🔥My Dear Rowdy🔥: ഭാഗം 5

രചന: അർച്ചന

""എന്റെ പൊന്ന് ആദി... നീ ആദ്യം നിന്റെ വീട്ടിലേക്ക് വണ്ടി വിട്.... അല്ലെങ്കിൽ അവൾ അവിടെ പോസ്റ്റ്‌ അടിച്ചു ഇരിക്കുന്നുണ്ടാകും.. "" ""ഏത് ലവള്... "" ""അതൊക്കെ പറയാം.... നീ ആദ്യം വണ്ടി വിട് മോനെ... "" അവൻ ദൃതി കൂട്ടിയതും ഞാൻ പിന്നെ ഒന്നും പറയാൻ നിൽക്കാതെ വണ്ടി എടുത്തു വീട്ടിലേക്ക് വിട്ടു..... വീട്ടിൽ എത്തിയ ഞാൻ കാണുന്നത് പെട്ടിയും കിടക്കയും എടുത്തു വീട് വിട്ട് ഇറങ്ങി വന്നത് പോലെ സിറ്റ്ഔട്ടിൽ ഇരിക്കുന്ന ഒരു പെണ്ണിനെ ആണ്.... അവളെ കണ്ടപ്പോൾ തന്നെ ചെപ്പു വണ്ടിയിൽ നിന്നും ഇറങ്ങി ഓടി അവളുടെ അടുത്തേക്ക് പോയി... ""ആരാടാ ഇവള്... "" അവനെ നോക്കി ഞാൻ ചോദിച്ചതും അവൾ അവനെ തള്ളി മാറ്റി എന്റെ മുന്നിൽ വന്നു നിന്നു..... """അത് ചോദിക്കാൻ നീ ആരാടാ... "" എന്റെ നേരെ അവള് ചോദിക്കുന്നത് കേട്ടതും ഞാൻ അവനെ ഒന്ന് തുറിച്ചു നോക്കി.... ""അതേ.... ഇവൻ ഒറ്റ ഒരുത്തൻ കാരണം എന്നെ എന്റെ വീട്ടിൽ നിന്നും പുറത്ത് ആക്കി.... ഇനി മുതൽ ഞാൻ ഇവിടെ ഉണ്ടാകും.... വല്ല ബുദ്ധിമുട്ടും ഉണ്ടെങ്കിൽ എവിടേക്ക് എങ്കിലും ഇറങ്ങി പോയിക്കോ.."" എന്റെ വീട്ടിൽ നിന്നും എന്നോട് ഇറങ്ങി പോവാൻ പറയുന്നത് കേട്ടതും ഞാൻ വീണ്ടും ചെപ്പുനെ നോക്കി....

അവൻ ആണെങ്കിൽ അതൊന്നും മൈൻഡ് ആക്കാതെ അവൾ ഇവിടെ ഉണ്ടാകും എന്ന് കേട്ടത് മുതൽ അവൻ എന്തോ വലിയ നിധി കിട്ടിയ പോലെയാണ് ഉള്ളത്..... പെണ്ണ് ആയത് കൊണ്ട് മാത്രം ആണ് അവൾക്ക് ഇട്ട് ഒന്ന് കൊടുക്കാത്തത്... പക്ഷെ ഇതിനു ഒക്കെ ഉള്ളത് ഞാൻ അവന് കൊടുത്തിരിക്കും..... അതുകൊണ്ട് തന്നെ അപ്പോൾ തന്നെ അവനേം പിടിച്ചു വലിച്ചു ഗാർഡൻ ഏരിയയിലേക്ക് പോയി.... ""ആരാടാ അവൾ... """ ""ജാനു.... "" കാലുകൊണ്ട് നിലത്ത് കളം വരച്ചു അവൻ പറയുന്നത് കേട്ടതും ഞാൻ അപ്പോൾ തന്നെ അവന്റെ കോളറിൽ കുത്തി പിടിച്ചു ഒരു കൈ കൊണ്ട് മുഷ്ടി ചുരുട്ടി അവന്റെ മൂക്കിന് ഇട്ട് ഇടിക്കാൻ എന്ന പോലെ കൈ പൊന്തിച്ചതും അവൻ ""പൊന്ന് മോനേ ആദി.... ചതിക്കരുത്... കഷ്ടപ്പെട്ട് വളച്ചൊടിച്ചു കുപ്പിയിൽ ആക്കി കൊണ്ട് വന്നത് ആണ്.... ആകെ ഉള്ള ഈ സൗന്തര്യം കൂടെ നീ ആയിട്ട് കളയരുത്.... "" ""വളച്ചൊടിച്ചു കൊണ്ട് വന്നതോ.... കണ്ടിട്ട് തോന്നുന്നില്ലല്ലോ... ""

""അതുണ്ടല്ലോ.... ഇനി വളച്ചൊടിച്ചു കുപ്പിയിൽ ആക്കണം എന്നാണ് ഞാൻ ഉദേശിച്ചത്‌.... "" ഇളിച്ചു കൊണ്ട് ആ കോപ്പ് പറയുന്നത് കേട്ടതും ഞാൻ അവനെ ഒന്ന് കൂർപ്പിച്ചു നോക്കി... ""ശെരിക്കും എന്താ സംഭവം... "" അവനോട് കാര്യം അറിയാൻ ചോദിച്ചതും അവൻ എന്നേം വലിച്ചു ഗാർഡനിൽ ഉള്ള ഊഞ്ഞാലിൽ പോയി ഇരുന്നു... """ബാംഗ്ലൂരിൽ വച്ച് കണ്ടു... പോയി പരിചയപ്പെട്ടു.... രണ്ട് തല്ല് വാങ്ങി... പിന്നെ ശല്യപ്പെടുതാൻ തുടങ്ങി.... അത് അവളുടെ ആങ്ങളമാർ കണ്ടു... അവരുടെ വകയും കിട്ടേണ്ടത് കിട്ടി ബോധിച്ചു.... പിറ്റേന്ന് അവളുടെ കല്യാണം ആണെന്ന് അറിഞ്ഞു... അത് കൊണ്ട് അവളെ വിട്ട് വേറെ ഒരുത്തിയെ സെറ്റ് ആക്കാം എന്ന് വിചാരിച്ചതും പിറ്റേന്ന് കാലത്ത് റൂമിന്റെ ഡോർ തുറന്ന ഞാൻ കാണുന്നത് ഈ സാധനത്തിനെ..... പെട്ടിയും കിടക്കയും എടുത്തു എന്നോട് വേഗം നിന്റെ നാട്ടിലേക്ക് പോകാം അല്ലെങ്കിൽ അവളുടെ ആങ്ങളമാരുടെ കയ്യിൽ പെട്ടാൽ പിന്നെ ബാക്കി ഉണ്ടാവില്ല എന്ന് കൂടെ പറഞ്ഞു.... പേടി ഒട്ടും ഇല്ലാത്തത് കൊണ്ട് അവൾ പറയുന്നത് കേൾക്കേണ്ടി വന്നു.... അതിന്റെ ഇടയിൽ ആണ് കഞ്ചാവും പോലീസും അറസ്റ്റുമൊക്കെ...

അവൾക്ക് ലൊക്കേഷൻ സെൻറ് ചെയ്തു ഇവിടേക്ക് വരാൻ പറഞ്ഞു.... """ അവൻ ഒറ്റ ശ്വാസത്തിൽ പറഞ്ഞു നിർത്തിയതും ഞാൻ അവനിലെ പിടി വിട്ടു... ""ഇനി എന്താ മോന്റെ പ്ലാൻ... "" ""അങ്ങനെ പ്രത്യേകിച്ച് പ്ലാൻ ഒന്നുല്ല.... അവളെ വളച്ചു കെട്ടി സുഗമായി ജീവിക്കണം..... "" ""അതിന് മുന്നേ അവള് നിന്നെ കെട്ടിയിട്ട് തല്ലാതെ നോക്കിക്കോ.... "" ""ഹാ... അതും ശെരിയാ... "" അവനേം കൂട്ടി നേരെ വീട്ടിലേക് തന്നെ പോയി.... അവൾ അപ്പോഴും അതേ പോലെ നിൽക്കുന്നുണ്ട്.... ""ബ്രോ... സോറി... ഞാൻ പെട്ടന്ന് ദേഷ്യം വന്നപ്പോൾ അങ്ങനെ ഒക്കെ പറഞ്ഞു പോയത് ആണ്...any way ഞാൻ ജാൻവി... ബ്രോന്റെ പേര് എന്താ... "" എനിക്ക് നേരെ കൈ നീട്ടികൊണ്ട് അവൾ ചോദിച്ചതും ഞാൻ കൈ കൊടുത്തു.. ""ആദവ്... "" അപ്പോൾ തന്നെ ചെപ്പു എന്റെ കയ്യിൽ നിന്നും വീടിന്റെ കീ വാങ്ങിയിട്ട് വീട് തുറന്നു അകത്തേക്ക് കയറി.... പിന്നാലെ ഞങ്ങളും... _____________ ഒരിക്കലും അവൻ എന്റെ കഴുത്തിൽ താലി കെട്ടില്ല..

അതിന് ഞാൻ ജീവിച്ചിരിക്കുമ്പോൾ സമ്മതിക്കില്ല.... ആ ദിൽജിത്ത്‌ അങ്ങനെ ഒക്കെ പറഞ്ഞു പോയതും എന്റെ മനസ് ആകെ കലങ്ങി മറിയാൻ തുടങ്ങി.... ആത്മഹത്യയെ കുറിച്ച് ചിന്തിച്ചു എങ്കിലും ഞാൻ മരിച്ചാൽ എന്റെ അച്ഛൻ കഷ്ടപ്പെട്ട് ഉണ്ടാക്കിയ സ്വത്ത്‌ ഒക്കെയും ഇവർ എല്ലാവരും ചേർന്ന് സ്വന്തമാക്കും എന്ന് എനിക്ക് ഉറപ്പായിരുന്നു.... അച്ഛന്റെ സ്വത്തിന്റെ പേരിൽ കേസ് കൊടുത്തിരുന്നു.. അതുകൊണ്ട് തന്നെ ഞാൻ മരിച്ചാൽ അത് അവർക്ക് സന്തോഷം മാത്രമേ ഉണ്ടാകൂ.... അങ്ങനെ ചിലത് ഒക്കെ മനസ്സിൽ കണക്ക് കൂട്ടി ഞാൻ ഫ്രഷ് ആയി താഴേക്കു പോയി... താഴെ എത്തിയതും മുത്തശ്ശി എനിക്ക് ചായ കൊണ്ട് തന്നു... അത് കുടിച്ച ശേഷം ഞാൻ മുത്തശ്ശിയുടെ കൂടെ കിച്ചണിലേക്ക് പോയി... """മോളേ മാധു... മോള് എവിടേക്ക് എങ്കിലും പോയിക്കോ.... ഇല്ലെങ്കിൽ ഈ കാട്ടാളന്മാർ മോളേ കൊല്ലും.... """ ഓരോ സ്ഥലത്തേക്കും കണ്ണോടിച്ചു കൊണ്ട് വെപ്രാളത്തോടെ മുത്തശ്ശി പറയുന്നത് കേട്ടതും കല്യാണകാര്യം അവർ അവതരിപ്പിച്ചു എന്ന് മനസിലായി.... """മുത്തശ്ശി.... ഞാൻ.....""" ""എനിക്കറിയാം മോള് എന്നെകുറച്ചു ആണ് ആലോചിക്കുന്നത് എന്ന്....

നീ അതൊന്നും കാര്യം ആക്കണ്ട... മോള് രക്ഷപ്പെട്ടു കണ്ടാൽ മതി ഈ മുത്തശ്ശിക്ക്‌... "" കണ്ണ് നിറച്ചു പതിഞ്ഞ ശബ്‌ദത്തിൽ മുത്തശ്ശി പറഞ്ഞതും ഞാൻ പലതും മനസ്സിൽ കണക്ക്‌കൂട്ടി.... രാത്രിയിൽ എല്ലാവരും ഒന്നിച്ചിരുന്നു ആഹാരം കഴിച്ചു... അപ്പോഴും അവന്റെ നോട്ടം എന്നിലേക്ക് ആണെന്ന് മനസ്സിലായതും ഞാൻ വേഗം റൂമിലേക്ക് കയറി... കുറച്ചു ഡ്രെസ്സും ബുക്കും സർട്ടിഫിക്കറ്റുകളും ഒക്കെ ഒരു ട്രാവൽ ബാഗിൽ എടുത്തു വച്ചു.... എല്ലാം പാക് ചെയ്ത ശേഷം ഞാൻ വീണ്ടും മുത്തശ്ശിയുടെ അടുത്തേക്ക് പോയി... """മുത്തശ്ശി... ഞാൻ പോവുന്നു... എങ്ങോട്ട് ആണെന്നോ ആരുടെ അടുത്തേക്ക് ആണെന്നോ ഒന്നും അറിയില്ല.... പക്ഷെ എനിക്ക് പോയേ പറ്റൂ.... """ """എന്റെ കുട്ടിക്ക് ഒന്നും വരില്ല.... ഈ രാത്രിയിൽ മോളെ ഇറക്കിവിടുന്നതിൽ മുത്തശ്ശിക്ക്‌ സങ്കടം ഉണ്ട്.... എങ്കിലും മോൾക്ക് ഒന്നും വരില്ല എന്ന് എന്റെ മനസ് പറയുന്നു.... ഇവിടെ ആയാലും ശ്രദ്ദിക്കണം...മുത്തശ്ശിയുടെ പ്രാർത്ഥന എന്നും എന്റെ മോൾടെ കൂടെ ഉണ്ടാകും.. """ മുത്തശ്ശിയുടെ കാലിൽ വീണു അനുഗ്രഹം വാങ്ങി ഞാൻ വീണ്ടും റൂമിലേക്ക് നടന്നു... എല്ലാവരും ഉറങ്ങി എന്ന് ഉറപ്പായതും ഞാൻ വേഗം എന്റെ ബാഗും എടുത്തു താഴേക്കു ഇറങ്ങി....

കിച്ചൻ വഴി പുറത്തേക്ക് ഇറങ്ങി റോഡിലൂടെ നടന്നു..... ഒരുപാട് ദൂരം നടന്നതും ഒരു ഓട്ടോ വരുന്നത് കണ്ടു ഞാൻ കൈ കാണിച്ചു.... പിന്നെ ഒന്നും ചിന്തിക്കാൻ നിൽക്കാതെ അതിൽ കയറി ബസ് സ്റ്റാൻഡിലേക്ക് പോകാൻ പറഞ്ഞു..... ഫോണിൽ നന്ദുന്റെ കുറേ മിസ്കാൾ ഉണ്ട്... പക്ഷെ ഞാൻ കാരണം അവള് കൂടെ പ്രശ്നത്തിൽ പെടരുത് എന്ന് വിചാരിച്ചുകൊണ്ട് ഫോൺ സ്വിച്ച്ഓഫ് ആക്കി... . കുറച്ചു ദൂരം പോയതും ആ ഔട്ടോ കാരൻ വണ്ടി നിർത്തി.... """ഡോ... താൻ എന്തിനാ വണ്ടി നിർത്തിയെ... "" ഞാൻ ഔട്ടോയിൽ നിന്നും ഇറങ്ങികൊണ്ട് ചോദിച്ചപ്പോൾ അയാളും ഇറങ്ങി വന്നു.... എന്നിട്ട് ആരെയോ ഫോണിൽ വിളിക്കുന്നത് കണ്ടതും ആകെ ടെൻഷൻ ആവാൻ തുടങ്ങി... ഫോൺ ചെയ്തു കൊണ്ട് തന്നെ അയാൾ എന്റെ അടുത്തേക്ക് വരാൻ തുടങ്ങിയതും ഞാൻ ചുറ്റും നോക്കി..... പലതും ആലോചിച്ചു നിൽക്കുന്ന ഇടയിൽ ഇയാൾ എന്നെ എങ്ങോട്ട് ആണ് കൊണ്ട് വരുന്നത് എന്ന് പോലും ഞാൻ നോക്കിയില്ല...

ആകെ കാട് പിടിച്ച സ്ഥലവും അയാളുടെ ഒരുമാതിരി നോട്ടവും ഒക്കെ ആയതും എനിക്ക് എന്തോ പന്തികേട് തോന്നി.... അപ്പോൾ തന്നെ എന്റെ അടുത്ത് എത്തിയ അയാളെ പിടിച്ചു കാട്ടിലേക്ക് തള്ളി ഇട്ട് ഞാൻ ഓടാൻ തുടങ്ങി...... ഔട്ടോ വന്ന വഴിയിൽ കൂടെ തന്നെ തിരിച്ചു ഓടി എങ്കിലും കുറച്ചു ദൂരം പിന്നിട്ടതും പുറകിൽ നിന്ന് അയാളുടെ ഔട്ടോന്റെ ശബ്ദം കെട്ടു..... എന്റെ പുറകെ തന്നെ അയാൾ ഉണ്ടെന്ന് മനസ്സിലായതും ഞാൻ കുറച്ചു കൂടെ വേഗത്തിൽ ഓടി.. ഓടി ഓടി അവസാനം ഒരു റോഡിലെക്ക്‌ കയറിയതും ഒരു കാർ വന്നു എന്നെ ഇടിച്ചു തെറിപ്പിച്ചതും ഒരുമിച്ചു ആയിരുന്നു..... റോഡ് സൈഡിലേക്ക് ഞാൻ തെറിച്ചു വീണു... നെറ്റിയിൽ നിന്നും രക്തം ഒലിച്ചു കണ്ണിലേക്കു എത്തിയതും ആ കാറിൽ നിന്ന് ഇറങ്ങി വരുന്ന ആളെ കണ്ട് എന്റെ ചുണ്ടിൽ ചെറിയൊരു പുഞ്ചിരി വിരിഞ്ഞു.... ഒപ്പം മനസ് റൗഡി എന്ന് മന്ത്രിച്ചു..............തുടരും...... 

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...