശ്നം ഒന്നും ഉണ്ടായില്ലല്ലോ... കല്ലുന്റെ കരച്ചിൽ കാണുമ്പോ എനിക്കും കരച്ചിൽ വരുന്നുണ്ട്.... കല്ലു കരഞ്ഞുകൊണ്ട് ആദിന്റെ അടുത്ത് പോയിട്ടും അവൻ അതൊന്നും മൈൻഡ് പോലും ചെയ്തില്ല... അത് കണ്ടിട്ട് എനിക്ക് ആദിയോട് നല്ല ദേഷ്യം വന്നു... കല്ലു ആദിന്റെ കൈ വിട്ടു നേരെ ആഷിഏട്ടന്റെ അടുത്ത് പോയതും ഞാൻ ആദിന്റെ അടുത്തേക്ക് പോയി.. അവനോട് പറയാൻ വേണ്ടി വായ തുറന്നതും ഒരു പടക്കം പൊട്ടുന്ന സൗണ്ട് കേട്ടതും ഒരുമിച്ചു ആയിരുന്നു... """കുറേ സമയം ആയി അവൾ കിടന്നു മോങ്ങുന്നു.... അതിനു മാത്രം നിന്റെ ആരെങ്കിലും ചത്തോ...പട്ടി ഷോ കാണിക്കാതെ പോയി നിന്റെ ബുക്കും സർട്ടിഫിക്കറ്റും ഒക്കെ എടുത്തു കൊണ്ട് വാടീ..."" എന്ന് ആഷി ഏട്ടൻ അലറി കൊണ്ട് പറയുന്നത് കേട്ടതും ഞാൻ കണ്ണും മിഴിച്ചു അവരെ നോക്കി.... എന്നേക്കാൾ ഞെട്ടി പണ്ടാരം അടങ്ങി വായും തുറന്നു നിൽക്കുന്ന കല്ലുനെ കണ്ടതും അവൾ ഇതുവരെ ആ ഷോക്കിൽ നിന്ന് വിട്ടിട്ടില്ല എന്ന് മനസിലായി....

കല്ലു കവിളിൽ കൈ വച്ചു കൊണ്ട് നിൽക്കുന്നത് കണ്ടപ്പോൾ ഞാൻ പോലും അറിയാതെ എന്റെ കൈ എന്റെ കവിളിലേക്ക് പോയി...ഒരു നിമിഷം മുന്നേ ഞാൻ ആദിയോട് നല്ല നാല് വർത്താനം പറയാൻ വന്നത് ആലോചിച്ചപ്പോൾ തന്നെ ഒന്ന് തലകുടഞ്ഞു റിലാക്സ് ആയി... എന്നിട്ട് ആദിയെ നോക്കിയപ്പോൾ അവൻ ചിരിച്ചു കൊണ്ട് എന്നെ നോക്കുന്നുണ്ട്... അത് കണ്ടപ്പോൾ തന്നെ ഞാൻ കവിളിൽ നിന്നും കൈ എടുത്തു അവനെ നോക്കി ഒന്ന് ഇളിച്ചു കൊടുത്തു.... അത് മനസിലായത് പോലെ അവൻ എന്തോ അർത്ഥം വച്ചു തലയാട്ടിയതും ഞാൻ പിന്നെ അവിടെ അധിക സമയം നിൽക്കാതെ ഇപ്പോഴും പോയ കിളികളുടെ കണക്ക് പോലും അറിയാതെ നിൽക്കുന്ന കല്ലുന്റെ അടുത്തേക്ക് പോയി... ആഷി ഏട്ടൻ കട്ടകലിപ്പിൽ ആണ്....അതുകൊണ്ട് തന്നെ ഞാൻ ആഷി ഏട്ടനെ നോക്കാതെ കല്ലുനെ പോയി ഒന്ന് തട്ടി വിളിച്ചു... അപ്പോൾ തന്നെ അവൾ ഞെട്ടി കൊണ്ട് എന്നെ നോക്കിയതും ഞാൻ ഒന്ന് ഇളിച്ചു കൊടുത്തു..

