💟 സങ്കീർത്തനം 💟: ഭാഗം 12

രചന: കാർത്തിക

ഉള്ളിലുള്ള പേടി മുഖത്ത് കാണിക്കാതെ ധൈര്യത്തോടെ അവൾ സോഫയിലിരുന്നു തന്നെ നോക്കുന്ന വിമലിനടുത്തേക്ക് ചെന്നു "ഇറങ്ങിപ്പോടാ ഇവിടുന്ന് " മറുപടിയായി സോഫയിലിരുന്നു കൊണ്ട് തന്നെ അവളെ വലിച്ചു തന്റെ ദേഹത്തേക്കിട്ടു, കീർത്തി അതൊട്ടും പ്രതീക്ഷിച്ചില്ല. അവന്റെ കൈപ്പിടിയിൽ നിന്നും കുതറിമാറാൻ ശ്രമിച്ചു കൊണ്ടിരുന്നു അവൾ. താനിവിടെ തളരാൻ പാടില്ല തളർന്നുപോയൽ ഈ ദുഷ്ടന്റെ മുന്നിൽ എന്റെ മാനം പോകും. എങ്ങനൊക്കെയോ അവന്റെ പിടിയിൽ നിന്നും കുതറി മാറി കീർത്തി പുറത്തെക്ക് ഓടാൻ നോക്കി അവളുടെ നീക്കം മനസ്സിലാക്കിയിട്ടാവണം അവൻ മുൻവശത്തെ ഡോറിനടുത്തേക്ക് പോയി. ഇനിയും അവിടെ നിന്നാൽ അവനിൽ നിന്നും രക്ഷപ്പെടാൻ കഴിയില്ല എന്നു മനസ്സിലാക്കിയ അവൾ പെട്ടെന്ന് തിരിഞ്ഞ് സ്റ്റെയർ കയറി ഓടി അവളുടെ റൂമിലേക്ക് പോയി. താൻ വിചാരിച്ച പോലെ കാര്യങ്ങൾ നടക്കുന്നുണ്ടെന്ന് മനസ്സിലാക്കിയ വിമൽ കൗശലത്തോടെ മുൻവശത്തെ ഡോർ തുറന്നിട്ടു കൊണ്ട് കീർത്തിയുടെ പിന്നാലെ ഓടി.

ഓടിയണച്ച് അവൾ റൂമിലെത്തി ക്ലോസ് ചെയ്യാൻ നോക്കുമ്പോഴേക്കും അവനും അവിടെ എത്തിയിരുന്നു. നിമിഷ നേരം കൊണ്ട് തന്നെ അവൾ ലോക്ക് ചെയ്യാൻ നോക്കിയ വാതിൽ തുറന്നവൻ അകത്തേക്ക് കയറിയിരുന്നു. "നീ വന്ന അന്നു മുതൽ നിന്നെ നോട്ടമിട്ടതാ ഞാൻ, നിന്നെ ഇവിടുന്ന് ഇറക്കി വിടാനുള്ള ഒരു ഡ്രാമ മാത്രമാണ് ഇതെന്നാണ് അഭിഏട്ടനെ പറഞ്ഞു വിശ്വസിപ്പിച്ചത്...." " പക്ഷെ എനിക്ക് അങ്ങനെ വിടാനാവില്ലല്ലോ നിന്നെ ഒത്തിരി മോഹിച്ചു പോയി നിന്റെ ഈ ശരീരം, ഒരുപാട് ഒന്നും വേണ്ട ഒരു ഒറ്റ പ്രാവശ്യം മതി എനിക്ക് നിന്നെ " " ഇതു പോലെ ഒരവസരം ഇനിയെനിക്ക് കിട്ടില്ല..... വാടി ഇങ്ങോട്ട്.... " അവളെ പിടിച്ചു വലിച്ചവൻ ബെഡിലേക്കിട്ടു. എന്നെ ഒന്നും ചെയ്യരുതെന്ന് അവൾ പറയുന്നുണ്ടായിരുന്നു. " ഇപ്പോൾ എവിടെ പോയെടി നിന്റെ ശൗര്യമൊക്കെ അന്നെന്നെ തല്ലാൻ നിനക്ക് നല്ല തന്റെടമായിരുന്നല്ലോ,

