💟 സങ്കീർത്തനം 💟: ഭാഗം 11

രചന: കാർത്തിക

ദേഷ്യത്തോടെ എന്റെ നേർക്ക് വന്ന് ഞനെഴുതി കൊണ്ടിരുന്ന നോട്ട് വാങ്ങി രണ്ടായിട്ടു വലിച്ചു കീറി, എന്നിട്ട് എന്നോട് കുറേ ഷൗട്ട് ചെയ്തു എന്നെ പുറത്താക്കി. ക്ലാസ് കഴിഞ്ഞിട്ട് സർനെ കണ്ടിട്ട് ക്ലാസിൽ കയറിയാൽ മതിയെന്നും പറഞ്ഞു. ആദ്യമായിട്ടാണ് എന്നെ ക്ലാസിന് പുറത്താക്കുന്നത് അതെനിക്ക് വിഷമമായി. കുട്ടികൾ എല്ലാവരും എന്നെ നോക്കുന്നുണ്ടായിരുന്നു ഞാൻ എന്തൊ കുറ്റം ചെയ്ത പോലെയാണ് അവരുടെ ഭാവം. ക്ലാസിൽ നിന്നും ഇറങ്ങുമ്പോഴേക്കും എന്റെ കണ്ണുകൾ നിറഞ്ഞൊഴുകാൻ തുടങ്ങിയിരുന്നു. ഞാൻ പുറത്തിറങ്ങി നിന്നു. ആ ഹവർ കഴിഞ്ഞപ്പോൾ സർ സ്റ്റാഫ് റൂമിലേക്ക് പോയി, കുറച്ചു പുറകിലായി ഞാനും പോയി കണ്ടിട്ട് ക്ലാസിൽ കയറിയാൽ മതിയെന്നില്ലേ പറഞ്ഞത്. ഞാൻ ചെല്ലുമ്പോൾ ഒട്ടുമിക്ക ടിച്ചേസും അവിടുണ്ട്, അഭിഏട്ടനും അവിടുണ്ടായിരുന്നു ഒപ്പം ജിതയും കീർത്തി എന്താ ഇവിടെ എന്നുള്ള റിനുമിസ്സിന്റെ ചോദ്യം കേട്ടാണ് അത്രയും സമയം സംസാരിച്ചുകൊണ്ടിരുന്ന അഭിയേട്ടനും ജിതയും എന്നെ നോക്കിയത്.

മിസ്സിന് മറുപടി കൊടുക്കുന്നതിനു മുൻപായി ഞാൻ അവരെ രണ്ടു പേരേയും ഒന്ന് നോക്കി, അഭിഏട്ടന് എന്നെ ആക്ഷേപിക്കാനുള്ള ഇന്നത്തെ കാരണം കിട്ടി എന്നാണ് ഞാനപ്പോൾ ആലോചിച്ചത്. അപ്പോഴേക്കും രുദ്രൻ സർ സംസാരിച്ചു തുടങ്ങിയിരുന്നു " നോക്ക് കുട്ടി എന്റെ ക്ലാസിലിരിക്കുവാണേങ്കിൽ അതിന്റേതായ രീതിയിൽ തന്നെ ബിഹേവ് ചെയ്യണം, ഞാനിവിടെ കിടന്നു തൊണ്ട പൊട്ടി പഠിപ്പിക്കുമ്പോൾ തന്റെ ഇഷ്ടത്തിന് താനവിടിരുന്ന് നോട്ട് എഴുതുവാ ഇതൊന്നും എന്റെ ക്ലാസിൽ പറ്റില്ല. എനിയ്ക്ക് അത് ഇഷ്ടവുമല്ല മേലിൽ ഇതാവർത്തിക്കരുത് അനുസരിക്കാൻ പറ്റില്ലെങ്കിൽ തുടർന്നുള്ള എന്റെ ക്ലാസിൽ താൻ ഇരിക്കണമെന്നില്ല ഡോണ്ട് റിപ്പീറ്റ് ഇറ്റ് ഇതെന്റെ ലാസ്റ്റ് വാണിംഗ് ആണ്. തനിക്ക് പോകാം...... " ഹോ! ഒരു മഴപെയ്ത് തോർന്ന പോലൊരു ഫീൽ. ആരെയും നോക്കാതെ ഞാൻ അവിടുന്നും ക്ലാസ് റൂമിലേക്ക് പോയി. 🍁🍁🍁🍁🍁🍁🍁🍁🍁🍁🍁🍁🍁