അപ്പൊ അവളും ഇളിച്ചു കൊണ്ട് എന്നെ കെട്ടിപിടിച്ചു ഒരു കിസ്സും തന്ന് ആഷി ഏട്ടനെ പോയി കെട്ടിപിടിച്ചു കവിളിൽ പോയി കിസ്സി... അത് കണ്ടു ഞാനും ആദിയും ചെപ്പുബ്രോയും വായും തുറന്നു നോക്കിയതും അവൾ അതൊന്നും മൈൻഡ് ആക്കാതെ എന്നേം വലിച്ചു ആ കെട്ടിട്ടത്തിന്റെ അകത്തേക്ക് കയറി... ************* [ആഷി ] ഹെവനിലേക്ക് പോകേണ്ട വഴിയിൽ എത്തിയപ്പോൾ തന്നെ അവൾ കിടന്നു മോങ്ങാൻ തുടങ്ങിയിരുന്നു.... അവിടെ എത്തിയിട്ട് എങ്കിലും നിർത്തും എന്ന് കരുതി എങ്കിലും കുരിപ്പ് വായ പൂട്ടാതെ പലതും പറഞ്ഞു കരയുകയാണ്.... അവസാനം അവൾ മാധുന്റെ കൈ പിടിച്ചു കരഞ്ഞു.. അത് കണ്ടു മാധുവും കരയാൻ തുടങ്ങിയിരുന്നു..... അവൾ ആദിന്റെ അടുത്തേക്ക് പോയെങ്കിലും അവൻ മാധു കരയുന്നതും നോക്കി നിൽക്കെന്ന്.. അവസാനം അവൾ എന്റെ അടുത്ത് വന്നു കരയാൻ തുടങ്ങി. ഞാൻ കാര്യം പറയാൻ വേണ്ടി നിന്നെങ്കിലും അതൊന്നും കേൾക്കാതെ അവൾ മോങ്ങി കൊണ്ട് നിന്നതും എനിക്ക് ദേഷ്യം വരാൻ തുടങ്ങി....

പിന്നെ ഒന്നും നോകീല... കരണം പുകച്ചു ഒന്ന് കൊടുത്തു.... കിട്ടേണ്ടത് കിട്ടിയതും അവൾക്ക് ബോധം വന്നു... ഞാൻ കാര്യം പറഞ്ഞതും അവൾ കരഞ്ഞു കൊണ്ട് ചിരിക്കാൻ തുടങ്ങി. അത് കണ്ടു ചിരി വന്നെങ്കിലും അടക്കി പിടിച്ചു നോക്കുമ്പോൾ ആണ് അവൾ എന്നെ കെട്ടിപിടിച്ചു കവിളിൽ കിസ്സിയത് ഞാൻ വായും തുറന്നു നിന്നതും അവൾ അതൊന്നും കാര്യം ആക്കാതെ മാധുനേം വലിച്ചു ഓടിയിരുന്നു.... ഞാൻ ചുറ്റും നോക്കുമ്പോൾ ആദിയും ചെപ്പുവും വായും തുറന്നു നിൽക്കുന്നുണ്ട്... അവരെ നോക്കി നിന്നാൽ കളിയാക്കി കൊല്ലും എന്ന് ഉറപ്പ് ആയത് കൊണ്ട് ഞാൻ മെല്ലെ അതിന്റെ അകത്തേക്ക് നടന്നു. അപ്പോൾ തന്നെ ആദിയും ചെപ്പുവും എന്റെ അടുത്തേക്ക് ഓടി വന്നു..... """എന്തൊക്കെയായിരുന്നു... മലപ്പുറം കത്തി.. അമ്പും വില്ലും..ഒലക്കേടെ മൂഡ്. ഇപ്പോ നോക്കിയേ... പബ്ലിക് ആയി കിസ്സും വാങ്ങി നിൽക്കുന്നു...."""" ചെപ്പു ഇളിച്ചു കൊണ്ട് പറയാൻ തുടങ്ങിയതും ഞാൻ തലചെരിച്ചു ആദിനെ നോക്കി......