അപ്പോഴൊന്നും പൊന്നുമോൾ വിചാരിച്ചിട്ടുണ്ടാവില്ല അല്ലേ എനിക്ക് ഇങ്ങനെ ഒരു അവസരം കിട്ടുമെന്ന്.... " അതും പറഞ്ഞവൻ അവളുടെ മേലേക്ക് ചാഞ്ഞു. അവളുടെ ചെറുത്തു നിൽക്കാനുള്ള ശ്രമമൊക്കെ പാഴായി കൊണ്ടിരുന്നു. അവന്റെ ചുണ്ടുകൾ അവളുടേതുമായി കോർക്കാനായി തുടങ്ങി. അവന്റെ ചുടുശ്വസം അവളുടെ കവിളിൽ തട്ടിയപ്പോൾ അവൾ കണ്ണുകൾ ഇറുക്കിയടച്ചു. പെട്ടെന്ന് "ഡാ...... " അഭിയുടെ അച്ഛനായിരുന്നു അത് മുന്നിലുള്ള കാഴ്ച കണ്ട് ദേഷ്യം കൊണ്ട് വിറക്കുകയാണ്. കൂടെയള്ളവരും അതുപോലെ ഒരു അവസ്ഥയിൽ തന്നെയായിരുന്നു. അവന്റെ കൈകൾ ഒന്നയഞ്ഞു എന്നു മനസ്സിലാക്കിയ കീർത്തി അവനെ തള്ളിമാറ്റി പെട്ടെന്ന് ബെഡിൽ നിന്നും ചാടി എഴുന്നേറ്റു. മുന്നിൽ നിൽക്കുന്നവരെ കണ്ടപ്പോൾ അവൾക്ക് സങ്കടം സഹിക്കാനായില്ല. അഭിയും അവന്റെ അച്ഛനും അമ്മയും സഹോദരിയും ഭർത്താവും ഒക്കെ ഉണ്ടായിരുന്നു. അവരുടെ ഡ്രാമയുടെ അടുത്ത സീൻ എന്ന പോലെ അഭി വിമലിനടുത്തേക്ക് പാഞ്ഞടുത്തു.

അവന്റെ ഷർട്ടിന്റെ കോളറിൽ പിടിച്ചു വലിച്ചു "നീയെന്താടാ ഞങ്ങൾ ആരും ഇല്ലാതിരുന്ന നേരത്തിവിടെ വന്നത്" "ഞാൻ വന്നതല്ല എന്നെ വിളിച്ചു വരുത്തിയതാ ഇവൾ, ഇവിടെ ആരും ഇല്ലെന്നും പറഞ്ഞ് " എല്ലാവരും അവൻ പറയുന്നത് ശരിയാണെന്ന് ഉള്ള ഭാവത്തിലാണ് നിൽപ്പ്. "എന്റെ ഭാര്യയെ കുറിച്ച് കള്ളം പറയുന്നോടാ, അവൾ അങ്ങനെ ഒന്നും ചെയ്യില്ലാന്ന് എനിക്ക് ഉറപ്പുണ്ട്... " അഭിയുടെ കൈകളെ ബലമായി പിടിച്ചു മാറ്റികൊണ്ടവൻ മറ്റുള്ളവർക്ക് നേരേ തിരിഞ്ഞു. ഞാൻ പറഞ്ഞത് സത്യമാണ് അമ്മായി ഇവൾ വിളിച്ചിട്ടാ ഞാൻ വന്നത്. ഞങ്ങൾ തമ്മിൽ ഇഷ്ടത്തിലായിരുന്നു. ഇന്ന് രാവിലെ ഇവളാണ് എന്നെ വിളിച്ചത് നിങ്ങൾ എല്ലാവരും ക്ഷേത്രത്തിലേക്ക് പോകുന്നുണ്ടെന്നും അവർ പോയി കഴിഞ്ഞതിന് ശേഷം വീട്ടിലേക്ക് വരണമെന്നും പറഞ്ഞു. എന്റേൽ തെളിവുണ്ട്, എന്നും പറഞ്ഞ് അവൻ മൊബൈലെടുത്ത് അഭിയെ കാണിച്ചു. ശരിയാ രാവിലെ ഇവിടുത്തെ ലാന്റ് ഫോണിൽ നിന്നും ഇതിലേക്ക് വിളിച്ചിട്ടുണ്ട് അഭി മറ്റുള്ളവരോടായി പറഞ്ഞു.