എനിക്ക് ഇഷ്ടമില്ലാത്ത കാര്യമാണ് ഞാൻ ക്ലാസെടുക്കുമ്പോൾ കുട്ടികൾ മറ്റ് ആക്ടിവിറ്റീസ് ചെയ്യുന്നത്. തലേന്നേ നോട്ടമിട്ടതാ ഞാൻ ലാസ്റ്റ് ബഞ്ചിലിരുന്ന കുട്ടിയെ ഫസ്റ്റ് day ആയതുകൊണ്ടാ ഞാൻ വെറുതെ വിട്ടത് ഇന്നും അവർത്തിച്ചപ്പോഴാണ് പിടിച്ച് പുറത്താക്കിയതും സ്റ്റാഫ് റൂമിലേക്ക് വിളിച്ച് വഴക്കു പറഞ്ഞതും. ആരേയും നോക്കാതെ തല കുനിച്ച് പോയപ്പോൾ പറഞ്ഞത് കുറച്ചു കൂടിപ്പോയോ എന്ന് തോന്നി. "എന്താ സർ പ്രശ്നം " റിനു മിസ്സ് " ഞാൻ ക്ലാസെടുത്തു കൊണ്ടിരിക്കുമ്പോൾ അത് ശ്രദ്ധിക്കാതെ നോട്ട്സ് എഴുതുവായിരുന്നു ആ കുട്ടി, ഇന്നലെ ഞാൻ നോട്ടമിട്ടതാ " രുദ്രൻ സർ "അയ്യോ അവൾ സർ പറയുന്ന പോയിന്റ്സ് ഒക്കെ എഴുതി എടുക്കുന്നതാ, അങ്ങനെ മോശമായിട്ടുള്ള ഒരു കാര്യങ്ങും അവളുടെ ഭാഗത്ത് നിന്നും ഉണ്ടായിട്ടില്ല നന്നായിട്ട് പഠിക്കുന്ന കുട്ടിയ അവൾ, മാത്രവുമല്ല കഴിഞ്ഞ രണ്ട് സെമിലേയും ക്ലാസ് ടോപ്പർ ആ കുട്ടിയായിരുന്നു....." " അതിന്റെ അഹങ്കാരവും അവൾക്കിപ്പോ നല്ലോണം ഉണ്ട്......" അഭിജിത്ത്

" ഉം " ഞാനൊന്നു മൂളി എനിക്കെന്തോ ആ സംസാരം ഇഷ്ടമായില്ല. "അങ്ങനെയൊന്നുമില്ല അഭി സാറെ അതൊരു പാവം കുട്ടിയ..." ശ്രീലത മിസ്സ് "സാറിനിപ്പോൾ ക്ലാസില്ലേ " ഞാൻ "ഉണ്ട്, പോകുവാ " അഭി "ഇതാര സാറിനൊപ്പം ഉള്ളത് " കൂടെയുള്ള പെണ്ണിനെ ചൂണ്ടി ഞാൻ ചോദിച്ചു. "ഇത് വിജിത, ഇവിടെ തന്നെ പഠിപ്പിക്കുവാ നമ്മുടെ ഡിപ്പാർട്ട്മെന്റ് അല്ലാ, കൂടാതെ എന്റെ കസിനും കൂടിയാണ്...." അഭി "ഉം" ഞാനൊന്നു മൂളി 🍁🍁🍁🍁🍁🍁🍁🍁🍁🍁🍁🍁🍁 അന്ന് ക്ലാസ് കഴിഞ്ഞ് വീട്ടിലേക്ക് ചെല്ലുമ്പോൾ അഭിഏട്ടൻ എത്തിയിട്ടില്ലായിരുന്നു. ഫ്രഷായി അമ്മയുടെ അടുത്തേക്ക് ചെന്നപ്പോഴാണ് സൺഡെ ക്ഷേത്രത്തിൽ പോവുന്ന കാര്യം അമ്മ പറഞ്ഞത്. ഞാനില്ലമ്മേ എനിക്ക് ഡേറ്റ് ആണെന്നു പറഞ്ഞൊഴിഞ്ഞു ഞാൻ. ഞായറാഴ്ച പുലർച്ചെ തന്നെ അമ്മയും അച്ഛനും അഭിഏട്ടനും കൂടി ക്ഷേത്രത്തിലേക്ക് പുറപ്പെട്ടു. ഒൻപത് മണിയൊക്കെ കഴിഞ്ഞപ്പോൾ അച്ചുവും കൂട്ടുകാരന്റെ പെങ്ങളുടെ കല്ല്യാണത്തിന് പോകാൻ റെഡിയായി വന്നു.

ഒരുമിച്ചിരുന്നു ബ്രേക്ക് ഫാസ്റ്റ് കഴിക്കുമ്പോൾ "കീർത്തി നീ വരുന്നോ കല്ല്യാണത്തിന് പോകാൻ നീയിവിടെ തനിച്ചല്ലേ ഉള്ളു.... " "അത് സാരമില്ല ഞാൻ വരുന്നില്ല എനിക്ക് ഒത്തിരി പഠിക്കാനുണ്ട് " "ഉം " പോകാനിറങ്ങുമ്പോൾ ഡോറെല്ലാം ക്ലോസ് ചെയ്യണം എന്ന് അച്ചു അവളെ പ്രത്യേകം ഓർമ്മിപ്പിച്ചു. 🍁🍁🍁🍁🍁🍁🍁🍁🍁🍁🍁🍁🍁 ഇതേ സമയം അഭിയുടെ മനസ്സിൽ പല കണക്കുകൂട്ടലുകളും നടക്കുകയായിരുന്നു. ഇന്നത്തോടെ ആ നശിച്ചവളുടെ ശല്ല്യം തീരുമല്ലോ എന്നോർത്ത് അഭി സന്തോഷിച്ചു. എല്ലാം പ്ലാൻ ചെയ്ത പോലെ നടന്നാൽ മതിയായിരുന്നു. 🍁🍁🍁🍁🍁🍁🍁🍁🍁🍁🍁🍁🍁 അച്ചു പോയതിനു ശേഷം ഡോറും ലോക്ക് ചെയ്ത് ബാക്കിയുള്ള പണികളൊക്കെ തീർത്ത് കീർത്തി പഠിക്കാനിരുന്നു. സമയം പൊയ്ക്കൊണ്ടിരുന്നതൊന്നും അവളറിഞ്ഞില്ല. കോളിംഗ് ബെൽ ശബ്ദിച്ചപ്പോഴാണ് അവൾ സമയം നോക്കുന്നതു തന്നെ "അയ്യോ നേരമിത്രയൊക്കെയായൊ " പിന്നെയും ബെല്ലടിച്ചു. ക്ഷേത്രത്തിൽ പോയവർ എത്തിയിട്ടുണ്ടാകുമെന്ന ചിന്തയിൽ അവൾ താഴെയെത്തി വാതിൽ തുറന്നു അവൾ ഒട്ടും പ്രതീക്ഷിക്കാത്ത ആളായിരുന്നു അതിഥിയായി വന്നത് "വിമൽ" അവൾ ഒരു ഞെട്ടലോടെ പറഞ്ഞു.

" അതേല്ലോ വിമൽ തന്നെയാ അപ്പോൾ മോൾ ഈ ചേട്ടനെ മറന്നിട്ടില്ല അല്ലേ " "താനെന്താ ഇവിടെ" "അതെന്തൊരു ചോദ്യമാ കീർത്തി കുട്ടി ഇതെന്റെ അമ്മാവന്റെ വീടില്ലേ എനിക്കിവിടെ എപ്പോൾ വേണമെങ്കിലും വരാമല്ലോ " "അവരൊന്നും ഇവിടില്ല താനിപ്പോൾ പോ" ഡോർ തുറക്കാൻ തോന്നിയ നിമഷത്തെ ഞാൻ പഴിച്ചു "അതിന് ഞാനിപ്പോൾ വന്നത് എന്റെ കീർത്തി കൊച്ചിനെ കാണാനല്ലേ, മാത്രവുമല്ല അവരിവിടെ ഇല്ലാന്നും എനിക്കറിയാം" ഞാനൊരു ഞെട്ടലോടെ വിമലിന്റെ മുഖത്തേക്ക് നോക്കി "അതേന്നേ നിന്റെ ഭർത്താവ് ഇല്ലേ അഭിജിത്ത്, ഏട്ടനാ പറഞ്ഞെ നീയിവിടെ തനിച്ചാണെന്ന് അപ്പോൾ അവർ വരുന്നത് വരെ നിനക്ക് ഒരു കമ്പനി തരാമെന്ന് ഞാനും കരുതി" ഈശ്വരാ അഭിഏട്ടന് എങ്ങനെ കഴിഞ്ഞു എന്നോട് ഈ ചതി ചെയ്യാൻ എന്താ കീർത്തി മോളെ ഇത്, വീട്ടീലേക്ക് ഒരു അതിഥി വരുമ്പോൾ ഇങ്ങനെ പുറത്ത് നിർത്താൻ പാടുണ്ടോ എന്നും പറഞ്ഞവൻ അവളെ തള്ളിമാറ്റി അകത്ത് കയറി സോഫയിലേക്ക് ചെന്നിരുന്നു. "വാ ചേട്ടന്റെ കുട്ടി ഇവിടെ വന്നിരിക്ക് നമുക്ക് എന്തെങ്കിലുമൊക്കെ പറഞ്ഞിരിക്കാമെടോ " വിമലിന്റെ വാക്കുകൾ കേട്ട ഷോക്കിലായിരുന്നു കീർത്തി അപ്പോഴും, അവൾ തിരിഞ്ഞു നോക്കിയപ്പോൾ സോഫയിലിരിക്കുന്ന വിമലിനെയാണ് കാണുന്നത്................ തുടരും..

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...