"""എനിക്ക് ഒക്കെ ഒരു കിസ്സ് കിട്ടണം എങ്കിൽ ഉള്ള കഷ്ടപ്പാട് ഒന്ന് ആലോചിച്ചു നോക്കുമ്പോൾ ആണ് ആ മാധുനെ ഒക്കെ പറക്കി വല്ല കാട്ടിലും കൊണ്ട് ഇടാൻ തോന്നുന്നത്... നിന്റെ ഒക്കെ ഒരു ഫാഗ്യം... """" എനിക്കിട്ട് ഒന്ന് ആക്കികൊണ്ട് അവൻ പറഞ്ഞതും ഞാൻ അവന്റെ കൈ തട്ടി മാറ്റി അതൊന്നും മൈൻഡ് ആക്കാതെ നടന്നു... ആദിയും ചെപ്പുവും അപ്പോൾ തന്നെ ഓടി വന്നു എന്നെ പിടിച്ചു കൊണ്ട് നടക്കാൻ തുടങ്ങി.... ••••••••••••••••••••••••••••••••••••••••••••••••••••• [മാധു] അകത്തേക്ക് കയറിയപ്പോൾ തന്നെ കുറച്ചു സ്ത്രീകൾ അങ്ങോട്ട് വന്നു... കണ്ടാൽ തന്നെ അഹങ്കാരത്തിന് കയ്യും കാലും വച്ച ടീംസ് ആണെന്ന് മനസ്സിലാകുന്നുണ്ട്..... ഒരുമാതിരി ചന്ദനമഴ സീരിയൽ പോലെ എല്ലാ എണ്ണവും പട്ടുസാരിയും ചുറ്റി ഒരുലോഡ് സ്വർണവും ഇട്ടു മുഖത്തു മുഴുവൻ പുട്ടിയും തേച്ചു ഇറങ്ങിയിട്ടുണ്ട്.... """"എന്താടി... വല്യ ഷോ കാണിച്ചു കൊണ്ട് നിന്റെ മറ്റവൻ നിന്നെ ഇവുടുന്ന് ഇറക്കി കൊണ്ട് പോയത് ആണല്ലോ...

അവന് ഇപ്പൊ നിന്നെ മടുത്തോ... അതാണോ വീണ്ടും ഇങ്ങോട്ട് വലിഞ്ഞു കയറി വന്നത്.... """" അതിലെ ഒരു തള്ള കല്ലുനോട് വൃത്തികെട്ട രീതിയിൽ സംസാരിച്ചതും ഞാൻ പല്ല് കടിച്ചു നിന്നു.... കല്ലു അവരോട് ഒന്നും മിണ്ടാൻ നിൽക്കാതെ എന്റെ കയ്യും പിടിച്ചു അവരെ മറികടന്നു പോകാൻ നിന്നതും ബാക്കി ഉള്ള മൂന്നെണ്ണം കയറി വന്നു ഞങ്ങളുടെ മുന്നിൽ ആയി നിരന്നു നിന്നു.... ""എന്താടി നിന്റെ നാവ് ഇറങ്ങി പോയോ.. അല്ല ഇതാരാ... അവന്റെ പഴയ കസ്റ്റമർ വലതും ആണോ... അതുകൊണ്ട് ആണോ ഇവളേം ഇങ്ങോട്ട് കൂട്ടിയത്... "" അവർ അത്രേം പറഞ്ഞതും ഞാൻ ആ തള്ളയുടെ കരണം നോക്കി ഒന്ന് പൊട്ടിച്ചു... """ഡീ... """ അവർ അലറി വിളിച്ചു കൊണ്ട് എന്റെ അടുത്തേക്ക് വന്നതും ഞാൻ ഒന്ന് പുച്ഛിച്ചു ചിരിച്ചു... """ഇവിടെ സ്ഥിരതാമസത്തിനു വന്നതല്ല ഞങ്ങൾ... അതുകൊണ്ട് മര്യാദക്ക് നിന്നാൽ നിങ്ങൾക്ക് കൊള്ളാം... "" കല്ലു അതും പറഞ്ഞു അവരെ തള്ളിമാറ്റി എന്റെ കയ്യും പിടിച്ചു നടന്നു... ""പൊളിച്ചു മുത്തേ..... ഉമ്മാ....😘😘"""