എവിടെ നോക്കട്ടേ എന്നും പറഞ്ഞ് അഭിയുടെ പെങ്ങൾ ഫോൺ വാങ്ങി നോക്കി. ശരിയാ അച്ഛാ ഇവൾ നമ്മളെ ചതിക്കുവായിരുന്നു. താനിനി എന്തു പറഞ്ഞാലും അവരാരും വിശ്വസിക്കില്ല എന്ന് കീർത്തിക്ക് ബോധ്യമായി തുടങ്ങി. അത്രയുമായപ്പോഴേക്കും അഭി അവൾക്കു നേരെ പാഞ്ഞടുത്ത് ഒരു കൈ കൊണ്ടവളുടെ മുടിയിൽ ചുറ്റിപ്പിടിച്ചു. "എന്നെ നീ ചതിക്കുവായിരുന്നു അല്ലേടി" ''ഇല്ലാ എനിക്കൊന്നും അറിയില്ല, ഞാൻ ചതിച്ചിട്ടില്ല..... എന്നെ വിശ്വസിക്കണം" അവൾ കരഞ്ഞുകൊണ്ട് അപേക്ഷിച്ചു. "കള്ളമോ, അപ്പോൾ ഇതെന്താ " എന്നും ചോദിച്ചു കൊണ്ട് വിമൽ തന്റെ മൊബൈലിൽ ഉള്ള വീഡിയോ എല്ലാവരേയും കാണിച്ചു. കോളേജിൽ വച്ച് നടന്ന പ്രൊപ്പോസിംഗ് സീൻ ആണ് അത്. " ഇപ്പോൾ എല്ലാവരും അറിഞ്ഞപ്പോൾ നീയെന്നെ മാത്രം കുറ്റക്കാരനാക്കി പതിവ്രത ചമയുന്നോ..."

വിമൽ അഭി സങ്കടമഭിനയിച്ച് കീർത്തിയുടെ അടുത്തേക്ക് ചെന്നു. "നിന്നെ ഞാൻ സ്നേഹിച്ചു തുടങ്ങിയതല്ലേ..... മറ്റുള്ളതെല്ലാം മറന്ന് നമ്മൾ ജീവിച്ച് തുടങ്ങിയതല്ലേ......" " എന്നിൽ എന്ത് കുറവുണ്ടായിട്ടാണ് നീ ഇവനെ തിരക്കി പോയത്..... " " എന്റെ മോനെ ചതിച്ചല്ലേ നീ, ഞങ്ങളോട് ഇത് വേണ്ടായിരുന്നു " അഭിയുടെ അമ്മയായിരുന്നു അത്. ഒന്നും പറയാനാവതെ കീർത്തി പൊട്ടിക്കരഞ്ഞു. "അച്ഛാ, എന്നെ ചതിച്ച ഇവളെ ഇനി എനിക്ക് വേണ്ട...... ഡിവോസ് ചെയ്യാൻ പോകുവാ ഞാനിവളെ, അതിനിനി നിങ്ങൾ ആരെതിർത്തിട്ടും കാര്യമില്ല. ഞാൻ ചെയ്തിരിക്കും.... " "പിന്നെ ഇന്നുതന്നെ ഇവളുടെ വീട്ടുകാരെ വിളിച്ച്, സത്യാവസ്ഥ ബോധ്യപ്പെടുത്തി അവരുടെ കൂടെ ഇവളെ പറഞ്ഞു വിടണം" അഭി പറഞ്ഞു. അതിനു മറുപടിയായി ഒന്നു മൂളി കൊണ്ട് അഭയുടെ അച്ഛൻ ആ മുറിവിട്ട് പോയി.

പിറകെ മറ്റുള്ളവരും. അഭിയും വിമലും കീർത്തിയും മാത്രമായി ആ റൂമിൽ. അഭിയും വിമലും മുഖത്തോട് മുഖം നോക്കി പുഞ്ചിരിച്ചു അതു കണ്ട കീർത്തിയുടെ കണ്ണുകളിൽ തീയാളി. അവൾ ക്രോധത്തോടെ അഭിയുടെ നേർക്ക് വന്നു. "നിങ്ങൾ ഇത്രയും നീചനായിരുന്നു എന്ന് ഞാൻ കരുതിയില്ല. ഒരു വാക്ക് പറഞ്ഞിരുന്നെങ്കിൽ ഞാൻ തന്നെ ഒഴിഞ്ഞു പോകുമായിരുന്നല്ലോ അതിന് ഇത്രയും തരം താഴ്ന്ന പ്രവൃത്തി നിങ്ങൾ ചെയ്യേണ്ടിയിരുന്നില്ല എനിക്കിപ്പോൾ എന്നോട് തന്നെ അറപ്പ് തോന്നുവാ നിങ്ങളുടെ കൈ കൊണ്ട് കെട്ടിയ താലിയാണല്ലോ എന്റെ നെഞ്ചിൽ ചേർന്ന് കിടക്കുന്നതെന്ന് ആലോചിച്ചിട്ട്..... " "ഇതിനൊക്കെ നിങ്ങൾ അനുഭവിക്കും നോക്കിക്കോ......" "ഒന്നു പോടി....." അവളെ നോക്കി പുച്ഛിച്ചു കൊണ്ട് അവൻ പുറത്തേക്ക് പോയി. "എന്റെ കൈയ്യിൽ നിന്നും നീ രക്ഷപ്പെട്ടെന്ന് കരുതണ്ട. വിടില്ല നിന്നെ ഞാൻ...... " വിമൽ............ തുടരും..

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക...