💟 സങ്കീർത്തനം 💟: ഭാഗം 1

രചന: കാർത്തിക

പുലർച്ചെയുള്ള അലാറം കേട്ടാണ് ഞാനുണർന്നത്. ഞാൻ കീർത്തി, ദിനേശന്റെയും സരിതയുടേയും മകൾ. അച്ഛൻ വിദേശത്താണ് അമ്മ വീട്ടമ്മയും. അച്ഛൻ ഇപ്പോൾ നാട്ടിലുണ്ട് ലിവിന് വന്നതാണ്. എനിക്ക് ഒരു അനിയൻ 9-ൽ പഠിക്കുന്നു . ഞാൻ പ്ലസ് ടൂ കഴിഞ്ഞു കംപ്യൂട്ടർ കോഴ്സ് ചെയ്യുന്നു . കൂട്ടിന് എന്റെ ചേച്ചിയും ഉണ്ട് ( വല്ല്യച്ഛന്റെ മകളാണ്). ആൾ ഡിഗ്രി ഒക്കെ കഴിഞ്ഞതാണ്. സംസാരിച്ചിരുന്നു സമയം പോയതറിഞ്ഞില്ല. ഇന്ന് അമ്പലത്തിൽ പോകണമെന്ന് ഇന്നലെ എന്നോട് ചേച്ചി പറഞ്ഞിരുന്നു. ഞങ്ങൾ നല്ല കൂട്ടുകാരെ പോലെയാണ്.

പറയാൻ മറന്നു ചേച്ചിയുടെ കല്യാണമാണ് ഒരാഴ്ച കൂടിയെ ഉള്ളു എല്ലാവരും നല്ല സന്തോഷത്തിലാണ്. പക്ഷെ ചേച്ചിയുടെ മുഖത്തു മാത്രം ഒരു തെളിച്ചവും ഇല്ല. വീടു വിട്ടു പോകുന്ന സങ്കടമാണ്. ഞങ്ങൾ നടന്ന് അമ്പലത്തിലെത്തി വലിയ തിരക്കൊന്നും ഇല്ലായിരുന്നു ശ്രീകോവിലിനു മുന്നിൽ ഞങ്ങൾ തൊഴുതു നിന്നു. ഞാൻ എന്റെ കുഞ്ഞു കുഞ്ഞു പരാതികളും പരിഭവങ്ങളും പറഞ്ഞു ദേവിയെ തൊഴുത് തിരിഞ്ഞപ്പോൾ ചേച്ചി അടുത്തില്ല. ഇതെവിടെ പോയി ചിലപ്പോൾ പ്രദക്ഷിണം വയ്ക്കുകയായിരിക്കാം ഞാൻ കരുതി. ഞാനും പ്രദക്ഷിണം വച്ചു തിരികെ എത്തിയിട്ടും ആളേ കണ്ടില്ല. ഞാൻ പെട്ടെന്ന് ക്ഷേത്രത്തിന് പുറത്തിറങ്ങി നോക്കി അപ്പോൾ കുറച്ചു മാറി ഒരു കാർ ഉണ്ടായിരുന്നു അതിൽ ചേച്ചി കയറുന്നതാണ് കണ്ടത്. ഞാൻ പെട്ടെന്ന് ചേച്ചി എന്നു വിളിച്ചു കാറിനടുത്തേയ്ക്ക് ഓടിയെത്തിയപ്പോഴേക്കും കാർ മുന്നോട്ട് എടുത്തിരുന്നു.