ഒരു റൂമിലേക്ക് കയറിയതും അവൾ എന്നെ കെട്ടിപിടിച്ചു ഉമ്മ തന്നതും ഞാൻ അവളെ പിടിച്ചു തള്ളി... """കുരുട്ടേ... മാറി നിൽക്ക് അങ്ങോട്ട്‌... "" ഞാൻ ഇളിച്ചു കൊണ്ട് പറഞ്ഞതും അവൾ വീണ്ടും വന്നു എന്നെ ഒട്ടി നിന്നു... """"ഞാൻ കുറേ കാലം ആയി വിചാരിക്കുന്ന കാര്യം ആണ് നീ ഇന്ന് നടപ്പിലാക്കിയത്.... താങ്കൂ സോ മച്ച്...😘😘""" അവൾ തുള്ളിച്ചാടികൊണ്ട് വീണ്ടും ഉമ്മിച്ചതും ഞാൻ അവളെ നോക്കി ഒന്ന് ചിരിച്ചു... """പോയി ബുക്ക് ഒക്കെ എടുക്ക്... """ ഞാൻ പറഞ്ഞതും അവൾ തലയാട്ടി കൊണ്ട് പോയി അവളുടെ ബുക്കും സർട്ടിഫിക്കറ്റും ഒക്കെ എടുക്കാൻ തുടങ്ങി.... ഈ സ്ഥലത്തു എങ്ങനെയാ ഇവൾ ഇത്രേം കാലം നിന്നത് എന്ന് ആലോചിച്ചപ്പോൾ എന്റെ കണ്ണ് നിറഞ്ഞു പോയി.... പാവം.. ഒരുപാട് അനുഭവിച്ചിട്ടുണ്ട്... എന്നിട്ടും അതൊന്നും പുറത്ത് കാണിക്കാതെ ചിരിച്ചു കൊണ്ട് നടക്കും... """പോവാം... "" അവൾ ഒക്കെ എടുത്തു വന്നതിന് ശേഷം എന്നെ തട്ടി വിളിച്ചതും ഞാൻ ചിരിച്ചു കൊണ്ട് അവളുടെ കയ്യിൽ നിന്നും കുറച്ചു ബുക്ക് വാങ്ങി കയ്യിൽ പിടിച്ചു പുറത്തേക്ക് നടന്നു...

"""മാധു... ഒരു മിനുട്ട്.... """ പുറത്തേക്ക് ഇറങ്ങിയതും അവൾ അതും പറഞ്ഞു എന്നേം കൂട്ടി ആ കെട്ടിടത്തിന്റെ വേറെ ഒരു സൈഡിലേക്ക് പോയി.... """കുഞ്ഞൂസേ.... """ അവൾ ആ വരാന്തയിൽ മുട്ട് കുത്തി ഇരുന്നു വിളിക്കുന്നത് കേട്ടതും കുറച്ചു ദൂരെ ഉള്ള പാർക്കിൽ നിന്നും കുറച്ചു കുട്ടികൾ ഓടി വരുന്നത് കണ്ടു... അവർ ഓടി വന്നു കല്ലുനെ കെട്ടിപിടിച്ചതും അവളെ ഇവിടുന്ന് രക്ഷിച്ച പിള്ളേർ ആണ് ഇതെന്ന് മനസിലായി.... """"കല്ലു... നീ എന്തിനാ ഇങ്ങോട്ട് വന്നത്.. അവർ നിന്നെ കണ്ടാൽ പോകാൻ വിടില്ല... അവർ കാണാതെ പോയിക്കോ... "" °°°°°°°°°°°°°°°°°°°°°°°°°°°°°°°°°°°°°°°°°°°°°°°°° കൂട്ടത്തിൽ കുറച്ചു മൂത്തത് ആയ അപ്പു പറയുന്നത് കേട്ട് ഞാൻ ചിരിച്ചു കൊണ്ട് അവരെ എല്ലാവരേം കെട്ടിപിടിച്ചു നിന്നു... ""എന്നെ ആരും ഒന്നും ചെയ്യില്ലട്ടോ.. നിങ്ങളെ അവർ ഉപദ്രവിച്ചിനോ... "" എന്ന് ചോദിച്ചതും അവർ ഒക്കെ ആഹ് ന്ന് പറഞ്ഞു തലയാട്ടി കാണിച്ചു... """ന്നേം തല്ലി.... നിക്ക് നല്ലോണം വേദനിച്ചു.... """ എന്റെ ദിയ മോൾ വിതുമ്പികൊണ്ട് പറഞ്ഞതും ഞാൻ അവളെ എന്റെ മടിയിൽ ഇരുത്തി...

"""ഇനി അവർ മക്കളെ ഒന്നും ചെയ്യില്ല... അവരെ ദേ ഈ ചേച്ചി തല്ലി ഓടിക്കും..""' ഞാൻ മാധുനെ കാണിച്ചു കൊണ്ട് പറഞ്ഞതും അവൾ ഞാനോ എന്ന മട്ടിൽ കണ്ണും തള്ളി എന്നെ നോക്കി... """അയിന് ഈ ചേച്ചിക്ക് ചിച്ചു പാക്ക് ഉണ്ടോ....""" ദിയ കുട്ടി പറയുന്നത് കേട്ടതും ഞാൻ വാ പൊത്തി ചിരിച്ചു... ""എന്ത് പാക്ക്... """ കണ്ണ് തള്ളി കൊണ്ട് മാധു ചോദിച്ചതും ഞാൻ ഒന്ന് ഇളിച്ചു കൊടുത്തു.. """സിക്സ് പാക് ഉണ്ടോന്ന്... """ എന്ന് ഞാൻ പറഞ്ഞതും അവൾ ഇളിച്ചു കൊണ്ട് ദിയ കുട്ടിയെ വാരി എടുത്തു... """ചിച്ചു പാക്ക് ഇല്ലെങ്കിലും നമുക്ക് ആ തള്ളച്ചിമാരെ ഒരു പാഠം പഠിപ്പിക്കാംട്ടോ.. """ എന്ന് പറഞ്ഞു അവൾ ദിയയെ എടുത്തു കളിപ്പിച്ചതും ഞാനും എഴുന്നേറ്റു നിന്നു.... ഞാൻ പുറത്തേക്ക് ഇറങ്ങിയതും അവരും എന്റെ കൂടെ വന്നു... അപ്പോഴേക്കും ആ തള്ളമാർ ഞങ്ങളുടെ മുന്നിൽ വന്നു നിന്നതും എനിക്ക് ദേഷ്യം വരാൻ തുടങ്ങി... """എവിടെക്കാടി നീ പോകുന്നെ.... ഇനി നിന്നെ ഞങ്ങൾ ഇവിടുന്ന് വിടും എന്ന് നിനക്ക് തോന്നുന്നുണ്ടോ... """

അതിൽ ഒരുത്തി വന്നു എന്നോട് ഉച്ചത്തിൽ സംസാരിച്ചതും ഞാൻ അത് പുച്ഛിച്ചു തള്ളി... ദിയ അവരെ കണ്ടു പേടിച്ചിട്ട് കരയാൻ തുടങ്ങിയിരുന്നു.... മാധു അവളെ ആശ്വസിപ്പിക്കുന്നുണ്ടെങ്കിലും അവൾ അതൊന്നും കേൾക്കാതെ കരയുകയാണ്.... അപ്പോൾ തന്നെ ഞാൻ ദിയയെ അവളുടെ കയ്യിൽ നിന്നും വാങ്ങി അപ്പുന്റെ കയ്യിൽ കൊടുത്തു അവളേം കൊണ്ട് അകത്തേക്ക് പോകാൻ പറഞ്ഞു... അവർ പോയതും ഞാൻ മാധുന്റെ കയ്യും പിടിച്ചു മുന്നോട്ട് നടക്കാൻ നിന്നതും അവർ എന്റെ കയ്യിൽ പിടിച്ചു വച്ചു.. """നിന്നോട് പറഞ്ഞില്ലേ ഇനി നിനക്ക് ഇവിടുന്ന് പോകാൻ കഴിയില്ലെന്ന്..... """ ""അത് പറയാൻ മാത്രം നിങ്ങൾ ആരാ.."" എന്നും ചോദിച്ചു ആഷിയും ആദി ഏട്ടനും ചെപ്പുബ്രോയും അങ്ങോട്ട്‌ വന്നു... ആഷിനേം ആദിഏട്ടനേം കണ്ടതും അവരുടെ കണ്ണ് മിഴിഞ്ഞു വന്നിട്ടുണ്ട്... """എന്താ ചോദിച്ചത് കേട്ടില്ലേ... ഇവിടെ ഭരിക്കാൻ മാത്രം നിങ്ങൾക്ക് ഈ സ്ഥാപനവും ആയി എന്താ ബന്ധം എന്ന്.... """ അവരുടെ നേരെ വിരൽ ഞൊടിച്ചു കൊണ്ട് ആഷി ചോദിച്ചതും അവർ പരുങ്ങാൻ തുടങ്ങി. """"ഈ സ്ഥാപനം നോക്കി നടത്തുന്നത് ഞങ്ങൾ ആണ് .. അതിൽ തലയിടാൻ നിങ്ങൾക്ക് ആരാ അധികാരം തന്നത്... സെക്യൂരിറ്റി.....

"""" അത്രേം പറഞ്ഞു ആ തള്ള സെക്യൂരിറ്റിയെ വിളിച്ചതും ആഷി ഒന്ന് കോട്ടി ചിരിച്ചു.... """വിളിച്ചു കൂവിയിട്ട് കാര്യം ഇല്ല.... അവരെ ഞങ്ങൾ പറഞ്ഞു വിട്ടു.... """ ആഷി പറയുന്നത് കേട്ട് അവരെ പോലെ തന്നെ ഞാനും മാധുവും ഞെട്ടികൊണ്ട് അവരെ നോക്കി.... പക്ഷെ അവരുടെ മുഖത്തു യാതൊരു ഭാവമാറ്റവും ഇല്ല... """എന്തേ മനസിലായില്ലേ.... "" എന്നും ചോദിച്ചു ചെപ്പു ബ്രോ അവരെ നോക്കി പുച്ഛിച്ചു.... """"ഈ സ്ഥാപനം AMC കമ്പനി ഏറ്റെടുത്തിട്ട് രണ്ട് ദിവസം ആയി... അതായത് ഇപ്പോൾ ഈ സ്ഥാപനം ഞങ്ങളുടെ പേരിൽ ആണെന്ന്.... """ എന്ന് ആദി ഏട്ടൻ പറഞ്ഞപ്പോൾ സന്തോഷവും അത്ഭുതവും ഒക്കെ കൂടെ വന്നു വല്ലാത്ത അവസ്ഥയിൽ ആയി.. """അതുകൊണ്ട് ഇനി ഈ സ്ഥാപനത്തിൽ നിങ്ങളുടെ ആവശ്യം ഇല്ല... സോ പ്ലീസ് ലീവ്... """ എന്നും പറഞ്ഞു ആഷി അവരെ നോക്കി പുച്ഛിച്ചതും എല്ലാ സാധനങ്ങളും ഞെട്ടി പണ്ടാരം അടങ്ങി.... അപ്പോഴേക്കും ഒരു ജീപ്പ് നമ്മളെ അടുത്തേക്ക് വന്നു നിർത്തി... അതിൽ നിന്നും കുറച്ചു സ്ത്രീകൾ ഇറങ്ങി വന്നു...

"""ഇനി ഇവരാണ് ഇവിടുത്തെ കാര്യങ്ങൾ തീരുമാനിക്കൽ... പുതിയ സെക്യൂരിറ്റിയും ഉണ്ട്.... ഇനി മേലിൽ നിങ്ങളെ ഈ സ്ഥാപനത്തിന്റെ പരിസരത്ത് കണ്ടു പോകരുത്.... """" എന്ന് ആദി ഏട്ടൻ ഗൗരവത്തിൽ പറഞ്ഞതും അവരൊക്കെ എന്തോ പോയ എന്തിനെയോ പോലെ നിൽക്കുന്നുണ്ട്.... ""സെക്യൂരിറ്റി... ഇവരെ പിടിച്ചു പുറത്താക്കി ഗേറ്റ് അടച്ചോ.... """ ചെപ്പു ബ്രോ പറഞ്ഞതും അവരെ അവിടുന്ന് പിടിച്ചു പുറത്താക്കി ഗേറ്റ് അടച്ചു.... ആദി ഏട്ടൻ കാറിൽ നിന്നും കുറേ പാക്ക് എടുത്തു കൊണ്ട് വന്നു... അപ്പോഴേക്കും നമ്മളെ കുട്ടിപട്ടാളങ്ങൾ അടുത്തേക്ക് വന്നു.... ആഷി ഏട്ടനും ചെപ്പു ബ്രോയും ആദി ഏട്ടനും അതൊക്കെ അവർക്ക് കൊടുത്തു.. കുറേ ഡ്രെസ്സും അവർക്ക് വേണ്ട തിങ്സും ഒക്കെ അതിൽ ഉണ്ടായിരുന്നു... അതൊക്കെ കിട്ടിയതും അവർ ഹാപ്പി ആയി...അത് കണ്ടപ്പോൾ ഞാൻ പോലും അറിയാതെ എന്റെ കണ്ണ് നിറഞ്ഞിരുന്നു..... """മതി മോളൂസേ കരഞ്ഞത്... നമുക്ക് പിന്നൊരു ദിവസം ഇങ്ങോട്ട് വരാം... ഇപ്പോ പോയിട്ട് കുറച്ചു പണി ഉണ്ട്... എന്നിട്ട് വേണം എനിക്ക് ഓഫീസിൽ പോയി പുതിയ തരുണീമണികളെ കാണാൻ..... """"

ചെപ്പുബ്രോ എന്റേം മാധുന്റേം നടുക്ക് കേറി വന്നു പറഞ്ഞതും ഞാനും മാധുവും പരസ്പരം നോക്കി തലയാട്ടി ചിരിച്ചു... എന്നിട്ട് ചെപ്പുബ്രോനെ മൈൻഡ് പോലും ചെയ്യാതെ കുട്ടിപട്ടാളങ്ങളോട് ബായ് പറഞ്ഞു കാറിൽ കയറി ഇരുന്നു... അപ്പോൾ തന്നെ ആദി ഏട്ടനും ആഷിയും ചെപ്പുബ്രോയും വന്നു... പിന്നെ നേരെ പോയത് എന്റെ കോളേജിലേക്ക് ആണ്.... അവിടെ പോയി ടിസി വാങ്ങി വന്നു നേരെ മാധുന്റെ കോളേജിലേക്ക് വിട്ടു... എന്നെ അവിടെ ചേർത്ത് ഞങ്ങളെ തിരിച്ചു വീട്ടിൽ കൊണ്ട് ആക്കിയാണ് ആദിഏട്ടനും ചെപ്പുബ്രോയും ഓഫീസിലേക്ക് പോയത്... അതിന്റെ ഇടയിൽ ചെപ്പുബ്രോ ജാഡ ഇട്ടു ഇരുന്നതിന് കുറേ സോറി ഒക്കെ പറഞ്ഞതും ഞങ്ങൾ അങ്ങ് ക്ഷമിച്ചു കൊടുത്തു.. അവര് പോയതും ഞാനും മാധുവും ആഷിയും അകത്തേക്ക് കയറി.....

അവിടെ ഇരിക്കുന്ന ആളുകളെ കണ്ടതും മാധു എന്റെ പുറകിലേക്ക് നീങ്ങി നിന്നു... ______________ """What nonsense are you saying """ """അതേ സർ... ഞാൻ പറഞ്ഞത് സത്യം ആണ്... മെഹബൂബ് ഇൻഡസ്ട്രിയുടെ പേരിൽ ആണ് മെയിൽ അയച്ചിട്ടുള്ളത്... അതുകൊണ്ട് തന്നെ എന്തെങ്കിലും അന്വേഷണം വന്നാൽ നമ്മൾ ഉറപ്പായും കുടുങ്ങും..... """" """"dammit....വിശ്വാ... നീ ഈ കാര്യം ഇപ്പോൾ ആരോടും പറയാൻ നിൽക്കണ്ട.... തത്കാലം ആരുടെ സിസ്റ്റത്തിൽ നിന്നാണ് ആ മെയിൽ പോയിരിക്കുന്നത് എന്ന് ചെക്ക് ചെയ്യണം.... ഓക്കേ... """ ""ഓക്കേ സർ... ഞാൻ ഇപ്പോൾ തന്നെ ചെക് ചെയ്യാം ...."" ""ഹ്മ്മ്.. "" ഐദിൻ ഒന്ന് മൂളിക്കൊണ്ട് ഫോൺ വച്ചു.... അവന്റെ വലിഞ്ഞു മുറുകിയ മുഖഭാവം തന്നെ അവന്റെ ദേഷ്യം വിളിച്ചോതുന്നുണ്ടായിരുന്നു... അപ്പോഴാണ് ദുആ അങ്ങോട്ട്‌ കയറി വന്നത്.........തുടരും...... 

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...