ഞാൻ ഇനി എന്തു ചെയ്യുമെന്ന് അറിയാതെ അവിടിരുന്നു അലറി കരഞ്ഞു. എന്റെ ശബ്ദം കേട്ട് അമ്പലത്തിൽ ഉണ്ടായിരുന്നവർ എന്റെ ചുറ്റും കൂടി കാര്യം എന്താണെന്ന് തിരക്കി ഒന്നും പറയാനുള്ള അവസ്ഥയിലായിരുന്നില്ല ഞാനപ്പോൾ. അവരിലൊരാൾ എന്റെ വീടെവിടെയാണെന്ന് ചോദിച്ചു ഞാൻ പറഞ്ഞു കൊടുത്തു. രണ്ടു പേർ ചേർന്ന് എന്നെ വീട്ടിലേയ്ക്ക് കൂട്ടികൊണ്ടു പോയി. വീടെത്തി ഗേയ്റ്റ് തുറന്നപ്പോൾ വരാന്തയിൽ നിന്നും അച്ഛൻ ഇറങ്ങി വന്നു എന്റെ കോലം കണ്ടു വെപ്രാളത്തോടെ എനിക്ക് എന്താ പറ്റിയെ ചേച്ചി എവിടെ എന്നൊക്കെ ചോദിച്ചു കൊണ്ടിരുന്നു. കരച്ചിലു കാരണം ഒന്നും മിണ്ടാൻ പറ്റാത്ത അവസ്ഥയാണിപ്പോൾ. മുറ്റത്തെ ബഹളം കേട്ട് അകത്ത് നിന്ന് അമ്മയും അപ്പുറത്തെ വീട്ടിൽ നിന്ന് വല്ല്യച്ഛനും ഏട്ടൻമാരും ഇറങ്ങി വന്നു. എന്നെ വീട്ടിൽ കൊണ്ടുവന്ന് ആക്കിയവർ അപ്പോഴേക്കും പോയിരുന്നു. എല്ലാവരും എന്റെ ചുറ്റിനും നിന്ന് എന്താ കാര്യമെന്ന് ചോദിച്ചപ്പോൾ ഞാൻ മടിച്ചു മടിച്ചു അമ്പലത്തിൽ വച്ച് കണ്ട കാര്യം പറഞ്ഞു.

പെട്ടെന്ന് എന്റെ കവിളിൽ അച്ഛൻ അടിച്ചു എന്താ നടന്നതെന്ന് മനസ്സിലാവുന്നേനു മുന്നേ അടുത്ത അടിയും വീണു കഴിഞ്ഞിരുന്നു പെട്ടെന്ന് ഏട്ടൻ അച്ഛനെ പിടിച്ചു മാറ്റി അച്ഛൻ ദേഷ്യം കൊണ്ട് വിറക്കുകയായിരുന്നു ചേച്ചിക്ക് ഒളിച്ചോടാൻ കൂട്ടു നിന്നു എന്നും പറഞ്ഞു പിന്നേയും എന്നെ ആടിക്കാൻ വന്നു അപ്പോഴേക്കും വല്ല്യച്ഛൻ വന്നു എന്നെ പിടിച്ചു മാറ്റി. സന്തോഷം കൊണ്ട് നിറഞ്ഞ വീട് പെട്ടെന്നാണ് മരണവീടിനു തുല്യമായത്. എനിക്ക് ഒന്നും അറിയില്ലായിരുന്നു എന്നു പറഞ്ഞു ഞാൻ കരഞ്ഞുകൊണ്ടിരുന്നു. ഇനി എന്ത് എന്നുള്ളതി ബാക്കി എല്ലാവരുടേയും മനസ്സിൽ. ഏട്ടൻമാർ ചേച്ചിയെ അന്വേഷിക്കാനായി പുറത്തിറങ്ങി. വല്ല്യച്ഛൻ ആകെ തകർന്ന അവസ്ഥയിലാണ് ചെറുക്കൻ വീട്ടുകാരോട് എന്തു പറയും. വല്ല്യച്ഛന്റെ സർവ്വവും തകർന്നുള്ള ഇരുപ്പ് കണ്ടിട്ടെനിക്ക് സഹിക്കുന്നുണ്ടായിരുന്നില്ല.

അച്ഛനൊപ്പം തന്നെ വല്ല്യച്ഛനും എനിക്ക് ജീവനായിരുന്നു ഒരു നിമിഷം ഞാൻ ചേച്ചിയെ ശപിച്ചു പോയി. അന്വേഷിച്ചു പോയ ഏട്ടൻമാർ ഒരു വിവരവും ലഭിക്കാതെ തിരികെ വന്നു. പതിയെ പതിയെ നാട്ടുകാർ ഓരോരുത്തരായി കാര്യങ്ങൾ അറിഞ്ഞു തുടങ്ങി. പോലീസിൽ പരാതി കൊടുക്കാമെന്ന് ചിലരൊക്കെ പറഞ്ഞു. അല്പസമയത്തിനകം തന്നെ ഒരു കാർ വീട്ടുമുറ്റത്ത് വന്നു നിന്നു. കാര്യങ്ങളറിഞ്ഞ് ചെറുക്കന്റെ വീട്ടിൽ നിന്നും വന്നതാണ്. ചെറുക്കന്റെ അച്ഛനും ചെറിയച്ഛനും അമ്മാവൻമാരും ഒക്കെ ഉണ്ട് . ചെറുക്കന്റെ അമ്മാവൻ വലിയച്ഛനോട് എന്തൊക്കെയോ കയർത്തു സംസാരിക്കുന്നുണ്ടായിരുന്നു.

വളർത്തുദോഷം കാരണമാണ് മകൾ കണ്ണിൽ കണ്ടവന്റെ കൂടെ പോയതെന്നും, നാട്ടുകാരുടെ മുന്നിൽ അവർ നാണം കെട്ടതിന് അവർ നഷ്ടപരിഹാരം ഒക്കെ വേണമെന്ന് പറഞ്ഞ് അയാൾ ആകെ ബഹളമായി. ഒടുവിൽ ഏട്ടനും അയാളും കയ്യാങ്കളിയിലെത്തുന്ന അവസ്ഥ വന്നപ്പോൾ ചെറുക്കന്റെ അച്ഛൻ അവരെ പിടിച്ചു മാറ്റി. അച്ഛൻ ഇടപെട്ട് അവരോട് അവർക്കു വന്ന നഷ്ടങ്ങൾക്കു എന്തു പരിഹാരം വേണമെങ്കിലും ചെയ്യാം എന്നു പറഞ്ഞു. അവർക്ക് നിശ്ചയിച്ച മുഹൂർതത്തിൽ തന്നെ കല്ല്യാണം നടത്തണമെന്ന് വാശി. ഈ നാലഞ്ച് ദിവസത്തിനുള്ളിൽ തന്നെ എവിടുന്ന് പെണ്ണിനെ കിട്ടനാണ് എന്നായി. പെട്ടെന്ന് അച്ഛൻ പറഞ്ഞു എനിക്ക് ഒരു മോൾ ഉണ്ട് നിങ്ങൾക്ക് ഇഷ്ടമാണെങ്കൽ ഞങ്ങൾക് സമ്മതമാണെന്ന്. അവർ ഒന്നു കൂടി ആലോചിച്ചതിനു ശേഷം സമ്മതം പറഞ്ഞു. കാരണം നാട്ടുകാരുടെ മുന്നിൽ നാണം കെടാതിരിക്കാൻ അവർക്കു വേറേ മാർഗ്ഗം ഇല്ലായിരുന്നു.

എന്നോട് ഒന്നു ചോദിക്കുകയോ എന്റെ ഇഷ്ടം നോക്കുകയോ ചെയ്യാതെ അച്ഛൻ അവർക്ക് ഉറപ്പു കൊടുത്തു. ചേച്ചിക്ക് ഒളിച്ചോടാൻ കൂട്ടുനിന്നു എന്നു പറഞ്ഞതിനേക്കാൾ വേദന തോന്നുന്നു ഇപ്പോൾ. അങ്ങനെ കാര്യങ്ങൾക്ക് ഒരു തീരുമാനം ആയി അവരൊക്കെ തിരികെ പോയി. പിന്നെ എല്ലാം വളരെ പെട്ടന്നായിരുന്നു. ഞൻ ഒന്നിലും പെടാതെ മാറി നിന്നു ആകെ ഒറ്റപ്പെട്ടു പോയ പോലെ. സങ്കടങ്ങൾ ഇറക്കിവയ്ക്കാൻ എനിക്ക് ഒരു ഉറ്റമിത്രം പോലും ഇല്ലാ. ഒരുപാട് സുഹൃത്തുക്കൾ ഉണ്ടെങ്കിലും അതിൽ ഒരാളുപോലും best friend ആയിട്ട് ഇല്ലായിരുന്നു എനിക്ക്. അന്നത്തെ സംഭവത്തിനു ശേഷം എന്റെ അച്ഛൻ എന്നോട് ഒന്നു മിണ്ടിയിട്ട് കൂടിയില്ല അതാണ് എന്നെ ഏറെ തളർത്തിയത്. ഇന്നാണ് എന്റെ കല്യാണം ഒടുവിൽ ചേച്ചിക്കു കണ്ടെത്തിയ ആൾ എനിക്ക് വരനാകുന്നു ഇനി എന്തൊക്കെ ആണോ എന്റെ ജീവിതത്തിൽ സംഭവിക്കാൻ പോകുന്നത്. ......................(തുടരും)